Иғтибар үҙәгендә Архангел районы

Район үҙәгендә бассейн, төпкөл ауылда яңы фельдшер-акушер пункты төҙөлә һәм район ауылдарына автобус бәйләнеше тергеҙеләсәк. Радий Хәбиров ошо ҡарарҙар тураһында Архангел районына эш сәфәре барышында белдерҙе. Яңы Шишмә ауылында фельдшер акушерлыҡ пункты бинаһы 1957 йылда төҙөлгән. Ағас йорт мейес яғып йылытыла. 29 йыл фельшер вазифаһындағы Эльвира Ғәлиева емерек хәлдәге бүлмәләрҙә әлегәсә сырхауҙарҙы ҡабул итергә мәжбүр. Үҙ һөнәренә мөкиббән ханым ошо шарттарҙа ла бөхтәлекте юғалтмаҫҡа тырыша. Йәш балаларҙы өшөтмәҫ һәм сир хәүефенә тарытмаҫ өсөн өйөндә ҡабул итә. Ауыл халҡы зарын “Инцидент” селтәренә яҙып һалған.Киләһе көҙгә яңы ФАП төҙөрбөҙ, тигән ҡарарҙы Яңы Шишмә халҡы алҡышлап ҡабул итә. Республика етәксеһе кешеләрҙе борсоған башҡа мәсьәләләр менән дә ҡыҙыҡһына. Ауылда 160 кеше йәшәй, 35 бала. Трасса 200 метр яҡынлыҡта булыуға ҡарамаҫтан, йорттарҙа газ яғыулығы юҡ, район үҙәге менән автобус бәйләнеше туҡтатылған, Интернет селтәре сикле. Район үҙәгендәге Йәштәр микрорайоны халҡы юлһыҙлыҡтан арыған. Был ерҙең тәбиғәт үҙенсәлектәре ҡойо йә һыуүткәргес мәсьәләһе өсөн  дә ҡатмарлы. Юлдарҙа яҙлы-көҙлө генә түгел йәйен дә күләүектәр кипмәй. Яңы микрорайонда урамдар төҙөү проекты әҙер, әле ул дәүләт экспертизаһы этабында. Яңы микрорайонда 6 километрҙан ашыу юл һалырға 110 миллион һумдан ашыу аҡса талап ителә. Республика етәксеһе Архангельское ҡасабаһында Ворошилов һәм Советская урамындарындағы күп фатирлы йорттарҙа подъездар ремонтлау барышы менән Башҡортостан ихаталары программаһы үтәлешен тикшерҙе. 2019 йылда район үҙәгендә 3 ихатаны төҙөкләндереү бурысы ҡуйылған. Уңайлы ҡала мөхите программаһы сиктәрендә район үҙәгендәге  Еңеү паркында ла төҙөкләндереү эштәре ҡыҙыу бара. Әле бында тротуар ташы түшәлә, яңы кәртә ҡорола.  Паркты яңыртыу 31 авгусҡа тамамланырға тейеш. Район халҡы республика етәксеһенә балалар һәм үҫмерҙәр өсөн спорт үҙәге тураһындағы хыялын еткерә.1964 йылда төҙөлгән 1-се мәктәп бинаһы ла капиталь ремонт талап итә. 570 уҡыусыға урта белем биреү йорто быйыл “Заманса мәктәп” төбәк проектында ҡатнаша. Бында беренсе сентябрҙән физик культура курсында “Ирекле көрәш” модуле индерелә. Әлеге ваҡытта цифра һәм гуманитар йүнәлешле “Үҫеш нөктәһе” үҙәгенә тәғәйен йыһаздар һәм ҡорамалдар һатып алынған. Бынан 40 элек төҙөлгән һәм район үҙәгенең байтаҡ өлөшөн йылы менән тәьмин иткән үҙәк ҡаҙанлыҡтарҙың да ҡеүәте йәнә бер йылға ғына етерлек ҡалған. Сәнәғәт хәүефһеҙлеге экспертизаһына ярашлы 2020 йылдан һуң газ ҡаҙанлыҡтарын файҙаланыу тыйыла. 95 процентында иҫкергән ҡоролмалар энергия юғалтыу күләмен арттыра, Йылылыҡ селтәҙәре йылына 4 миллион һумлыҡ зыян күрә.  Предприятиены яңыртыр өсөн етәкселек субсидияға өмөт бағлай. Ә бына Березовка ауылында өс йыл малсылыҡ менән шөғөлләнгән Сабитов фермер хужалығы республика махсус программаһы буйынса өс миллион һумға яҡын грант алыуға өлгәшкән. Әлегә тиклем ит етештереүсе хужалыҡ артабан һөт ризыҡтары ла әҙерләй башларға йыйына.Киҫкен мәсьәләләргә ҡарамаҫтан, Архангел районында ыңғай күренештәр ҙә етерлек. Радий Хәбиров  белдереүенсә, эшҡыуарлыҡ үҫешенә етди өмөт бағлана.Район һәм ауылдар үҫеше өсөн тәү сиратта көнкүреш уңайлыҡтары, юлдар, һаулыҡ һаҡлау, белем биреү йорттарының тотҡарлыҡһыҙ эше мөһим. Радий Хәбиров Архангелда балалар туҡланыуын яйға һалыу, автобус бәйләнешен тергеҙеү, медицина хеҙмәтләндереүен яҡшыртыу кеүек һәм башҡа көнүҙәк проблемаларҙы эҙмә-эҙлекле хәл итер өсөн республика кимәлендә ярҙам буласағын белдерҙе.

Подпишитесь на нас в ВКонтакте


һУҢҒЫ ХӘБӘРҘӘР

Смотреть видео Боҙ иретеүселәр | ГТРК «Башкортостан»

Боҙ иретеүселәр

Ә һеҙ хоккей ареналарында һәм һырғалаҡтарҙа боҙ япмаһының сифаты өсөн кемдәр яуаплы икәнен беләһегеҙме? Баҡтиһәң, боҙ түшәүсе тигән һөнәр эйәләре лә бар икән. Әйткәндәй, улар яңыраҡ ҡына һөнәри байрамын билдәләгән. Борис Лебедев үҙ һөнәренә 23 йылдан ашыу тоғро ҡала. Әле ул боҙ комбайнының...

27 января 2021
Смотреть видео Башҡортостан спортсылары һынатмай | ГТРК «Башкортостан»

Башҡортостан спортсылары һынатмай

 Польшаның Гданьск ҡалаһында шорт-трек буйынса Европа чемпионаты тамамланды. Бында яҡташыбыҙ Семен Елистратов дүрт миҙал яуланы. Уның өсәүһе – алтын.  Спортсыны Өфөлә беҙҙең ижади төркөм ҡаршы алды. Польшала үткән шорт-трек буйынса Европа чемпионаты Рәсәй йыйылма командаһы өсөн уңышлы...

27 января 2021
Смотреть видео Ауырғазыла мобиль технопарк асылды | ГТРК «Башкортостан»

Ауырғазыла мобиль технопарк асылды

“Мәғариф” милли проекты сиктәрендә республикала “Башҡортостан кванториумы” мобиль технопаркы асылды. Үҙенсәлекле проект төбәктең 12 районында 2 меңдән ашыу мәктәп уҡыусыһын яңы һөнәр менән таныштыра. Заманса технологиялар менән тәүгеләрҙән булып Ауырғазы районы уҡыусылары танышты. Юғары...

27 января 2021
Смотреть видео Ялған хәбәр таратыусылар эҙләнә | ГТРК «Башкортостан»

Ялған хәбәр таратыусылар эҙләнә

 “Өфөоргсинтез” акционерҙар йәмғиәтендә янғын сығыу сәбәпле Черниковка биҫтәһендә йәшәүселәр эвакуациялана, тип ялған хәбәр таратыусылар эҙләнә. Улар, шәхестәре асыҡланған осраҡта, закон алдында яуап тотасаҡ. Роспотребназор янғындан алыҫ түгел генә урамдарҙа һауаны тикшерҙе һәм зарарлы...

27 января 2021
Смотреть видео Йылылыҡ өсөн түләүҙәрҙе ҡайтанан иҫәпләү башланды | ГТРК «Башкортостан»

Йылылыҡ өсөн түләүҙәрҙе ҡайтанан иҫәпләү башланды

Йылылыҡ өсөн ҙур сумма алыусылар “Өфө инженер селтәрҙәре” предприятиеһына ғариза яҙа башланы. Декабрь өсөн түләү ноябрҙекенән 42% күберәк булған осраҡта хаҡ яңынан иҫәпләнә. Ғаризаны нисек дөрөҫ яҙырға, һорауҙар килеп сыҡҡанда кемгә мөрәжәғәт итергә, аҡса йорт хужаһына ҡайһы осраҡта һәм ҡасан...

27 января 2021
Смотреть видео Башҡортостанда был көндәрҙә яҙ һулышы һиҙелә | ГТРК «Башкортостан»

Башҡортостанда был көндәрҙә яҙ һулышы һиҙелә

Айырым төбәктәрҙә һауа температураһы ике градусҡаса күтәрелде.   «Гисметео» порталы мәғлүмәттәре буйынса, был аҙнала көндөҙ һауа температураһы 3, 6 градус ҡына һалҡын буласаҡ. Февраль башында ҡар яуыуы көтөлә. Һауа температура 10 градусҡаса төшөүе ихтимал. Синоптиктар мәғлүмәттәренә...

26 января 2021
Смотреть видео Башҡортостанда йылылыҡ һәм эҫе һыу өсөн хаҡтар  ҡайтанан иҫәпләнә | ГТРК «Башкортостан»

Башҡортостанда йылылыҡ һәм эҫе һыу өсөн хаҡтар ҡайтанан иҫәпләнә

Прокуратура декабрь өсөн квитанциялағы сумма 42 проценттан да күберәккә артҡан осраҡтарҙы айырым контролгә алған. 2013 йылға тиклем Волга буйы федераль округы төбәктәрендә йылылыҡ энергияһы өсөн хаҡтар Башҡортостанда иң түбәндәрҙән була. Бының менән риза булмаған БашРТС вәкилдәре Тарифтар буйынса...

26 января 2021
Смотреть видео Башҡортостан Холокост ҡорбандарын иҫкә ала | ГТРК «Башкортостан»

Башҡортостан Холокост ҡорбандарын иҫкә ала

Ҡыҙыл Армия көсө менән Аушвиц үлем лагеры тотҡондарын азат итеүгә 76 йыл. Башҡортостанда Холокост ҡорбандарын иҫкә алыу аҙналығы башланды. Хәтер аҙналығы  Дәүләт эшмәкәрҙәре һәм төрлө конфессия вәкилдәренең йәһүд милли-мәҙәни үҙәге янындағы Холокост  ҡорбандары һәм Бөйөк Ватан һуғышында...

26 января 2021
Смотреть видео Өфөлә медицина университеты 500 урынлыҡ дөйөм ятаҡ туйланы | ГТРК «Башкортостан»

Өфөлә медицина университеты 500 урынлыҡ дөйөм ятаҡ туйланы

Рәсәй студенттары көнөндә Өфөлә медицина университеты 500 урынлыҡ дөйөм ятаҡ туйланы. Уны асыу тантанаһында Республика башлығы Радий Хәбиров ҡатнашты. Башҡорт дәүләт медицина университеты студенттары быйыл һөнәри байрамын һөнәрҙәренә хас булмаған ҡиәфәттә ҡаршылай. Тап 18-се быуат уртаһында, 1755...

26 января 2021
Смотреть видео Башҡортостан 24 каналында сурдотәржемә эше башланды | ГТРК «Башкортостан»

Башҡортостан 24 каналында сурдотәржемә эше башланды

Республикала рәсми теркәлгән өс мең тирәһе һаңғырау кеше йәшәй. Уларҙың аралашыу теле - ым-ишара. Федераль ҡануниәткә ярашлы, илдә йәшәгән һәр кем мәғлүмәтте  бер тигеҙ алырға хоҡуҡлы. Һаңғырауҙар йәмғиәте әленән әле мөһим телевизион тапшырыуҙарҙы сурдотәржемә менән оҙатыуҙы һорай. Пандемия...

26 января 2021
Яндекс.Метрика