Башҡортостан телевидениеһы 60 йыллығын билдәләй

Бөгөн  Башҡортостан телевидениеһы үҙенең юбилейын-60 йыллығын билдәләй. Тап ошо көндә, 1-се мартта беҙҙең телеведениела тәүге даими тапшырыуҙар эфирға сыға башлай. 60 йыл элек булған тарихи ваҡиғаларға хәбәрсебеҙ Ләйсән Тимербулатова байҡау яһар. Әле ул беҙҙең студияла. Ләйсән, хәйерле көн, кемдәр улар әлеге көндә Рәсәйҙә бар йәһәттән дә иң алдынғы тип табылған телевидение башында тороусылар. 1954 йылда Башҡортостан ҡунаҡханаһында бер төркөм энтузиастар һәүәҫкәр телеүҙәк ойоштороп ебәрә һәм документаль, нәфис фильмдар күрһәтә, ә ҡайһы ваҡыт Родина кинотеатрының йәшел залынан төрлө киноларҙың өлөштәрен эфирға сығара башлайҙар. Өфөнөң оло быуын кешеләре хәтерләүенсә, ул йылда баш ҡала халҡы төбәк тапшырыуҙарының сыға башлауын ишетеп, йылдам телевизорҙар һатып ала башлай. Ә ике йылдан һуң 1958-ҙә БАССр-ҙың Министрҙар Советы Өфөлә телеүҙәк төҙөү тураһында  ҡарар ҡабул итә.  Өфө телеүҙәгенең етәксеһе итеп Эммануил Соломоновович Штейнберг тәғәйенләнә. Был фотоларҙа телебашняның төҙөлә башланған ғына осорон күрәһегеҙ. Төҙөлөш бик йылдам бара. 1958 йылдың сентябрендә Ленинградтан аппарат -студия комплексын һәм тулҡын тапшырыу ҡоролмаларын көйләүсе оҫталар килә  һәм  10-ға ла етмәгән ижади коллектив яңы йыл төнөндә беренсе тапҡыр эфирға сыға. Дикторҙар әҙерләп өлгөрмәйҙәр һәм тапшырыуҙы алып барыу өсөн Башҡорт дәүләт филармонияһы артисы  Ғәзимә Исмәғилеваны саҡыралар. Ғәзимә Исмәғилева телевизор ҡараусыларҙы 1959-сы Яңы йыл менән тәбрикләп, һүҙҙе КПСС-тың Башҡорт обкомы секретары Хәйҙәр Сайрановҡа бирә. Башҡортостан халҡын ҡотлап Мостай Кәрим сығыш яһай.  Ниһайәт, телеүҙәкте дәүләт комиссияһына тапшырыу көнө яҡынлаша. Аппарат-студия комплексын ҡороу, УКВ-тапшырғыстар, сантехника, янғын сигнализациялары буйынса акттар тапшырыла һәм телеүҙәк рәсми ҡабул ителә.1959 йылдың 1 мартында концерт студияһынан тәүге тапшырыу эфирға сыға һәм  шул көндән башлап тапшырыуҙар даими бара башлай. Тап 1 март шуға күрә лә  Башҡортостан телевидениеһының тыуған көнө булараҡ тарихта һаҡлана. Радиотапшырыуҙар һәм телевидение комитетының директоры итеп Ғариф Вәли улы Ғөзәйеров тәғәйенләнә. Башҡортостан телевидениеһының тәүге директоры — Ғәли Харис улы Ғүмәров  телевидение штатын туплай. Йөҙҙәрсә саҡырымға телекартиналарҙы тапшырыу ҡеүәһенә эйә ҡатмарлы ҡоролмалар эшләү өсөн хеҙмәткәрҙәр туплана. Был фотоға ла 60 йыл. Бында һеҙ Башҡорт телевидениеһының техник хеҙмәткәрҙәрен күрәһегеҙ. Техник хеҙмәткәрҙәр төшөрөү, ҡорау ҡоролмаларын өйрәнә. Телеоператорҙар әҙерләнә. Телевидениеның тәүге операторы -  Ғилван Әмиров. Ул  фронтовик оператор. Бөйөк Ватан һуғышы йылдарында алғы һыҙыҡта эшләй. 1959 йылда телеүҙәккә эшкә килә, документаль, ҡыҫҡа метражлы фильмдар төшөрә. Ә тәүге дикторыбыҙ — Рәсимә Кәримова. Диктор булыу теләге менән килгән 300 кеше араһынан һайлап алалар уны. Башҡортостан телевидениеһы тарихының тәүге битенә ингән һәм телевидениеның үҫешенә күп көс һалған шәхестәр исемлеге байтаҡ. Беҙ улар тураһында мәғлүмәт менән киләһе тапшырыуҙарҙа ла  таныштырырбыҙ. Хәҙер инде беҙҙең телевидение яңы дәүергә аяҡ баҫты, беҙ илдә тәүгеләрҙән булып цифралы форматҡа күстек. Илдә июндә аналог телевидениеһы һүндереләсәк.

Смотрите нас в YouTube


һУҢҒЫ ХӘБӘРҘӘР

Смотреть видео Башҡорт википедияһына 15 йыл | ГТРК «Башкортостан»

Башҡорт википедияһына 15 йыл

Ошо уңайҙан Башҡорт дәүләт опера һәм балет театрының грек залына иң әүҙем телсе ирекмәндәр йыйылды. Бөгөнгәсә башҡорт викиирекмәндәре тарафынан интернет селтәренә 55 мең мәҡәлә әҙерләнгән. Викиирекмәндәр осрашыуы мәшһүр «Урал  көйө менән асылды. Башҡорт википедияһы хәрәкәтенең иң әүҙем...

1 марта 2021
Смотреть видео Боронғо дәүер юлдары | ГТРК «Башкортостан»

Боронғо дәүер юлдары

«Боронғо Өфө» республика тарихи-мәҙәни музей-ҡурсаулығында “Боронғо дәүер юлдары” тип исемләнгән күргәҙмә асылды. Үҙенсәлекле экспозицияла таш быуаттан алып ун туғыҙынсы быуатҡа тиклемге осорҙа Башҡортостанда табылған төрлө артефакттар менән танышырға мөмкин. Күргәҙмәнең нигеҙендә 2017 йылда Өфө-2...

1 марта 2021
Смотреть видео Бөйөк Ватан һуғышына ҡағылышлы уникаль документтар табылған | ГТРК «Башкортостан»

Бөйөк Ватан һуғышына ҡағылышлы уникаль документтар табылған

Башҡорт эҙәрмәндәре Бөйөк Ватан һуғышына ҡағылышлы уникаль документтар тапҡан. Ул йылдарҙа меңәрләгән кеше комсомол һәм партия саҡырыуы буйынса хәрби хеҙмәткә алынған. Әммә улар тураһында мәғлүмәт бер ерҙә лә теркәлмәгән. Хәҙер инде был һалдаттарҙың исемен асыҡлау һәм мәңгеләштереү мөмкинлеге бар....

1 марта 2021
Смотреть видео Башҡортостанда теләгән һәр кеше коронавирусҡа ҡаршы прививка яһата ала | ГТРК «Башкортостан»

Башҡортостанда теләгән һәр кеше коронавирусҡа ҡаршы прививка яһата ала

Бының өсөн беркетелгән поликлиниканың регистратураһына мөрәжәғәт итеү ҙә етә. 65 йәшен тултырыусы Вера Александровна ковидҡа ҡаршы прививка яһатырға ,,доктор. Рб,, сайты аша яҙылған. Бындай ысул иң уңайлыһы, ти ханым. Сират та юҡ, шунда уҡ табипҡа эләгәһең. Прививка яһатыр өсөн айырым әҙерлек...

1 марта 2021
Смотреть видео Күп балалы ғаиләләр түләүле парковканы бушлай файҙалана ала | ГТРК «Башкортостан»

Күп балалы ғаиләләр түләүле парковканы бушлай файҙалана ала

Дәүләт Йыйылышы – Ҡоролтай депутаттары был ҡағиҙәне рәсми нығытырға тәҡдим итте. Төбәк парламентының сираттағы ултырышында дүрт тиҫтәнән ашыу закон проекты ҡаралды. Электр ҡеүәтендәге автомобилдәргә ихтыяжды хәстәрләү маҡсатында транспорттың был төрөндә йөрөгәндәр өсөн дә түләүле парковкаларҙы...

1 марта 2021
Смотреть видео Салауат вариҫтары еңелеү белмәй | ГТРК «Башкортостан»

Салауат вариҫтары еңелеү белмәй

Башҡорт дәүләт академия драма театры сәхнәһендә Ватан һаҡсылары көнө уңайынан “Салауат вариҫтары еңелеү белмәй” спектакле күрһәтелде. Ул совет хәрби етәксеһе, 112-се Башҡорт кавалерия девизияһы командиры Миңлеғәли Шайморатовтың тормош юлына арналған. Генерал Шайморатов иҫтәлеген мәңгеләштереү...

25 февраля 2021
Смотреть видео Муса Мортазиндың тыуыуына 130 йыл | ГТРК «Башкортостан»

Муса Мортазиндың тыуыуына 130 йыл

Ошо уңайҙан Башҡортостандың милли архивында легендар комбриг, дәүләт һәм хәрби эшмәкәр иҫтәлегенә күргәҙмә асылды. Экспозиция республиканың Йәмәғәт берләшмәләренең үҙәк дәүләт архивында һаҡланған Муса Мортазиндың шәхси фондындағы документтарынан әҙерләнгән. Экспозицияла 1927 йылда донъя күргән “...

25 февраля 2021
Смотреть видео Башлыҡ маҡсаттар билдәләй | ГТРК «Башкортостан»

Башлыҡ маҡсаттар билдәләй

Өфө ҡала советы депутаттары башланып торған йылға яңы маҡсаттар билдәләне. Ҡала халҡы йәшәйешен яҡшыртыу, төҙөлөш һәм юл ремонтлау эштәрен әүҙемләштереү-уларҙың араһында иң төптәре бына шулар.  Ни өсөн йәштәр Өфөнән ситкә китә? Был һорау сәйәсмәндәҙе генә түгел, ҡала советы депутаттарын да...

25 февраля 2021
Смотреть видео Бер юлы дүрт урында эшләргә мәжбүр | ГТРК «Башкортостан»

Бер юлы дүрт урында эшләргә мәжбүр

Өфөлә йәшәүсе ханым закон буйынса тейешле торлаҡты  бер-нисә йыл рәттән ала алмай интегә. Инвалид бала тәрбиәләгән ҡатын Өфө хәкимиәтендә яҡлау тапмағас, хоҡуҡ һаҡлау органдарына мөрәжәғәт итергә мәжбүр. Роза Сәйетғәлиева   күҙ йәшен йәшерә алмай.  Ҡатын  11 йәшлек сирле...

25 февраля 2021
Смотреть видео Өфөлә юлһыҙ ерҙәрҙе иңләргә яратыусылар осрашты | ГТРК «Башкортостан»

Өфөлә юлһыҙ ерҙәрҙе иңләргә яратыусылар осрашты

Экстрим яратыусыларҙы 30 градуслыҡ сатлама һыуыҡтар ҙа, буран да ҡурҡытмай. Өфөлә юлһыҙ ерҙәрҙе иңләргә яратыусылар осрашты. Автоһәүәҫкәрҙәр сығышын беҙҙең ижади төркөм дә күҙәтте. Был юлы ветеран УАЗ-ға ҡар аҫтындағы тыныс йоҡоһонан сығыу форсаты тәтемәй. Заманында бөтә республиканы арҡырыһын...

25 февраля 2021
Яндекс.Метрика