Ни өсөн түбә таҡтаһы ярыла?

Башҡортостандың торлаҡ һәм төҙөлөш тармағын күҙәтеү буйынса дәүләт комитеты вәкәләттәре артты. Ведомство вәкилдәре хәҙер күп фатирлы йорттарҙа бүлмәләрҙе йә планировкаларын үҙгәртеүҙе асыҡлау һәм иҫкәртеү менән дә шөғөлләнә ала. Республика парламенты депутаттары ошо турала закон ҡабул итте. Фәнилә Хисмәтуллина йәшәгән йорттоң беренсе ҡатында бөҙрәхана асҡандар. Эшҡыуар элекке фатирҙың эсен тулыһынса үҙгәрткән. Торлаҡты үҙгәртеп-ҡороу ваҡытында эшселәр стенаны тишеп Фәнилә Хисмәтуллинаның фатирына килеп сыҡҡан. Хәҙер хужабикә иртәнән кискә тиклем шау-шыуға зарлана. Фатир хужалары килеп тыуған етешһеҙлектәрҙе бөтөрөргә тип бер-нисә тапҡыр матурлыҡ салоны хужаһына мөрәжәғәт итә. Әммә, ул ябай граждандарҙы кешегә лә һанамай. Ошондай уҡ хәл Татьяна Гайдук фатирында. Күршелә генә планировкаға үҙгәреш индергәстәр пенсионерҙың түбә таҡтаһы сатнай башлаған. Оло йәштәге ханымдың фатиры икенсе ҡатта урынлашҡан һәм ул бында 43 йыл көн күрә. Татьяна Гайдуктың аш бүлмәһе аҫтында бөҙрәхана хужаһы бәҙрәф эшләгән. Хәҙер хаҡлы ялдағы инәйҙең аш бүлмәһендә түҙеп торғоһоҙ еҫ. Беренсе ҡаттағы элекке фатирҙа офис өсөн рөхсәт бирелгән булған. Әммә, һуңынан ул нисектер тәғәйенләнешен үҙгәрткән. Белгестәр әйтеүенсә, бында бихисап тәртип боҙоу осраҡтары бар. Планировкаға ошондай үҙгәреш индергән фатир хужаларын һәм эшҡыуарҙарҙы асыҡлау өсөн торлаҡ һәм төҙөлөш тармағын күҙәтеү буйынса дәүләт комитеты вәкилдәре рейдтар ойоштора. Бындай рейдтар алдан хәбәр ителеп башҡарыла, бының өсөн суд ҡарары ла кәрәк. Күпселек кешеләр Башархитектуранан рөхсәт алмайынса, фатирҙарында үҙгәреш башлай. Был юлы торлаҡ хужаһы махсус документтары барлығын белдерҙе. Белгестәр фатирға суд приставтары менән генә инергә хоҡуҡлы. Шуға уларға хужабикәгә ышанырға ғына ҡала. Тик, улар һәр ваҡыт яңғыҙ рейдтарға сыҡмай. Фатирҙың диуарҙарын алыу, тәҙрә һәм ишектәрҙе киңәйтеү төрлө күңелһеҙ хәлдәргә килтерә. Йыл һайын Рәсәйҙә вайымһыҙ фатир йә офис хужалары арҡаһында йорттар йә подъездар емерелә. Үкенескә уларҙа кешеләрҙең дә ғүмере өҙөлә. Шуға күрә, планировканы тик рөхсәт буйынса эшләргә кәңәш ителә.

Читайте нас в Яндекс.Дзен

һУҢҒЫ ХӘБӘРҘӘР

Смотреть видео Башҡортостанда киләһе көндәрҙә ҡар яуыуы көтөлә | ГТРК «Башкортостан»

Башҡортостанда киләһе көндәрҙә ҡар яуыуы көтөлә

Гисметео сәхифәһе хәбәр итеүенсә, һауа температураһы күтәреләсәк. Көндөҙ урыны менән 2 градусҡаса йылыта. Синоптиктар мәғлүмәте буйынса, ҡар, урыны менән көслө ҡар, көндөҙ епшек ҡар яуыуы көтөлә. Айырым райондарҙа буран сығасаҡ, юлдарҙа тайғаҡ. Юл хәрәкәте именлеге дәүләт инспекцияһы оҙон юлға...

19 февраля 2020
Смотреть видео Минең уйҙар киң Йыһанды буйлай | ГТРК «Башкортостан»

Минең уйҙар киң Йыһанды буйлай

Башҡорт дәүләт университетында “Минең уйҙар киң Йыһанды буйлай” йыйынтығының исем туйы үтте. ”Шоңҡар” әҙәби берләшмәһенә йөрөүсе йәш яҙыусыларҙың ижади емеше тупланған йыйынтыҡ ғинуар айында баҫылып сыҡҡан. Презентацияла әҙәби берләшмәнең элекке ағзалары ла ҡатнашты. Улар ижади юлын башлап тороусы...

18 февраля 2020
Смотреть видео Бөйөк Еңеүҙең 75 йыллығына сувенирҙар | ГТРК «Башкортостан»

Бөйөк Еңеүҙең 75 йыллығына сувенирҙар

«Ағиҙел» Башҡортостан художество промыслаһы рәссамдары Бөйөк Еңеүҙең 75 йыллығына арнап юбилей сувенирҙарын әҙерләй башланы. Паннолар, картиналар, сәғәттәр һәм башҡа әйберҙәрҙең нисек тыуыуын хәбәрсебеҙ Ләйсән Тимербулатова күҙәтте.Александр Смирнов ҡулы аҫтында ағас түмәре һауыт һынын ала. Төрлө...

18 февраля 2020
Смотреть видео Медицина  битлектәренә хаҡтар артҡан | ГТРК «Башкортостан»

Медицина битлектәренә хаҡтар артҡан

Илдең төрлө төбәктәрендә медицина  битлектәренә хаҡтар 35 тапҡырға тиклем артҡан. Ябай һаҡланыу сараһына ихтыяж ҙур, уларҙы күмәртәләп  һатып алыусылар ҙа бар.  Ҡайһы бер дарыуханаларҙа бер көн эсендә 3-4 айлыҡ  битлек һаҡламдары һатыла.  Байтаҡ дарыуханаларҙа иһә ...

18 февраля 2020
Смотреть видео СНЮС һатҡан өсөн штраф | ГТРК «Башкортостан»

СНЮС һатҡан өсөн штраф

Башҡортостан ҡануниәтенә бер юлы ике үҙгәреш үҙ көсөнә инде. Беренсеһе балаларға снюс һатыуҙы тыйһа, икенсеһе бәлиғ булмағандарға никотинлы тәмәкеһеҙ изделие йәки кальян, электрон тәмәке һатҡан өсөн яза билдәләй. Башҡортостан Дәүләт Йыйылышы – Ҡоролтай рәйесе Константин Толкачев һүҙҙәренсә, штраф...

18 февраля 2020
Смотреть видео Республикала үҙәкләштерелгән лабораториялар эш башлай | ГТРК «Башкортостан»

Республикала үҙәкләштерелгән лабораториялар эш башлай

 Өфө ҡалаһының 13-сө клиник дауаханаһында заман талаптарына яуап биргән яңы лаборатория асылды. Медицина учреждениеһы баш ҡалала йәшәүселәрҙең өстән бер өлөшөн хеҙмәтләндерәсәк. Анализдарҙы тиҙҙән элекке кеүек сиратта тормайынса  тапшырырға мөмкин буласаҡ. Һөҙөмтәләр электрон почта аша...

18 февраля 2020
Смотреть видео Башҡортостан Евразия фәнни-белем биреү үҙәге төҙөү хоҡуғын алырға дәғүә итә | ГТРК «Башкортостан»

Башҡортостан Евразия фәнни-белем биреү үҙәге төҙөү хоҡуғын алырға дәғүә итә

Башҡортостан донъя кимәлендәге Евразия фәнни-белем биреү үҙәге төҙөү хоҡуғын алырға дәғүә итә. “Фән” милли проекты сиктәрендә Рәсәйҙә ошондай йәнә биш үҙәк ойоштороласаҡ.Республика өсөн был үҙәк фән һәм эшҡыуарлыҡ дәирәләрен берләштереп иҡтисади үҫеш мөмкинлегенә яңы ынтылыш бирер, тип көтөлә. Фән...

18 февраля 2020
Смотреть видео Башҡортостандың иҡтисади үҫеш күрһәткестәре иғлан ителде | ГТРК «Башкортостан»

Башҡортостандың иҡтисади үҫеш күрһәткестәре иғлан ителде

Республика Хөкүмәтендә үткән оператив кәңәшмәлә Башҡортостандың иҡтисади үҫеш күрһәткестәре иғлан ителде. Ғинуарҙа сәнәғәт етештереүе индексы 102 процентҡа еткән. Радий Фәрит улы әйтеүенсә, яуланған үрҙәрҙә генә туҡталып ҡалырға ярамай, мөһим күрһәткестәрҙе арттырыу өсөн тағы ла тырышырға кәрәк....

18 февраля 2020
Смотреть видео Радий Хәбиров Өфөләге “аҡыллы туҡталыштарҙы” тәнҡитләне | ГТРК «Башкортостан»

Радий Хәбиров Өфөләге “аҡыллы туҡталыштарҙы” тәнҡитләне

Мәғлүмәт-бәйләнештәр үҙәге мөмкинлектәре ҡала хәүефһеҙлеген тәьмин итеүҙә төп ҡоралдарҙың береһе буласаҡ. Республика башлығы Радий Хәбиров башҡала буйлап эш сәфәре барышында Интеллектуаль видеокүҙәтеү системаhы эше менән танышты. Башҡала урамдарындағы йәмәғәт тәртибен меңгә яҡын видеокамера күҙәтә...

17 февраля 2020
Смотреть видео Цифралы ирекмәндәр | ГТРК «Башкортостан»

Цифралы ирекмәндәр

Башҡортостанда цифралы телевидениеға күсергә ярҙам иткән ирекмәндәрҙе тәбрикләнеләр.  Иң әүҙемдәренә Рәсәйҙең цифралы үҫеш министрлығы менән республиканың матбуғат һәм киң мәғлүмә саралары агентлығы маҡтау ҡағыҙҙары, бүләктәр тапшырҙы. Иң йәш ирекмәнмәнгә - 14, иң олоһона – 65 йәш. Волонтерҙар...

14 февраля 2020
Яндекс.Метрика