Алтын бишек - 158924360 | ГТРК «Башкортостан»

Тракторҙы кем отор?

Башҡортостан 24 телеканалында “Алтын бишек” акцияһы иғлан ителә. Телевизор ҡараусы менән берҙәм эш итеү, уны борсоған хәлде ил иғтибарына  сығарыу, һәр беребеҙҙең күңеленә яҡын — тыуған төйәктең киләсәген хәстәрләү — маҡсатыбыҙ. Иң матур, иң уңған, иң көслөләр ярышына әйҙәп, кешеләрҙе уйландырыр, берләштерер һәм тормош һөйөүсәнлек тойғоһон нығытыр өсөн кәрәк беҙгә “Алтын бишек”. Күркәм ауыл, өлгөлө ғаилә һәм алтын ҡуллы оҫталарын беренселәрҙән булып Учалы районы Баттал ауылы халҡы күрһәтте. Йәйен дә, ҡышын да алыштырғыһыҙ техника-тракторға был ауыл лайыҡлымы? Баттал ауылы тормошо, уның халҡы менән хәбәрсебеҙ Нәркәс Йосопова танышты.

Хәбәрсе. Тирә-яғын ғорур тау-урмандар, күлдәр уратып алған Учалы районы Баттал ауылын юҡҡа ғына ожмах урыны тип йөрөтмәйҙәр. Ауылдың килеп сығышын 1795 йылдағы Күбәләк волосына  бәйләйҙәр. Мәғлүмәттәр буйынса, ауыл уға нигеҙ һалыусы Баттал бабайҙың исемен йөрөтә. Баттал ауылынан Бөйөк Ватан һуғышында бөтәһе 24 ир ҡатнаша, шуларҙың икәүһе генә иҫән әйләнеп ҡайта. Ата-бабалары һаҡлап килгән тыуған төбәктә әле 300-н ашыу кеше донъя көтә. Бер-береһен үҙенең бер туғанылай күреп йәшәгән халыҡтың Башҡортостан-24 телеканалы иғлан иткән “Алтын бишек” акцияһында тәүгеләрҙән булып ҡатнашыуына һис тә аптырарлыҡ түгел. Уларҙың өлгөр, тырыш, тормошҡа ынтылып йәшәүҙәрен ер һелкетеп бейеүҙәре аша ла күрергә мөмкин.Боронғо ғөрөф-ғәҙәттәрҙе киләсәк быуынға тапшырып йәшәү-беҙҙең төп маҡсат, тип билдәләй ауыл ағинәйҙәре. Ике йыл элек улар ҙа “Әхирәттәр” ансамбле асып, район-ара үткәргән конкурстарҙа ҡатнашһа, ә бына уҡыусылар өсөн 2000-се йылдан алып “Осҡон” бейеү ансамбле эшләп килә.Баттал ауылындағы тауҙарҙан тәнгә һәм йәнгә сихәт алып йәшәйбеҙ, тип ҡыуана ауыл халҡы. Яңы бейеү һәм йырҙар ҙа тап ошо тәбиғәт һулышынан барлыҡҡа килә. Оло быуынды бигерәк тә, йәштәрҙең тырыш һәм ауыл нигеҙен онотмауҙары ҡыуандыра. Мәктәп йылдарында “Осҡон” бейеү ансамблендә ҡатнашып, әле үҙе кескәйҙәрҙе бейеү серҙәренә өйрәтеүсе  Динис Ғатауллин тау башында яратҡан бейеүҙе йәнә башҡарыу -үҙе бер бәхет, ти.Ысынлап та, мәктәптә йылдар дауамында ансамбль һәм түңәрәктәрҙең эшләп килеүе ҡыуандыра. Урта дөйөм белем биреү мәктәбенә 1995-се йылда нигеҙ һалынған. Бында әле бөтәһе 35 бала белем ала. Уҡыусыларҙың йәйге көндә лә мәктәп баҡсаһын таҙартыуҙары, бергә яңы уҡыу йылына әҙерләнеүҙәре уларҙың тырышлығын һәм берҙәмлеген иҫбатлай. Беҙҙең акцияның бағыусылары бүләген уҡыусылар ҡулланмаһына тапшырҙыҡ. Хәҙер тәнәфес ваҡытында балалар бушлай һәм юғары сифатта телеканалдарҙы ҡарай аласаҡ.Тырышҡан — моратына ирешкән. Был мәҡәл тап Баттал ауылы халҡы тураһында. Хозур тәбиғәте, һәләтле кешеләренән тыш, ауыл өлгөлө ғаиләләргә бай. Баҡса күҙҙең яуын алып сәскәгә күмелгән, ә урам эсе генә түгел, хатта тышы ла техника менән тулған. Һүҙебеҙ Шәғалиндар ғаиләһе тураһында.Ғабдулла Шәғалин 24 йыл ғүмерен полицияла хеҙмәт иткән. Әле хаҡлы ялға сыҡҡас та, ул буш ултырмай, ауыл хужалығы менән булыша. Ғаиләлә бер-береңде хөрмәт итһәң генә бәхеткә ирешеп була, ти йорт хужаһы. Уның хәләл ефете Лидия Шәғалина менән улар 27 йыл бергә ғүмер итә. Урамдың таҙалығы, йорттоң балҡып ултырыуы, һанап бөтмәҫлек мал-тыуар тәрбиәләү- барыһы ла ғаилә тырышлығынан.Ҡатын-ҡыҙҙың ҡулы уңған булырға тейеш. Йорт эштәренән һуң, бер табында бергәләп аҙыҡты ауыҙ итеү-Шәғалиндар өсөн бәләкәй генә йола булып килә. Бәхетле ғаилә күптәргә үрнәк булып тора. Киләсәктә ейән-ейәнсәрҙәр тауыштарына күмелеп йәшәүҙе теләй улар. Баттал ауылында йәшәүсе алтын ҡуллы, башҡаларға белемен таратыусы, тормош йәмен татып йәшәүселәр тураһында һөйләп бөтөп булмай.Быуындан-быуынға күсеп килгән һәләтте үҫтереүселәр айырыуса бәхетле. Өс ул атаһы Дим Хәйбуллин мейес сығарыу оҫталығы менән дан тота.Бер йәй эсендә ундан ашыу мейес сығара оҫта. Алтын ҡулдары менән дан алған Дим Хәйбуллин күрше ауыл-райондарға ла бара. Ә уның улдары иһә крәкле лә һирәк тә һөнәргә өйрәнеүе өсөн рәхмәттәр генә уҡый.Ауылдың үҫеше тәү сиратта халыҡтың берҙәмлегенә бәйле. Баттал — күркәм ауыл, татыу ғаилә һәм алтын ҡуллы оҫта -“Алтын бишек” акцияһында бирелгән шарттарҙың бөтәһенә дәлил. Ауыл халҡының көнкүрешен яҡшыртыу- “Алтын бишек” акцияһының төп маҡсаттарының береһе. Төп приз -трактор-хужалыҡта алыштырғыһыҙ техника. “Агроспецпрогресс” йәмғиәте был тракторҙы ярышта еңеп сыҡҡан, үҙен өлгөлө итеп күрһәткән ауылға тапшырасаҡ. Бынан тыш Рәсәй телевидение һәм радио тапшырыуҙар селтәре компанияһынан еңеүселәрҙе телевизор һәм приставкалар менән бүләкләйәсәк. Ярышта ҡатнашырға теләүселәргә ни бары беҙҙең интернеттағы рәсми сайтҡа инеп ғариза ғына ҡалдырырға кәрәк. Теләгән һәр район, һәр кеше республика буйынса уҙғарылған “Алтын бишек” акцияһында ҡатнаша ала. Учалы районы Баттал ауылы халҡы юҡҡа ғына тыуған ауылын алтынға тиңләмәй. Матур тәбиғәте һәм данлыҡлы кешеләре булғанда ғына ауыл рухы к-тәреләсәк. Ә рух булғанда тыуған ер йәнә сәскә атыр. 

Хәбәрҙәр

Смотреть видео Радик Мәсәғүтовтың апелляция ялыуы 20-се августа ҡараласаҡ | ГТРК «Башкортостан»

Радик Мәсәғүтовтың апелляция ялыуы 20-се августа ҡараласаҡ

Башҡортостандың Юғары суды ошондай ҡарар ҡабул итте. Сөнки, бөтә яҡтар ҙа апелляция материалдары менән танышып бөтмәгән. Шуға күрә, юғары инстанция судты һуңғараҡҡа күсерҙе. Иҫегеҙгә төшөрәбеҙ, психотерапевт Радик Мәсәғүтов 16 йәшлек ҡыҙҙы көсләүҙә ғәйепләнә. Өфөнөң Совет районы суды уны 9 йылға...

31 июля 2019
Смотреть видео Сит ил фильмдарына оҡшаш уҙыш | ГТРК «Башкортостан»

Сит ил фильмдарына оҡшаш уҙыш

Полиция хеҙмәткәрҙәре башҡалала иҫерек водитель артынан ҡыуғын ойоштора. Руль артында иҫерек ҡыҙ үҙенең әхирәттәре менән ошо рәүешле шаярған, күрәһең. Әммә водитель таныҡлығы ла булмаған автоһәүәҫкәрҙе ҡәтғи ҡарар көтә. Был хаҡта Рәсәй медиаүҙәгендә үткән матбуғат конференцияһында республиканың баш...

31 июля 2019
Смотреть видео Буласаҡ донъя чемпионы | ГТРК «Башкортостан»

Буласаҡ донъя чемпионы

Өфөлә йәшәүсе Вильдан Ғәлеасҡаров джиу-джитсу буйынса донъя чемпионатында көмөш миҙал яулап ҡайтты. Әммә, 8 йәшлек спортсы бының менән генә туҡтап ҡалырға уйламай. Ул ата-әсәһенә мотлаҡ донъя чемпионы буласаҡмын тип вәғәҙәләгән. Уңыш – ул мөғжизә түгел, уңыш – ул көн һайын тырышып эшләү, ти...

30 июля 2019
Смотреть видео Өфөлә билдәле шәхестәрҙең портреттарын һатыу арҡаһында ығы-зығы ҡуба | ГТРК «Башкортостан»

Өфөлә билдәле шәхестәрҙең портреттарын һатыу арҡаһында ығы-зығы ҡуба

Йәш рәссамдың был ҡылығы ҡайһы берәүҙәргә бик үк оҡшап етмәй. Рәссам, әлбиттә, атайымдың ҡарашын, эске хис-тойғоларын тулыһынса асып бирә алған, ти Руслан Баҙыҡов. Рәсәйҙең һәм Башҡортостандың атҡаҙанған табибы Рәшит Ғәзиз улы Баҙыҡовҡа портрет бер һүҙһеҙ оҡшай, тик уның һатыуға ҡуйылыуына билдәле...

30 июля 2019
Смотреть видео Донъя һәм Рәсәй хәбәрҙәре | ГТРК «Башкортостан»

Донъя һәм Рәсәй хәбәрҙәре

Гонконгта хөкүмәткә ҡаршы сығыштар дауам итә. Үткән ялдарҙа 250 меңдән ашыу кеше манифестта ҡатнашҡан. Акция рөхсәтһеҙ үткәрелгән, шуға демонстрацияға йыйылғандарҙы таратыр өсөн полиция хеҙмәткәрҙәре күҙҙән йәш сығарыусы газ ҡулланған. Әйтергә кәрәк, Гокнонгта сыуалыштар ике ай дауам итә. Халыҡ...

30 июля 2019
Смотреть видео Иҫке йорттан - яңы иҫке йортҡа | ГТРК «Башкортостан»

Иҫке йорттан - яңы иҫке йортҡа

Өфөнөң Дим районынында “Авария хәлендәге йорттарҙан граждандарҙы күсереү” программаһы буйынса тапшырылған фатирҙар йәшәү өсөн яраҡһыҙ булып сыға. Урындағы халыҡ 4 йылдан ашыу ғәҙеллек өсөн көрәшә. Дим районының Якуб Колас урамында урынлашҡан йорттарҙағы проблемалар бер-нисә йыл дауам итә. Яңы...

30 июля 2019
Смотреть видео Башҡортостанда ҡала-ара автобус маршруттары тергеҙелә | ГТРК «Башкортостан»

Башҡортостанда ҡала-ара автобус маршруттары тергеҙелә

Оҙон блға сығыусы пассажирҙарҙың хәҙер уңайлы һәм заман талаптарына яуап биргән транспортта оҙон юлға сығыу мөмкинлеге буласаҡ. Республиканың төп автотранспорт предприятеһы “Башавтотранстың” техник базаһы яңыртыла. Ойошмаға өр-яңы 6 автобус бирелде. Нефтекамалағы заводта сығарылған машиналар Өфө...

30 июля 2019
Смотреть видео Радий Хәбиров ихаталарҙы төҙөкләндереү эшен йәнә тәнҡитләне | ГТРК «Башкортостан»

Радий Хәбиров ихаталарҙы төҙөкләндереү эшен йәнә тәнҡитләне

Августан һәр райондың бизнес-шерифы буласаҡ. Хакимиәт башлығының эшҡыуарлыҡ буйынса урынбаҫарҙарын тәғәйенләү кәрәклеген Радий Хәбиров белдергәйне. Хөкүмәттә үткән оператив кәңәшмәлә был эште йәһәтерәк атҡарыу бурысын ҡуйҙы республика етәксеһе. Уңайлы мөхит булдырыу мәсьәләһе оператив кәңәшмәнең...

30 июля 2019
Смотреть видео “Көмөш аҡбуҙат” кинофестиваленә әҙерлек | ГТРК «Башкортостан»

“Көмөш аҡбуҙат” кинофестиваленә әҙерлек

Август айында башҡалабыҙ йәнә халыҡ-ара кимәлдәге ҙур сараны ҡаршылай. Өфөлә 4-се тапҡыр “Көмөш аҡбуҙат”кинофестивале үтә. Быйыл форумдың даирәһе киңерәк: конкурс программаһында милли, этник әҫәрҙәрҙән тыш социаль һәм мотивацион фильмдар ҙа күрһәтеләсәк. Фестиваль сиктәрендәге уникаль фильмдарҙы...

26 июля 2019
Смотреть видео Донъя һәм хәбәрҙәре | ГТРК «Башкортостан»

Донъя һәм хәбәрҙәре

Африка тағуны Болгарияла. Республиканың бер-нисә ҡалаһында ғәҙәттән тыш хәл иғлан ителгән. Мәҫәлән, Бра́шлен тип аталған ауылда үлемесле ауырыу илдәге иң ҙур сусҡа фермаһында табылған. Инфекция таралыуына юл ҡуймаҫ өсөн фремалағы 40 меңдән ашыу сусҡаны юҡ итергә тура киләсәк.  Властар...

26 июля 2019
Смотреть видео Республиканың поликлиника һәм дауаханаларына йәш белгестәр эшкә ҡайтасаҡ | ГТРК «Башкортостан»

Республиканың поликлиника һәм дауаханаларына йәш белгестәр эшкә ҡайтасаҡ

Башҡорт дәүләт медицина университетының бер төркөм ординаторҙарына дипломдар тапшырылды. Тантаналы сара һаулыҡ һаҡлау министрлығы вәкилдәре ҡатнашлығында үтте. Быйыл барлығы 667 ординатор юғары белем алыу тураһында таныҡлыҡ алды. Буласаҡ табиптарҙың күбеһе маҡсатлы йүнәлмәләр буйынса белем алған.

26 июля 2019
Смотреть видео Табип менән сәйәхәт | ГТРК «Башкортостан»

Табип менән сәйәхәт

Ошо исем аҫтында сит илдәрҙә ун йыллап үткәрелгән сараға Рәсәй ҙә ҡушылды. Сибай ҙа был социаль акциянан ситтә ҡалманы. Аҙна һайын ҡала халҡы урындағы табиптар менән бергә саф һауала йөрөргә сыға. Йәнле аралашыу файҙалы кәңәштәр менән үрелеп бара. Теләгән һәр кем баш табибы Радик Нәҙерғоловҡа һәм...

26 июля 2019
Смотреть видео Башҡортостанда онкология сирҙәренә дусар булыусылар һаны арта | ГТРК «Башкортостан»

Башҡортостанда онкология сирҙәренә дусар булыусылар һаны арта

Былтырғы ошо осор менән сағыштырғанда, яман шеш менән ауырыусылар 6,7 процентҡа күберәк теркәлгән. Был турала Республика Йортонда уҙған “Сәләмәтлек сәғәтендә” әйтелде. Башҡортостан буйынса был ҡурҡыныс исемлектең беренсе урынында Стәрлебаш районы килә. Саҡмағош, Көйөргәҙе, Федоровкала ла онкология...

26 июля 2019
Смотреть видео Мәктәпһеҙ ҡалған балалар | ГТРК «Башкортостан»

Мәктәпһеҙ ҡалған балалар

Прокуратура Өфөнөң Кузнецов затонында мәктәп һәм балалар баҡсаһы төҙөлөшөн суд аша талап итәсәк. Бында меңәрләгән ғаилә балалары менән йәшәй, әммә, бер генә лә мәғариф учреждениеһы юҡ. Быға тиклем беҙҙең хәбәрселәр мәсьәлә тураһында бәйән иткәйне. Хәбәрҙәрҙән һуң, хоҡуҡ һаҡсылары тикшереү башланы....

26 июля 2019
Смотреть видео Сәнәғәт сәғәте | ГТРК «Башкортостан»

Сәнәғәт сәғәте

Башҡортостандың төп сәнәғәт үҙәктәренең береһе – Октябрьскийҙа яңы проекттар бойомға ашырыла. Уларҙың барыһы ла ҡаланың  индустриаль селтәре программаһына ярашлы  үтәләсәк.  Ошо турала Республика Йортонда уҙған “Сәнәғәт сәғәте” ултырышында әйтелде. Башҡортостандың көнбайышындағы ҡала...

26 июля 2019
Смотреть видео Өфө төтөн тотҡононда | ГТРК «Башкортостан»

Өфө төтөн тотҡононда

Кисә баш ҡаланы ҡуйы томан ҡаплап алды. Белгестәр фаразлауынса, бының сәбәбе Красноярск крайындағы урман янғындары. Уттан сыҡҡан төтөн Урал һәм Волга буйына тиклем барып етеүе ихтимал. Синоптиктар баш ҡалалағы һауаны тикшерҙе һәм унда кеше һаулығы өсөн зарарлы матдәләр табылмауы тураһында хәбәр...

26 июля 2019
Смотреть видео Луиза Хәйруллина эҙенән... | ГТРК «Башкортостан»

Луиза Хәйруллина эҙенән...

Өфөлә банк кассаһын бушатҡан сираттағы кассир суд алдына баҫты. Лилиә Аҙнабаеваға ҡарата тәүге суд ултырышы үтте. Башҡала банктарының береһенең өлкән кассиры 6 млн ярым һум аҡса урлауҙа ғәйепле тип танылды. Лилиә Аҙнабаева суд залына һыу уртлағандай бер тынһыҙ инеп ултырҙы. Өлкән кассир эштә лә...

26 июля 2019
Смотреть видео Тракторҙы кем отор? | ГТРК «Башкортостан»

Тракторҙы кем отор?

Күркәм ауыл, өлгөлө ғаилә һәм алтын ҡуллы оҫта. Башҡортостан24 каналы республика ауылдарын “Алтын бишек” акцияһында ҡатнашырға саҡыра. Бәйгенең тәүге этабына старт бирелде. Хәбәрҙәр Башҡортостан программаһын алып барыусы, Башҡортостандың атҡаҙанған мәҙәниәт һәм киң мәғлүмәт саралары хеҙмәткәре...

25 июля 2019
Смотреть видео  Ҡымыҙ - етмеш ауырыуҙан дауа | ГТРК «Башкортостан»

Ҡымыҙ - етмеш ауырыуҙан дауа

Борон-борондан башҡорт халҡының бәрәкәтле, шифалы эсемлектәренең береһе – ҡымыҙ, айырыуса, йәй көнө тәмле була, сөнки йәйен бейәләр йәшел үлән менән туҡлана. Ә бына шифалы эсемлек ағыуға әйләнмәһен өсөн нимә эшләргә? Башҡорт тоҡомло аттары үҙҙәренең сыҙамлы булыуы менән айырыла. Дәүләкән районы Яңы...

25 июля 2019
Смотреть видео  Австрияла Башҡортостандын рәсми презентацияһы үткәреләсәк | ГТРК «Башкортостан»

Австрияла Башҡортостандын рәсми презентацияһы үткәреләсәк

Республиканың Тышҡы иҡтисади бәйләнештәр буйынса дәүләт комитетынан хәбәр итеүҙәренсә, Австрияла Башҡортостандың экспорт һәм инвестиция мөмкинлеге күрһәтеләсәк. Июндә Венала Австрия Республикаһында Башҡортостан Республикаһы көндәре уҙғайны. Унда Башҡортостан вәкиллеге эшләй башланы. Ул Венаның...

25 июля 2019
Смотреть видео Зоопаркта хайуандарҙың йәшәү шарттары аптырашта ҡалдыра | ГТРК «Башкортостан»

Зоопаркта хайуандарҙың йәшәү шарттары аптырашта ҡалдыра

Өфөләге күсмә зоопаркта тәрбиәләнеүсе хайуандарҙың йәшәү шарттары күп кешеләрҙе аптырашта ҡалдырҙы. Волонтерҙар ситлектәрҙең тар булыуын билдәләй. Зоопарк хужаһы иһә был проблеманы яҡшы белә. Әммә ер мәсьәләһе һаман хәл ителмәү сәбәпле, бер нимә лә эшләй алмай. Был видеояҙма интернет селтәрҙәрендә...

25 июля 2019
Смотреть видео Республикала башҡорт ҡортон үрсетеү стационары барлыҡҡа килде | ГТРК «Башкортостан»

Республикала башҡорт ҡортон үрсетеү стационары барлыҡҡа килде

Ул Ишембай районының төпкөлдә ятҡан Кәбәс ауылында урынлашҡан. Умарталыҡтың тап төпкөлдә булыуы башҡорт ҡортоноң таҙа тоҡомон һаҡлап ҡалырға һәм үрсетергә мөмкинлек бирергә тейеш. Әле биләмәлә 500-ҙән артыҡ умарта ҡуйылған. Артабан ошо нигеҙҙә башҡорт балын етештереү өсөн иң ҙур умарталыҡ булдырыу...

25 июля 2019
Смотреть видео Өфөлә бал ҡорттарының ҡырылыу сәбәптәре тикшерелә | ГТРК «Башкортостан»

Өфөлә бал ҡорттарының ҡырылыу сәбәптәре тикшерелә

Башҡортостандың ауыл хужалығы министрлығында республика ветеринарҙары һөнәри белемдәрен камиллаштыра. Көнүҙәк темаларҙың береһе –бал ҡорттарының күпләп ҡырылыуы, бал ҡорттары сирҙәре һәм улар менән көрәшеү юлдары. Ветеринарҙар алдында Рәсәй ветеринария үҙәге директоры, ветеринария фәндәре кандидаты...

25 июля 2019
Яндекс.Метрика