К 100-летию Мустая Карима - 561786780 | ГТРК «Башкортостан»

Ярҙамға роботтар килә

Башҡорт Дәүләт медицина университеты клиникаһында робот ярҙамында 200-се операция эшләнде. Марсель Тимерханов яман шешкә операция яһатыу өсөн Силәбе өлкәһенән килгән. Бындай ысул тураһында  ул таныштары аша белгән. Белгестәр робот ярҙамында операция яһауҙы – 21-се быуат  асышы тиҙәр. Аппараттың мөмкинлектәре бихисап. Ул 360 градусҡаса борола ала, был иһә үҙ сиратында хирургиялағы билдәле нескәлектәргә ирешергә  ярҙам итә.  Аҡыллы машинаны гинекология, проктология, урология, ҡан-тамыр, күкрәк ситлеге хирургияһында ҡулланырға мөмкин. Ошондай аппарат ярҙамында көнөнә 2-3 операция яһала. … туғыҙ ай эсендә 200 пациентта ошо алымды ҡулланып өлгөргәндәр. Бындай ысул пациенттарға тиҙерәк аяҡҡа баҫырға ярҙам итә ,ти табиптар.Операцияның барыһы ла уңышлы үтте, ауырыуҙар үҙҙәрен яҡшы тоя, ти табиптар. Ҡатмарлы операцияларҙан һуң иһә, улар реабилитация бүлегендә дауаланыуҙарын дауам итә.Үҙенсәлекле алым ярҙамында операция яһатыу өсөн Башҡортостан халҡынан тыш, сит төбәктәрҙән килеүселәр ҙә бихисап.  Операция күкрәк ситлеген асмайынса ғына бер-нисә тишек аша ғына башҡарыла. Табиптар яңы ысулды артабан киңерәк йәйелдерергә ниәтләй.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика