ГТРК «Башкортостан» стала самой цитируемой телерадиокомпанией республики по итогам 2018 года - 735099445 | ГТРК «Башкортостан»
Прямой эфир:
Смотреть Башкортостан 24 Смотреть Россия 24 Слушать и смотреть Радио Маяк Слушать и смотреть Радио России Башкортостан Слушать Радио Вести FM Слушать и смотреть Радио Ватан

Башҡортостан халҡы Мортаза Рәхимовҡа изге теләктәрен еткерә

Мортаза Рәхимов Башҡортостан үҫеше өсөн ғәйәт ҙур эштәр башҡарған шәхес. Ул етәкселек иткән осорҙа беҙҙең республика илдә бар йүнәлештәр буйынса ла алдынғы урындарға сыҡты. Төбәктә йәшәгән бар милләт вәкилдәре өсөн дә милли-мәҙәни ихтыяждарын ҡәнәғәтләндереү өсөн тигеҙ шарттар тыуҙырылды. Башҡортостан халҡы бөгөн ил ағаһына рәхмәт һүҙҙәрен еткерә.   Ғәҙәттә, кешенең эшенә баһаны ваҡыт үҙе бирә, тиҙәр. Сирек быуатмы, йөҙ йылмы, тотош дәүерме. Ә уның хеҙмәте, ысын мәғәнәһендә, тотош дәүергә тиң.

Башҡортостан өсөн иң ауыр осорҙарҙың береһе.1990-сы йылдар. Республика ғына түгел, тотош илде ялмап алған үҙгәрештәр мәле. Тап ошо ваҡытта миллионлаған кеше яҙмышын үҙ тормошонан өҫтөн ҡуйған Мортаза Рәхимов Башҡортостан тигән тотош мәмләкәткә тиң төбәк өсөн яуаплылыҡты үҙ өҫтөнә ала. Башҡортостандың Рәсәй федерализмына нигеҙ һалыусы субьект икәнен иҫтә алып, бөгөн тағы ла бер ваҡиғаны оноторға ярамай. Тап Башҡортостан етәксеһе Мортаза Ғөбәйҙулла улы Рәхимов Республиканың үҙаллылығы тураһындағы Дәүләт Декларацияһына ул ҡуйыуға өлгәшә. Бер-нисә йылдан һуң вәкәләттәрҙе бүлешеү һәм идара итеү даирәһен айырыу тураһындағы документ, һуңынан иһә Башҡортостан Конституцияһы. Был – Башҡортостандың беренсе Президенты Мортаза Рәхимовтың эш биографияһындағы иң сағыу биттәрҙең береһе генә.  Башҡортостан халҡы бөгөн ил ағаһына рәхмәт һүҙҙәрен еткерә. Ул миллионлаған кешенең  йөрәк түренән сыҡҡан ихлас тәбрикләү. Ихтирам һәм хөрмәт. Был һүҙҙәрҙе тотош Республика, дүрт миллион халҡы булған Башҡортостан еткерә.

Башҡортостан тарихында беренсе тапҡыр Президент һайлауҙары һәм уның беренсе һөҙөмтәһе лә республика граждандарының Мортаза Рәхимовҡа ышанысы тураһында һөйләй. Тауыш биреү хоҡуғына эйә булған граждандарҙың 63 проценты Мортаза Ғөбәйҙулла улы Рәхимовты ошо вазифаны үтәүсе берҙән-бер ватандашы итеп күрә. Күгәрсен районындағы Тәүәкән ауылында донъяға килгән ябай малай, һуңынан завод етәксеһе, артабан инде — Башҡортостан лидеры. Тимәк, ауыл тормошон төптән белеп, сәнәғәт һәм иҡтисад төшөнсәһен яҡшы аңлаған хужа. Ысын мәғәнәһендә – хужа. 

Теүәл егерме йыл тотош бер субьект, Рәсәйҙең донор төбәге булған республиканы етәкләп килеү еңелдәрҙән түгел, тик ысын хужа ғына үҙ иңенә яуаплы йөктө һала ала. Башҡортостан етәксеһе Мортаза Рәхимов республика менән идара иткән осорҙа Башҡортостанда меңдән ашыу мәктәп, йөҙҙәрсә дауахана асыла. Тотош ауылдар, тотош райондар торғонлоҡ, үҙгәртеп ҡороуҙарҙан һуң яңы һулыш ала.  Халыҡҡа милли мәнфәғәттәрен ҡәнәғәтләндереү өсөн бар шарттар ҙа тыуҙырыла, республика мәктәптәрендә балалар 15 телдә белем ала.  Республика донъяның йөҙҙәрсә дәүләте менән миллиардтарса долларға баһаланған алыш-биреште яйға һала.

Оҙаҡ йылдар инвестиция тип һөйләгән һүҙҙәр тап Мортаза Рәхимов етәкселек иткән осорҙа уҡ бойомға ашырыла башлай.  Башҡорт халҡының ғына түгел, ә Башҡортостандың лайыҡлы улы. Республика, Өфөнө донъя кимәлендә таныуға алып килгән ШОС һәм БРИКС саммиттары нигеҙе лә Мортаза Рәхимов етәкселек иткән осорҙа һалынды. Башҡортостандың үҙ ирке менән Рәсәй дәүләтенә ҡушылыуҙың 450 йыллығына арнап төҙөлгән объекттар исемлегенә ингән “Торатау” конгресс холы ла Мортаза Ғөбәйҙулла улы башланғысы.  

Мортаза Ғөбәйҙулла улы төбәк, Рәсәй генә түгел, ә донъя кимәлендә танылған сәйәсмән. Абруй һәм аҡыл, ихтирам һәм алдан күрә белеүсәнлек. Үҙеңде түбәнһеткәндәр дәрәжәһенә төшмәү. Иң мөһиме илеңде яратыу.  Үҙенең 85 йәшен билдәләгән Мортаза Рәхимов идара иткән осорҙа Башҡортостан халҡы, уның күп төрлө милләте үҙ асылына кире ҡайтты.  Халыҡ ил ағаһын онотмай. Онотторорға тырыштырып, ситкә типһәләр ҙә, яратҡан шәхесенә һәр ваҡыт оло ихтирам күрһәтте. Егерме йыл дауамында республиканы күтәреп, ауыл хужалығы, сәнәғәт, социаль тармаҡ һәм башҡа бихисап эштәр башҡарып, Башҡортостанды Рәсәй кимәлендәге иң алдынғы төбәк дәрәжәһенә тиклем үҫтергән Мортаза Рәхимов һуңынан “Урал” хәйриә фонды аша бихисап программаларҙы тормошҡа ашырҙы.

Кемдер етәксе булып, йылға аша баҫма ла һалдыра алмаһа, Мортаза Рәхимов төҙөткән күперҙәр һаман да ныҡлы, һаман да ышаныслы. Тап, халыҡ ышанысы һәм халыҡ хөрмәте кеүек. Бөгөн уға Башҡортостандың миллионлаған ватандашы рәхмәт һүҙен әйтә. Ваҡыттың  кешегә баһаһын үҙе бар саҡта биреүе әһәмиәтле.

Тағы ла шуныһы, 85  йәшен билдәләгән ил ағаһы, Башҡортостандың беренсе Президенты Мортаза Рәхимовтың изге эше алтын ялатылған “Әр Рәхим” мәсете манаралары кеүек, Башҡортостандың алдағы тормошоноң  уңышлы буласағы миҫалы. “Мортаза Рәхимов” мәктәбен үткән республиканың бөгөнгө етәкселеге Башҡортостандың данын йәнә Рәсәй кимәленә сығарыуға әҙер.

 

Хәбәрҙәр

Смотреть видео Эшлекле осрашыуҙар | ГТРК «Башкортостан»

Эшлекле осрашыуҙар

Башҡортостан һәм Белоруссия араһында тауар әйләнеше 60 процентҡа артҡан. Ошо турала Республика етәксеһе Радий Хәбиров Белоруссияның Рәсәйҙәге ғәҙәттән тыш һәм тулы хоҡуҡлы илсеһе Владимир Семашко менән осрашыуҙа белдерҙе.Ике республика 2011-се йылдан алып тығыҙ хеҙмәттәшлек итә. Ошо арауыҡ эсендә...

