Ағасты кем урлаған?

Үткән йыл Башҡортостан иҡтисадына урманды урлап ҡырҡыусылар 130 миллион һумлыҡ зыян килтергән. Был ҡулға тотолғандарынан, ә ысынында күпме урман вәхшиҙәрсә юҡ ителгәнен бер кем дә белмәй. Урмансылар көрәшкә осоусы аппараттарҙы һәм космос мониторингын йәлеп итә. Ҡараҡтар ҙа йоҡламай, алдау ысулдарын камиллаштыра. Ә Урман хужалығы министрлығының инспекторҙары ҡулында 1 навигатор һәм 7 кешегә 1 нива машинаһы. Белорет урмандарының майҙаны буйынса Кипр дәүләте менән бер булыуын иҫәпкә алғанда ҡараҡтар өсөн урман һаҡсылары артыҡ кәртә түгел. Был төбөр хәҙер йөҙйәшәр ҡарағайҙы законһыҙ ҡырҡҡан урмансыға ҡарата енәйәт эшендә төп дәлил. Делянканан бер нисә метрҙа ғына ситтә торған ағасты эшселәр йәнәһе лә техника менән үтеүгә ҡамасаулағаны өсөн ауҙарған. Эшсеһе йыҡҡан ҡарағай өсөн эшҡыуарға 43 мең һум аҡсаһын сығарып һалырға тура килә.Бындай осраҡтарҙың бик һирәге генә асыҡлана. Законһыҙ йығылған ағас төбөрөн юҡ итеү ҙә бер ни тормай. Шуға ла инспекторҙар ағас әҙерләү барған ваҡытта уҡ тикшерергә тырыша. Был урман бүлемендә эшселәр яғынан артыҡ етешһеҙлектәр табылманы. Ҡалған һайғауҙарҙы йығырға һәм ситкә ташланған ботаҡтарҙы йыйырға ғына кәрәк. Ә бына урмансыларҙың эшендә хаталар бар.Урмансылар үҙҙәре лә йыш ҡына тәбиғәт байлығын юҡ итеүселәр исемлегенә эләгә. Урман бүлемдәрен биргән ваҡытта күләмде кәметеп яҙыу, йә ағаслыраҡ ерҙән бүлеү һ.б. Документта күрһәтелеп етмәгән ағасты ғәҙәттә эшҡыуар урмансы менән бүлешә, 10-12 мең эш хаҡына, ауыр хеҙмәт кисергән кешеләрҙе аңларға булыр ине лә… тик нәфсенең сиге юҡ. Мәҫәлән, декабрь урталарында Белорет урмансылығы етәксеһе Олег Муллоджанов ҡулға алынды. Ул биләгән вазифаһын үҙ мәнфәғәтендә  файҙаланыуҙа ғәйепләнә.Ҡулға алған ваҡытта 38 йәшлек чиновник иҫен юғалтып та маташа. Тик уның актер оҫталығына Тәфтишселәр ышанмай. Әлегә билдәле мәғлүмәттәр буйынса ғына ул дәүләткә 14 миллион һумдан ашыу зыян килтергән. Белорет урмансылығында енәйәтселек хөкөм һөрөүе бер кемгә лә сер түгел. Сөнки, биләмә ылыҫлы урманға бай. Белорет районының 75 проценты ағаслыҡ булһа, шуның яртыһы ҡиммәтле тип һанала. Урмандарҙың 70 проценты әле ҙур компанияларға ҡуртымға бирелгән. Әммә бының менән дә тармаҡта тәртип урынлашмаған.Үткән йыл Белорет урмандарында законһыҙ ағас ҡырҡыуҙың 33 осрағы асыҡланған. Ғәҙәттә тәжрибәһе булмаған, яуаплылыҡ хаҡында уйланмағандар тотола.Был аҡ шыршы ботаҡтарын тунаусылар ошо статистикала. Ә ғәмәлдә ылыҫлы ағас райондан меңәрсә кубометр менән ситкә китә. Күбеһе ялған документар ярҙамында. Тәртип урынлаштырыу ниәте менән башланған реформанан кем отто һуң? Ошо ерлектә үҫкән халыҡ түгел һәр хәлдә.Урман браконьерҙарына ҡаршы көрәштә заманса технологиялар ҡулланыу ыңғай һөҙөмтә бирергә тейеш. Мәҫәлән, Бөрйәндә күптән түгел законһыҙ делянка асыҡланған, уны пилотһыҙ осоу аппараты ярҙамында тапҡандар. Киләсәктә был ысул да әүҙем ҡулланыласаҡ.2018 –ҙә Башҡортостанда законһыҙ ағас ҡырҡыусыларҙан 130 миллион һумлыҡ зыян асыҡланған.

Подпишитесь на наш Telegram-канал


һУҢҒЫ ХӘБӘРҘӘР

Смотреть видео Алтынай Вәлитовтың  концерты үтәсәк  | ГТРК «Башкортостан»

Алтынай Вәлитовтың концерты үтәсәк

Өфө уттары клубының Колизео Тинькофф холында Алтынай Вәлитовтың  концерты үтәсәк. 25-тән ашыу йыр ижад итеүсе егет әле сығышҡа әҙерләнә. Йырҙан тыш, концертҡа килгән тамашасыларҙы төрлө бүләктәр, башҡа артистарҙың сығышы көтәсәк.  Йыр яҙҙырыу студияһы минең өсөн икенсе өйгә әйләнде, ти...

