Алтын бишек - 1743933243 | ГТРК «Башкортостан»

8 июндә илдә социаль хеҙмәткәр көнө билдәләнә

Йәмғиәттә яҡлауға мохтаждарҙың көнкүреш һәм матди шарттарын яҡшыртыуҙы үҙ иңенә алған тармаҡҡа быйыл 100 йыл. 8 июндә иһә илдә социаль хеҙмәткәр көнө билдәләнә. Ошо уңайҙан Өфөлә хеҙмәт алдынғыларын данлау тантанаһы үтте.  Зөлфиә Манурова Серафимовка балалар йортонда ике тиҫтә йыл эшләй. Ошо дәүерҙә балаларҙың һәр төрлө йәш төркөмөн тәрбиәләүгә үҙ өлөшөн индергән. Эшендә үҙенсәлекле алымдар ҡуллана, мөмкинлеге сикле балаларҙы тормош биҙәктәрен танырға һәм хеҙмәт һөйөргә өйрәтә. Тырышлығының емеше лә бар – был гөл үҫентеләрен әле баҡсасы һөнәрен үҙләштергән элекке уҡыусыһы бүләк иткән. Етем балалар, ҡарттар, ғәриптәр, йәмғиәттә ауыр хәлдә ҡалған башҡа ҡатлам вәкилдәре менән эшләргә һөнәри оҫталыҡтан да нығыраҡ кешеләрҙе йәлләй белеү мөһим. Кемгә ниндәй ярҙам кәрәклеген дә йышыраҡ социаль хеҙмәткәрҙәр асыҡлай. Был өлкә белгестәренә ил ҡануниәтендәге тейешле ҡағиҙәләрҙе белергә, психология, социология, педагогика нигеҙҙәрен, медицина ярҙамы күрһәтеү алымдарын үҙләштерергә кәрәк. Шул уҡ ваҡытта уларҙан иғтибар, мәрхәмәтлек һәм ғәҙеллек көтәләр.  Изгелек һәм мәрхәмәт армияһы хеҙмәткәрҙәренең һөнәри байрам уңайынан ҡаҙаныштарҙы билдәләү йолаһы бар. Хеҙмәткә күрә хөрмәткә өлгәшеү – артабан дәртләнеп эшләргә сәм өҫтәй. Тантанаға саҡырылған ҡунаҡтар араһында беҙгә таныш Зөлфиә Манурова ла бар.  Быйыл ул “Халыҡты социаль яҡлау учреждениеһының иң яҡшы хеҙмәткәре” бәйгеһенең финалына сыҡҡан. “Балалар менән эшләүҙең еңел булғаны юҡ, әммә йөрәгеңде биреп башҡарһаң, барыһы ла ҡәнәғәт, “- ти Зөлфиә Миәссәр ҡыҙы.Мәсетле районында 18 йыл социаль хеҙмәткәр бурыстарын үтәгән Зилә Ғиниәтуллина республиканың Ғаилә, хеҙмәт һәм халыҡты социаль яҡлау министрлығының Маҡтау грамотаһына лайыҡ.  Зилә ханым оло йәштәгеләргә ярҙам хеҙмәтендә.Өлкәндәргә мөһим йылы һүҙ һәм ябай иғтибарҙың әһәмиәтен Темәс психоневрологик интернаты хеҙмәткәре Руслан Урмантаев та билдәләй. Ул социаль хеҙмәтләндереү учреждениеһының иң яҡшы хеҙмәткәре бәйгеһендә еңеүсе. Юрий Мельников социаль хеҙмәткәр һөнәренең йәштәр араһында абруй ҡаҙанмауы тураһындағы фекерҙе хупламай. Республиканың ғаилә, хеҙмәт һәм халыҡты социаль яҡлау министрлығы ҡарамағында эшләгән ветерандар советы изгелек хеҙмәтен йәш быуын вәкилдәренә таныта. Бөгөн был креатив өлкә, ти министр вазифаһын башҡарыусы.Кешеләрҙең ғәҙеллеккә өмөтө һеҙҙең менән беҙҙең эшмәкәрлеккә бәйле, тип билдәләнде байрам тантанаһында. Башҡортостандың халыҡҡа социаль ярҙам күрһәтеүсе дәүләт учреждениеларында 10 мең ярымдан ашыу кеше эшләй. Был һөнәр үҙе һайлап алған вайымлы хеҙмәткәрҙәргә бөгөн һәр кем түҙемлек теләй һәм рәхмәт белдерә.

Хәбәрҙәр

Смотреть видео 1 июлдән Башҡортостанда коммуналь тарифтар арта | ГТРК «Башкортостан»

1 июлдән Башҡортостанда коммуналь тарифтар арта

Квитанциялағы хаҡ уртаса 4-50 һумға үҫәсәк.  Был турала Хөкүмәттәге оператив кәңәшмәлә әйтелде. Оператив кәңәшмәне асып Радий Хәбиров “Урал аръяғы – 2019” инвестиция форумына ҡыҫҡаса йомғаҡ яһап үтте. Юғары кимәлдә ойошторолған саранан хәҙер реаль эштәргә күсергә ваҡыт.230 хеҙмәткәр, шул...

25 июня 2019
Смотреть видео Туған телемдең 7 мөғжизәһе | ГТРК «Башкортостан»

Туған телемдең 7 мөғжизәһе

 Донъяның 7 мөғжизәһе бар, Башҡортостандың да 7 мөғжизәһен билдәләнек. Ә бына туған телебеҙҙең 7 мөғжизәһе барлығын белә инегеҙме? Ишембайға  илдең төрлө өлкәләренән килеп   2-се Башкорт гимназия-интернатында ойошторолған милли-мәҙәни лагерҙа ял иткән балалар уны яҡшы белә. Ошо...

21 июня 2019
Смотреть видео Башҡортостандан 196 мосолман хажға бара | ГТРК «Башкортостан»

Башҡортостандан 196 мосолман хажға бара

 Башҡортостан Башлығы ҡарамағындағы Дәүләт-конфессия ара мөнәсәбәттәр буйынса совет етәксеһе Вячеслав Пятков хажды ойоштороу мәсьәләләренә арналған кәңәшмәлә ошо турала белдерҙе. Өфөнән ғәрәп, рус, татар һәм башҡорт телдәрен белгән етәксе менән һәр береһе 49 кешенән торған дүрт төркөм юллана...

21 июня 2019
Смотреть видео Рәсәй һәм донъя хәбәрҙәре | ГТРК «Башкортостан»

Рәсәй һәм донъя хәбәрҙәре

Красноярскийҙың флора һәм фауна паркы белгестәре асҡа ҡаҡланған аҡ айыуҙы тикшереү өсөн Норильскийға килде. Хәлдән тайған йыртҡысты юл буйында водителдәр күреп ҡала һәм махсус хеҙмәттәргә хәбәр итә. Белгестәр Ҡыҙыл ктапҡа индерелгән хайуанды ҡырағай тәбиғәткә кире ҡайтарып буламы, юҡмы икәнен хәл...

21 июня 2019
Смотреть видео Ҡайҙа ғәҙеллек? | ГТРК «Башкортостан»

Ҡайҙа ғәҙеллек?

 Ата-әсә ҡарауынан мәхрүм ҡалған Наилә Пискарева 2012-се йылдан алып етемдәргә бирелә торған фатирын ала алмай. Калинин районы суды ҡала хакимиәтенә фатир бирелергә тейеш тигән ҡарар сығарһа ла, ҡыҙ һаман боҙ урынына ҡуҙғалмай, тип белдерҙе. Биш кеше бер бүлмәле фатирҙа. Ни бары 32 квадрт...

21 июня 2019
Смотреть видео “Башҡортостан лидерҙары” проектын ғәмәлгә ашырыу башланды | ГТРК «Башкортостан»

“Башҡортостан лидерҙары” проектын ғәмәлгә ашырыу башланды

 Был хаҡта интернеттағы сәхифәһендә Радий Хәбиров иғлан итте. Бер тәүлектә генә 12 меңдән ашыу кеше сәхифәне ҡарап сыҡҡан һәм 2 мең ярым кеше теркәлгән, 1 меңдән ашыуы конкурста ҡатнашырға теләк белдереп, анкета тултырған. Тәүге көндә үк ошо хәтлем кешенең ҡатнашырға теләк белдереүе көтөлмәгән...

21 июня 2019
Смотреть видео Башҡортостан “Берҙәм тауыш биреү көнөнә” әҙерләнә | ГТРК «Башкортостан»

Башҡортостан “Берҙәм тауыш биреү көнөнә” әҙерләнә

Сәйәси партиялар был һайлауҙарға ниндәй ҡарашта, ни өсөн Башҡортостанда партиялар һаны кәмей. Башҡортостандың сәйәси аренаһы өсөн был осор иң ҡыҙыу мәл. Шаршау артында төп партияларҙан тыш “Үҫеш партияһы”, “Тыуған партия”, “Бөйөк Ватан партиһы” тигән ойошмалар ҙа бар. Үҙ составында ни бары 4 ...

21 июня 2019
Смотреть видео Милли именлек-төп маҡсат | ГТРК «Башкортостан»

Милли именлек-төп маҡсат

Өфө ошо көндәрҙә Өфө Халыҡ-ара именлек үҙәгенә әйләнде. Башҡортостандың башҡалаһында 119 илдең юғары вәкилдәре йыйылып, халыҡ-ара һәм төбәк хәүефһеҙлеге мәсьәләләрен тикшерҙе. Күтәрелгән һорауҙар рәтендә вирустарҙың яңы штамдары һәм уларҙың таралыуы, банктарға ҡаршы йүнәлтелгән кибер-һөжүмдәр,...

21 июня 2019
Смотреть видео 5 көнлөк лагерҙә үҙеңде күрһәтеп өлгөрөргә, һәләтеңде асырға | ГТРК «Башкортостан»

5 көнлөк лагерҙә үҙеңде күрһәтеп өлгөрөргә, һәләтеңде асырға

Ҡасим Дәүләткилдиев исемендәге республика һынлы сәнғәт гимназия-интернатында йыл һайын балалар һынлы сәнғәт серҙәренә өйрәнә.Бәләкәй саҡтан һүрәт төшөрөргә яратҡан Гөлмилә Исхаҡова махсус балсыҡтан һындарҙы беренсе тапҡыр әүәләй. Эргәлә тәжрибәле уҡытыусы өйрәтеп торғанда эш тә ырай. Гөлмилә Баймаҡ...

20 июня 2019
Смотреть видео Башҡортостандан 196 мосолман хажға бара | ГТРК «Башкортостан»

Башҡортостандан 196 мосолман хажға бара

Башҡортостан Башлығы ҡарамағындағы Дәүләт-конфессия ара мөнәсәбәттәр буйынса совет етәксеһе Вячеслав Пятков хажды ойоштороу мәсьәләләренә арналған кәңәшмәлә ошо турала белдерҙе. Өфөнән ғәрәп, рус, татар һәм башҡорт телдәрен белгән етәксе менән һәр береһе 49 кешенән торған дүрт төркөм юллана. «...

20 июня 2019
Смотреть видео Матур подъездар | ГТРК «Башкортостан»

Матур подъездар

Республикала күп фатирлы йорттарҙың подъездарын ремонтлау программаһының беренсе этабы тамамланды. Икенсе этап июль урталарында башланып, август айына тиклем  дауам итө. Әле меңдән ашыу подъездың стеналары буялған, иҙәндәре алыштырылған, тәҙрәләре яңыртылған.  Комплекслы программа 2024...

20 июня 2019
Смотреть видео  Өфөлә гараж хужалары һәм күп ҡатлы йорт төҙөүсе ойошма араһында ер өсөн көрәш бара | ГТРК «Башкортостан»

Өфөлә гараж хужалары һәм күп ҡатлы йорт төҙөүсе ойошма араһында ер өсөн көрәш бара

Йәшел сауҡалыҡ биҫтәһендә урынлашҡан кооператив майҙанына билдәһеҙҙәр сүп-сар түгә һәм урындағы гараждарҙы һүтә. Урындағы халыҡ төҙөүсе ойошма вәкилдәрен ғәйепләй. Был гараждарға хәҙер машиналар менән генә түгел, хатта йәйәүләп  барыуы ла ҡатмарлы. Ике йыл элек билдәһеҙ кешеләр кирбес...

20 июня 2019
Смотреть видео  Вьетнам КА маркалы вертолеттар менән ҡыҙыҡһына | ГТРК «Башкортостан»

Вьетнам КА маркалы вертолеттар менән ҡыҙыҡһына

Вьетнам вәкилдәре Күмертау авиация заводында эшләнгән «Ка» маркалы вертолеттар менән ҡыҙыҡһыныуҙары тураһында белдерҙе. Махсус конструкциялы вертолеттар әле донъяның 30 илендә файҙаланыла.  Уларҙың бортында радиоэлектрон ҡоролма яңыртылған, яңы эҙләү системаһы һәм радиоакустика ҡуйылған....

20 июня 2019
Смотреть видео Рәсәй һәм донъя хәбәрҙәре | ГТРК «Башкортостан»

Рәсәй һәм донъя хәбәрҙәре

Нью-Йорк полицияһы хоҡуҡ һаҡлау органдары хеҙмәткәрҙәре араһында суицидтар артыуға борсолоу белдереп, хакимиәттәрҙән ашығыс саралар күреүҙе талап иткән. Һуңғы ике аҙнала ғына 3 кеше үҙ-үҙенә ҡул һалған. Влюхелп ойошмаһы мәғлүмәттәренә ҡарағанда, Нью-Йорк полицияһында суицид осраҡтары үҙ вазифаһын...

20 июня 2019
Смотреть видео Башҡортостанға «Һаулыҡ һаҡлау» милли проектын тормошҡа ашырыу өсөн 16 миллиард һум бүленә | ГТРК «Башкортостан»

Башҡортостанға «Һаулыҡ һаҡлау» милли проектын тормошҡа ашырыу өсөн 16 миллиард һум бүленә

Республиканың һаулыҡ һаҡлау министры вазифаһын башҡарыусы Максим Забелин әйтеүенсә, маҡсат — 2024 йылға ғүмер оҙайлығы 78 йәшкә етергә тейеш. Проект һигеҙ өлөшкә бүленгән. «Һаҡсыл поликлиника» проектында ҡатнашыусыларҙы ла арттырыу ҡарала. Был проектҡа балалар поликлиникалары ла индерелә. Максим...

20 июня 2019
Смотреть видео Сифатлы һөт эсәбеҙме? | ГТРК «Башкортостан»

Сифатлы һөт эсәбеҙме?

Быға тиклем  Рәсәй  ауыл хужалығын күҙәтеү хеҙмәте һөттөң ҡуйылығын, сағыштырмаса ауырлығын тикшерһә,  хәҙер һөткә ҡушылған сит матдәләрҙе лә асыҡлай. Шишмәлә урынлашҡан референт үҙәге лабораторияһы токсикологтары яңыраҡ бер нисә төр һөттә крахмал һәм сода бармы, юҡмы икәнлеген...

20 июня 2019
Смотреть видео Эскән килеш руль артына ултырған өсөн яуаплылыҡ көсәйтелә | ГТРК «Башкортостан»

Эскән килеш руль артына ултырған өсөн яуаплылыҡ көсәйтелә

Владимир Путин иҫерек водитель ғәйебе менән үлемесле юл фажиғәһе өсөн енәйәт яуаплылығын көсәйтеү тураһындағы указға ҡул ҡуйҙы.  Документҡа ярашлы, хәҙер юл-транспорт ваҡиғаһында һаулыҡҡа ауыр зыян килтерелгән осраҡта, иҫерек водителгә 3 йылдан 7 йылға тиклем иректән мәхрүм ителеү янай....

20 июня 2019
Смотреть видео Гибрид хәүефе | ГТРК «Башкортостан»

Гибрид хәүефе

Хәрби ысул менән гибрид хәүефе һөжүменә ҡаршы тороп булмай. Именлек мәсьәләләрен көйләү буйынса юғары вәкилдәрҙең 10-сы халыҡ-ара форумында ҡатнашыусылар терроризмға ҡаршы көрәштә дәүләт-ара хеҙмәттәшлек зарурлығын һыҙыҡ өҫтөнә алды.  Гибрид хәүефе менән хәрби көстәр ярҙамында ла, гуманитар...

20 июня 2019
Смотреть видео «Ҡорос»  халыҡ театрына 10 йыл | ГТРК «Башкортостан»

«Ҡорос» халыҡ театрына 10 йыл

Мифтахетлин Аҡмулла исемендәге башҡорт дәүләт педагогия университеты эргәһендәге «Ҡорос»  халыҡ театрына быйыл 10 йыл. Үҙҙәренең бәләкәй генә юбилейын улар оло еңеүҙәр менән ҡаршылай. Ошо көндәрҙә буласаҡ педагогтар «Тетр һәм балалар» Бөтә Рәсәй театрҙар фестивалендә лауреат исемен яуланы....

19 июня 2019
Смотреть видео Уңыш барлар мәл етте | ГТРК «Башкортостан»

Уңыш барлар мәл етте

Уҡыусылар берҙәм дәүләт имтиханының һөҙөмтәләре менән таныша башланы. Мәҫәлән, билдәле булыуынса, Башҡортостанда профилле математиканы тапшырған 11 мең уҡыусы араһынан 18-е 100 балға яҙған. Юғары балл алыусыларҙың ун бере – Өфөнән, өсәүһе – Октябрьскийҙан, Стәрлетамаҡтан һәм Нефтекаманан - икешәр....

19 июня 2019
Смотреть видео Балалар баҡсаһына сират асыҡ буласаҡ | ГТРК «Башкортостан»

Балалар баҡсаһына сират асыҡ буласаҡ

Башҡортостандың мәғариф министры Айбулат Хажин ошо аҙна аҙағына ата-әсәләр баланың ҡабул ителеүе - ниндәй баҡсаға һәм төркөмгә йөрөүе тураһында тулы мәғлүмәт менән таныша аласағын белдерҙе. Электрон сираттың сайты edu-rb.ru.  Башҡортостанда әле 3 йәшкәсә 2 мең 678 сабый балалар баҡсаһына...

19 июня 2019
Смотреть видео Рәсәй һәм донъя хәбәрҙәре | ГТРК «Башкортостан»

Рәсәй һәм донъя хәбәрҙәре

Астрахань өлкәһенең Капустин Яр полигонында Төнъяҡ флот күнекмәләре үтә. Уның сиктәрендә “ТОР” арктика зенит-ракета комплекстары төрлө ерҙән һәм бейеклектән осоролған сәптәрҙе юҡ иткән. “ТОР” комплексы 50 градус һыуыҡта ла эшләүгә һәләтле, ул сәп табылып бер нисә секунд үтеү менән уны юҡ итә....

19 июня 2019
Смотреть видео Башҡортостанда үҫетерелгән картуф менән ниңә ситтәр сауҙа итә? | ГТРК «Башкортостан»

Башҡортостанда үҫетерелгән картуф менән ниңә ситтәр сауҙа итә?

Башҡортостанда социаль әһәмиәтле ҡайһы бер аҙыҡ-түлеккә хаҡтары үҙгәргән.  Май айы менән сағыштырғанда йәшелсә-емештең күбеһе арзанайған. Алан Мамедов күмәртәләп һатыу баҙарында Башҡортостанда үҫетерелгән картуф менән сауҙа итә. Был эштең әллә ни файҙаһы юҡ, сөнки миҙгел башланыу хаҡтар көндән...

19 июня 2019
Смотреть видео Башҡортостан лидерҙары | ГТРК «Башкортостан»

Башҡортостан лидерҙары

Республика етәксеһе «Башҡортостан лидерҙары» конкурсының башланыуы тураһында иғлан итте. Был хаҡта Радий Хәбиров үҙенең «Фейсбук»тағы сәхифәһендә яҙҙы. Проекттың маҡсаты — кандидаттарҙы ғәҙел һайлап алыу. Һөҙөмтәләр буйынса иң яҡшы 100 ҡатнашыусы һайлап алына. Уларҙың һәр береһенә үҙенең...

19 июня 2019
Смотреть видео Земфира Латыповаға Юғары суд рәйесе танытмаһы тапшырылды | ГТРК «Башкортостан»

Земфира Латыповаға Юғары суд рәйесе танытмаһы тапшырылды

Шулай уҡ был көндәрҙә Рәсәй Президентының Волга буйы федераль округындағы тулы хоҡуҡлы вәкиле эш сәфәре менән Өфөлә. Игорь Комаров халыҡ-ара хәүефһеҙлек Советы ултырышында ҡатнашты һәм Рәсәй Президентың Башҡортостандағы ҡабул итеү бүлмәһен ҡараны.Эске эштәр министрлығы, прокуратура, суд приставтары...

19 июня 2019
Смотреть видео Гибрид һуғышын нисек аңларға? | ГТРК «Башкортостан»

Гибрид һуғышын нисек аңларға?

Ошо көндәрҙә Өфө дөйөм тырышлыҡ менән донъяның хәүефһеҙлегенә өлгәшер бурыстар тураһында фекер алышыу майҙанына әйләнде. Именлек мәсьәләләрен көйләү вәкилдәренең халыҡ-ара форумы быйыл унынсы тапҡыр үтә. Кәңәшмәлә 100-ҙән ашыу ил вәкиле ҡатнаша.Рәсәй именлек советы ойошторған халыҡ-ара форумдың...

19 июня 2019
Смотреть видео Хеҙмәт баҙары балалар өсөн нимә тәҡдим итә? | ГТРК «Башкортостан»

Хеҙмәт баҙары балалар өсөн нимә тәҡдим итә?

Йәй берәүҙәр өсөн көтөп алынған ял мәле булһа, икенселәргә − аҡ­са эшләү осоро. Бигерәк тә, мәктәптән бушаған уҡыусылар каникул мәлдәрендә эшләп ҡалырға тырыша. Хеҙмәт баҙары балалар өсөн нимә тәҡдим итә? Ҙур иғтибар һәм етди йөҙ менән балалар ғүмерҙәрендә тәүге тапҡыр хеҙмәт килешеүе...

18 июня 2019
Смотреть видео Башҡортостанда «Бурыслы» операцияһы башланды | ГТРК «Башкортостан»

Башҡортостанда «Бурыслы» операцияһы башланды

Юл инспекторҙары штрафтарын түләмәүселәрҙе асыҡлай һәм закон менән билдәләгән яуаплылыҡҡа тарттыра. Административ штрафты 60 көн эсендә түләмәгән өсөн водителдәр административ яуаплылыҡҡа тарттырыла. 20 көн эсендә түләгән осраҡта, штраф суммаһының тик 50 процентын ғынатүләү мөмкинлеге бар. ...

18 июня 2019
Смотреть видео 1 августҡа тиклем Башавтотранс өр-яңы 26 ҙур автобус ала | ГТРК «Башкортостан»

1 августҡа тиклем Башавтотранс өр-яңы 26 ҙур автобус ала

Улар барыһы ла ҡала-ара маршруттарға сығасаҡ. Ә август аҙағына урта класслы 222 автобус килеп етә, улар иһә ҡала эсендәге һәм ҡала-райондар араһындағы пассажирҙарҙы хеҙмәтләндерәсәк. Бөтәһе киләһе йылдың апреленә тиклем республика юлдарына 589 яңы автобус сығыр тип көтөлә. Шул уҡ ваҡытта...

18 июня 2019
Смотреть видео Өфөлә ҡулаҡса һаҡлау өсөн юғары технологиялы касса үҙәге асылды | ГТРК «Башкортостан»

Өфөлә ҡулаҡса һаҡлау өсөн юғары технологиялы касса үҙәге асылды

Ул быға тиклем эшләгән ике касса үҙәген берләштерә.  Аҡса һаҡлағысын асыу тантанаһында Рәсәй үҙәк банкы рәйесе урынбаҫары Руслан Вестеровский,  Үҙәк банктың Уралдағы баш идаралығы етәксеһе Рөстәм Марҙанов, республика Милли банкы рәйесе Марат Кашапов, банк вәкилдәре, төҙөүселәр ҡатнашты....

18 июня 2019
Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Яндекс.Метрика