Башҡортостан парламенты республиканың 2019 йыл бюджеты тураһында закон проектын беренсе уҡыуҙа ҡабул итте

Документтың тулы йөкмәткеһе менән Дәүләт Йыйылышы – Ҡоролтайҙың интернеттағы рәсми сайтында танышырға мөмкин.  Башҡортостандың төп финанс документына ярашлы киләһе йылда килемдәр күләме 172 миллиард 200 миллион һум, сығымдар – егерме миллиардҡа күберәк иҫәпләнә. Сығымдарҙың өстән ике өлөшөн социаль өлкәгә йүнәлтеү планлаштырыла. Өҫтөн бурыс – Рәсәй Федерацияһының милли проекттарын бойомға ашырыу. Ултырыштың көн тәртибендә тикшерелгән утыҙлап закон проектының күбеһе беренсе уҡыуҙа ҡабул ителде. Депутаттар шулай уҡ Граждандар оборонаһы эштәре, ғәҙәттән тыш хәлдәр һәм стихиялы бәлә-ҡазалар эҙемтәләрен бөтөрөү буйынса министрлыҡтың төбәк идаралығының 2018 йылдағы эшмәкәрлеге тураһындағы мәғлүмәтен тыңланы. 

Читайте нас в Яндекс.Новостях