К 100-летию Мустая Карима - 561786780 | ГТРК «Башкортостан»

Ҡыш етеү менән Яңы Иглин ауылында йыш ҡына ут һүнә

Халыҡ ҡайҙа ғына мөрәжәғәт итһә лә, яуап юҡ. Урындағы чиновниктар ябай кешеләрҙең аһ зарына битараф. Яңы Иглин биҫтәһендә йәшәүселәр Республика етәксеһенә мөрәжәғәт иткәс, ниһәйәт, боҙ ҡуҙғалды. Радий Хәбиров оператив кәңәшмә ваҡытында Иглин районы хакимиәте башлығы менән бәйләнешкә инеп, мәсьәләне тиҙ арала хәл итеүҙе талап итте. Әлиә Сиражетдинова ғаиләһе менән башҡалаға яҡыныраҡ йәшәр өсөн Яңы Иглин ауылына күсеп килә. Йорттарын быйыл ғына ипотекаға һатып алғандар. Ғаилә ауылға күскәненә үкенеп бөтә алмай. Яңы Иглиндә йыш ут һүнеүен  белмәнек, ти Әлиә. Яңы Иглин биҫтәһендә электр энергияһы мәсъәләһе 2015 йылдан алып халыҡты борсой. Йылытыу миҙгеле башланыу менән йыш ҡына ут һүнә. Ял көндәрендә иһә халыҡ бөтөнләй утһыҙ тороп ҡала, ҡайһы берҙәр хатта һалҡындан һаҡланыр өсөн машинала йылына. Электр уты бер нисә ҡабат һүнеп, өйҙәге электроприборҙарҙы ла эшлектән сығара, ти Яңы Иглиндә йәшәүселәр.Ике ҡатлы иркен йорттарҙа йәшәүселәрҙең иһә һалҡын ҡыш көндәрендә электр уты өсөн түләүе 15 мең һумға барып етә. Яңы Иглин халҡы хәҙер бер нисә йыл  район хакимиәтенә мөрәжәғәт итә. Яңы Иглин биҫтәһендә 10 меңгә яҡын кеше йәшәй. Ауыл көндән көн үҫә, ғаиләләр яңы йорттарына тиҙерәк сығырға ашыға. Әммә трансфарматорҙар халыҡты ут менән тәъмин итеп өлгөртә алмай. Яңы Иглиндәр үҙҙәренең мәсъәләһен хәл итеү маҡсатында район хакимиәте башлығына барырға ҡарар итте, әммә хакимиәттә күҙгә күҙ күрешеп халыҡтың һорауҙарына яуап бирергә әҙер түгелдәр ине. Яңы Иглин халҡы билдәләүенсә, 800-ҙән ашыу йорт 3 трансформаторға ғына тоташтырылған. Район хакимиәтендә иһә башҡа мәғлүмәттәр. 2011 йылда төҙөлә башлаған Яңы Иглин биҫтәһенә шул тиклем ғаиләләрҙең күсеп килере күҙалланмаған, күрәһең. Ҡайһы бер урамдар иһә төҙөлөш планына ла индерелмәгән. Проектта булмаған йорттар иһә хеҙмәтләндереүҙән сикләнә, ғөмүмән, билдәһеҙ йорттар менән һөйләшеү ҙә алып барылмай, шулай ҙа  коммуналь түләүҙәр ҡәҙимгесә түләнеп бара. Район хакимиәте белгесе белдереүенсә, яңы йылда урынлаштырыласаҡ трансфарматорҙар электр уты мәсъәләһен хәл итәсәк. Яңы ҙур мәктәп төҙөлөүен, Яңы Иглин урамдары күп балалы ғаиләләр менән тулырын хакимиәт иҫәпкә алһын ине, тигән теләктә халыҡ.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика