Башҡортостандың алтын тауышы

Башҡортостандың алтын тауышы Әхәт Мотаһар улы Мортазинға ошо көндәрҙә алтмыш йәш тулған булыр ине. Былтыр ул беҙҙең арабыҙҙан китте. Уның иҫтәлегенә арнап Башҡортостан концерт залына туғандары, яҡындары һәм хеҙмәттәштәре йыйылды. Оло йөрәкле, мыҡты кәүҙәле, һәр бер кешегә ярҙамсыл  һәм, әлбиттә,  шаян. Тап ошондай сифаттар менән Башҡортостандың халыҡ артисы, Башҡортостандың тауышы  Әхәт Мотаһар улы  Мортазин һәр бер кешенең күңелендә һаҡлана. Әхәт Мотаһар улының алтын тауышы Башҡортостан Дәүләт концерт залында йәнә яңғыраны. Әхәт Мортазин хеҙмәт юлын  80-се йылдарҙа балалар тапшырыуҙары алып барыусыһы булып башлай, тиҙ арала киң танылыу яулап, диктор вазифаһына күтәрелә. Утыҙ йылдан ашыу уның мөһабәт тауышы бөтә республика халҡын хәйерле иртәләр теләп уятты. Уның иҫтәлегенә арнап үткәрелгән тамашаға хеҙмәттәштәре, дуҫ-иштәре һәм туғандары йыйылды. Әхәт Мортазин  менән беренсе танышыуын күптәр бөгөнгөләй иҫләй.Әхәт Мортазиндың эшенә тоғро һәм етди ҡарауы һәр береһенә үрнәк. Уның  һөйөүе халыҡҡа ла, ғаиләһенә лә етә ине, тип хәтерләй яҡындары. Әхәт Мотаһар улы үҙенең белемен башҡалар менән дә бүлеште. Журналист булырға хыялланған студенттар уға дәрескә йөрөй торғайны. Әхәт Мортазин легендар диктор ғына түгел, ә яҡын дуҫ, изге күңелле кеше булып ҡала. “Мине ҡабул итеп, тыңлаусылар бар икән-тимәк мин дә бар”, ти Әхәт Мортазин  “Башҡортостан тауышы” тапшырыуында . Ысынлап та, уның тауышы әле лә яңғырай һәм мәңгелеккә халыҡ йөрәгендә.

Читайте нас в Яндекс.Дзен


һУҢҒЫ ХӘБӘРҘӘР

Смотреть видео Бөтә ауырыуҙарҙан дауаланыу өсөн миллион һум аҡса | ГТРК «Башкортостан»

Бөтә ауырыуҙарҙан дауаланыу өсөн миллион һум аҡса

Тап ошо тылсымлы һүҙҙәргә ышанған пенсионер үҙен күрәҙәсе тип таныштырған ят кешегә бар аҡсаһын күсергән. Мөғжизәгә ышанған ҡатын хәҙер тынысланыр өсөн көн дә дарыу эсергә, етмәһә кредит түләргә мәжбүр. Республикала әле ике меңдән ашыу кеше үҙ карталарынан аҡса күсереп мутлашыусылар ҡулына эләккән...

21 июля 2020
Смотреть видео Хеҙмәт ҡаһарманлығы ҡалаһы | ГТРК «Башкортостан»

Хеҙмәт ҡаһарманлығы ҡалаһы

«Хеҙмәт ҡаһарманлығы ҡалаһы» стеллаһының макетын һәм ҡуйыу урынын халыҡ һайлаясаҡ. Был турала ойоштороу комитетының тәүге ултырышында хәбәр иттеләр. Конкурсҡа бихисап эштәр ебәрелгән. Шуларҙың ун бише менән комитет ағзалары танышты. Макеттарҙың бишәүһе тауыш биреүгә сығарыла, йәмәғәтселек фекерен...

21 июля 2020
Смотреть видео Халыҡҡа  ярҙам күрһәтеүҙең бер ысулы - социаль контракттар | ГТРК «Башкортостан»

Халыҡҡа ярҙам күрһәтеүҙең бер ысулы - социаль контракттар

Социаль контракт - граждан һәм халыҡҡа социаль ярҙам күрһәтеү органдары араһында төҙөлгән килешеү. Документ гражданға адреслы социаль ярҙам күрһәтеүҙе күҙ уңында тота. Башҡортостанда Социаль килешеү программаһы 2014 йылдан алып эшләп килә. Быйыл республика ярлылыҡ кимәлен кәметеү буйынса ...

21 июля 2020
Смотреть видео Бөрйән һәм Белорет райондары урмандарында янғын һүндереү дауам итә | ГТРК «Башкортостан»

Бөрйән һәм Белорет райондары урмандарында янғын һүндереү дауам итә

Быйыл янғын хәүефе миҙгеле башланғандан алып дөйөм 4 мең гектар майҙанда 109 янғын теркәлгән. Республика етәксеһе әйтеүенсә, урманға сыҡҡанда хәүефһеҙлек ҡағиҙәләренә етди иғтибар бирергә кәрәк. Радий Хәбиров урман хужалығы министрлығына мөмкин тиклем ярҙам итергә саҡырҙы. Был хаҡта ул...

21 июля 2020
Смотреть видео Башҡортостан урмандарында дүртенсе һәм бишенсе класлы янғын хәүефе фаразлана | ГТРК «Башкортостан»

Башҡортостан урмандарында дүртенсе һәм бишенсе класлы янғын хәүефе фаразлана

Рәсәйҙең Башҡортостан буйынса Ғәҙәттән тыш хәлдәр министрлығы хәбәр итеүенсә, Әлшәй, Архангел, Бәләбәй, Бүздәк, Дүртөйлө, Йылайыр, Кушнаренко, Стәрлебаш, Туймазы, Саҡмағош һәм Шишмә райондары биләмәһендәге урмандарҙа айырыуса һаҡ булырға кәңәш ителә. Хәйбулла, Күгәрсен, Көйөргәҙе, Мәләүез,...

21 июля 2020
Смотреть видео «Ирәндек моңдары» төбәк-ара конкурсы быйыл ул 21-22 августа Сибайҙа үтәсәк | ГТРК «Башкортостан»

«Ирәндек моңдары» төбәк-ара конкурсы быйыл ул 21-22 августа Сибайҙа үтәсәк

 Ойоштороусылар пандемияға бәйле уны онлайн уҙғарырға ҡарар иткән.  7-16 йәшлек балалар араһында конкурс 10 августа бер турҙа онлайн үткәрелә. Һәүәҫкәр һәм профессиональ башҡарыусылар араһында ике турҙа ойошторола. Беренсе тур 10-11 августа онлайн режимда, икенсеһе- 21 авгусҡа билдәләнгән...

17 июля 2020
Смотреть видео Ишембайҙа Башҡорт ихаталары программаһы үҙ эшен дауам итә | ГТРК «Башкортостан»

Ишембайҙа Башҡорт ихаталары программаһы үҙ эшен дауам итә

Әлеге ваҡытта 6 ихата биләмәһен төҙөкләндереү эштәре бара. Ремонт эштәренең дөйөм суммаһы 2020 йылға 59 млн һум. Ихаталарҙың үҙенсәлегенән, йәшәүселәрҙең талаптарынан сығып, йәмәғәт-административ комиссия ниндәй эштәр башҡарыу маҡсатлыраҡ булыуы тураһында ҡарар сығара.  Берәүҙәргә балалар...

17 июля 2020
Смотреть видео Өфөнөң Кузнецов затоны биҫтәһе йәнә иғтибар үҙәгендә | ГТРК «Башкортостан»

Өфөнөң Кузнецов затоны биҫтәһе йәнә иғтибар үҙәгендә

Был юлы  төҙөлөп бөткән йорттоң хужалары үҙ фатирҙарының асҡыстарын ала алмай интегә. Илһөйәр Хафизова ғаиләһе менән Кузнецов затоны биҫтәһендә өс бүлмәле фатир һатып алған, Әммә шатланырға сәбәп  юҡ әле, ти ҡыҙ. Хафаланыу урынлы. Төҙөүсе йортто йылдың беренсе кварталында тапшырырға...

17 июля 2020
Смотреть видео Туристарҙан ҡалған сүп-сар ҙа күбәйә | ГТРК «Башкортостан»

Туристарҙан ҡалған сүп-сар ҙа күбәйә

Республикала көндәрҙең  саманан тыш эҫе булыуы сәбәпле, күптәр йылға буйҙарына ашыға. Тик бына Асылыкүл менән Ҡандракүл ярындағы туристар айырым һаҡланған биләмәләргә ҡурҡыныс менән янай. Биләмәләр сүп-сар аҫтында ҡала. Ә сәйәхәтселәрҙән йыйылған аҡсаның иһә тейешенсә ҡулланылмауы ихтимал....

17 июля 2020
Смотреть видео Хәрәкәт ваҡытлыса сикләнде | ГТРК «Башкортостан»

Хәрәкәт ваҡытлыса сикләнде

Эҫелек сәбәпле, Башҡортостанда федераль әһәмиәттәге автомобиль юлдарында хәрәкәт ваҡытлыса сикләнде.  Сикләү махсус рөхсәт буйынса ауыр йөк ташыған йөк транспортына ҡағыла.  Хәрәкәтте сикләү көндөҙгө һауа температураһының +32, +38 градус булыуына бәйле «Урал буйы» юл идаралығы актына...

17 июля 2020