Республика ихаталарында ташландыҡ автомобилдәр булмаясаҡ

Республика ихаталарында ташландыҡ автомобилдәр булмаясаҡ, ә 1 июлдән бөтә йәмәғәт транспортында ла берҙәм карта ярҙамында иҫәпләшергә мөмкин, тағы ла ноябрь аҙағына тиклем ҡала-райондар араһында легаль булмаған пассажир ташыусыларҙы бөтөрөргә иҫәп тоталар. Был хаҡта хөкүмәттәге оператив кәңәшмәлә билдәле булды. Шулай итеп, республиканы ташландыҡ автомобилдәрҙән дә бушатырға ваҡыт.  Тимер атын газон – тротуарҙа ҡалдырыусылар менән көрәш үҙ һөҙөмтәһен бирҙе, тине республика етәксеһе Радий Хәбиров. Апрель айынан алып административ комиссиялар тарафынан 14 миллион һумлыҡ штраф һалынған. Иң мөһиме – ҡағиҙә боҙоуҙар көндән-көн кәмей. Урам-ихаталарҙағы алам-һалам, ташландыҡ машиналарҙы эвакуациялауҙы башлар алдынан Радий Хәбиров юридик механизмдарҙы барларға ҡушты. Ошо рәүешле автомобилдәр өсөн туҡталҡала урын бушатыу менән бер рәттән яңыларын да булдырыу күҙаллана. Республикала әле 310 мең машинаға урын талап ителһә, ғәмәлдә шуның яртыһы ла юҡ. Йәмәғәт транспортына бәйле төрлө һорауҙар килеүен Радий Хәбиров автобустар паркын яңыртыу оҙаҡҡа һуҙылыуы менән аңлатты һәм аңлатма биреп үтте. Башҡортостан юлдарында үҙебеҙҙә етештерелгән автобустар йөрөргә тейеш тине ул.1 августҡа тиклем Башавтотранс өр-яңы 26 ҙур автобус ала. Улар барыһы ла ҡала-ара маршруттарға сығасаҡ. Ә август аҙағына урта класслы 222 автобус килеп етә, улар иһә ҡала эсендәге һәм ҡала-райондар араһындағы пассажирҙарҙы хеҙмәтләндерәсәк. Бөтәһе киләһе йылдың апреленә тиклем республика юлдарына 589 яңы автобус сығыр тип көтөлә. Шул уҡ ваҡытта пассажирҙар өсөн яҡынса 3 аҙнанан берҙәм транспорт картаһы ғәмәлгә инә.Башҡортостан был көндәрҙә Санкт-Петербург халыҡ-ара иҡтисад форумы һөҙөмтәләрен дә барлай. Оператив кәңәшмәлә билдәләнеүенсә, республика өсөн быйылғы эшлекле сара рекордлы – йәмғеһе 82 миллиард һумлыҡ инвестиция килешеүҙәренә ҡул ҡуйылған. Ә был 3 меңгә яҡын яңы эш урыны тигән һүҙ. Рекордҡа тиңләрлек сараларҙың береһен был көндәрҙә Башҡортостан үҙе ҡабул итә. Евразия йөрәге фестивале бер нисә көн дауамында Өфөлә меңәрләгән ҡатнашыусыны йыясаҡ. Уның сиктәрендә 12 июндә  Надежда Бабкинаның “Рәсәй йырҙары” фестивале, этнотөн, 13-ндә симфония төнө, 14 июнь көнө Беренсе балл, Ҡурайфест, республиканың 100 йыллығына бағышлап “Алға Башкирия, Вперед Башҡортостан” тип аталған концерт, һәм башҡа саралар үтәсәк. Фестивалдең һәр көнө сағыу салют менән тамамлана. Әйткәндәй, был фестиваль йәш булыуға ҡарамаҫтан, белгестәр баһаһы буйынса Муз ТВ-нан ҡала икенсе урында тора. Республика етәксеһе беренсегә ынтылырға бөтә мөмкинлектәр ҙә бар тине.

Подпишитесь на нас в Google Новости

һУҢҒЫ ХӘБӘРҘӘР

Беҙҙең һайлау-беҙҙең еңеү | ГТРК «Башкортостан»

Беҙҙең һайлау-беҙҙең еңеү

Өфөлә Спорт һарайы алдындағы майҙанда күләмле митинг-концерт үтте. Унда Лайт Эгейн, “Градусы” һәм тәүге составта легендар “Ҡаруанһарай” төркөмө сығыш яһаны.

20 марта 2018
Милли әҙиптәребеҙҙең тере шишмәләре ҡоромай | ГТРК «Башкортостан»

Милли әҙиптәребеҙҙең тере шишмәләре ҡоромай

Башҡортостан мәғарифты үҫтереү институты Зәйнәб Биишеваның 110 йыллығына арнап яттан шиғыр һөйләү бәйгеһен ойошторҙо. Унда тәүге тапҡыр уҡытыусылар менән бергә уҡыусылар ҙа ҡатнашты.Бындай саралар милли әҙәбиәт менән ҡыҙыҡһыныуҙы арттыра,  ихтирам тәрбиәләй. Яҙыусы һәм шағирҙарҙың әҫәрҙәре...

20 марта 2018
Смотреть видео  Башҡортостандың 100 йыллығына – 100 объект | ГТРК «Башкортостан»

Башҡортостандың 100 йыллығына – 100 объект

Межгорье ҡалаһында төҙөкләндерелгән универсаль спорт комплексы асылды. Унда бер көндә алты йөҙҙән ашыу кеше спорт менән шөғөлләнә ала. Һәр сәләмәт тормош алып барыусыға бөтә мөмкинлектәр булдырылған. Алексей Юрьевич мәктәп уҡыусыларына теннис уйнау нескәлектәренә өйрәтә. Хәҙер балалар уҡыуҙан һуң...

20 марта 2018
Смотреть видео «Умник» программаһында ҡатнашыусылар уңышы | ГТРК «Башкортостан»

«Умник» программаһында ҡатнашыусылар уңышы

Ашҡаҙан язваһына килтергән бактерияны йоҡтороу-йоҡтормау тураһындағы мәғлүмәттәҙе хәҙер 9 минут эсендә асыҡларға мөмкин. Экспресс-тест приборын Өфө дәүләт авиация техник университеты магистранты һәм уның хеҙмәттәштәре Рәсәйҙең “Умник” программаһы гранты аҡсаһына камиллаштыра. Әлегә тиклем...

20 марта 2018
Смотреть видео Рәсәй һәм донъя хәбәрҙәре | ГТРК «Башкортостан»

Рәсәй һәм донъя хәбәрҙәре

Сүриә президенты Башар Асад үҙ автомобилендә Көнсығыш Гутаға барған. Гуманитар коридорҙар асыу менән меңләгән кеше һуғыш биләмәһенән сығып китергә тырыша. Асад хәрбиҙәр менән осрашып тоғро хеҙмәт өсөн уларға рәхмәт белдергән. “Убер” компанияһын водителһеҙ машинаһы 49 йәшлек ҡатынды төкәткән. Был...

20 марта 2018
Өфөлә мөмкинлектәре сикләнгәндәр өсөн үҙәк асылды | ГТРК «Башкортостан»

Өфөлә мөмкинлектәре сикләнгәндәр өсөн үҙәк асылды

Бында мөмкинлектәре сикләнгән кешеләрҙең коляскаларын, башҡа махсус ҡорамалдарын, автомобилдәрен ремонтлаясаҡтар. Ә инвалид балалар өсөн бындай ярҙам бушлай ойоштороласаҡ.

20 марта 2018
Республиканың ҙур йылғаларында боҙ март аҙаҡтарында китергә тейеш | ГТРК «Башкортостан»

Республиканың ҙур йылғаларында боҙ март аҙаҡтарында китергә тейеш

Ҡар запасы һәм ундағы дым кимәле түбән булғанлыҡтан ҙут ташҡын көтөлмәй. Ташҡын 30-40 процентҡа түбән булыр, тип фаразлана. Шулай ҙа көндәр кинәт йылыта ҡалһа хәүеф һаҡлана, сөнки ер ғәҙәттәгенән нығыраҡ туңған.

20 марта 2018
Башҡортостанда аҙна аҙағынаса ҡар яуасаҡ | ГТРК «Башкортостан»

Башҡортостанда аҙна аҙағынаса ҡар яуасаҡ

Һауа температураһы көндөҙ 1,6 градус һалҡын. Иртәгә ҡар яуыуы, һауа температураһының төндә 22 градус һалҡын, көньяҡ райондарҙа +5 градусҡа тиклем йылытыуы көтөлә. Айырым райондарҙа боҙлауыҡ, сымдарға һәм ағастарға епшек ҡар һырыуы, айырым юл участкаларында боҙлауыҡ булыуы көтөлә.

20 марта 2018
Смотреть видео Рөстәм Хәмитов һайлау һөҙөмтәләренә баһа бирҙе | ГТРК «Башкортостан»

Рөстәм Хәмитов һайлау һөҙөмтәләренә баһа бирҙе

Башҡортостанда һайлау ҙур ойошҡанлыҡ менән һәм халыҡтын власҡа ышанысын дәлилләп үтте. Республикала тауыш биреү йомғаҡтарына дәғүә белдерергә сәбәп юҡ. Рөстәм Хәмитов Башҡортостанда Президент һайлауы һөҙөмтәләренә баһа бирҙе.Республика граждандарының 75 проценты үҙенең һайлаусы хоҡуғын файҙаланып...

19 марта 2018
Смотреть видео Владимир Путин өсөн ил буйынса 55 миллиондан ашыу кеше тауыш биргән | ГТРК «Башкортостан»

Владимир Путин өсөн ил буйынса 55 миллиондан ашыу кеше тауыш биргән

Үҙәк һайлау комиссияһы әлегә протоколдарҙың 99 процентын эшкәрткән.  Һайлаусыларҙың яҡынса 77 проценты илебеҙҙең ғәмәлдәге етәксеһе Владимир Путин өсөн тауыш биргән.  Политологтар билдәләүенсә, был үҙенсәлекле  рекорд.  Сөнки  йылдан-йыл Владимир Путин сәйәсәтен...

19 марта 2018
Яндекс.Метрика