Рәсәй транспорты форумы

Мәскәүҙә “Рәсәй транспорты” тигән 12-се халыҡ-ара форумы үтә. Башҡортостан делегацияһын Радий Хәбиров етәкләй. Форумда Республика етәксеһе пленар ултырышта ҡатнашты һәм Башҡортостан экспозицияһын ҡараны. Ул төбәктең транспорт өлкәһендәге ҡаҙаныштары һәм төрлө инвест-проектарға арналған. Шулай уҡ Радий Фәрит улы федераль министрлыҡтар вәкилдәре менән осрашты. Башҡортостан етәксеһе вазифаһын ваҡытлыса башҡарыусы һүҙҙәренсә, форумдың әһәмиәте республика өсөн ҙур. Ул тәү сиратта транспорт өлкәһендәге хәлде яҡшыртыу мөмкинлеген бирә. Форум барышында республика юлдары тураһында ла һорауҙар яңғыраны. Өфө-Аэропорт трассаһының өлөшөн федераль милеккә биреүҙәре ихтимал һәм шулай уҡ киләсәктә Өфө-Ырымбур юлын киңәйтеп һәм яңыртыу ҡарала. Форум барышында Республика Башлығы Радий Хәбиров Росавтодор етәксеһе Андрей Костюк менән дә осрашты. Ике яҡтар төбәктәге транспорт системаһын яҡшыртыу йәһәтенән федераль үҙәктән финанс ресурстар йәлеп итеү тураһында фекер алышты.

Подпишитесь на нас в ВКонтакте