Йөҙөү – бөтәһе өсөн дә

Рәсәй Президенты Владимир Путин ҡушыуы буйынса һәр төбәктә “Йөҙөү – бөтәһе өсөн дә” ведомство-ара программаһы әҙерләнә. Ул муниципалитеттарҙа бассейндар төҙөүҙе һәм балаларҙы йөҙөүгә өйрәтеүҙе күҙаллай. Проект ҡасан һәм нисек эшләй башлаясаҡ. Яңыраҡ ҡына Аслан Ҡорамшин һыуға инергә лә ҡурҡҡан. Ә хәҙер малай “балыҡ” кеүек йөҙә. Быға уны спорт секцияһында өйрәткәндәр. Йөҙөү — мәктәп программаһына инмәгән. Әммә, Рәсәй Президенты күрһәтмәһе буйынса, был спорт төрө менән балалар ҙа, өлкәндәр ҙә шөғөлләнә алырға тейеш. Ил төбәктәрендә, шул иҫәптән Башҡортостанда ла үҙ программалары өҫтөндә эшләй башланылар. Ошондай проекты тормошҡа ашырыу мәсьәләһе республика етәксеһе Радий Хәбиров Бөтә Рәсәй йөҙөү федерацияһы Президенты менән осрашыуҙа ҡаралды. Унда күпләп спорт менән шөғөлләнеү өсөн инфраструктура булдырыу һорауы тикшерелде. Владимир Сальников уҡыусыларҙы һәм үҫмерҙәрҙе йөҙөргә өйрәтергә тәҡдим итте, Радий Хәбиров иһә хуплап сыҡты. Бөгөн белгестәр программа өҫтөндә эш алып бара. Уның маҡсаты – һәр кешене йөҙөү серҙәренә өйрәтеү.  Билдәле Рәсәй йөҙөүсеһе, паралимпия чемпионы Оксана Савченко аңлатыуынса, иң беренсе балаларҙы һәм эшләп йөрөгән кешеләрҙе өйрәтергә уйлайҙар. Шуныһы ла мөһим, предприятиелар үҙ иҫәбенә хеҙмәткәрҙәрен уҡытырға тейеш буласаҡ. Өфөлә лә халыҡты йөҙөүгә ылыҡтырып ҡаранылар. 2013-сө йылда грантҡа нигеҙләнеп программа педагогия университетында тормошҡа ашырылды. Ул ваҡытта йөҙләгән студент йөҙөргә өйрәнде. Әммә, грант аҡсаһы бөтөү сәбәпле ул туҡтап ҡалды. Хәҙер университетта алынған тәжрибәне Өфөлә һәм республикала таратырға йыйыналар. Ләкин, белгестәр етешмәү проблемаһы килеп тыуа. Төбәктә бер тапҡыр бассейнда шөғөлләнеү хаҡы өлкәндәр өсөн 200-400 һум. Айырым кешеләргә ташламалар ҡаралған. Мәҫәлән, студенттар һәм пенсионерҙар 100-200 һум түләй. Ошондай уҡ, сумма мәктәп уҡыусылары өсөн билдәләнгән — 150-250 һум тирәһе. Статистика мәғлүмәттәре буйынса, уҡыусыларҙың 78 проценты өҫтәмә түңәрәктәргә йөрөй. Республикала 12 мең самаһы бала йөҙөү менән шөғөлләнә. Белгестәр фаразлауынса, йөҙөү мәктәп программаһына инһә, уларҙың һаны ике-өс тапҡырға артасаҡ. Быға юғары уҡыу йортарында алып барылған эш дәлил. Мәҫәлән, аграр университетта дәрестәр бассейнда үтә. Бындай программаларҙың маҡсаты – бәхетһеҙ осраҡтарҙы алдан иҫкәртеү. Уҙған йылда ғына йылға-күлдәрҙә 4 баланың ғүмере өҙөлгән. Быйыл ул башланып та өлгөрмәне, бер кеше һыуға батып үлде. Июндә ҡотҡарыусылар “Йөҙөргә өйрән” тигән акция ойоштора. “Йөҙөү – бөтәһе өсөн дә” программаһы муниципаль берәмектәрҙә бассейндарҙы төҙөүҙе күҙаллай. Йәштәр сәйәсәте һәм спорт министрлығы мәғлүмәттәре буйынса, төбәктә 71 йөҙөү буйынса спорт комплексы бар. Быйыл 6 районда һәм тағы берәүҙе Өфөнөң Инорс биҫтәһендә сафҡа индереү планлаштырыла.

 

Смотрите нас в YouTube


һУҢҒЫ ХӘБӘРҘӘР

Смотреть видео “Башҡортостан” дәүләт телевидение һәм радиотапшырыуҙар компанияһы тапшырыуҙарын хәҙер мобиль ҡушымталар аша ла ҡарарға мөмкин | ГТРК «Башкортостан»

“Башҡортостан” дәүләт телевидение һәм радиотапшырыуҙар компанияһы тапшырыуҙарын хәҙер мобиль ҡушымталар аша ла ҡарарға мөмкин

Башҡортостан” дәүләт телерадиокомпанияһы тамашасыларына тағы ла яҡыныраҡ. Ошо көндәрҙә мобиль телефондар өсөн өр-яңы ҡушымта барлыҡҡа килде.  Хәҙер беҙҙең медиа-холдингтың продукттары бер урында тупланған. Теләгән һәр кем “Башҡортостан” дәүләт телерадиокомпанияһының да рәсми ҡушымтаһын...

15 мая 2020
Смотреть видео Республикала хәрби хеҙмәткә яҙғы саҡырылыш кампания старт алды | ГТРК «Башкортостан»

Республикала хәрби хеҙмәткә яҙғы саҡырылыш кампания старт алды

Быйылғы сар айырыуса ҙур иғтибар менән уҙа. Илдең буласаҡ һаҡсыларының сәләмәтлеге генә тикшерелеп ҡалмай, улар коронавирусҡа тест тапшыра. Хәрби комиссариатҡа эләгер өсөн буласаҡ һалдаттар тәүҙә тән температураһын тикшертеп, ҡулдарын химик шыйыҡса менән эшкәртә. Мотлаҡ рәүештә ул һуңғы арала...

15 мая 2020
Смотреть видео Башҡортостан халҡы яйлап үҙизоляциянан сыға | ГТРК «Башкортостан»

Башҡортостан халҡы яйлап үҙизоляциянан сыға

Өфөлә парк һәм скверҙар асылды, ҡайһы бер магазиндар эш башланы. Ә урамда йөрөүселәргә талаптар ҡатыланды. Айҙан ашыу бикле торған парктар, ниһәйәт, асыла башланы. Тимәк, сәскәле аллеяларҙа йөрөргә һәм велосипедтарҙа елдерергә мөмкин. Иртән паркта хаҡлы ялдағылар һәм йәш әсәйҙәрҙе йыш осратырға...

15 мая 2020
Смотреть видео Башҡоростандың сәнәғәт предприятиеларында короновирус таралыуға юл ҡуйылмай | ГТРК «Башкортостан»

Башҡоростандың сәнәғәт предприятиеларында короновирус таралыуға юл ҡуйылмай

Был турала республика башлығы Радий Хәбиров белдерҙе. Бөгөнгә 130  кешенән торған мобиль төркөм 600-ҙән ашыу ойошмалағы тәртип барышын тикшерә. Төп маҡсаттарҙың береһе – төҙөлөш майҙандарында хәүефһеҙлек сараларын тулыһынса үтәү.

15 мая 2020
Смотреть видео 30-ға яҡын белем усағы үҙ ишектәрен асасаҡ | ГТРК «Башкортостан»

30-ға яҡын белем усағы үҙ ишектәрен асасаҡ

,,Демография,, милли проекты сиктәрендә республикала йыл аҙағында 30-ға яҡын белем усағы үҙ ишектәрен асасаҡ. Бының өсөн федераль ҡаҙнанан 2 миллиард һум самаһы аҡса бүленә. ,,Демография" милли проекты сиктәрендә Өфө районының Михайловка ауылында быйыл 800 урынлыҡ балалар баҡсаһы һәм мәктәп ...

14 мая 2020
Смотреть видео Штраф санкцияларына мораторий киләһе йылдың ғинуар айына тиклем дауам итәсәк | ГТРК «Башкортостан»

Штраф санкцияларына мораторий киләһе йылдың ғинуар айына тиклем дауам итәсәк

Республикала торлаҡ-коммуналь хужалыҡ хеҙмәттәренә түләүҙәрҙе кисектереп торған өсөн пеня һалынмай. Штраф санкцияларына мораторий киләһе йылдың ғинуар айына тиклем дауам итәсәк. Был урындағы халыҡҡа финанс йөкләмәләрҙе еңеләйтеү йәһәтенән эшләнә. Һуңғы ике аҙна дауамында Гагарин урамындағы был...

14 мая 2020
Смотреть видео Медицина битлектәрен кейеп йөрөмәгән өсөн – штраф | ГТРК «Башкортостан»

Медицина битлектәрен кейеп йөрөмәгән өсөн – штраф

Медицина битлектәрен кейеп йөрөмәгән өсөн – штраф. Республика башлығы Радий Хәбиров указына ярашлы, төбәктә йәмәғәт транспортында, магазиндарҙа, банктарҙа һәм башҡа йәмәғәт урындарында медицина битлектәрен һәм бирсәткәләр кейеү мотлаҡ. Дәүләт Йыйылышы – Ҡоролтайҙа һаҡлыҡ сараларын үтәмәүселәр өсөн...

14 мая 2020
Смотреть видео Өфөлә парк һәм скверҙар асылды | ГТРК «Башкортостан»

Өфөлә парк һәм скверҙар асылды

Башҡортостан халҡы яйлап үҙизоляциянан сыға башланы. Өфөлә парк һәм скверҙар асылды, ҡайһы бер магазиндар эш башланы. 12 майҙан эшкә сыҡҡан ата-әсәләрҙең балалары өсөн балалар баҡсаларында дежур төркөмдәр асылды. Бының өсөн ғариза менән мәғариф бүлегенә йә иһә баҡсаның етәксеһенә мөрәжәғәт итеү ҙә...

14 мая 2020
Смотреть видео Уйна гармун | ГТРК «Башкортостан»

Уйна гармун

Рәсәй Башҡортостан, Башҡортостан 24 телеканалдары эфирҙарында уҙған “Уйна гармун” конкурсында ҡатнашыусыларға тауыш биреү дауам итә. Теләгән һәр кем  ГТРК.тв сайтына инеп, конкурсҡа ебәрелгән музыкаль номерҙарҙы ҡарап, баһалай ала. Әйткәндәй, республиканың бөтә райондарынан, шулай уҡ...

13 мая 2020
Смотреть видео Яңы инфекцион госпитальде төҙөүселәр тәүлек әйләнәһенә, ялдарһыҙ һәм байрамдарһыҙ эшләй | ГТРК «Башкортостан»

Яңы инфекцион госпитальде төҙөүселәр тәүлек әйләнәһенә, ялдарһыҙ һәм байрамдарһыҙ эшләй

Унда тышҡы селтәрҙәрҙе һалыу тамамланған, таҙартыу ҡоролмаларын, фасадтарҙы, стеналарҙы монтажлау бара. Ә 9 майҙа Еңең көннөдә төҙөлөш майҙанында һуғыш йылдарындағы йырҙар һәм марштар яңғыраған. Эшселәр әйтеүенсә, был уларҙы тағы ла дәртләндереп ебәргән.

13 мая 2020
Яндекс.Метрика