Рәсәй-Башҡортостан каналының “Цифралы десанты” сәйәхәтен дауам итә

Сиратта – Баймаҡ. 14 сентябрҙә “Башҡортостан” дәүләт теллерадиокомпанияһы һәм РТРС хеҙмәткәрҙәре төбәктең иң ҙур райондарының береһенә барып, цифралы телевидениеның үҙенсәлектәре менән урындағы халыҡты таныштырасаҡ. Тиҫтәгә яҡын район,  йөҙәрләгән бүләктәр, меңәрләгән шат йөҙҙәр һәм ҡәнәғәт халыҡ. Беҙҙең телеканалдың “цифралы десанты” республикала “цифраны тоҡандыра”. РТРС менән берлектә ойошторолған акция үҙенең маҡсатына ирешеп, Башҡортостан буйлап сәйәхәтен дауам итә. Дыуан, Миәкә, Стәрлетамаҡ һәм уларҙың күрше райондарында йәшәүселәр цифраның мөмкинлектәре менән танышып,  сифатлы телевидение ҡарай башланы. Уның өҫтөнлөгөн үҙҙәрендә һынап ҡараған кешеләр,  цифралы сигналдың күпкә яҡшыраҡ, уның һүрәте лә сағыу, тауышы ла сифатлыраҡ булыуын билдәләй.Акция сиктәрендә РТРС хеҙмәткәрҙәре үҙҙәре цифралы телевидениеның үҙенсәлектәре менән  таныштыра, халыҡты ҡыҙыҡһындырған барлыҡ һорауҙарға ла яуап бирә. Ә инде райондың күп балалы ғаиләләренә цифралы приставка алып, антен һәм уларҙы урынлаштырыу – бүләккә.Бүләктәр байрамға килгән, “Рәсәй-Башҡортостан” каналы алып барыусылары үткәргән конкурстарҙа әүҙем ҡатнашҡан кешеләргә лә эләкте. Иҫтәлеккә сувенирҙар, приставкалар, ә төп приз – телевизор.Бүләктәр, файҙалы мәғлүмәттәр, аралашыуҙан тыш, “Цифраны тоҡандыр” акцияһы сиктәрендә моңло йырҙар тыңлап, дәртле бейеүҙәр ҡарап, сәхнә һәм эфир йондоҙҙарының сығыштарын ҡарау мөмкинлеге лә бар. 14 сентрябрҙә “Рәсәй-Башҡортостан” каналының “цифралы десант”ы республтканың иң ҙур райондарының береһе – Баймаҡта буласаҡ. Урындағы халыҡты һәм күрше райондарҙа йәшәүселәрҙе киске сәғәт етегә Салауат Юлаев исемендәге мәҙәниәт һәм ял паркына саҡырабыҙ. “Цифраны тоҡандыр” акцияһында ҡатнашҡандарҙың фекерен иҫәпкә алғанда, сарала һис шикһеҙ күңелле буласаҡ.Һеҙҙе уйындар, концерт программаһы, диджей Фәтихтән дискотека һәм төп приз – телевизор көтә. Шулай уҡ, “Хәйерле иртә, республика” һәм “Хәбәрҙәр” программаларында ҡатнашыу мөмкинлеге бар. Сөнки сара ваҡытында Өфөләге студия менән тура бәйләнеш булдырыла, акцияның барышы менән “Рәсәй-Башҡортостан” каналында таныша алаһығыҙ.

Подпишитесь на наш Telegram-канал