Сүриә һынылышы

Снарядтар, патрондар, миналар һәм хатта танк менән “джихад-мобиль”. Өфөлә Сүриәләге боевиктарҙан тартып алынған ҡорал һәм техника тейәлгән поезд булып үтте. «Сүриә һынылышы» тип аталған бөтә Рәсәй хәрби-патриотик акцияһы менән Республикала йәшәүселәр ҙә яҡындан танышты. Поезд машинисы сигнал биреп, өфөлөләрҙе сәләмләй.  Хәрби эшелонды ҡаршыларға тимер-юл вокзалында йөҙәрләгән кеше йыйылған. Рәсәйҙең Оборона министрлығы ойошторған хәрби-патриотик акция эшелоны 15 ҡаланы үтеп, Өфөлә туҡталды.«Сүриә һынылышы» тип аталған махсус поездға Сүриәләге боевиктарҙан тартып алынған ҡорал һәм техника тейәлгән. Күргәҙмә бер-нисә майҙанға бүленгән. Тәүге вагондарҙа – тимер юлы платформаһына беркетелгән бронетехника – Т-55 танкы, үҙ йөрөшлө мина тралы һәм хатта “джихад мобиль”.Хәрби техниканан тыш, күргәҙмәлә автомобилдәр ҙә бар. Улар барыһы ла Сүриәлә хәрби хәрәкәттәр мәлендә ҡулланылған.  Машиналар броня менән ҡапланған һәм тәҙрәләренә пуля үтмәҫлек быялалар ҡуйылған.Икенсе майҙансыҡ вагон эсендә урынлашҡан. Унда — төрлө ҡорал өлгөләре, пилотһыҙ осоу аппараттары, хәрби рәссамдарҙың һүрәттәре һәм фотолары.  Экскурсоводтар ролендә Сүриәләге бәрелештә ҡатнашҡан хәрбиҙәр. Улар күргәҙмә өлгөләре менән яҡындан таныштыра, теләгән һәр кем менән фотоға ла төшә.Был экспозицияларға ҡарап, Сүриәләге һуғыштың нисек барғанын, Рәсәй һалдаттарының кемгә ҡаршы көрәшкәнен кешеләр үҙ-күҙҙәре менән күрә ала. Экспозицияны балалар менән бер рәттән өлкәндәр ҙә ҙур ҡыҙыҡһыныу менән ҡараны.Егерме вагонда урынлашҡан тәгәрмәсле музей һәр ҡалала бер-ике сәғәткә туҡтала. Был күргәҙмә менән ике аҙна эсендә илдең төрлө төбәктәрендә 150 меңдән ашыу кеше танышҡан. 23 февралдә Мәскәүҙә “Сүриә һынылышы” эшелоны үҙ юлын башлап, ике ай эсендә 29 мең километр юл үтеп, Рәсәйҙең 60 ҡалаһында туҡталып, 27 апрелдә, Сүәнең бойондороҡһоҙ көнөндә кире Мәскәүгә әйләнеп ҡайтасаҡ.

Смотрите нас в YouTube