К 100-летию Мустая Карима - 561786780 | ГТРК «Башкортостан»

Ҡышҡы каникулды файҙалы үткәреүселәр

Баҡалы районы Туҡбирҙе ауылында йәшәүсе Мәүлиевтар ғаиләһе уҡыусыларға хоккей уйнау өсөн үҙ баҡсаларында һырғалаҡ эшләгән. Теүәл өс йыл балалар ҡышҡыһын кинәнеп был спорт төрөн үҙләштерә. Һырғалаҡтың уртаһында торған капитандың уйын башланғанын аңлатып һыҙғыртҡас та, йәш хоккейсылар шайба өсөн талаша башлай.

Хәҙер Балаҡатай районының Туҡбирҙе ауылы мәктәбе уҡыусылары буш ваҡыттарын файҙалы үткәрә. Уларҙың осрашыу урыны – һырғалаҡ. Туҡбирҙе ауылында күп балалар хоккей менән ҡыҙыҡһына. Әммә һырғалаҡ район үҙәгендә генә булғас, күптәр был спорт төрөн онотоп торорға мәжбүр. Шулай ҙа ауылда йәшәүсе Мәүлиевтар ғаиләһе уҡыусыларҙың хыялын тормошҡа ашырған. Улар үҙ баҡсаларының бер өлөшөн, көндәр һыуыта башлау менән һыу ҡойоп, туңдыртҡан.  Һырғалаҡты эшләү өсөн яҡынса егерме мең литр һыу түгелгән.

Һөҙөмтәлә, киңлеге ун, ә оҙонлоғо егерме метрлыҡ майҙан килеп сыҡҡан. Әйткәндәй, ата-әсәләр ҙә балаларының буш ваҡыттарын спортҡа бағышлауын ҙур ҡыуаныс менән ҡабул итә. Йәш хоккейсылар ҙа һынатмай,  уйындың бөтә ҡағиҙәләрен яттан беләләр. Хоккей уйнарға теләүселәрҙең һаны артҡандан арта, тип ҡыуана балалар. Тимәк артабанғы уйындар ҙа күңеллерәк үтәсәк.

Бында теләгән һәр кем үҙен ысын хоккейсы тип хис итә ала. Бының өсөн уҡыусыларҙың хатта махсус кейемдәре лә бар. Бигерәк тә, һыуыҡ көндәрҙә хоккей уйнау көс һәм дәрт кенә өҫтәй.  Хәҙер туҡбирҙеләрҙең иң яратҡан һәм көтөп алған миҙгелдәренең береһе -ҡыш. Бәлки тап улар киләсәктә ысын хоккейсы булып, республикабыҙ данын күтәрер.

Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика