Башҡортостанда өлөшсөләргә ярҙам фонды булдырыла

 Был хаҡта Радий Хәбиров Республика хөкүмәтендә үткән оператив кәңәшмәлә белдерҙе. Республика етәксеһе яңы фондты тиҙ арала  ойоштороп унда аҡса йүнәлтеү һәм төҙөлөш башлау йөкләмәһен бирҙе. Өфө менән Ағиҙел араһында тимер юл бәйләнешен булдырыу оҙайлы перспектива икән, Күмертау етештереү берекмәһенең яҙмышын тиҙ арала хәл итеү зарур. Республика башлығы вазифаһын ваҡытлыса башҡарыусы оператив кәңәшмәне Рәсәй Президенты Владмир Путин менән осрашыу йомғаҡтарынан башланы. КумАПО белгестәре республика хөкүмәте булышлығы менән продукцияһын һатыу сараһын үҙҙәре эҙләмәһә үҫеш  мөмкинлектәре ҡатмарлаша, тине Радий Хәбиров. Үткән аҙна ваҡиғаларына байҡау яһап ул Сбербанк етәксеһе  Герман Греф менән эшлекле осрашыу, “Молочная страна” фестивале һәм Өфөлә Көрәш үҙәгенә башланғыс һалыу кеүек сараларға ыңғай баһа бирҙе. Республикалағы 1310 мәктәп яңы уҡыу йылына әҙер. Мәғариф министры вазифаһын башҡарыусы Айбулат Хажин белдереүенсә, биналарҙа хәүефһеҙлек һәм санитар гигиена талаптары буйынса етешҙеһлектәр бөтөрөлгән. Йылы бәҙрәф бүлмәләрен төҙөү йөкләмәһе тик биш районда тулыһынса үтәлмәгән. 1436 мәктәп автобусының 112-һе техник торошо буйынса юл хәрәкәте хәүефһеҙлеге инспекцияһы тарафынан ҡабул ителмәгән. Әле был мәсьәлә хәл ителә. Уҡыусылар һәм ата-әсә мәктәптә нимәне үҙгәртергә теләйһегеҙ тигән һорауға яуап алыуҙа ҡатнашҡан. Яуап биреүселәрҙең 40 проценттан ашыуы яңы йыһаздар өсөн тауыш биргән. “Мәғариф” милли проекты сиктәрендә 2024 йылға тиклем республиканың бар мәктәптәре лә яңы ҡорамалдар аласаҡ, тине Айбулат Хажин. “Мәҙәниәт” милли проектын бойомға ашырыу барышы тураһында Әминә Шафиҡова белдерҙе. 2024 йылға Башҡортостанда 27 яңы мәҙәниәт объекты төҙөлә, 52-һе яңыртып ҡороласаҡ. Заман талаптарына ярашлы улар ябай күңел асыу урыны ғына түгел. Райондарҙа юл түшәү мөмкинлектәрен экология һәм тәбиғәтте файҙаланыу менән торлаҡ-коммуналь хужалыҡ министрлыҡтары һәм транспорт һәм юл хужалығы буйынса дәүләт комитеты  берлектә хәстәрләй. Радий Хәбиров юл түшәү хаҡын  муниципалитеттарҙың үҙ техникаһы менән үҙ төбәк материалдарын файҙаланып  оптималләштерергә ҡушты. 2025 йылға республикала 3 мең ярым километр юл һәм 7 мең километрҙан ашыу урамда ҡырсынташ түшәү күҙаллана. Ҡала ауыл урамдарын яҡтыртыу мәсьәләһе лә йыл аҙағына тиклем тамаланасаҡ. Әле эштәрҙең 73 процентына өлгәшелгән. Республика етәксеһе Йәмәғәт именлеге ведомство-ара комиссияһының иҫетркес эсемлектәрҙең законһыҙ әйләнешенә ҡаршы эшмәкәрлеген юғары баһаланы. Төбәктә тулыһынса хәл ителмәгән алданған өлөшсөләр мәсьәләһе лә көн үҙәгендә ҡала. Радий Хәбиров өлөшсөләр алдындағы бурыстар үтәләсәк, тип белдерҙе. Хәҙер республикала төҙөлөш ойошмаларының йөкләмә үтәүен көйләүсе һәм өлөшсөләргә ярҙам итеүсе Фонд бар.

 

Читайте нас в Яндекс.Новостях

һУҢҒЫ ХӘБӘРҘӘР

Смотреть видео Благовар районындағы фермер фин тоҡомло аҡ төлкөләр үрсетә | ГТРК «Башкортостан»

Благовар районындағы фермер фин тоҡомло аҡ төлкөләр үрсетә

 Улар башҡа төлкөләрҙән күпкә ҙурыраҡ, тиреләре лә зиннәтлерәк. Күп сығымдар талап иткән эштә район хакимиәте лә төрлө яҡтан ярҙам күрһәтә. Марат Ҡаҙаев аҡ төлкөләрҙе Себер тарафтарында эшләгән сағында күреп ҡала һәм был йәнлектәргә ғашиҡ була. Күптән фермер хужалығы асыу теләге менән янған ир...

22 января 2020
Смотреть видео Башҡортостан федераль проекттарҙа әүҙем ҡатнашырға тейеш | ГТРК «Башкортостан»

Башҡортостан федераль проекттарҙа әүҙем ҡатнашырға тейеш

 Маҡсат, республикала тормошҡа ашырылған социаль программаларҙы финанслауҙа ил бюджетынан да ярҙам алыу. Был турала Хөкүмәт рәйесенең беренсе урынбаҫары Андрей Назаров белдерҙе.  Башҡортостан Хөкүмәте президиумының сираттағы ултырышында 7 мәсьәлә ҡаралды. Уларҙың араһында республиканың...

22 января 2020
Смотреть видео Минең бизнесым | ГТРК «Башкортостан»

Минең бизнесым

2024 йылға тиклем Башҡортостандағы һәр район-ҡалала эшҡыуарҙарға ярҙам үҙәктәре барлыҡҡа киләсәк.  Эшлекле аралашыуҙар өсөн махсус бүлмәләр, үҙ-үҙенә эшләргә теләүселәр өсөн коворкинг үҙәктә интернет, эш урыны булдырылған. “Минең бизнесым” үҙәгенең Өфөләге офисында әле 35 резидент. Уларҙың...

22 января 2020
Смотреть видео Башҡортостан  снюстар менән көрәшеүҙе ҡанун  нигеҙендә алып барасаҡ | ГТРК «Башкортостан»

Башҡортостан снюстар менән көрәшеүҙе ҡанун нигеҙендә алып барасаҡ

Февралдең унынан республиканың сауҙа селтәрендә ошондай ағыулы матдәләрҙе бәлиғ булмағандарға һатыу тулыһынса тыйыла. Закон проекты Дәүләт Йыйылышы-Ҡоролтай депутаттарының утыҙынсы ғинуарға тәғәйенләнгән ултырышында бер юлы өс уҡыуҙа ла ҡаралып, ҡабул ителер, тип көтөлә.  Был турала Парламент...

22 января 2020
Смотреть видео Бер йәшәргә яраҡһыҙ урындан икенсеһенә | ГТРК «Башкортостан»

Бер йәшәргә яраҡһыҙ урындан икенсеһенә

69 йәшлек Евгения Митрофановна янғын сығыу сәбәпле йортһоҙ тороп ҡалғас, район хакимиәте пенсионерҙы ташландыҡ мәктәпкә күсерә. Прокуратура был хәлде контролгә алғас ҡына, уға маневр фондынан бүлмә бүлеп бирәләр. Әммә яңы урында ла йәшәрлек шарттар юҡ, тип зарлана ханым. Бишенсе ҡатҡа менеү – минең...

22 января 2020
Смотреть видео Еңеү көнөнә ,,Хәтер китабы,,ның 23-сө томы нәшер ителә | ГТРК «Башкортостан»

Еңеү көнөнә ,,Хәтер китабы,,ның 23-сө томы нәшер ителә

 Бөйөк Ватан һуғышында Еңеүҙең 75 йыллығына арналған тантаналар барлыҡ райондарҙа һәм ҡалаларҙа ойошторола. Төп саралар 8-9 майға билдәләнгән. 9 майҙа Өфөлә Октябрь проспекты буйлап «Үлемһеҙ полк» үтәсәк. Еңеү көнөнә ,,Хәтер китабы,,ның 23-сө томы ла әҙерләнә.Тарих фәндәре кандидаты, БАССР-ҙың...

22 января 2020
Смотреть видео Башҡортостан Еңеү көнөнә әҙерләнә | ГТРК «Башкортостан»

Башҡортостан Еңеү көнөнә әҙерләнә

Быйыл 9-сы майҙа башҡала урамдарынан 1800 хәрби һәм 90 берәмек техника үтергә әҙерләнә. Яугир һәйәкәлдәренә сәскәләр һалыу, Һуғыш тураһында спектакль һәм фильмдар ҡарау, концерт, флешмобтар, ветерандарға хөрмәт күрһәтеү акциялары ҡаралған. Быйыл республикала беренсе тапҡыр тынлы оркестрҙар марш-...

22 января 2020
Смотреть видео Башҡортостан 24 телеканалы дуҫтарын йыя | ГТРК «Башкортостан»

Башҡортостан 24 телеканалы дуҫтарын йыя

25 ғинуар “Динамо” спорт комплексында студенттар көнө уңайынан ҙур сара ойошторола. Ҡунаҡтарҙы билдәле артистар сығышы, ҡиммәтле бүләктәр, дәртле йырҙар көтә. Әле сараға әҙерлек эштәре нисек бара? Егерме мең квадрат метр майҙанды биләгән “Динамо” спорт комплексынан бер ваҡытта ла кеше өҙөлмәй....

21 января 2020
Смотреть видео Минең бәләкәй Ватаным | ГТРК «Башкортостан»

Минең бәләкәй Ватаным

Йәштәр үҙҙәренең бәләкәй Ватаны менән таныштырыу өсөн Өфөгә халыҡ-ара күргәҙмәгә йыйылды. Авторҙар үҙ эштәрендә тыуған төйәктең йылыһын сағылдырырға тырышҡан. Был йәһәттән, әрмән ҡыҙына етеүсе булманы. Ошо башҡорт рухы менән һуғарылған картиналарға  ҡарап, уның авторы әрмән ҡыҙы икәненә...

21 января 2020
Смотреть видео «Туҡта, суррогат!» акцияһына йомғаҡ яһалды | ГТРК «Башкортостан»

«Туҡта, суррогат!» акцияһына йомғаҡ яһалды

Активистар алкоголь һатылған кибеттәр буйлап 400-гә яҡын рейд үткәргән һәм бихисап етешһеҙлектәргә юлыҡҡан. «Туҡта, суррогат» акцияһының тәүге һөҙөмтәләре буйынса республикала хәмер менән ағыуланыусылар һаны ярайһы ғына кәмегән. Быйыл Яңы йыл байрамдарында дауаханаға 279 кеше мөрәжәғәт иткән, ә...

21 января 2020
Яндекс.Метрика