К 100-летию Мустая Карима - 561786780 | ГТРК «Башкортостан»

Медицина өлкәһендә яңы асыш

Организмдың ҡайһы аллергик сирҙәргә бирешеүсәнлеген асыҡлар өсөн күп ваҡыт та, табип юлламаһы ла кәрәкмәй. Һәр теләгән кеше генетик тикшереүҙәр аша буласаҡ ауырыуҙы туҡтата ала. Биохимия һәм генетика институты хеҙмәткәрҙәре ғилми тикшереү өсөн республика премияһына лайыҡ булды.  Тәү ҡарамаҡҡа бәләкәй генә булып күренгән ДНК медузаһы кеше организмының ҙур мәғлүмәте булып тора. ДНК-ны тәүҙә махсус препаратта тикшерәләр. Уның бөтә үҙенсәлектәре шунда уҡ компьютерҙа сағыла.  Ҡулланылған дарыуҙарҙы, зарарлы матдәләрҙе кеше организмы төрлөсә ҡабул итә. Нәҫелдән килгән сирҙе, аллергияны ла махсус препарат аша ҡарайҙар. Тап ошо ДНК-нан кешенең биологик структураһы тикшерелә. Биш миллилитр ҡандан яҡынса 4-5 метр оҙонлаҡтағы ДНК сыға. Анализдан һуң кешенең ниндәй ауырыуға дусар булғанын белеп була. Кеше организмының теләһә ниндәй аллергияға бирелеүе беҙҙең заманда актуаль проблемаларҙан һанала. Биохимия һәм генетика инстиутында ун йыл дауамында ғилми хеҙмәткәрҙәр махсус препарат аша аллергияның барлыҡҡа килеүенән ҡотолоу маҡсаты менән тикшереү үткәргән. Бының өсөн уларға 2014-се йылда патент бирелгән. Сит ил белгестәре менән аралашыу һәм аллергия буйынса төрлө статьялар баҫтырыу-тикшереү эшенең һөҙөмтәһен иҫбатлай. Теләгән һәр кеше аллергик сирҙәргә юл ҡуймау йә иһә уны алдан уҡ хәстәрләү өсөн анализдар тапшырып ваҡытында дауалай ала. Аллергик сирҙәр буйынса тикшереүҙәр үткәргән хеҙмәткәрҙәр хәҙер фән һәм техника өлкәһендә республика премияһына лайыҡ. Уларҙың ғилми асыштарына Башҡортостан табиптары ла ҡыҙыҡһыныу белдерә.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика