Оҫтаның ҡулы башҡа

 Бөрө ҡалаһында йәшәүсе ун бишлек йәшлек Дмитрий Макеров ағастан төрлө йәнлек һындары, көнкүрештә ҡулланылған һауыт-һабалар, ҡумталар эшләү менән мауыға. Уның эштәре менән хәҙер сит ил кешеләре лә ҡыҙыҡһына. Бындай һәләт уға кемдән күскән? Киләсәктә ул ниндәй һөнәр һайлаясаҡ? Эшкә бар күңелеңде һалып башҡарғанда ғына, моратыңа ирешеп була, ти йәш ағас оҫтаһы Дмитрий Макеров. Көнкүрештә кәрәкле әйберҙәрҙең береһе — һауыт-һабаны ул өс-дүрт сәғәт эсендә әҙерләй. Бының өсөн ни бары яҡшы станок, дөрөҫ һайланған ағас, махсус ҡоралдар һәм оҫтанан иғтибарлыҡ талап ителә. Ағас эшенең үҙенсәлектәре  менән Дмитрий Макеров бала сағынан таныш. Иң тәүге эшен ул ни бары ун йәшендә башҡара. Бындай һәләт ғаиләлә быуындан-быуынға күсеп килә. Уның олатаһы ла ҡасандыр билдәле оҫта булған. Өйгә кәрәк-яраҡтарҙы хәҙер һатып алмайбыҙ, ә улыбыҙға мөрәжәғәт итәбеҙ, тип ҡыуана ул. Ағастан төрлө фигуралар  ижад итеү  өсөн Дмитрий үҙенә айырым оҫтахана асҡан.  Бында төрлө ағас киҫәктәре, элекке станоктар, боҙолған һындар ҙа ята. 15 йәшлек Дмитрий Макеровтың хәҙер бәләкәй генә музейы ла бар. Унда ағас оҫтаһының иң яҡшы эштәре һаҡлана. Йәнлек һындары, һауыт-һабалар, балалар өсөн уйынсыҡтар, биҙәкләп эшләнгән ҡумталар. Коллекцияларҙың һаны көндән-көн арта ғына. Республиканан тыш,  сит ил кешеләренең дә уға заказ эшләүҙәре йәш егеттең  эш кимәлен күтәрә, уның оҫталығын дәлилләй.  Дмитрий төрлө район-ҡалаларҙа үткәрелгән конкурстарҙа ҡатнашып алдынғы урындарҙы яулай. Бынан тыш, Дмитрий башҡаларҙы ла ағастан фигуралар эшләү  серҙәренә өйрәтә. Интернет аша теләгән һәр кем оҫтаның эш барышы менән таныша ала. Ҡул оҫталығын танытып өлгөргән егет яңыраҡ ағас эшкәртеү оҫталығы буйынса үткәрелгән Бөтә Рәсәй фестивалендә лә булып ҡайтҡан. Фестивалдә ул башҡа ҡалаларҙан килгән оҫталар менән таныша, тәжрибәһе менән уртаҡлаша. Киләсәктә лә ул был һөнәрен дауам итергә маҡсат ҡуйған.

Читайте нас в Яндекс.Дзен


һУҢҒЫ ХӘБӘРҘӘР

Смотреть видео Миҙгел ауырыуҙары киҫкенләшә | ГТРК «Башкортостан»

Миҙгел ауырыуҙары киҫкенләшә

Эҫе һауа торошо, йә көндәрҙең ҡапыл һыуытыуы миҙгел ауырыуҙарының киҫкенләшеү  ихтималлығын арттыра. Йәйгеһен һаулыҡҡа тағы ла ниҙәр йоғонто яһай, улар менән нисек көрәшергә? Киләһе мәғлүмәт ошо турала.

4 июня 2020
Смотреть видео Мәскәүҙә һабантуй | ГТРК «Башкортостан»

Мәскәүҙә һабантуй

Бөгөн Мәскәүҙә йәшәүсе милләттәштәребеҙ һабантуйға йыйыла, ул быйыл ғәҙәттәгесә Коломенское музей-ҡурсаулығында түгел, ә интернет киңлектәрендә онлайн үтәсәк.  Ойоштороусыларҙың әйтеүенсә, һабан байрамының төп йолалары программала һаҡлана. Ете онлайн-майҙан аша байрам ҡунаҡтары милли көрәш...

4 июня 2020
Смотреть видео Рус теленән диктант | ГТРК «Башкортостан»

Рус теленән диктант

Рус теле көнө алдынан Башҡортостанда “Рус теленән Республика диктанты” тигән белем акцияһы үтәсәк.  Сара 5 июндә онлайн форматта ойошторола. Диктант яҙыуҙың төп маҡсаты – йәмәғәтселек иғтибарын рус телен өйрәнеүгә, белем кимәлен күтәреүгә һәм үҙ-аллы белем алыуға йәлеп итеү.  Рус...

4 июня 2020
Смотреть видео Онлайн уҡырға ин | ГТРК «Башкортостан»

Онлайн уҡырға ин

Эпидемиологик хәл быйылғы ҡабул итеү кампанияһына үҙ йоғонтоһон яһаны. Университет һәм колледждарға быйыл документтар онлайн тапшырыла. Тағы ла ниндәй үҙгәрештәр көтөлгәнен беҙҙең хәбәрселәр асыҡланы.

4 июня 2020
Смотреть видео Ауыл сәғәте | ГТРК «Башкортостан»

Ауыл сәғәте

Тәүге “Ауыл сәғәте”. Башҡортостан башлығың эш графигында яңы кәңәшмә тармағы барлыҡҡа килде. “Ауыл сәғәте” тәртибендә агросәнғәт комплексының көнүҙәк мәсъәләләре ҡараласаҡ. Был хаҡта төбәк етәксеһе Радий Хәбиров Башҡортостан Хөкүмәтендә үткән аҙналыҡ оператив кәңәшмәлә белдерҙе. Беренсе “Ауыл...

4 июня 2020
Смотреть видео Тауыш биреү көнө | ГТРК «Башкортостан»

Тауыш биреү көнө

Ил мөһим ваҡиғаға әҙерләнә – 1-се июль Рәсәй Конституцияһына төҙәтмә индереү буйынса тауыш биреү үтәсәк. Рәсәй президенты был көндө – ял көнө, тип иғлан итте. Роспотребнадзор тәҡдименә ярашлы һәр участокта ҡулдарҙы дезинфекциялау һәм битлек менән бирсәткәләр тапшырыу пункты урынлашасаҡ, шулай уҡ...

4 июня 2020
Смотреть видео “Асыҡ һыу” Халыҡ-ара әрме уйындарына әҙерлек | ГТРК «Башкортостан»

“Асыҡ һыу” Халыҡ-ара әрме уйындарына әҙерлек

Башҡортстанда хәрби инженерҙар төбәктең иң ҙур йылғаһы аша үтеүҙә үҙҙәрен һынаны. Улар “Асыҡ һыу” Халыҡ-ара әрме уйындарының бер этабына әҙерләнә. Тулыраҡ киләһе репортажда. Инженер разведкаһының төп маҡсаты - Һыу аша сығыу өсөн бөтә ҡаршылыҡтарҙы асыҡларға һәм юҡ итергә. Ярҙа күренгән дошманды...

3 июня 2020
Смотреть видео Күп ҡатлы йорттарҙә капиталь ремонт яңынан башланды | ГТРК «Башкортостан»

Күп ҡатлы йорттарҙә капиталь ремонт яңынан башланды

Республикала йорттарҙы капиталь ремонтлау программаһы яңынан башланды. Үҙизоляция ваҡытында ул туҡтатылған ине. Эпидемиологик хәлгә бәйле фасад һәм биналарҙың ҡыйыҡтарын алмаштырыу эштәре генә башҡарыласаҡ. Төбәк операторы битлек режимын һәм санитар-эпидемиологик нормаларҙы үтәүҙе контролдә тота....

3 июня 2020
Смотреть видео Балаларға президент түләүҙәре | ГТРК «Башкортостан»

Балаларға президент түләүҙәре

Республикала әлеге көндә 445 меңдән ашыу балаға президент түләүҙәре күсерелде. 10 мең күләмендәге бер тапҡыр түләнгән аҡса 3 йәштән 16 йәшкә тиклемге балаларға тәғәйен. Был пандемия осоронда ғаиләләргә ярҙам сараһы булараҡ түләнә.     

3 июня 2020
Смотреть видео “Сәләмәтлек аллеяһы” | ГТРК «Башкортостан»

“Сәләмәтлек аллеяһы”

Өфө районында “Сәләмәтлек аллеяһы” барлыҡҡа килде. Ағастарҙы Башҡортостан Хөкүмәте ағзалары республика инфекцион дауаханаһын асыу айҡанлы ултырта. Министрҙар кабинетының күсмә ултырышы был юлы ғәҙәти булмаған форматта -  саф һауала ҡулдарға көрәктәр тотоп үтте. Аллеяның исеме ташҡа яҙылған....

3 июня 2020
Яндекс.Метрика