Фатир өсөн аҡса түләгән өлөшсөләр ыҙа сигә

Башҡала үҙәгендә торлаҡ йорттар төҙөлөшөн йәйелдергән ике ойошма бер-береһен ялғанлыҡта ғәйепләй. Бәхәс һөҙөмтәһендә фатир өсөн аҡса түләгән өлөшсөләр ыҙа сигә. “Инициатива” атамалы фирма НФСК исемле партнеры менән беренсе йыл ғына хеҙмәттәшлек итмәгәнен таный. Йорт күтәргән өсөн әҙер фатирҙар менән иҫәпләшеү ҡаралған. Тик НФСК килешеүҙе боҙҙо, ти “Инициатива” директоры. Хеҙмәттәшлек тураһында килешеү буйынса ташсы эштәрен тамамлағас та үҙен генераль подрядсы, тип танытҡан НФСК артабанғы төҙөлөш эшенән ситләтелгән. Ойошманың баш инженеры белдереүенсә, нахаҡҡа. Бәхәсте хәҙер хоҡуҡ һаҡлау органдары тикшерә. Эске эштәр министрлығының Өфө ҡала идаралығынан хәбәр итеүҙәренсә был хәл буйынса тәфтиш эше асылған.Миллиондарын төҙөлөш башында уҡ түләп һаман фатир көтөп ҡайҙа етте шунда көн итергә мәжбүр кешеләрҙе иһә был ваҡиғала ғәйеплеләрҙе асыҡлау түгел, ә торлаҡ мәсьәләһе борсой. Фатирға аҡса түләнгән, тик уны суд аша ла алырлыҡ түгел. Яңы подрядсы суд ҡарарына ярашлы фатир майҙанын үлсәргә килгән дәүләт кадастр баһаһы һәм инвентаризация бюроһы белгестәрен төҙөлөш майҙанына үткәрмәй. Селтәр кәртә аша еңел үттек, ти һөйөнгән кешеләрҙе йорттоң ишегенә ашығыс иретеп йәбештерелгән тимер ситлек ҡаршылай. Төҙөүселәр беҙҙең менән һөйләшеүҙән баш тарта.Хоҡуҡ белгестәре был хәлдең хәйләкәр схемаһы бар, тип иҫәпләй. Алданған өлөшсөләр мәнфәғәтен яҡлаған юрист документтар менән танышҡандан һуң ошондай фекергә килә. Ойошмаларҙың беренсеһе ҡуртымға ер алып төҙөлөш башларға рөхсәт теркәгән, икенсеһе төҙөлөш өсөн физик шәхестәрҙән аҡса йыйған. Закон иһә төҙөүсе ойошма бурысын тик бер юридик шәхескә йөкмәтеүҙе күҙ уңында тота. Башҡаланың Совет районы хакимиәте Жәлил Кейекбаев урамындағы алтынсы литер тип билдәләнгән йортта буласаҡ фатир һатып алып алданған кешеләр тураһында хәбәрҙар. Ярҙам әлегә юридик белешмә кимәлендә. Граждандар аҡсаһын законһыҙ файҙаланыуҙа ғәепләү буйынса суд ҡарарын әле 25 фатир һатып алыусы көтә. Өмөт сатҡылары һүнә бара. Ҡайғырып ҡойма ҡойоп булмай. Алданған өлөшсөләр хәҙер үҙ мәнфәғәттәрен яҡлар өсөн хоҡуҡи белем тупларға мәжбүр.  Тормош тәжрибәһе тап юридик наҙанлыҡтың мутлашыусыларға киң мөмкинлектәр асыуын дәлилләй.

Подпишитесь на нас в Facebook


һУҢҒЫ ХӘБӘРҘӘР

Смотреть видео Башҡортостанда алдағы өс көндә йәйгесә эҫе көндәр көтөлә | ГТРК «Башкортостан»

Башҡортостанда алдағы өс көндә йәйгесә эҫе көндәр көтөлә

Синоптиктар мәғлүмәттәре буйынса, бөгөн дә, иртәгә лә  яуым-төшөмһөҙ. Ел көнсығыштан талғын, урыны менән көсәйеүсән. Һауа температураһы төндә +8,+13, урыны менән +3-кә тиклем, көндөҙ +24,+29 градус.

12 мая 2021
Смотреть видео Мискә формаһындағы мунсалар | ГТРК «Башкортостан»

Мискә формаһындағы мунсалар

Салауат йүнселдәре төҙөлөшкә яңы ҡараш булдыра. Уникаль технология буйынса ҡоролған мискә формаһындағы мунсалар хәҙер Рәсәй генә түгел сит ил баҙарҙарын яулай. Киләсәктә бында тиҙ йыйылмалы йорттар төҙөүҙе яйға һалырға ниәтләйҙәр. ... тағы ла матур һәм тын юлдары өсөн файҙалы. Башҡортостан өсөн ят...

12 мая 2021
Смотреть видео Балыҡ бирмә, ҡармаҡ бир | ГТРК «Башкортостан»

Балыҡ бирмә, ҡармаҡ бир

 Башҡортостан балыҡсылары яңы миҙгелгә әҙерләнә. Яҡшы табыш эләктерергә теләүселәр ҡоралды ҡайҙа яңырта? Әлбиттә, Өфөнөң Аксаков урамындағы “Блесна” магазинында. Бында балыҡ тотоу өсөн бөтә кәрәк-яраҡтарҙы табырға була. Ысын балыҡсы миҙгел һайламай. “Блесна” магазинында ҡышҡы балыҡсылыҡ...

12 мая 2021
Смотреть видео “Русь Великая” теплоходы Өфөлә | ГТРК «Башкортостан»

“Русь Великая” теплоходы Өфөлә

Беренсе тапҡыр Өфөлә булған “Русь Великая” теплоходы бөгөн илдең баш ҡалаһына ҡайта. Өс палубалы теплоход баш ҡаланың Дуҫлыҡ Монументында туҡтағайны. Мәскәүҙән килгән туристар Өфөнөң иҫтәлекле урындары менән таныша алды. Теманы хәбәрсебеҙ Нәркәс Йосопова дауам итә. Өс палубалы “Русь Великая”...

12 мая 2021
Смотреть видео Шайморатов ауылында хәйриә концерты | ГТРК «Башкортостан»

Шайморатов ауылында хәйриә концерты

Легендар 112-се башҡорт кавалерия дивизияһы командиры, Рәсәй Геройы Миңлеғәле Шайморатовтың тыуған ауылында Бөйөк Еңеүҙең 76 йыллығына арналған хәйриә концерты уҙҙы. Кесеһе лә, олоһо ла яттан белгән “Шайморатов генерал” йыры легендар комдив, генерал-майор Миңлеғәле Шайморатов ауылдаштарының гимнына...

12 мая 2021
Смотреть видео Һаҡ булығыҙ, талпандар | ГТРК «Башкортостан»

Һаҡ булығыҙ, талпандар

Башҡортостанда талпандан зыян күреүсе 800-ҙән ашыу кеше медицина ойошмаларына мөрәжәғәт иткән. Республика Хөкүмәтендә үткән оператив кәңәшмәлә “Роспотребнадзор”ҙың Башҡортостан буйынса идаралығы етәксеһе Анна Казак тикшерелгән бөжәктәрҙең 0,8 проценты энцефалитлы, 18 проценты боррелиоз вируслы...

12 мая 2021
Смотреть видео Башҡортостанда коронавирусҡа ҡаршы вакцина эшләтеүселәр һаны арта | ГТРК «Башкортостан»

Башҡортостанда коронавирусҡа ҡаршы вакцина эшләтеүселәр һаны арта

Һаулыҡ-һаҡлау министрлығынан хәбәр итеүҙәренсә, май байрамдарында ла вакцина эшләтеүселәр һаны күп  булған. Ял көндәрендә генә   40 меңгә яҡын кеше прививка яһатҡан.. Әлеге көнгә төбәктә  ковид 19-ға ҡаршы вакцинаның беренсе компонентын  293 меңдәң ашыу кеше  эшләткән...

12 мая 2021
Смотреть видео Башҡортостан уҡыусылары өсөн 14 май өҫтәмә ял көнө булыуы ихтимал | ГТРК «Башкортостан»

Башҡортостан уҡыусылары өсөн 14 май өҫтәмә ял көнө булыуы ихтимал

Был турала Хөкүмәттәге оператив кәңәшмә барышында әйтелде. Республика быйылғы туристик миҙгелгә лә әҙер торорға тейеш. Польшала сатраш уйынына бәйле хәҙер йыр бар. Ә бына уның тарихы Башҡортостан спортсыһына бәйле. Варшавалағы ярышта еңеп, етенсе тапҡыр донъя чемпионы исемен яулаған яҡташыбыҙ...

12 мая 2021
Смотреть видео Мәктәптәрҙә именлек саралары көсәйтелә | ГТРК «Башкортостан»

Мәктәптәрҙә именлек саралары көсәйтелә

Башҡортостан етәксеһе Радий Хәбиров республиканың барлыҡ мәктәптәрендә лә именлек сараларын көсәйтергә ҡушты һәм Ҡазандағы террор ғәмәлендә йәрәхәтләнеүселәргә Башҡортостан шифаханаларында реабилитация үтергә тәҡдим итте. Радий Хәбиров һәләк булғандарҙың яҡындарының һәм туғандарының ауыр ҡайғыһын...

12 мая 2021
Смотреть видео ”Смарт-тау” йәштәр төбәк форумы | ГТРК «Башкортостан»

”Смарт-тау” йәштәр төбәк форумы

Өфөнөң Рима Баталова исемендәге Башҡортостан республикаһы спорт әҙерлеге үҙәгендә “Смарт-тау” йәштәр төбәк форумы уҙҙы. Ул өс көн дауамында барҙы. Социаль йүнәлешле проекттар әҙерләп, уларҙы федераль эксперттарға күрһәтеп, яҙма эштә ниндәй ҙә булһа үҙгәрештәр индереү, оҫталыҡ дәрестәрен тыңлап,...

29 апреля 2021
Яндекс.Метрика