15 апреля 2021
Смотреть видео 16 апрелдә Башҡортостанда  Милли кейем көнө билдәләнә | ГТРК «Башкортостан»

16 апрелдә Башҡортостанда Милли кейем көнө билдәләнә

 Республика халыҡ ижады үҙәге ошо уңайҙан бихисап саралар ойоштора. Социаль селтәрҙә әле бер юлы ике акция бара. Тәүгеһе – «Дуҫлыҡ бейеүе». Унда республиканың бейеү коллективтары ҡатнаша ала. Төрлө милли кейемдәрҙә 2-3 минутлыҡ бейеү күрһәтергә кәрәк. 16 апрелдә Милли кейем көнөнә бағышланған...

15 апреля 2021
Смотреть видео Башҡортостан 24 каналында Стәрлетамаҡ дәүләт театр-концерт берләшмәһе көнө уҙҙы | ГТРК «Башкортостан»

Башҡортостан 24 каналында Стәрлетамаҡ дәүләт театр-концерт берләшмәһе көнө уҙҙы

Ошо уңайҙан берләшмә артистары Өфөгә килде һәм тапшырыуҙарҙа, матбуғат конференцияһында ҡатнашты. Көн дауамында каналда Стәрлетамаҡ башҡорт драма театрының, филармонияның спектаклдәре һәм  концерттары барҙы. Бына улар – республиканың иң үҙенсәлекле ижади коллективы артистары. 6 автобусты...

15 апреля 2021
Смотреть видео Шуҡ малай шәбәйә башланы | ГТРК «Башкортостан»

Шуҡ малай шәбәйә башланы

12 ҡаттан ҡолап төшөп тере ҡалған бала һауығыуға табан бара, тип хәбәр итә табиптар. 5 йәшлек шуҡ малай менән булған хәл бөтә илде тетрәндерҙе. Малай әле  реабилитация курстары үтә. Ысынлап та, тиҙҙән был ҡыйыу малай велосипедына ла ултырыр, йүгереп тә китер. Әммә бер-ике ай көтөргө кәрәк...

15 апреля 2021
Смотреть видео Һыу баҫа | ГТРК «Башкортостан»

Һыу баҫа

Ауылдарҙы һыу баҫыуҙан йылғаларҙағы боҙ тығындарын шартлатып ҡотолоу сараһы күрелә. Башҡортостандың ғәҙәттән тыш хәлдәр буйынса дәүләт комитеты мәғлүмәттәре буйынса әле 31 йорт, 272 йорт-ҡура, 11 юл участкаһы ташҡындан зыян күргән. 14 апрелгә һыу баҫыуҙың 29 осрағы теркәлһә, шуның 19-ы күҙәтеүгә...

15 апреля 2021
Смотреть видео Мотлаҡ изоляция режимы ғәмәлдән сығарыла | ГТРК «Башкортостан»

Мотлаҡ изоляция режимы ғәмәлдән сығарыла

Башҡортостанда  65 йәштән өлкәндәр һәм хроник сирҙәре булғандар өсөн мотлаҡ изоляция режимы ғәмәлдән сығарыла.  Башҡортостан Башлығы Радий Хәбиров яңы коронавирус инфекцияһы таралыу хәүефенә бәйле «Юғары әҙерлек» тәртибе тураһында указға үҙгәрештәр индерҙе. Үҙгәрештәр бөгөндән үҙ көсөнә...

15 апреля 2021
Смотреть видео Яҙғы-баҫыу эштәре башланды | ГТРК «Башкортостан»

Яҙғы-баҫыу эштәре башланды

Башҡортостандың көнбайышында бер нисә хужалыҡ баҫыу эштәрен башланы. Ауыл хужалығы министрлығынан хәбәр итеүҙәренсә, Шаран районы фермеры Рәмил Иҙиәтуллин ужым бойҙайын туҡландырыу эшен башҡара. Туймазы районында «Өйәҙе» крәҫтиән-фермер хужалығы ужым культураларын туҡландырыуға тотондо. Ғәҙәттәгесә...

15 апреля 2021
Смотреть видео Сираттағы рейд | ГТРК «Башкортостан»

Сираттағы рейд

Водитель таныҡлығынан мәхрүм ителгән, страховкаһы юҡ, штрафтары түләнмәгән. Өфөлә Дәүләт автоинспекцияһы рейд барышында ҡағиҙә боҙоусыларҙы теркәне. Бер көн эсендә генә нисә юл хәүефһеҙлеге ҡағиҙәләрен үтәмәүселәр тотола?  Ни өсөн айырыуса иғтибар таксиҙарға йүнәлтелгән? Был водитель...

13 апреля 2021
Смотреть видео Космонавт менән тура бәйләнеш | ГТРК «Башкортостан»

Космонавт менән тура бәйләнеш

Рус драма театрында баш ҡаланың Октябрь районы хакимиәте мәктәп уҡыусылары өсөн космонавт, ике тапҡыр Советтар Союзы Геройы, Рәсәйҙең космонавтика Федерацияһы президенты Владимир Коваленок менән осрашыу үткәрҙе. Осрашыу тура бәйләнеш аша барҙы. Авиация генерал-полковнигы үҫмерҙәргә йыһан карабында...

13 апреля 2021
Смотреть видео Башҡорт балы йыһанда | ГТРК «Башкортостан»

Башҡорт балы йыһанда

 Хәҙер инде 16 йыл самаһы  космонавтарға өҫтәлмә ризыҡ булараҡ башҡорт балы ла бирелә. Махсус тюбиктарға йүкә һәм сәскәнән йыйылған  бал һалына. Республиканан халыҡ-ара йыһан станцияһына йылына 100 кг тирәһе бал оҙатыла. 2004-се йыл ошондай консервалы банкаларҙа Башҡорт балын...

13 апреля 2021
Яндекс.Метрика