Рәсәй һәм донъя хәбәрҙәре

  • Рәсәйҙең хәрби-космос көстәре  Сүриәнең Алеппо ҡалаһына химик боеприпастар менән һөжүм иткән террорсыларҙың базаларын утҡа тотто. Был турала Рәсәй оборона министрлығының рәсми вәкиле, генерал-майор Игонрь Конашенков белдерҙе.
  • Рәсәй федераль именлек хеҙмәте беҙҙең сикте законһыҙ үткән  Украина хәрби-диңгеҙ флотының өс кораблен видеоға төшөрөп алған.  Кораблдәр диңгеҙ хоҡуғы буйынса Берләшкән Милләттәр Ойошмаһы конвенцияһын боҙған. Федераль именлек хеҙмәтенән хәбәр итеүҙәренсә, Украина хәрби суднолары рөхсәтһеҙ Керчь ҡултығына ҡарай хәрәкәтен дауам иткән.
  • Парижда ҡала хеҙмәттәре өмәгә сыҡҡан. “Һары жилеттар”ҙың күләмре ҡаршылыҡ акцияһынан һуң урамдар сүп-сар менән тулған. Активистар президент Эммануэль Макрон вазифаһынан киткәнсе, яғыулыҡҡа һалымдар кәмегәнсе акцияларҙы дауам итергә саҡыра. Хәрәкәттең етәксеһе юҡ. Шуға ла Франция етәкселеге тәртипһеҙлектәрҙе туҡтатыу өсөн һөйләшеүҙәр алып бара алмай. Киләһе ҡаршылыҡ акцияһы беренсе декабргә билдәләнгән.
  • Македонияны ҡуйы төтөн ҡаплаған. Ошо сәбәпле тын юлдары ауырыуҙары менән дауаханаларға мөрәжәғәт итеүселәр артҡан. Белгестәр әйтеүенсә, ҡалала автомобилдәр хәрәкәте көслө, етмәһә күптәр әле булһа фатирҙарын мейес ярҙамында йылыта. Һауала бысраҡ матдәләр миҡдары билдәләнгән норманан 10 тапҡырға артып киткән.
Подпишитесь на нас в ВКонтакте