25 марта 2019
Смотреть видео Өфөлә һыу баҫыу ихтималлығы булған урындарға ваҡытлыса нығытма һалынды | ГТРК «Башкортостан»

Өфөлә һыу баҫыу ихтималлығы булған урындарға ваҡытлыса нығытма һалынды

Өфөлә Бельский һәм Пугачев урамдары киҫелешендәге һыу баҫыу ихтималлығы булған урындарға ваҡытлыса нығытма һалынды. Ул ташҡын ваҡытында юлды һыу сығыуҙан һаҡлай. Бындай дамба тап был киҫелештә беренсе йыл һалынмай. 2016 йылда ташҡын һыу ошо уҡ юлға сығыу сәбәпле, машиналар үтә алмағайны. Быйыл яҙғы...

25 марта 2019
Смотреть видео Республикала яҙғы ташҡынға етди әҙерлек бара | ГТРК «Башкортостан»

Республикала яҙғы ташҡынға етди әҙерлек бара

Республиканың барлыҡ киң мәғлүмәт сараларында ла яҙғы ташҡын иң төп темаларҙың береһе булып ҡала. Фаразлауҙар буйынса, быйыл ул көслө булмаясаҡ. Әммә һыу баҫыу ихтималлығы булған урындарҙа йәшәүселәргә әленән үк ҡош-ҡорттарын имен урындарға күсереү яйын хәстәрләргә тәҡдим ителә. Республика...

25 марта 2019
Смотреть видео “Иғтибар-балалар” операцияһы | ГТРК «Башкортостан»

“Иғтибар-балалар” операцияһы

Сибайҙа юл хәрәкәте именлеге дәүләт инспекцияһы хеҙмәткәрҙәре “Иғтибар-балалар” операцияһы сиктәрендә кадеттар менән ҡала урамдарында рейд үткәрҙе. Йәш инспекторҙар тәүҙә юл хәрәкәте ҡағиҙәләрен белеүгә һынау тотто, юл-патруль хеҙмәте машинаһына ҡуйылған ҡорамалдар менән танышты. Рейд ваҡытында...

25 марта 2019
Смотреть видео Сибайҙан балаларҙың тағы ла бер төркөмө Ҡырымдан сәләмәтлеген нығытып ҡайтты | ГТРК «Башкортостан»

Сибайҙан балаларҙың тағы ла бер төркөмө Ҡырымдан сәләмәтлеген нығытып ҡайтты

Сибайҙан балаларҙың тағы ла бер төркөмө-250 кеше Ҡырымдан сәләмәтлеген нығытып ҡайтты. Уларҙы  ҡаланың үҙәк майҙанында ҡаршы  тантаналы ҡаршы алдылар. Балалар ял итеп кенә ҡалмаған, Евпаторияла, Ялта, Севастополь ҡалалары менән танышҡан, Артек лагерына экскурсияға ла барған. Тик барыбер...

25 марта 2019
Смотреть видео  Сибайҙа “Росток” клубы яңы миҙгелен асты | ГТРК «Башкортостан»

Сибайҙа “Росток” клубы яңы миҙгелен асты

Ҡаланың барлыҡ баҡсасыларын берләштергән был клуб йәшен дә, ҡартын да берләштерә. Улар бер-береһе менән аралашып ҡына ҡалмай, тәжрибә лә уртаҡлаша.  Клубта шулай уҡ баҡсасылыҡҡа бәйле төрлө саралар ойошторола. Уның ағзалары тыуған көндәрен дә бергәләп үткәрергә тырыша. Ҡала көнө сиктәрендә...

22 марта 2019
Смотреть видео 23 мартта донъяның метеорологтары һөнәри байрамын билдәләй | ГТРК «Башкортостан»

23 мартта донъяның метеорологтары һөнәри байрамын билдәләй

Рәсәйҙең Гидрометеорология үҙәге барлыҡҡа килгәнгә быйыл 185 йыл.  1834 йылдың 26 апрелендә Санкт-Петербург ҡалаһында император Николай I  магнит-метеорологик обсерваторияһын асыу тураһында ҡарар ҡабул итә. Ул көндән алып 99 йыл үткәс Өфөлә Башҡорт АССР-ының гидромет хеҙмәте идаралығы...

22 марта 2019
Смотреть видео Башҡортостан ихаталары | ГТРК «Башкортостан»

Башҡортостан ихаталары

 “Башҡорт ихаталарын” төҙөкләндереүгә бер миллиард ете йөҙ миллион һум аҡса бүленә. Күп фатирлы йорт биләмәләрен кешеләр өсөн уңайлы итеп күркәмләндереү программаһына ярашлы, киләһе алты йылда республиканың бар 63 муниципалитетында 2 мең 903 ихата төҙөкләндереләсәк. Шуларҙың биш йөҙгә яҡыны...

22 марта 2019
Смотреть видео  Оло ҡайғыға әйләнгән ҙур шатлыҡ | ГТРК «Башкортостан»

Оло ҡайғыға әйләнгән ҙур шатлыҡ

Өфөнөң перинаталь үҙәгендә яңы тыуған сабый һәләк булылу сәбәпле енәйәт эше ҡуҙғатылды.  Сабыйҙың ата-әсәһе бар бәләне табиптарҙан күрә. Табиптар иһә үҙ ғәйебен танымай. Әсәй кешенең ҡайғыһы күҙ йәштәре булып ағыла. Ҙур шатлыҡ оло ҡайғыға әйләнер, тип һис тә уйламаған ул. Сабый ике көн генә...

22 марта 2019
Смотреть видео Кескәйҙәргә-сәләмәт йөрәк | ГТРК «Башкортостан»

Кескәйҙәргә-сәләмәт йөрәк

Республика кардиология үҙәгендә быйыл сабыйҙарҙың йөрәгенә операция эшләү өсөн яңы корпус төҙөлә башлаясаҡ. Объект хирургия өлкәһендә күп мөмкинлектәргә ирешергә һәм алыҫ райондан килгән пациенттарға сифатлы ярҙам күрһәтеүгә тағы бер этәргес бирә. Тыумыштан йөрәк кәмселеге менән яфаланыусы һигеҙ...

22 марта 2019
Смотреть видео Сибайҙа ғәҙәттән тыш хәлдә әүҙем эшләгән табиптарҙы бүләкләйәсәктәр | ГТРК «Башкортостан»

Сибайҙа ғәҙәттән тыш хәлдә әүҙем эшләгән табиптарҙы бүләкләйәсәктәр

Ошо хаҡта Радий Хәбиров сираттағы сәләмәтлек сәғәтендә белдерҙе. Кәңәшмәлә билдәләнеүесә, һаулыҡ һаҡлау өлкәһенә тәнҡит һәм ялыу осраҡтары ла кәмегән. Кешеләр табиптарҙың иғтибарһыҙлығына, дарыуҙар менән тәьмин итеү өлкәһендәге киҫкенлектәргә һәм дауаханалар торошона зарлана ине. Был йәһәттән Сибай...

22 марта 2019
Смотреть видео  Яңы прокурор алдында яңы бурыстар | ГТРК «Башкортостан»

Яңы прокурор алдында яңы бурыстар

Республика етәксеһе Радий Хәбиров Башҡортостан парламентының Почет грамотаһын алдағы хеҙмәт юлына аванс тип ҡабул итә. Был турала ул төбәктең закондар сығарыу буйынса төп органының сираттан тыш етенсе ултырышында белдерҙе. Дәүләт Йыйылышы-Ҡоролтайҙың алтынсы саҡырылыш  депутаттарының етенсе...

22 марта 2019
Смотреть видео Республикала интерактив карта булдырыла | ГТРК «Башкортостан»

Республикала интерактив карта булдырыла

Әле республикала юлдар торошон күҙәтеү өсөн интерактив карта булдырыла. Өфөлә һәм Стәрлетамаҡта мобиль ҡушымта ярҙамында проблемалы участкалар асыҡлана. Уға һәр кем юлдағы соҡорҙо фотоға төшөрөп ебәрә ала, авария хәүефе булған урындар 1 тәүлек эсендә, башҡалары 3 көндә ямалып шунда уҡ отчет һалына.

21 марта 2019
Смотреть видео Юлдағы соҡорҙарҙы ямау өсөн отошло ысул | ГТРК «Башкортостан»

Юлдағы соҡорҙарҙы ямау өсөн отошло ысул

Стәрлетамаҡ ҡалаһында йәшәүсе белгес Алексей Пастухов һүҙҙәренсә, ҡулланылмай ҡалған асфальт ҡалдыҡтарын иретеп юлдарҙағы соҡорҙарҙы бөтөрөп була. Бындай алым күпкә отошло һәм еңел. Юлдағы соҡор-саҡырҙарҙы ямап ҡуйыу өсөн иҫке асфальт киҫәктәре тәүҙә юғары температуралы махсус ҡорамал эсенә оҙатыла...

21 марта 2019
Смотреть видео Өфөлә асфальтты ямау эштәре башланды. | ГТРК «Башкортостан»

Өфөлә асфальтты ямау эштәре башланды.

 Ҡаланың юл-төҙөлөш лабороторияһы белгестәре соҡорҙарға түшәлгән ҡатнашманың сифатын тикшерә. Асфальт өлгөһө заводттан алынып, артабан махсус лабороторияға ебәрелә. Был ҡатнашма асфальттағы соҡорҙарҙы ямау өсөн тәғәйенләнгән. Көндәрҙең әле һалҡынса тороуо сәбәпле юл төҙөүселәр шыйыҡ асфальт...

21 марта 2019
Смотреть видео Республикала 6 градусҡа тиклем йылыта | ГТРК «Башкортостан»

Республикала 6 градусҡа тиклем йылыта

Республиканың көньяғына һәм үҙәк өлөшөнә ысын яҙ килде. Әммә, төндәрен аяҙайтҡанда урыны менән -15 градусҡа тиклем һалҡынайта. Көндөҙ йылытып, төндәрен һыуытһа иртән томан буласаҡ, юлдарҙа боҙлауыҡ көтөлә, тип белдерә синоптиктар. Өфөлә һауа торошон телеүҙәк башняһына ҡуйылған камера аша ла күҙәтеп...

21 марта 2019
Смотреть видео Рәсәй һәм Донъя хәбәрҙәре | ГТРК «Башкортостан»

Рәсәй һәм Донъя хәбәрҙәре

Америкала ташҡын һөҙөмтәһендә өс кеше һәләк булған, берәүһе хәбәрһеҙ юғалған. 14 штатта йәмғеһе 9 миллиондан ашыу кеше бәлә-ҡаза күргән. Циклондар арҡаһында Миссури һәм Миссисипи йылғаларында һыу кимәле күтәрелгән. Бер-нисә штатта ғәҙәттән тыш хәл иғлан ителгән. 737 MAX сериалы Боинг...

21 марта 2019
Смотреть видео Матди зыян күләме арта | ГТРК «Башкортостан»

Матди зыян күләме арта

Уҙған йылда Михайловка ауылында йөк машинаһы аҫтында һәләк булған ҡыҙҙың ата-әсәһе водителдән 1 миллион һум матди зыян күләмен ҡаплауҙы талап итә. Өфө районы судында сентябрь айында булған юл-транспорт ваҡиғаһы буйынса икенсе ултырыш үтте. Бында Шакман машинаһы водителенән һорау алынды. Ул ҡыҙ-...

21 марта 2019
Смотреть видео Сибай тарих һәм тыуған яҡты өйрәнеү музейында квест уйыны ойошторолдо | ГТРК «Башкортостан»

Сибай тарих һәм тыуған яҡты өйрәнеү музейында квест уйыны ойошторолдо

Сара Башҡортостандың 100 һәм музейҙың 60 йыллығына арналған. Уйында Сибай ҡалаһының студенттары әүҙем ҡатнашты. 100 йыл элек. Ошо арауыҡты алған тарихи факттарға таянып, Сибай музейында квест уйыны ойошторолдо. Уйында Сибай педагогик һәм күп профилле политехник колледждары, Башҡорт дәүләт...

