Төньяҡ Африкала иң көслө циклондарҙың береһе — Идаи үткән. Мозамбик менән Зимбабвела йөҙәрләгән кеше һәләк булған. Хәбәрһеҙ юғалғандары ла бихисап. Тәбиғи көстәрҙән зыян күргән райондарға ҡотҡарыусылар ҙа оҙаҡ барып етә алмаған. Һауа торошоноң насар булыуы сәбәпле вертолеттар оса алмай, элемтә лә юҡ. Урындағы халыҡ ғәрәсәттән ҡасып ҡына ҡотола.
Донъя рекордын ҡуйыу өсөн Австралияла иң ҙур усаҡ яҡҡандар. Өс ай дауамында һалынған 60 метрлыҡ ҡоролма ярты сәғәт эсендә янып бөткән. Әммә урындағы экологтар был сараға ҡаршы сыҡҡан. Көслө ялҡын һөҙөмтәһендә һауала зарарлы матдәләр дәүмәле артҡан.
Ҡырымда “Төнгө бүреләр” иң ҙур Рәсәй флагын йәйелдергән. Ҙурлығы буйынса илдең рекордтар китабына индерелгән флагты байкерҙар Гасфорта тауына алып менгән. Сара Ҡырымдың Рәсәйгә ҡушылыуына 5 йыл тулыуға арналған мотоуҙыш сиктәрендә үтте.
Ҡырым республикаһының Рәсәй составына инеүенә 5 йыл тулыу айҡанлы Балаклава һәм Таврия йылылыҡ электр станциялары сафҡа индерелдн. Ул ярымутраҙы электр энергияһы менән өҙлөкһөҙ тәьмин итәсәк. Асыу тантанаһында ил башлығы Владимир Путин да ҡатнашты.
