К 100-летию Мустая Карима - 561786780 | ГТРК «Башкортостан»

Ышаныусан пенсионерҙар

Төмән өлкәһендә теркәлгән фирма хеҙмәткәрҙәре Өфөлә пенсионерҙарҙың фатирҙары буйлап йөрөп, йылытыу батареяларына ун мең һумлыҡ махсус ҡоролма ҡуйған. Ә,  ысынында иһә, магазинда уларҙың хаҡы ни бары ике йөҙ һум. Пенсионерҙар үҙ аҡсаларын ҡайтарыу өсөн компания хеҙмәткәрҙәре менән осрашты. Әммә ике яҡ та уртаҡ тел табал алманы. Ике ир һәм ҡатын 80 йәшлек пенсионер Алевтина Родыгинаның фатирына йылытыу батареяһын алыштырыу маҡсаты менән килгән. Үҙҙәрен улар авария хеҙмәте хеҙмәткәрҙәре тип таныта. Фатирҙа бүлмәләр йылы булһын өсөн, батареяларҙы тулыһынса яңыртырға тура киләсәк, тип аңлатҡан сит кешеләр. Йылылыҡ ебәргән батареяларҙы, ысынлап та, һүндерерҙәр тип ҡурҡҡан Алевтина Родыгина махсус ҡоролмалар өсөн ун меңгә яҡын аҡсаһын шунда уҡ ҡулдарына тоттора. Әйткәндәй, хеҙмәткәрҙәр был йортта йәшәүсе йәнә бер нисә пенсионерҙарға ингән.  Батареяларҙы алыштырырға бурыслыһығыҙ, тип ҡурҡытҡан хеҙмәткәрҙәр ололарға, йәнәһе лә, 43 процент ташлама ла яһаған. Сит кешеләргә нисек тиҙ ышанып барыуын һәм урында уҡ унышар мең һум аҡсаны биреүҙәрен бер кем дә аңлата алманы. Тиҙ ышанып барған пенсионерҙар менән хеҙмәткәрҙәр килешеү төҙөп уларҙан ҡултамға алған. Ойошма хеҙмәткәрҙәре ҡуйған махсус ҡоролма 17 мең һум тора. Әммә Өфөләге магазиндарға уларҙың хаҡы ни бары 120 һумдан башлана. Шул уҡ көндә пенсионерҙар  килешеүҙе өҙөп, аҡсаны кирегә ҡайтарыу теләге менән хеҙмәткәрҙәрҙең эш урынына ла бара. Әммә  тыныс һөйләшеү урынына тик ғауға ғына килеп сыҡты. Фирмала юрист булып эшләүсе Руслан Замалетдинов беҙ бары тик үҙ эшебеҙҙе башҡарабыҙ, тип аңлатты. Ә тәҡдим ителгән ҡоролмаларҙы иһә теләгән кеше генә һатып ала.  Фирма Төмән өлкәһендә теркәлгән.  Әйткәндәй, быйыл ошо уҡ компаниянан зыян күреүсе ҡатындың судлашыуы ла билдәле. Тик килешеүгә үҙе ҡултамға ҡуйыусы ҡатын судты бер нисек тә еңә алмаған. Фатир буйлап ниндәй ҙә булһа ҡоролма тәҡдим итеп йөрөгән сит кешеләрҙең килешеүҙәренә ҡултамға ҡуймаҫҡа кәңәш итә белгестәр. Күп ҡатлы йортта ремонт үткәреләсәген иҫбатлау өсөн дә кәрәкле телефон номерын ғына белергә кәрәк. Аҡсаларын кире ҡайтарырға теләүсе ғаиләләр полиция хеҙмәткәрҙәренә һәм прокуратураға ғариза яҙған. Уларға хәҙер үҙ аҡсаларын кирегә ҡайтара алыуҙарына ышанырға ғына ҡала.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика