Өфөлә Башҡорт теле һәм әҙәбиәте уҡытыусыларының Беренсе Бөтә Рәсәй съезы бара

Өфөлә Башҡорт теле һәм әҙәбиәте уҡытыусыларының Беренсе Бөтә Рәсәй съезы бара. Башҡортостанда тәүге тапҡыр ойошторолған ҙур форум алдында педагогтарҙы борсоған көнүҙәк мәсльәләләрҙе хәл итеү маҡсаты тора. Башҡорт халҡының быуаттар буйына тыуған ере өсөн батырҙарса көрәшен сағылдырған Урал көйө күптәнән милләттәштәребеҙ өсөн гимнға әйләнгән. Башҡорт теле һәм әҙәбиәте уҡытыусыларының Беренсе Бөтә Рәсәй съезы ла ошо моңға сорналып башланды. Тантананты асып, илдең төрлө тарафтарынан йыйылған уҡытыусыларҙы мәғариф министры вазифаһын башҡарыусы Айбулат Хажин сәләмләне.

Съезд башҡарылған эшкә йомғаҡ яһауҙан башланды. Тәү сиратта “Башҡортостандың мәғариф алдынғыһы” маҡтаулы исемен алыусыларҙы тәбрикләнеләр. Бүләкләнеүселәр араһында башлыса ҡатын-ҡыҙҙар. Был башҡорт теле һәм әҙәбите уҡытыусылары араһында ир-егеттәрҙең һирәк булыуы менән дә аңлатыла. Шулай ҙа, сәхнәгә бәләкәйҙән үҙенең туған телен, халҡын хөрмәт итеп, уны үҫтереү өсөн ниндәйҙер тос өлөш индереү теләге менән уҡытыусы һөнәрен һайлап, хәҙер инде 20 йыллап ошо һөнәргә тоғро ҡалған Күгәрсен районы Теләүембәт ауылы мәктәбенән Замир Харрасов та сыҡты. Шулай уҡ, педагогик хеҙмәткәрҙәргә Бөтә донъя башҡорттары ҡоролтайы рәйесе Данир Ғәйнуллин “Ал да нур сәс халҡыңа” миҙалын тапшырҙы.  “Ал да нур сәс халҡыңа”. Шәйехзада Бабичтың шиғырынан алынған был һүҙҙәр, әйтерһең дә, уҡытыусыларға төбәп яҙылған. Сөнки тап улар тәүҙә үҙҙәре белемгә эйә була, һуңынан ошо белем аша балаларҙың юлын яҡтырта, халыҡтың киләсәгенә юл аса.

Юҡҡа ҡына “Белемлелек-яҡтылыҡ, наҙанлыҡ-ҡараңғылыҡ”, тип әйтмәйҙәрҙер халыҡта. Башҡорт теле һәм әҙәбитәле уҡытыусыларының яҙмышы – ил, тел, халыҡ яҙмышы менән бер тамырға барып тоташа. Башҡортостандан ситтә йәшәйәп тә, башҡорт теленә тоғро ҡалған педагогтар ҙа саранан ситтә ҡалманы. Улар бер-береһе менән быйыл башҡорт теле һәм әҙәбиәте буйынса 36 дәреслек федераль исемлеккә инеү шатлығын да уртаҡлашты.Тантаналы өлөштән һуң, съезда ҡатнашыусылар төркөмдәргә бүленеп, Өфөнөң белем усаҡтарына йүнәлде. Рәми Ғарипов исемендәге 1-се башҡорт республика гимназия-интернатында ҡунаҡтарҙы башҡорт бейеүҙәренән төҙөлгән флешмоб менән ҡаршы алдылар. Артабан уҡытыусылар гимназия-интернаттың башҡорт теле һәм әҙәбиәте класстары менән танышты. Уларҙы бигерәк тә, уҡыусыларҙың матур итеп башҡортса һаулыҡ һорашыуҙары һоҡландырҙы. Экскурсиянан тыш, башҡорт теле һәм әҙәбиәте уҡытыусыларына оҫталыҡ дәрестәре лә ойошторолдо.

Бындай алымдың өйрәнеүселәргә генә түгел, ә өйрәтеүсе, сығыш яһаусы өсөн дә файҙаһы ҙур. Быға тиклем башҡорт теле һәм әҙәбиәте уҡытыусыларының конференциялары үткәрелеп торһа ла, ошондай форматта ойошторолған съезд педагогтарҙы борсоған көнүҙәк проблемаларҙы хәл итеүгә йүнәлтелгән етди, башҡорт халҡы өсөн әһәмиәтле, тарихи сара. Ысынлап та, съездың бурысы башҡорт телен һәм әҙәбиәтен уҡытыу проблемаларын хәл итеү генә түгел, ә халыҡты, мәҙәниәтте, илде һаҡлау. Сөнки  уҡытыусылар балалар белеме өсөн генә түгел, ә халыҡ киләсәге өсөн дә яуаплы.Башҡортостан тарихында беренсе тапҡыр үткәрелгән ҙур форум ике көн дауам итә.

Бөгөн иһә “Торатау” конгресс-холлында башҡорт теле һәм әҙәбиәте уҡытыусыларына дәүләт наградаларын тапшырыу, Башҡортостан башлығы граттантары еңеүселәрен тәбрикләү тантанаһы көтөлә. Шулай уҡ, күргәҙмә экспозициялар, дискуссия майҙансыҡтары эшләйәсәк. Унда туған телдәрҙең бөгөнгөһө, киләсәге һәм уларҙы өйрәнеүҙең көнүҙәк мәсьәләләре тураһында фекер алышырға тәҡдим ителә.

Смотрите нас в YouTube


һУҢҒЫ ХӘБӘРҘӘР

Смотреть видео Яңы балалар баҡсаһы | ГТРК «Башкортостан»

Яңы балалар баҡсаһы

Кузнецов затоны биҫтәһендә көтөп алынған ваҡиға. Унда балалар баҡсаһы төҙөлә башланы. Ул  Демография милли проекты сиктәрендә федераль һәм урындағы бюджет иҫәбенә төҙөләсәк. Объект 260 балаға иҫәпләнгән. Был тарихи ваҡиғаны Кузнецов затоны биҫтәһендә йәшәүсе йәш ғаиләләр  түҙемһеҙлек...

2 часа 31 минута назад
Смотреть видео Етеҙ интернет заманы  | ГТРК «Башкортостан»

Етеҙ интернет заманы

Күпселек уҡыусылар, студенттар дистанцион уҡыуҙы дауам итә.  Яңы белем алыу системаһы һәр йортта ҡеүәтле һәм етеҙ  интернеттың булыуын талап итә. Өфөлә йәшәүселәр тиҙлеге секундына 500 мегабит менән эшләүсе интернет менән ҡуллана ала. Бындай хеҙмәтте федераль телеком-операторы күрһәтә....

2 часа 32 минуты назад
Смотреть видео Өфө битлектәре | ГТРК «Башкортостан»

Өфө битлектәре

Өфө предприятиеларының береһендә айына 3 миллион битлек етештерәләр. Яҡшы сифатлы был һаҡланыу сараһы Рәсәйҙең төрлө төбәктәрендә ҙур һорау менән ҡуллана. Эшҡыуар етештерелгән продукцияһының бер өлөшөн бушлай тарата. Битлектәрҙең бауҙары һары төҫтә, тимәк бер ерҙә лә һатыуға сығарылырға тейеш түгел...

2 часа 32 минуты назад
Смотреть видео Ковидҡа бәйле һорауҙар менән ҡайҙа шылтыратырға? | ГТРК «Башкортостан»

Ковидҡа бәйле һорауҙар менән ҡайҙа шылтыратырға?

Башҡортостанда ковидҡа ҡаршы үҙәк эшләй. Уның аша теләгән һәр кем  тәүлек әйләнәһенә 8-347-218-19-19 телефоны буйынса медицина учреждениеларына шылтырата ала. Коронавирустан өйҙә нисек дауаланырға, ҡайһы осраҡта дауаханаға ятырға, вирусҡа тест һөҙөмтәһе ниндәй? Сәғәт иртәнге 8-ҙән алып, киске...

2 часа 33 минуты назад
Смотреть видео Үҙизоляцияны боҙған ололарға штраф | ГТРК «Башкортостан»

Үҙизоляцияны боҙған ололарға штраф

Кисә оператив кәңәшмәлә Радий Хәбиров оло йәштәгеләрҙең үҙизоляция режимын үтәүен ентеклерәк тикшерергә, иҫкәртеүҙе аңламағандарға штраф һалырға саҡырҙы. Сикләү индерелгәнгә ике аҙна ваҡыт үтеүгә ҡарамаҫтан ололар араһында сирләүселәр ни бары 2% кәмегән тиелде хөкүмәттәге оператив кәңәшмәлә. Ауыл-...

2 часа 34 минуты назад
Смотреть видео Бесәй яратыусылар өсөн | ГТРК «Башкортостан»

Бесәй яратыусылар өсөн

Оҙаҡламай Өфөлә ҡала шарттарына яраҡлашҡан иң отошло  бесәй  тоҡомо барлыҡҡа киләсәк. Был үҙенсәлекле проект өҫтәндә башҡаланың    фелинология федерацияһы эшләй. Уларҙың тәүге һөҙөмтәләре лә бар.  Таныш булығыҙ, был бесәйҙең исеме Амбер.  Уға бер йәш. Амбер ...

19 ноября 2020
Смотреть видео Башҡорт теле көнөн уҙғарыуға әҙерлек башланды | ГТРК «Башкортостан»

Башҡорт теле көнөн уҙғарыуға әҙерлек башланды

 Башҡортостан башлығы Башҡорт теле көнөн уҙғарыу тураһында бойороҡҡа ҡул ҡуйҙы. Был көндә республикала мәҙәни-ағартыу саралары ойошторола.Башҡорт теле көнөнә арналған сараларҙы үткәреү буйынса ойоштороу комитетына Республика башлығы хакимиәте етәксеһе Александр Сидякин етәкселек итә....

19 ноября 2020
Смотреть видео Йоҡа боҙ | ГТРК «Башкортостан»

Йоҡа боҙ

Республиканың ғәҙәттән тыш хәлдәр идаралығы боҙ өҫтөнән йөрөмәҫкә кәңәш итә. Әле ҙур йылғалар туңмаған, ә күлдәрҙә һәм быуаларҙа боҙ ҡалынлығы уртаса 5 сантиметр ғына. Шулай булыуға ҡарамаҫтан, ҡағиҙәләрҙе боҙоусылар бар. Бигерәк тә балыҡсылар хәүефһеҙлек ҡағиҙәләрен үтәмәй. Улар ҡомарын тыя...

19 ноября 2020
Смотреть видео Башҡортостанда Яңы йыл шыршыларын әҙерләү башланды | ГТРК «Башкортостан»

Башҡортостанда Яңы йыл шыршыларын әҙерләү башланды

Баҙарға быйыл 120 меңдән ашыу ағас һатыуға сығарыласаҡ.  Ҡупшыҡайҙар Дыуан, Асҡын, Йылайыр, Ҡариҙел, Нуриман, Белорет һәм Бәләбәй райондары урмансылыҡтарынан килтерелә. Урман хужалығы министрлығынана хәбәр итеүҙәренсә, Яңы йыл шыршыларын әҙерләү 20 декабргә тиклем дауам итә.

19 ноября 2020
Смотреть видео Йүнсел йүнен таба  | ГТРК «Башкортостан»

Йүнсел йүнен таба

Ауылдарҙа крәҫтиән – фермер хужалыҡтары арта икән, тимәк ауыл йәнләнә. Төп шарт тынғыһыҙлыҡ  һәм егәрлелек. Борай районының Дүсмәт ауылында йәш ғаилә буш торған ферманы һатып алып бер йыл эсендә хужалыҡты аяҡҡа баҫтырған. Маҡсатлы Фәхретдиновтар ғаиләһе менән беҙҙең хәбәрселәр ҙә танышты....

19 ноября 2020
Яндекс.Метрика