Был һөнәргә бөтөү хәүефе янамай | ГТРК «Башкортостан» — Новости Уфы и РБ

Был һөнәргә бөтөү хәүефе янамай

Ауылда ул элиталы хеҙмәттәр иҫәбендә. Дүрт тиҫтә йыл фермала эшләгән Зинаида Сухорева һауынсы хеҙмәтенә тоғро. Хеҙмәт кенәгәһендә бер яҙыу – һауынсы. 1978 йылда һигеҙ класс тамамлап фермаға эшкә килгән 15 йәшлек ҡыҙ бында 40 йылға ҡала. Ул саҡтағы Салауат исемендәге колхоз ошо арауыҡта тиҫтәләгән төрлө үҙгәреш кисерә. 40 йыл элек 25 һауынсыны берләштергән 22 төркөм өс сменаға бүленеп һәр береһе ҡул менән 20 һыйыр һауып ҡына ҡалмай. 40 литрлы фляга менән һыу килтереп мал йыуа, ҡапсыҡлап он ташып уға ашарға һала, көрәкләп тиреҫ ташлай, һөт һауып алғандан һуң быҙау ҡарай. Барыбер күңелле ине, ти Зинаида Николаевна. Бер мәл колхоз тарҡалып һөнәрҙең бәҫе төшөп торҙо, бөгөн иһә барыһы ла яҡшы. Һөткә ихтыяж ҙур, фермала уңайлы. Хужалыҡ етәкселеге хеҙмәт шарттары ғына түгел, эшсәндәрҙең шәхси хужалығы һәм кәйефен дә хәстәрләй. Йыл һайын тиҫтәләгән кешегә шифаханала сәләмәтеген нығытыу мөмкинлеген бирә. Элекке колхоздың исеменә тоғро Салауат йәмғиәтендә 6 мең гектар ер, мең дә дүрт йөҙ баш эре мал, шуның алты йөҙө һауын һыйыр. Ауыл хужалығы тармаҡтарының барыһы ла өҫтөн, ти Василий Иванович. Иң мөһиме эш механизациялы яйға һалынған. Һауынсылар ун йыл инде автомат ҡуллана. Ҡул менән һауаһыңмы, машинамы, һәр һыйыр үҙенә айырым иғтибар талап итә. Зинаида Николаевна уларҙың иллеһенә лә көн дә ваҡыт таба. Һыйырҙар таҙа, күңелдәре көр, көнөнә 23 ярым литр һөт бирәләр. Зинаида Николаевна шәхси хужалығын да бөхтәлектә тота. Ике һыйыр, ат, ваҡ мал, ҡош-ҡорт, баҡса. Яңғыҙы дүрт бала тәрбиәләп үҫтергән. Улдарының береһе малсы, икенсеһе механизатор, өлкән улы менән ҡыҙы төҙөүселәр. Биш йыл элек бергәләп иркен йорт һалып сыҡҡандар. Бар уңайлыҡтар өйҙә. Ауыл хужалығы хеҙмәткәрҙәренең һөнәри байрамы алдынан Зинаида Сухорева республиканың юғары дәүләт наградаһына лайыҡ. Фиҙәҡәр хеҙмәте өсөн бөгөн ул Башҡортостандың атҡаҙанған ауыл хужалығы хеҙмәткәре исемен алды. Алдынғы һауынсы хаҡлы ялға ашыҡмай. Башҡаларға өлгө күрһәтеп, ауылдағы элиталы һөнәрҙе киң танытып, яңы көс-дәрт менән артабан эшләргә әҙер. Хеҙмәтемде яратам, ти Зинаида Николаевна.

Подпишитесь на нас в Google Новости


һУҢҒЫ ХӘБӘРҘӘР

Тағы ике госпиталь төҙөлә | ГТРК «Башкортостан»

Тағы ике госпиталь төҙөлә

Башҡортостанда тағы ла ике инфекцион госпиталь төҙөлөшө башлана. Был хаҡта Республика Хөкүмәте рәйесе Андрей Назаров белдерҙе.    Октябрьский һәм Сибайҙа ковид-госпиталдәр төҙөү тураһындағы ҡарарҙы төбәк етәксеһе Әбйәлил районы Дауыт ауылы халҡы менән аралашҡанда әйтеп ишеттерҙе. «...

46 min 17 sec ago
ПЦР тест кәрәкмәй | ГТРК «Башкортостан»

ПЦР тест кәрәкмәй

25 октябрҙән республикала сикләүҙәрҙең өсөнсө пакеты ғәмәлгә инде Хәҙер кешеләр күпләп йыйылған урында мотлаҡ рәүештә - Ковид-19 ға ҡаршы вакцина эшләтеү тураһында сертификат - йә үткән алты айҙа коронавирус менән ауырыу тураһында табип белешмәһе - паспорт йә шәхесте танытҡан башҡа...

3 hours 16 min ago
Кремль диуары кителгән | ГТРК «Башкортостан»

Кремль диуары кителгән

Көслө дауыл Мәскәү Кремле диуарынан төҙөлөш баҫҡыстарын осороп алып киткән. Мәғлүмәт сығанаҡтары был ваҡиғаның видеокүренешен тарата. Кадрҙарҙан күренеүенсә, ҡоролмалар ҡолап селпәрәмә килә.     Кремль диуарының сығынтыһы зыян күргән. Көнэлгәре Ғәҙәттән тыш хәлдәр министрлығы...

22 October 2021
ЗАГСтар реестр моделенә күсә.  | ГТРК «Башкортостан»

ЗАГСтар реестр моделенә күсә.

2023 йылдан Рәсәйҙә ЗАГСтар реестр моделенә күсә. ⠀ Гражданлыҡ хәле тураһындағы акттарҙың барыһы ла (тыуыу, үлем, никахлашыу йәки айырылышыу тураһындағы таныҡлыҡтар) әле үк электрон реестрҙа һаҡлана. 2023 йылдан граждандың хоҡуҡи хәле  тураһындағы мәғлүмәт сығанағы булараҡ ҡағыҙҙағы...

22 October 2021
Өфөлә  10  йәшлек баланы туҡмаған ҡатын “Хәбәрҙәр”ҙең съемка төркөмөнә һөжүм итте | ГТРК «Башкортостан»

Өфөлә 10 йәшлек баланы туҡмаған ҡатын “Хәбәрҙәр”ҙең съемка төркөмөнә һөжүм итте

22 октябрҙә, Ладыгин урамындағы йорттарҙың береһендә “Хәбәрҙәр”ҙең съемка төркөмөнә репортаж әҙерләгән мәлдә һөжүм иттеләр. Йорт эргәһендә ҡарауһыҙ бесәйҙәрҙе ашатып торған  10  йәшлек балаға ташланған ҡатын ошо ҡылығына аңлатма биреүҙе үтенгән беҙҙең хәбәрсегә билдәһеҙ шыйыҡса һибә һәм...

22 October 2021
Прививка ҡаҙатмаған депутатты ултырыштарға үткәрмәүҙәре ихтимал | ГТРК «Башкортостан»

Прививка ҡаҙатмаған депутатты ултырыштарға үткәрмәүҙәре ихтимал

Башҡортостанда коронавирус инфекцияһынан прививка яһатмаған депутаттарҙы Дәүләт Йыйылышы-Ҡоролтайҙың ултырыштарына үткәрмәүҙәре ихтималлығы тураһында парламент рәйесе Константин Толкачев белдерҙе. «110 депутаттың 67-һе коронавируслы инфекцияны үткәргән. 88 кеше, йәғни 80% прививка яһатҡан. 22...

22 October 2021
РФ Дәүләт Думаһының элекке депутаты Иршат Фәхретдинов коронавирустан мәрхүм булды | ГТРК «Башкортостан»

РФ Дәүләт Думаһының элекке депутаты Иршат Фәхретдинов коронавирустан мәрхүм булды

Был турала Дәүләт Йыйылышы-Ҡоролтайҙың вице-спикеры, «Берҙәм Рәсәй»ҙең төбәк башҡарма комитеты етәксеһе Рөстәм Әхмәҙинуров социаль селтәрҙә хәбәр итте. «Бөгөн төндә беҙҙең иптәшебеҙ, Дәүләт Думаһының 5-се һәм 6-сы саҡырылыштары депутаты, өс һуғышты үткән полковник Иршат Фәхритдинов мәрхүм булды...

22 October 2021
Ялдар йылы була  | ГТРК «Башкортостан»

Ялдар йылы була

Синоптиктар Башҡортостанда шәмбе-йәкшәмбе көндәр аяҙлы-болотло әммә йылы була, тип хәбәр итә. Башгидромет мәғлүмәттәре буйынса, шәмбе, 23 октябрҙә урыны менән ҡыҫҡа ваҡытлы ямғыр яуасаҡ. Ел көньяҡ-көнбайыштан талғын иҫә, урыны менән киҫкен. Һауа температураһы төндә 3-8 градус йылы, көндөҙ —...

22 October 2021
«Йылы Өфө» колл-үҙәгенән робот шылтырата | ГТРК «Башкортостан»

«Йылы Өфө» колл-үҙәгенән робот шылтырата

Тиҙҙән башҡала торлаҡ-коммуналь хужалығының көҙ-ҡыш миҙгелендә эшләгән бәйләнеш үҙәгендә кире бәйләнеш сервисы сафҡа инә. Роботлашҡан система үҙәккә элек мөрәжәғәт иткән граждандарға шылтыратып һәм үтәлгән эш сифатын асыҡлаясаҡ. Был турала Өфө хакимиәтенән белдерҙеләр. Әле колл-үҙәктә алмашлап...

22 October 2021
Ҡар ҡатыш ямғыр, көслө ел һәм боҙлауыҡ | ГТРК «Башкортостан»

Ҡар ҡатыш ямғыр, көслө ел һәм боҙлауыҡ

Башҡортостанда йонсоу көндәр көтөлә. Ҡар ҡатыш ямғыр яуа, көслө ел иҫә һәм юлдарҙы боҙлауыҡ ала. Был хаҡта Ғәҙәттән тыш хәлдәр министрлығының Башҡортостанда бүлексәһе иҫкәртә.   Киләһе тәүлектәрҙә көндөң болотло булыуы, төндә епшек ҡар яуыуы, уны урыны менән ямғыр алмаштырыуы фаразлана....

21 October 2021