К 100-летию Мустая Карима - 561786780 | ГТРК «Башкортостан»

Тарихи ҡомартҡыларға һаҡсыл ҡараш

Тарихи ҡомартҡыларға һаҡсыл ҡарашы менән танылған Анатолий Чечуха яңы һөнәре менән һоҡландыра. Билдәле тарихсының үткән быуаттың илленсе йылдарынан йыйылған шыршы уйынсыҡтары коллекцияһы бар. Үткәндәргә ҡайтып хәтирәләр яңыртыр өсөн ваҡыт машинаһы кәрәкмәй. Күңелгә бала саҡтан ҡәҙерле әйберҙәр ҙә етә. Уларҙа хәтер, уларҙа ғүмер күренештәре, уларҙа тыуған төйәк тарихы.Был биҙәүестәрҙе Анатолий Львович хәҙер шыршыға элмәй, ҡәҙерләп йомшаҡ ҡаптарҙа ғына тота. Уларҙың һаны мөһим түгел, ҡиммәте, ти коллекционер. Ҡайһы бер төрҙәрҙе һатып алыр мөмкинлек тә юҡ. Шуға ла коллекционерҙың яҡындары, таныштары ҡайһы тарафҡа барһа шунан бүләккә боронғо шыршы тәтәйҙәре алып ҡайтырға тырыша.Уйынсыҡтарҙы йыйып һаҡлағас уларҙы тәрән өйрәнеү  талабы ла тыуа. Берәүҙәренең тарихы асыҡ, мәҫәлән быяланан өрөп яһалған төрлө төҫтәге кукуруздар билдәле совет сәйәсмәне дәүеренә бәйле. Балерина һындары сәнғәткә хөрмәт йөҙөнән яһалған. Йәнлектәр, гөлләмәләр, сәғәттәр. Һәр бер өлгө илебеҙҙең бай тарихының ниндәйҙер бер мәлен сағылдыра. Хатта уйынсыҡ эшләгән оҫталарҙың кәйефен танырға мөмкин, ти коллекционер.Был уйынсыҡтар тәү ҡарашҡа икеһе бер төрлө кеүек. Әммә коллекционер айырманы яҡшы күрә. Быныһын үҙ эшенә мөкиббән оҫта башҡарған, ә быныһын теләр-теләмәҫ кенә буяғандар. Мауығыусан кешенең күңеле һөйөнөстәргә гел асыҡ. Тормош йәмен ул ябай әйберҙәрҙән таба белә. Шыршы тәтәйҙәреме ул, Яңы йыл открыткалары йәиһә тыуған ҡала күренештәре төшкән фотоһүрәтме — коллекция өлгөһөнөң бары кеше ғүмеренең иң матур мәлдәрен мәңгеләштереү һәм  өмөттәргә урын ҡалдырыуы мөһим.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика