Республикала юл-транспорт фажиғәләре йышыраҡ теркәлгән 136 урын иҫәпләнә

 Өфөлә генә авария хәүефе янаған йөҙҙән ашыу участка бар. “Хәүефһеҙ юлдар” проекты сиктәрендә депуттатар ошо урындар буйлап рейд  үткәрҙе һәм аварияларҙың сәбәбен асыҡланы. Рөхсәт ителмәгән урындан юлды йүгереп сығыу лото уйыны һымаҡ – йә юлды ҡыҫҡартып отаһың, йә машина аҫтына эләгеп отолаһың.  Ошо рәүешле үҙенең ғүмеренә битараф ҡараған кешеләр хәүефле хәлдәр тыуҙыра ла инде. Башҡортостанда авария хәүефе янаған 136 юл участкаһы иҫәпләнә. Шуларҙың иң күбеһе — Өфөлә. Юл-транспорт фажиғәләре йышыраҡ теркәлгән урындарҙың береһе — Менделеев урамындағы сауҙа үҙәге янында урынлашҡан. “Хәүефһеҙ юлдар” проектының Башҡортостандағы координаторы Зариф Байғусҡаров урындағы хакимиәт һәм юл-хәрәкәте хәүфһеҙлеге дәүләт инспекцияһы вәкилдәре менән баш ҡала буйлап рейдҡа сыҡты. Уның барышында кеше ғүмеренә ҡурҡыныс янаған урындарҙы хәүефһеҙ итеү саралары ҡаралды. Шулай уҡ, рейд барышында уҡыу йорттарына илткән юлдар ҙа тикшерелде. Һөҙөмтәлә, 9-сы һәм 18-се мәктәптәр араһындағы Мөбәрәков урамында светофорҙарҙың эшләмәүе асыҡланды. Өҫтәүенә, меңәрләгән уҡыусы үтеп йөрөгән юл яҡтыртылмай. Ҡараңғы тиҙ төшкән көҙ-ҡыш миҙгелдәрендә балалар өсөн бында бигерәк тә хәүефле. 160-сы лицейҙа уҡыған балаларҙың ата-әсәләренән дә мөрәжәғәттәр күп. Улар уҡыу йорто эргәһендә йәйәүлеләр үткәүеле булмауына зарлана. Әммә, асыҡланыуынса, ул ҡанун буйынса бында ҡуйыла алмай. Сөнки тау аҫтынан килгән автомобиль водителдәре был билдәне күрмәйәсәк. Мәктәптән 60 метрлыҡ алыҫлыҡта ғына светофор бар. Әммә унда тиклем барып еткән кеше һирәк, бөтәһе лә тәғәйен булмаған урындан сығып, юлды ҡыҫҡартыу яғын ҡарай. Хатта әсә кешеләр балаларының күҙ алдында тәртип боҙоп, насар өлгө бирә. Былтыр республика юлдарында 550 кешенең ғүмере өҙөлгән, шул иҫәптән, 21-е балалар. Был күңелһеҙ статистиканы кәметеү маҡсатында  ошондай иҫкәртеү саралары ойошторола ла инде. Рейд барышында асыҡланған барлыҡ етешһеҙлектәрҙе яңы уҡыу йылы башланғансы юҡ итергә вәғәҙәләнеләр.

Подпишитесь на нас в Facebook


һУҢҒЫ ХӘБӘРҘӘР

Смотреть видео Ярҙам итеү акцияһы дауам итә | ГТРК «Башкортостан»

Ярҙам итеү акцияһы дауам итә

Үҙизоляция ваҡытында мохтаждарға ярҙам итеү акцияһы дауам итә. Битлектәр тегелә, аҙыҡ-түлек таратыла. Был изге эшкә көндән-көн күберәк кеше ҡушыла.  Махсус костюмды бесеү – теүәллек талап итә. Тегеү өҫтәле артында оҫталар түгел, ә сүс-оптик техниктары булғанға күрә яуаплылыҡ  икеләтә...

6 мая 2020
Смотреть видео Торлаҡ-коммуналь хужалығы хеҙмәттәренә түләүселәр һаны кәмегән | ГТРК «Башкортостан»

Торлаҡ-коммуналь хужалығы хеҙмәттәренә түләүселәр һаны кәмегән

Башҡортостанда торлаҡ-коммуналь хужалығы хеҙмәттәрен түләүҙәр 95 проценттан 80 процентҡан тиклем аҙайған һәм артабан да түләүселәр һаны кәмер, тип көтөлә.  Көрсөк эҙемтәләрен еңеләйтеү йәһәтенән дәүләт торлаҡ-коммуналь хужалыҡ өлкәһендә төрлө саралар күрә. Субсидиялар автоматик рәүештә...

6 мая 2020
Смотреть видео Рәсәйҙең Фән һәм мәғариф министрлығы уҡыу йылын ҡасан тамамлау тураһында мәғлүмәттәр иғлан итте | ГТРК «Башкортостан»

Рәсәйҙең Фән һәм мәғариф министрлығы уҡыу йылын ҡасан тамамлау тураһында мәғлүмәттәр иғлан итте

Федераль министрлыҡ вәкилдәре ошо хаҡта “Ҙур тәнәфес” телеграмм каналында яҙып сыҡты. Ведомство 9-сы һәм 11-се синыфтарҙа дәрестәр июндең бишенә тиклем барасаҡ, тип билдәләгән. Ә унынсыны тамамлаусылар майҙың утыҙына тиклем шөғөлләнә. Туғыҙынсы синыф уҡыусылары өсөн дәүләт һынауҙары  улар...

5 мая 2020
Смотреть видео Өфө реконструкторҙары Бөйөк Ватан һуғышы йылдарындағы мотоциклдарҙы тергеҙә  | ГТРК «Башкортостан»

Өфө реконструкторҙары Бөйөк Ватан һуғышы йылдарындағы мотоциклдарҙы тергеҙә

Был мотоциклдарҙы хәрби-тарихи клуб вәкилдәре беҙҙең ижади төркөм өсөн махсус күрһәтә. 190-сы Очаков пехота полкы берлеге мототехникаларҙы тергеҙеү менән хәҙер 12 йыл дауамында шөғөлләнә. Өфө реконструкторҙары легендар М-72 техникаһын сафҡа индергән. “Бронетехника” маркалы ошондай мотоцклдар 8 мең...

5 мая 2020
Смотреть видео Ишембай яҙғы ташҡынды имен үткәрә  | ГТРК «Башкортостан»

Ишембай яҙғы ташҡынды имен үткәрә

Башҡортостанда көндәрҙең ныҡлап йылытыуы сәбәпле, тауҙарҙа ҡар ирей. Был күренеш йылғаларҙың ташыуына алып килә. Ишембайҙа техниканың ташҡынға әҙерлеген тикшереү ошолай үтә. 42-се янғын һүндереү һәм ҡотҡарыу часендә янғын һүндереү өсөн 2 машина, аҙыҡ-түлек ташырға ҡар һәм һаҙлыҡта йөрөгөс, ишкәкле...

5 мая 2020
Смотреть видео  Өфөлә йылытыу миҙгеле тамамланды | ГТРК «Башкортостан»

Өфөлә йылытыу миҙгеле тамамланды

Был турала баш ҡала хакимиәтенән хәбәр итәләр. Һауа температураһының бер-нисә көн дауамында плюс билдәһенә сығыуы сәбәпле, Өфөлә торлаҡ йорттарға йылы биреү тулыһынса туҡтатыла. Бынан тыш, ҡалалағы ойошмалар, учреждение һәм биналар йылытыу селтәренән алына. Хәҙер иһә торбаларҙы ремонтлау башлана....

5 мая 2020
Смотреть видео Ваҡытлы матбуғатғҡа яҙылыу тәртибе үҙгәрә | ГТРК «Башкортостан»

Ваҡытлы матбуғатғҡа яҙылыу тәртибе үҙгәрә

Пандемия сәбәпле, быйыл гәзит-журналдарға яҙылыу шарттары үҙгәрҙе. 30  апрель тамамланған кампания республика гәзиттәре өсөн һынау мәле булды. Сираттағы ошондай махсус акция яҡын арала башлана. Ташламалы яҙылыу  “Шоңҡар” баҫмаһы өсөн нисек уҙған? Ошо турала  баҫманың яуаплы сәркәтибе...

5 мая 2020
Смотреть видео Сибайҙың ҡала баҙары ҡайтанан эш башлай | ГТРК «Башкортостан»

Сибайҙың ҡала баҙары ҡайтанан эш башлай

Ошо туралағы ҡарарҙы урындағы хакимиәт ҡабул итте. Сибай баҙары пандемия таралған мәлдә танылыу алғайны. Тап ошо сауҙа комплексында, Силәбе өлкәһенән килеп ит һатҡан ирҙә коронавирус табылды. Ҙур ғауға тыуҙырған был хәл Башҡортостан етәкселегенең шәхсән күҙәтеүенә алынды. Хәҙер баҙарға килеп сауҙа...

5 мая 2020
Смотреть видео Башҡортостан халҡына 100 мең медицина битлеге түләүһеҙ таратыласаҡ | ГТРК «Башкортостан»

Башҡортостан халҡына 100 мең медицина битлеге түләүһеҙ таратыласаҡ

Республика халҡына йәнә 100 мең медицина битлеге бушлай таратыласаҡ. Радий Хәбиров башҡарма власть органдары алдында ошондай бурыс ҡуйҙы. Әгәр ҙә граждандар һаҡлыҡ сараларын тейешенсә ҡулланмай икән, уларҙы яуапҡа тарттырасаҡтар. Башҡортостанда иһә вирусты йоҡтороусылар һаны кәмемәй. Уларҙың...

5 мая 2020
Смотреть видео Республика табиптары яман шеш сирен иҫкәртеүҙе оноторға тейеш түгел | ГТРК «Башкортостан»

Республика табиптары яман шеш сирен иҫкәртеүҙе оноторға тейеш түгел

Етенсе майға тиклем Башҡортостанда онкология сирҙәренә ҡаршы көрәште ҡайтанан тергеҙергә кәрәк. Пандемия тип, башҡа ауырыуҙарҙы иҫтән сығарырға ярамай. Республика хәҙер коронавирус йоҡторғандар өсөн тәғәйенләнгән биш мең урынды кәметеп, уның һанын 3 мең 700-гә ҡалдырасаҡ. Радий Хәбиров Һаулыҡ...

5 мая 2020
Яндекс.Метрика