Слушай Маяк! Болей за наших! - Хоккей на Маяке - 1109052913 | ГТРК «Башкортостан»

Цифраны төпкөлгә

 Телевизион сигнал барып етмәгән төпкөл ауылдарҙа йәшәүселәр ҙә хәҙер цифралы телевидениены ҡарай ала. Башҡортостан етәксеһе Радий Хәбировтың ҡушыуы буйынса, махсус дәүләт программаһы сиктәрендә республикала айырым ҡатлам граждандарға ер юлдашы тәрилкәләрен бушлай ҡуя башланылар. Исемлектә пенсияһына өҫтәмә түләүҙәр алған хаҡлы ялдағылар һәм балаға пособие алған әҙ тәьмин ителгән ғаиләләр инә. Фәнилә Ғаббасова ҡыуана-ҡыуана йылдар буйына тоҡандырылмаған телевизорын туҙандан таҙарта. Ниһәйәт, был йортҡа ла күптәнән көтөп алынған телевизион сигнал килеп етте. Хужабикә йорт эсендә эштәрҙе тамамлағансы, хужа тышта белгестәр менән бергә ер юлдашы тәрилкәһен урынлаштыра.  Ҡоролманы беркетер өсөн тәү сиратта уңайлы урын һайларға кәрәк. Йорт эргәһендәге ағастар һәм башҡа предметтар сигналды ҡабул итергә ҡамасауламаҫҡа һәм ҡыйыҡ башынан төшкән ҡар ҙа уға эләкмәҫкә тейеш. 700-ләп кеше йәшәгән Егәҙе ауылы төпкөлдә, тауҙар араһында урынлашҡан. Шуға бында телефон һәм телевизион сигнал да килеп етмәй. Ауыл халҡы өсөн телевизор ҡарарға мөмкинлек биргән берҙән-бер ысул – ер юлдашы тәрилкәһен урынлаштырыу. Ер юлдашынан кәрәкле сигналды ҡабул иткәндән һуң, кабелде өйгә һуҙып индерәләр.  Белгес  бер-нисә минут эсендә телевизорҙы көйләп тә бирҙе. Хаҡлы ялдағы Ғаббасовтар өсөн был ҙур бүләк, хәҙер улар яратҡан каналдарын юғары сифатта бушлай ҡарай ала. Был йортта ла ғаилә ағзалары телевизор алдында теҙелешеп яратҡан программаларын көтәләр. Улар ҙа Ғәббәсовтар кеүек дәүләт программаһында ҡатнашып, цифралы телевидениены бушлай ҡарау мөмкинлегенә эйә. Быға тиклем ете бала үҫтергән Ғилмановтар үҙ кеҫәһенән аҡса сығарып, түләүле кабель телевидениеһын ҡарарға мәжбүр булған. Ғилмановтар республикала төбәк етәксеһе Радий Хәбиров ҡушыуы буйынса айырым ҡатлам граждандарға цифралы телевидениеға күсеүҙә ярҙам итеүсе махсус программа эшләй башлағанын урындағы хакимиәттән белеп ҡалған. Дәүләт тарафынан ярҙам ике төрлө башҡарыла. Беренсе сиратта, цифралы приставка өсөн аҡсалата компенсация буласаҡ. Ә инде Егәҙе кеүек сигнал барып етмәгән төпкөл ауылдарҙа йәшәүселәргә цифралы 20 каналды ҡарарға мөмкинлек биргән ер юлдашы тәрилкәһен урынлаштырыу бушлай. Был исемлектә 120 меңдән ашыу кеше. Улар приставкаға компенсация алыр өсөн ғаризаларҙы күп функциялы үҙәктәргә 2019 йылдың 25 декабренә тиклем тапшырырға тейеш. Ә цифралы сигнал барып етмәгән урындарҙа йәшәүселәргә ер юлдашы тәрилкәһен урынлаштырыуҙы һорап, урындағы хакимиәткә 3 июнгә тиклем мөрәжәғәт итергә кәрәк. Сөнки тап 3 июндә Башҡортостанда аналог телевидениеһы эшмәкәрлеген туҡтата. Цифралы сигнал барып етмәгән Егәҙелә хәҙер дәүләт ярҙамы менән  ер юлдашы тәрилкәһе аша цифралы телевидениены ике йортта бушлай ҡарап кинәнәләр. Ауылдан тағы ла 25 ғаилә сиратта тора. Йәмғеһе, республика буйлап, алты меңдән ашыу кеше был дәүләт программаһында ҡатнашыу хоҡуғына эйә. Әлегә ике меңләп мөрәжәғәт ҡабул ителгән. Тәү сиратта, яҙғы һыуҙар юлдарҙы юҡ иткәнсе, үтеп инеүе ауыр булған төпкөл ауылдарҙан ғаризалар ҡараласаҡ.  

Хәбәрҙәр

Смотреть видео Синоптиктар октябргә фараздарын еткерҙе | ГТРК «Башкортостан»

Синоптиктар октябргә фараздарын еткерҙе

Көҙҙөң икенсе айы ямғырлы буласаҡ. Һауа температураһының уртаса күрһәткестәре 10 градустан да артмай. Башгидрометтан хәбәр итеүҙәренсә, кҡндәр болотло һәм ямғырлы буласаҡ. Бигерәк тә октябрҙең икенсе яртыһында ныҡлап  һыуыута башлай. 29-ында тәүге ҡар яуыуы ихтимал.

17 сентября 2019
Смотреть видео Башҡортостанда алданған өлөшсөләрҙе яҡлаусы ойошма барлыҡҡа килде | ГТРК «Башкортостан»

Башҡортостанда алданған өлөшсөләрҙе яҡлаусы ойошма барлыҡҡа килде

Төҙөлөштә өлөшләтә ҡатнашыусылар алдында бурысы булып банкрот тип иғлан ителгән төҙөүсе ойошмаларҙың йөкләмәләрен көйләү фондын булдырыу тураһындағы Указға Радий Хәбиров ҡул ҡуйғайны. Ул проблемалы объекттарҙы төҙөп бөтөү, финанс мәсьәләлрҙе хәл итеү менән шөғөлләнәсәк. Эш бер нисә этапта алып...

17 сентября 2019
Смотреть видео Башҡортостандың киләһе биш йылға үҫеш планы әҙерләнә | ГТРК «Башкортостан»

Башҡортостандың киләһе биш йылға үҫеш планы әҙерләнә

Беҙ һәр ихатаға инергә тейеш. Хөкүмәт йортонда үткән сираттағы оператив кәңәшмәлә Радий Хәбиров Башҡортостандың киләһе биш йылға үҫеш планын әҙерләгәндә һәр кем өсөн аңлайышлы һәм көнүҙәк мәсьәләләрҙе мотлаҡ иҫәпкә алырға ҡушты. Башҡортостанда арыу ғына ихаталар бар. Республика етәксеһе Салауат,...

17 сентября 2019
Смотреть видео Фәйзи Ғәскәров исемендәге дәүләт академия халыҡ бейеүҙәре ансамбле йәйге гастролдәренән бер аҙ ял итеп, йәнә эшкә сумды | ГТРК «Башкортостан»

Фәйзи Ғәскәров исемендәге дәүләт академия халыҡ бейеүҙәре ансамбле йәйге гастролдәренән бер аҙ ял итеп, йәнә эшкә сумды

Әлеге ваҡытта легендар коллектив Рәсәй ҡалалары буйлап гастролдәргә йыйына. Был турала ансамблдең етәкселәре матбуғат конференцияһында һөйләне.  Репетициялар араһында тамашасылары өсөн ҡыҙыҡлы флешмоб та әҙерләп өлгөрә бейеүселәр. 18 сентябрҙә гастроль турының тәүге концерты, ул Мәскәүҙең...

13 сентября 2019
Смотреть видео Гөлли Мөбәрәкованың уйланыуҙары | ГТРК «Башкортостан»

Гөлли Мөбәрәкованың уйланыуҙары

Бөйөк актриса Гөлли Арыҫлан ҡыҙы Мөбәрәковаға бағышланған яңы китап донъя күрҙе. Мәжит Ғафури исемендәге Башҡорт дәүләт академия драма театрында уның исем туйы үтте.  Китаптың авторы - драматург, журналист Владимир Жеребцов кисәлә була алманы, шулай ҙа залда Гөлли Мөбәрәкованың үҙен, ижадын...

13 сентября 2019
Смотреть видео Йәш археологтар табыштары менән таныштыра | ГТРК «Башкортостан»

Йәш археологтар табыштары менән таныштыра

Көнъяҡ Урал йәштәр археология мәктәбе ҡаҙыу эштәре миҙгелен йомғаҡлай. Табылған артефакттарҙы өйрәнер өсөн ғалимдарға бихисап ваҡыт талап ителә. Әммә тәүге һығымталар менән улар бөгөндән бүлешергә әҙер. Быйылғы йәй ямғырлы, йылы көндәргә һаран булды. Әммә һауа торошо мауығыусан йәштәргә ҡамасау...

13 сентября 2019
Смотреть видео Башҡортостанда йыйылған спорт машиналары бөтә илгә билдәле | ГТРК «Башкортостан»

Башҡортостанда йыйылған спорт машиналары бөтә илгә билдәле

Иглин районында йәшәүсе автомеханик багилар йыйыу менән мауыға. Сифатлы техникалары менән билдәлелек яулап өлгөргән Руслан Ғүмәровтың ҡул эштәрен Рәсәйҙең төрлө төбәктәренән һатып алалар. Был видеояҙмалар хәҙер Ғүмәровтарҙың ғаилә архивында ҙур иҫтәлек булып һаҡлана. Бөтә ерҙән үтә алған һәм...

13 сентября 2019
Смотреть видео Башҡортостанда балалар ҡатнашлығында авариялар һаны утыҙ процентҡа кәмегән | ГТРК «Башкортостан»

Башҡортостанда балалар ҡатнашлығында авариялар һаны утыҙ процентҡа кәмегән

Был турала Өфөлә үткән “Хәүефһеҙ юлдар” проекты менән таныштырыу барышында белдерҙеләр. Был ҡаҙанаштың төп нигеҙе-балалар араһында юл хәрәкәте хәүефһеҙлеге дәүләт инспекцияһы һәм йәмәғәтселек ҡатнашлығындағы төрлө акциялар һөҙөмтәһе. 7 ай эсендә акция барышында бөтәһе өс мең практик сара...

13 сентября 2019
Смотреть видео Башҡортостан умартасылары яңы ысулдар үҙләштерә | ГТРК «Башкортостан»

Башҡортостан умартасылары яңы ысулдар үҙләштерә

Бөрөлә мәҫәлән йүнселдәрҙең береһе Рут ысулын үҙләштерә. Илдең Алыҫ Көнсығышында киң таралған умарталар ҡорттоң баш һанын арттырыуға йүнәлтелгән. Игорь Волочков умартасылыҡ менән 50 йылдан ашыу шөғөлләнә. 60-сы йылдарҙа Рәсәйҙең Алыҫ Көнсығышынан ғаиләһе менән Башҡортостанға күсеп килгәс, халыҡ...

13 сентября 2019
Смотреть видео Канадала үткән Апимондия конгрессында Башҡортостан 7 миҙал яуланы | ГТРК «Башкортостан»

Канадала үткән Апимондия конгрессында Башҡортостан 7 миҙал яуланы

Умартасылар федерациялары конгрессы был көндәрҙә Монреаль ҡалаһында үтә. Ишембай районынан конгрессҡа алып барылған йүкә балы тәме буйынса иң яҡшыһы тип танылды һәм алтын миҙалға лайыҡ булды. Форум эксперттары саған балының татын да юғары баһаланы. Башҡортостан экспозицияһы, шулай уҡ бал...

13 сентября 2019
Смотреть видео Башҡортостан колледждарҙа бюджет урындарын арттыра | ГТРК «Башкортостан»

Башҡортостан колледждарҙа бюджет урындарын арттыра

Ә колледждар өсөн Республика башлығы гранттарын булдырыу көтөлә. “Мәғариф сәғәтененең” сираттағы ултырышы Өфө радиоэлектроника, телекоммуникация һәм именлек колледжында үтте. Урта белем алған үҫмерҙәр һаны күбәйә, ә һөнәри белем биреү йорттарында бюджет урындары етмәй. Мәғариф министры вазифаһын...

13 сентября 2019
Смотреть видео Башҡортостанда туҡланыу нөктәләрен тикшерәсәктәр | ГТРК «Башкортостан»

Башҡортостанда туҡланыу нөктәләрен тикшерәсәктәр

Быға Өфөлә шаурма ашап 15 кеше ағыуланыу осрағы сәбәпсе булды. Иҫегеҙгә төшөрәбеҙ, ғәҙәттән тыш хәл Сипайловолағы бистроларҙың береһендә теркәлә, осраҡ буйынса Енәйәт эше ҡуҙғатылған. Сипайлово биҫтәһендәге Шаурма нөктәһенән ризыҡ алып ашағандан һуң кинәт ауырып бер кистә генә 15 кеше Йоғошло...

13 сентября 2019
Смотреть видео Шишмәләргә бай район | ГТРК «Башкортостан»

Шишмәләргә бай район

“Алтын бишек” акцияһында ҡатнашыусы ауылдың иһә үҙендә генә 6 сығанаҡ сылтырап аға. Ауылды ҡайһы берҙәр Шүлгән тип тә атай, әммә тарихи сығанаҡтарҙан билдәле булыуынса ауылдың атамаһы – Шулған.  Башҡортостандың төнъяҡ өлөшөндә урынлашҡан Тәтешле районының иң ҙур ауылы – Шулған халҡы, уларҙың...

12 сентября 2019
Смотреть видео Башҡортостан башлығы ихаталары | ГТРК «Башкортостан»

Башҡортостан башлығы ихаталары

Республиканың һәр муниципалитетында Башҡортостан башлығы ихаталары барлыҡҡа киләсәк. Был турала Радий Хәбиров Өфөләге эш сәфәре барышында белдерҙе. Республиканың һәр муниципалитетында Башҡортостан башлығы ихаталары барлыҡҡа киләсәк. Был турала Радий Хәбиров Өфөләге эш сәфәре барышында белдерҙе....

12 сентября 2019
Смотреть видео Өҫтәмә белем алыуға бушлай сертификаттар | ГТРК «Башкортостан»

Өҫтәмә белем алыуға бушлай сертификаттар

Яңы уҡыу йылынан республиканың 36 районында өҫтәлмә белем биреү буйынса өр-яңы пилот проекты эш башлаясаҡ. 5 йәштән 18 йәшкәсә булған һәр балаға муниципаль бюджеттан 8 мең 800 һум бүленә. Әле иҫәп сертификаттарын биреү башланған. Алты йәшен саҡ тултырған Камалияның бүлмәһен тиҫтәләгән миҙал, маҡтау...

11 сентября 2019
Смотреть видео “Берҙәм Рәсәй” сәйәси фирҡәһе ағзалары һайлауҙа лайыҡлы һәм бәхәсһеҙ еңеүгә өлгәште | ГТРК «Башкортостан»

“Берҙәм Рәсәй” сәйәси фирҡәһе ағзалары һайлауҙа лайыҡлы һәм бәхәсһеҙ еңеүгә өлгәште

 Партияның төбәк бүлексәһе секретары Константин Толкачев белдереүенсә, Башҡортостан һайлаусылары  Берҙәм Рәсәй кандидаттарына иң күп тауыш биргән, был һан Рәсәйҙең башҡа төбәктәренән күпкә юғары. “Һаулыҡ һуҡмағы” проекты артабан үҫтерелә, “Әкиәт урманы” төҙөлә һәм “Торос” тергеҙелеп...

11 сентября 2019
Смотреть видео Республикала Башҡорт ихаталары программаһының беренсе этабы тамамлана | ГТРК «Башкортостан»

Республикала Башҡорт ихаталары программаһының беренсе этабы тамамлана

 6 йылға иҫәпләнгән программа сиктәрендә төбәктә барлығы өс мең самаһы биләмәне тәртипкә килтереү планлаштырыла. Әле Өфөнөң Киров районында эштәрҙең һуңғы этабы бара. Өфөнөң Менделеев урамында төҙөкләндереү эштәре тамамланыу алдында.  Ихата эсенә асфальт һалынған, бордюрҙар ҡуйылған,...

11 сентября 2019
Смотреть видео “Ауыл табибы” программаһы мөмкинлектәре | ГТРК «Башкортостан»

“Ауыл табибы” программаһы мөмкинлектәре

 “Ауыл табибы” программаһы буйынса Шишмә үҙәк район дауаханаһында эшләп йөрөгән 13 табип бер миллион һумлыҡ сертификат алды. Әйткәндәй быйылдан дәүләт субсидияһына тар йүнәлешле белгестәр ҙә дәғүә итә. Ике ҡатлы йортто төҙөп бөтөргә бер-нисә ай ғына ҡалды, тип ҡыуана Ринат  Рафиҡов....

11 сентября 2019
Смотреть видео Олоһон да, кесеһен дә дарыуҙар менән тәъмин итеү | ГТРК «Башкортостан»

Олоһон да, кесеһен дә дарыуҙар менән тәъмин итеү

Олоһон да, кесеһен дә дарыуҙар менән тәъмин итеү – ошо мәсъәлә буйынса пациенттар йәмәғәт ойошмалары  Башҡортостандың һаулыҡ һаҡлау министры вазифаһын башҡарыусы Максим Забелин менән осрашты. Ҡатмарлы һәм һирәк осраған сирҙәр менән яфаланған пациенттарҙы тотҡарлыҡһыҙ дарыуҙар, медицина...

11 сентября 2019
Смотреть видео Өфө халҡын бал йәрминкәһенә саҡыралар | ГТРК «Башкортостан»

Өфө халҡын бал йәрминкәһенә саҡыралар

Был аҙнала Ленин исемендәге майҙанда “Табындағы бал – ғаиләнең сәләмәтлеге” тип аталған фестиваль үтә. Бында төрлө райондарҙан умартасылар үҙ продукцияһын ҡуясаҡ. Халыҡҡа йүкә, сәскә, ҡарабойҙай балы, шулай уҡ солоҡ балы тәҡдим ителә. Бынан тыш, прополис, инә ҡорт һөтө, һитә һәм башҡа төр тауар...

10 сентября 2019
Смотреть видео Башҡортостан хужалыҡтарына тоҡомло һыйырҙар килтерелде | ГТРК «Башкортостан»

Башҡортостан хужалыҡтарына тоҡомло һыйырҙар килтерелде

Был юлы Венгриянан голштин тоҡомло 157 баш тана ҡайтты. Әле улар карантинға ябылған. Тоҡомло һыйырҙар көнөнә 30 литрға яҡын һөт бирә ала. Теманы хәбәрсебеҙ Иҙел Алсынов дауам итә. Башҡортостанда «голштин» тоҡомло һыйырҙар иң һөтлөләрҙән һанала. Йыл дауамында бер һыйырҙан уртаса ете мең килограмдан...

10 сентября 2019
Смотреть видео Өфөнөң төнъяғында яңы мәсет төҙөлә | ГТРК «Башкортостан»

Өфөнөң төнъяғында яңы мәсет төҙөлә

Шаҡша биҫтәһендә ошо көндәрҙә яңы мәсеткә нигеҙ ташы һалынды. Изге йорт ике ҡатлы буласаҡ. Бинала ир-егеттәр һәм ҡатын-ҡыҙҙар өсөн айырым ғибәҙәт ҡылыу урындары булдырыла. Проект буйынса мәсет бер юлы өс йөҙләгән кешене ҡабул итә аласак.  Төҙөлөш эше башланған урында элек 7-8 метрлыҡ соҡор...

10 сентября 2019
Смотреть видео Торатау биләмәһе Рәсәйҙә иң уникаль геопаркы буласаҡ | ГТРК «Башкортостан»

Торатау биләмәһе Рәсәйҙә иң уникаль геопаркы буласаҡ

Был турала Радий Хәбиров тематик кәңәшмәлә белдерҙе. Республика етәксеһе билдәләүенсә, геопаркка инвесторҙар йәлеп итеү өсөн инфраструктура булдырыу зарур. Проекттың концепцияһын Рәсәйҙең дәүләт эшмәкәре Сергей Капков тәҡдим итте. Ул биләмәне үҫтереү буйынса эшсе төркөмдө етәкләй. Геопарк составына...

10 сентября 2019
Яндекс.Метрика