К 100-летию Мустая Карима - 561786780 | ГТРК «Башкортостан»

Киҫкен һауа шарттары тураһында алдан иҫкәртеү мотлаҡ

Хәбәр итеү тәртибен ҡайтанан ҡарау һәм киҫкен һауа шарттары тураһында көнэлгәре иҫкәртеү әмәлен күреү мотлаҡ. Радий Хәбиров Гидрометүҙәктең төбәк идаралығы хеҙмәтен тәнҡиткә тотто. Бөгөнгө оператив кәңәшмәлә төбәк етәксеһе 17 ноябрҙә юл транспорт фажиғәһендә бер юлы 8 кешенең һәләк булыуында ҡарлы ямғыр сәбәпсе икәне бәхәсһеҙ, тип белдерҙе. Вилора Горохольская иһә метеорология станцияларында ҡарлы ямғыр кеүек һирәк тәбиғи күренеште ғәмәлдә генә билдәләргә мөмкин, тип белдерҙе. Ул алдан күҙалларылыҡ түгел. Боҙлауыҡ станында 5 миллиметрҙан ашыу ҡатлам осрағында ғына шторм хәүефе иғлан ителә. Үткән шәмбе боҙлауыҡ кимәле ғәҙәттән тыш булмағанлыҡтан яуаплы хеҙмәттәр тейешле иҫкәртеү алмаған. Радий Хәбиров  транспорт буйынса дәүләт комитеты етәксеһе Тимур Мөхәмәтйәновҡа ғәҙәттән тыш хәл осрағында етәкселәр менән белгестәргә бәйләнеш чаттарын файҙаланырға һәм ошо махсус чаттарға республика башлығын да ҡабул итергә тәҡдим итте. Оператив кәңәшмәлә боҙлауыҡ менән көрәш һөҙөмтәһендә Өфө урамдарында барлыҡҡа килгән бысраҡ та иғтибарҙан ситтә ҡалманы. Радий Хәбиров Һатып алынған ҡом-таш ҡатнашмаһының сифатын тикшерергә кәңәш итте. Ошо уҡ ҡатнашма мәсьәләһен төбәк-ара юлдар һалыу-төҙөкләндереү барышында да контролдә тотоу мотлаҡ. Кәңәшмәлә юлдарға ҡырсынташ һалыу эштәрен ҡышын башларға килешелде. Мәктәп автобустары хәрәкәте, балаларҙы дәрескә йөрөтөүгә ҡағылған мәсьәләләр тураһында мәғариф министры Гөлназ Шафиҡова белдерҙе. Автобустар паркын яңыртыуҙан тыш уҡыу йорттарында йылылыҡ һәм уңайлыҡтар мәсьәләһе лә ыңғай хәл ителергә тейеш. Яңы йылда балалар һәм ололарҙың ялын ойоштороуға ла тотонор ваҡыт етә. Ҡала һәм райондарҙа боҙ ҡаласыҡтары 10 декабрҙә асылырға тейеш. Тәү бурыс булараҡ Радий Хәбиров Туймазы районы ауылдарында эсәр һыу мәсьәләһен билдәләне. Яуаплы хеҙмәттәргә был йәһәттән киләһе йомаға аныҡ тәҡдимдәр индерергә йөкләмә алды.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика