Оператив кәңәшмәлә тикшерелгән мөһим мәсьәләләр

Башҡортостанда тәбиғи газды тәрән эшкәртеү буйынса яңы комплекс төҙөләсәк. Һәм республика газ үткәреү прграммаһын 2025 йылға тиклем бойомға ашырыу йүнәлештәре тураһында килешеү төҙөү көтөлә. Был хаҡта республика башлығы вазифаһын башҡарыусы Радий Хәбиров белдерҙе. Этилен һәм пропилен етештереү комплексын төҙөү ниәте 2017 йылда барлыҡҡа килһә әле Газпром менән һөйләшеүҙәр яңы кимәлгә сыға. Радий Хәбиров белдереүенсә, тәбиғи газды тәрән эшкәртеү комплексы Салауатта төҙөләсәк.  Мәскәүҙән йәнә бер яңылыҡ – тарихи урындар һәм кесе ҡалалар  араһындағы федераль конкурста Башҡортостандың өс ҡалаһы – Ишембай, Бәләбәй һәм Бөрө еңеүгә өлгәште. Был уларға йөҙҙән — йөҙ илле миллион һумға тиклем аҡсаны парктар һәм скверҙар төҙөкләндереүенә йүнәлтергә булышлыҡ итә. Республикала иһә  төҙөкләндереү айлығы һөҙөмтәләре ыңғай. Премьер-министр урынбаҫары һәм Торлаҡ-коммуналь хужалыҡ министры вазифаларын башҡарыусы Михаил Киреев белдереүенсә шәмбе өмәләре һәр муниципалитетта әүҙем үтте. “Йәшел Башҡортостан” акцияһында 163 мең кеше ҡатнашты. Ҡала һәм райондарҙа ағас һәм ҡыуаҡтар ултыртылып өр-яңы аллеялар барлыҡҡа килде. Хәрби дан мемориалдары Бөйөк Еңеү көнөн байрам итергә әҙер. Йыйыштырыу эштәре бының менән генә сикләнмәй. Торлаҡ-коммуналь хужалыҡтарҙы яңы техника менән йыһазландырыу бара. Экологик шәмбеләрҙе көҙөн дә ойошҡанлыҡ менән үткреү күҙ уңында тотола. Юлдарҙы төҙөкләндереү эшендә ыңғай күрһәткестәр теркәлә. Юл эксперты программаһы исеменә алынған ғаризаларҙың ете меңгә яҡыны хәл ителә. Ихата юлдарын төҙөкләндереү менән муниципаль ойошмалар һәм идара итеүсе компаниялар шөғөлләнә. Газондарҙа автомобиль ҡуйған өсөн йыйылған штрафтар күләме алты миллион һумға яҡын. Апрелдең унынан егерме алтыһына тиклем был төр тәртип боҙоуҙар һаны республика буйынса ун, Өфөлә алты меңдән ашыу. Республика етәксеһе административ комиссияларға был йүнәлештәге эште дауам итергә ҡушты. Ә бына янғын иҫкәртеү буйынса көрәштә отолдоҡ, тине Радий Хәбиров. Йылдың беренсе сирегендә үткән йылдың ошо осоро менән сағыштырғанда янғындар һаны 73, янғында һәләк булғандар иҫәбе 18 процентҡа артҡан. Республиканың ғәҙәттән тыш хәлдәр буйынса дәүләт комитеты рәйесе Фәрит Ғүмәров белдереүенсә, беренсе ғинуарҙан хужаһыҙ бина һәм транспорт саралары, ҡоро үлән, сүплектәрҙә тоҡанған ут осраҡтары ла янғын булараҡ теркәлә, ҡаза күргәндәр иҫәбенә иһә янғында һәләк булғандар һәм унан һуң 30 тәүлек дауамында вафат булғандар ҙа алына. Элек был күрһәткестәр юҡ ине.   Халыҡ менән бәйләнеш тотҡан Инцидент-менеджмент мәғлүмәт селтәрендә хакимиәт башлыҡтарының эшмәкәрлеге ыңғай баһа алды. “Башинформ” акционерҙар йәмғиәтенең директорҙар советы рәйесе Ростислав Мырҙағолов белдереүенсә, кешеләрҙе борсоған мәсьәләрҙе асыҡлау һәм хәл итеү күрһәткесе буйынса Башҡортостан Мәскәү өлкәһенән ҡала икенсе урында. Мөрәжәғәттәр һәм улар буйынса ваҡытында ҡабул ителгән ҡарарҙар бары Благовар, Асҡын, Краснокама райондары менән Салауат ҡалаһында һүлпән. Радий Хәбиров был күрһәткесте беренсе июнгә тиклем яҡшыртыу йөкләмәһен бирҙе.

Читайте нас в Яндекс.Дзен


һУҢҒЫ ХӘБӘРҘӘР

Смотреть видео Умартасылар быйыл мул уңыш алып һөйөнә | ГТРК «Башкортостан»

Умартасылар быйыл мул уңыш алып һөйөнә

Көндәр йылы тороу арҡаһында уңыш быйыл мул, ти улар. Благовещен районы Ошмянка ауылынан  Алтынбаевтар өсөн умартасылыҡ быуындан-быуынға тапшырылып килгән шөғөл. Альберт Михайлович бәләкәйҙән үк атаһынан күреп умарта ҡарарға өйрәнгән. Хужалыҡтағы 70 умартаны хужаға улдары тәрбиәләшергә ярҙам...

30 июля 2020
Смотреть видео Башҡортостанда пневмониянан вакцина һатып алыу биш тапҡырға артты | ГТРК «Башкортостан»

Башҡортостанда пневмониянан вакцина һатып алыу биш тапҡырға артты

21 меңдән ашыу кешегә прививка яһалған. Республика етәксеһе әйтеүенсә, пневмониянан өҙлөгөү сәбәпле үлем осраҡтарын кәметеү өсөн ошондай ҡәтғи ҡарарға киленгән. Артабан да оло быуынды ошо хәүефле инфекциянан һаҡлау өсөн мөмкин булған барлыҡ саралар күреләсәк. Республика өлкән йәштәгеләрҙә иммунитет...

30 июля 2020
Смотреть видео Башҡортостан табиптары-Ҡырғыҙстанда | ГТРК «Башкортостан»

Башҡортостан табиптары-Ҡырғыҙстанда

Амур өлкәһендә, Ҡарасәй-Черкесия республикаһында, әле улар Ҡырҡыҙстанда. Бер аҙна элек Рәсәйҙән 50 медицина белгесе Ҡырғыҙ республикаһына йүнәлтелә. Ҡыҙыл зонала мотлаҡ махсус костюмда. Нисек кенә ҡатмарлы булмаһын табиптар ошондай өҫ кейемендә көн дауамында йөрөргә күнегеп бөткән. Һәр пациент күҙ...

30 июля 2020
Смотреть видео Башҡортостан Ҡорбан байрамын ҡаршылай | ГТРК «Башкортостан»

Башҡортостан Ҡорбан байрамын ҡаршылай

Хаҡ мосолмандар пандемия шарттарында иң изге байрамдарҙың береһе - Ҡорбан ғәйетен ҡаршы алырға әҙерләнә. Коронавирус таралыу сәбәпле халыҡҡа мәсеттәргә бармайынса, байрамды ғаилә менән өйҙә билдәләргә кәңәш ителә.  Был талап беҙҙең төбәктә генә түгел бар донъяла ҡабул ителгән. Исламдағы күркәм...

30 июля 2020
Смотреть видео Ҡолонсаҡлы ғаилә | ГТРК «Башкортостан»

Ҡолонсаҡлы ғаилә

Өфө районында йәшәгән ғаиләләрҙең береһе ғәҙәти булмаған ярҙамға мохтаж. Мысырғәлиндарҙы йылҡы аҫрау нескәлектәре ҡыҙыҡһындыра. Бирәм тигән ҡолона, сығарым ҡуйған юлына. Марсель һәм Камилла уртаҡ хыялдарының тормошҡа ашыуын яҙмыш бүләгеләй күрә. Был ҡолонсаҡҡа улар Алекс ҡушаматы биргән....

29 июля 2020
Смотреть видео Роботлаштырылған экзоскелет | ГТРК «Башкортостан»

Роботлаштырылған экзоскелет

Башҡортостанда терәк-хәрәкәт аппараты эшмәкәрлеге боҙолған кешеләр өсөн роботлаштырылған экзоскелет ҡулланыла башланы. Ике автоматлаштырылған аппарат Республика балалар клиник дауаханаһы һәм Өфөнөң 17-се дауахана пациенттары өсөн һатып алынған.  Махсус робот пациенттың аяҡтарын үҙ-аллы атлата...

29 июля 2020
Смотреть видео Өфөлә «Велосипедсы» операцияһы башланды | ГТРК «Башкортостан»

Өфөлә «Велосипедсы» операцияһы башланды

Йыл башынан башҡалала велосипедсылар ҡатнашлығында 34 юл фажиғәһе теркәлгән, уларҙа 35 кеше, шул иҫәптән, 15 бала йәрәхәтләнгән. Юл хәрәкәте хәүефһеҙлеге дәүләт инспекцияһынан хәбәр итеүҙәренсә, велосипедсылар йыш ҡына юл хәрәкәте ҡағиҙәләрен һанға һуҡмай. Юл хәрәкәте ҡағиҙәләрен боҙған өсөн уларға...

29 июля 2020
Смотреть видео Республикала юл-транспорт фажиғәләре арта | ГТРК «Башкортостан»

Республикала юл-транспорт фажиғәләре арта

Үлемесле аварияларҙа кешеләр күпләп һәләк булыуы борсоға һала. 22 июндән алып барылған иҫәп буйынса республика юлдарында 1 мең 685 водитель иҫерек хәлдә руль артында туҡтатылған. Республика етәксеһе Радий Хәбиров юл хәрәкәте именлеге дәүләт инспекцияһы алдында юлдарҙа водителдәрҙе тикшереү бурысын...

29 июля 2020
Смотреть видео Файҙалы туңдырма | ГТРК «Башкортостан»

Файҙалы туңдырма

Башҡорт дәүләт аграр университетында прополис һәм һеркә ҡушылған үҙенсәлекле туңдырма уйлап сығарғандар. Уны тәмләп ҡарарға төрлө кафе, кибет, ресторан вәкилдәре килде. Киләсәктә туңдырма һатыуға ла сығыр тигән өмөт бар. Прополис һәм үҫемлек һеркәһе ҡушылып эшләнелгән ике төрлө туңдырма әҙер. Әммә...

29 июля 2020
Смотреть видео Башҡортостанда 28 градусҡаса йылыта  | ГТРК «Башкортостан»

Башҡортостанда 28 градусҡаса йылыта

Ҡотҡарыусылар батыусылар тағы ла артыр тип фаразлай. Алдағы көндәрҙә Башҡортостанда 28 градусҡаса йылыта. Синоптиктар мәғлүмәттәренә ҡарағанда, бөгөн урыны менән ҡыҫҡа ваҡытлы ямғыр яуыуы ихтимал, һауа температураһы төндә 11-16, көндөҙ - 23-28 градусҡа тиклем йылытасаҡ. Кесаҙна ла ...

29 июля 2020
Яндекс.Метрика