21 марта 2019
Смотреть видео Онкология диспансерының яңы бинаһы тейешле ваҡытында файҙаланыуға тапшырыласаҡ | ГТРК «Башкортостан»

Онкология диспансерының яңы бинаһы тейешле ваҡытында файҙаланыуға тапшырыласаҡ

Бында яман сиргә тарыған кешеләр һуңғы өмөт менән килә, Республикала яман шеш сирҙәрен дауалау нисек ойошторолған һәм ресурстар ғәҙел ҡулланыламы. Республика етәксеһе Радий Хәбиров ошо һорауҙы төҙөүселәр, һаулыҡ һаҡлау министрлығы вәкилдәре менән диспансер табиптарына бирҙе. Республика онкология...

21 марта 2019
Смотреть видео Башҡортостан был аҙнала үҙенең 100 йыллығын билдәләй | ГТРК «Башкортостан»

Башҡортостан был аҙнала үҙенең 100 йыллығын билдәләй

1919 йылдың  20 мартында үҙәк власть һәм башҡорт хөкүмәте араһында милли автономины раҫланған килешеү төҙөлә, ә  23 мартта рәсми мәғлүмәт матбуғатта баҫтырыла. Төбәктә юбилей айҡанлы байрам саралары үтә. Милли музейҙа башҡорт автономияһы төҙөлөү тарихын сағылдырған яңы экспозиция асылһа,...

21 марта 2019
Смотреть видео Рәми Ғарипов премияһы | ГТРК «Башкортостан»

Рәми Ғарипов премияһы

Рәми Ғариповтың тыуған көнө уңайынан беренсе Республика башҡорт гимназия-интернатында Рәми Ғарипов исемендәге премия тапшырҙылар. Ул арҙаҡлы башҡорт шәхесең ижадын пропагандалауға һәм мәңгеләштереүгә һиҙелерлек өлөш индереүселәргә, шағирҙың традицияларын дауам иттергән әҫәрҙәр һәм әҙиптең тормошо,...

20 марта 2019
Смотреть видео Сибайҙа “Урал Батыр” эпосын яттан һөйләүселәр конкурсы үтте | ГТРК «Башкортостан»

Сибайҙа “Урал Батыр” эпосын яттан һөйләүселәр конкурсы үтте

Сара Башҡортостан республикаһы ойоторолоуының 100 йыллығына арналды. Ярышта өс төркөмгә бүленеп  ҡырҡтан ашыу бала ҡатнашты.  «Урал батыр» эпосы — башҡорт халҡының  бөйөк ҡомартҡыһы, ата-бабаларыбыҙ быуындан-быуынға тапшырған бай хазина — ауыҙ-тел ижадының һоҡланғыс өлгөһө. Сибай...

20 марта 2019
Смотреть видео Нимә ул нуклеус? | ГТРК «Башкортостан»

Нимә ул нуклеус?

Умартысылар ассоциацияһы Бөрйән районында башҡорт бал ҡорттарын һаҡлау маҡсатында нуклеустар эшләй. Эштәр Рәсәй президенты бүлгән грантҡа башҡарыла. ,,Башҡорт бал ҡорттарын һаҡлап алып ҡалыу,,  тип исемләнгән проект сиктәрендә Бөрйән умартасылары ойошмаһы тәбиғи шарттарға яраҡлаштырып...

20 марта 2019
Смотреть видео Рәсәй һәм Донъя хәбәрҙәре | ГТРК «Башкортостан»

Рәсәй һәм Донъя хәбәрҙәре

Төньяҡ Африкала иң көслө циклондарҙың береһе - Идаи үткән. Мозамбик менән Зимбабвела йөҙәрләгән кеше һәләк булған. Хәбәрһеҙ юғалғандары ла бихисап. Тәбиғи көстәрҙән зыян күргән райондарға ҡотҡарыусылар ҙа оҙаҡ барып етә алмаған. Һауа торошоноң насар булыуы сәбәпле вертолеттар оса алмай, элемтә лә...

20 марта 2019
Смотреть видео Башҡортостанда тәүге тапҡыр ауыл хужалығы транспортына тәбиғи газ яғыулығы ҡорамалы ҡуйылды | ГТРК «Башкортостан»

Башҡортостанда тәүге тапҡыр ауыл хужалығы транспортына тәбиғи газ яғыулығы ҡорамалы ҡуйылды

 Башҡорт дәүләт аграр университеты ғалимдары федераль программаға ярашлы, экология йәһәтенән таҙа һәм иҡдисади яҡтан да уңайлы уникаль транспорт тәҡдим итә. Рәсәйҙә автомобилдәрҙе тәбиғи яғыулыҡҡа күсереүҙең төрлө  юлдары барлана. 2050 йылға тиклем дөйөм транспорттың күпселек өлөшө тәбиғи...

20 марта 2019
Смотреть видео Өфөлә билдәләнгә ваҡыттан алда 2-се балалар поликлиникаһы филиалы эшләй башланы | ГТРК «Башкортостан»

Өфөлә билдәләнгә ваҡыттан алда 2-се балалар поликлиникаһы филиалы эшләй башланы

Иҫегеҙгә төшөрәбеҙ, был медицина учреждениеһының асылғанын Колгуевский микрорайонында йәшәүселәр оҙаҡ көттө. Бинала капиталь ремонтты 2014 йылда уҡ башлағайнылар. Тик реконструкцияны ваҡытында тамамлап өлгөрмәнеләр. Эштәр сифатһыҙ башҡарылған, ә ҡайтанан ремонт эшләргә компанияның ҡулынан килмәне....

20 марта 2019
Смотреть видео Торлаҡ төҙөлөшөн тотҡарлыҡһыҙ дауам итер мөмкинлектәр бар | ГТРК «Башкортостан»

Торлаҡ төҙөлөшөн тотҡарлыҡһыҙ дауам итер мөмкинлектәр бар

 Был хаҡта “Беренсе трест” компанияһы етәксеһе Тимур Ғәҙиев сираттағы төҙөлөш сәғәте ултырышында белдерҙе. Беренсе трест етәксеһе билдәләүенсә, паникаға сәбәп юҡ, компанияның аҡсаһы Рәсәй банктарында һаҡлана, бынан тыш ойошманың төҙөлөштө тотҡарлыҡһыҙ алып барырға үҙ финанс саралары етерлек....

20 марта 2019
Смотреть видео Республиканың торлаҡ-коммуналь хужалығы хеҙмәткәрҙәре үҙенең һөнәри байрамын билдәләне | ГТРК «Башкортостан»

Республиканың торлаҡ-коммуналь хужалығы хеҙмәткәрҙәре үҙенең һөнәри байрамын билдәләне

 Ошо уңайҙан ҡала мәҙәниәт һарайында ҙур сара үтте. Унда республика етәксеһе Радий Хәбиров һәм ҡала башлығы Өлфәт Мостафин ҡатнашты. Төбәк етәксеһе ҡала мәҙәниәт һарайы алдында ойошторолған күргәҙмә менән танышты. Артабан тантаналы йыйылышта Радий Хәбиров торлаҡ-коммуналь хужалығы өлкәһендә...

20 марта 2019
Смотреть видео Апрель башынан республикала экологик өмәләр айлығы башлана | ГТРК «Башкортостан»

Апрель башынан республикала экологик өмәләр айлығы башлана

Оператив кәңәшмә барышында төбәк етәксеһе Радий Хәбиров май байрамдарына тиклем Башҡортостанды тәртипкә килтерергә саҡырҙы. Шулай уҡ, Сибайҙағы карьерға һыу тултырыу эштәренең тамамланыу ваҡытын да аныҡланы. Карьерҙың зарарлы газдар сығарып ятҡан өлөшөнә тиклем һыу тултырыу эше 26 мартҡа...

20 марта 2019
Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика