Онкопартруль

Башҡортостандың ике ҙур ҡалаһында “Онкопатруль” Бөтә Рәсәй акцияһы үтте. Сара “Һаулыҡ һаҡлау” Милли проектын бойомға ашырыу сиктәрендә ойошторолдо.

Наталья Лоҡманова Салауат быяла эшләү заводында 30 йыл хеҙмәт итә. Сәләмәтлеккә зарланмайым, ти. Әммә “һаҡланғанды һаҡлармын” һүҙбәйләнешен инҡар итмәй. Онкопатрулдең Стәрлетамаҡ менән Салауатта туҡтауы осраҡлы түгел. Бында ике төп шарт үтәлгән – беренсенән, тикшерелеүселәр ҡалаға нигеҙ һалған предприятиела эшләй, икенсенән предприятиеның лицензиялы медсанчасы бар.

Фараздарға ҡарамаҫтан, яман шеш кешенең эш шарттарына йә иһә экология сафлығына бәйләнмәгән, ти дәрәжәле табиптар. Һөт биҙе, балаятҡы муйынтығы, түллек биҙе, бәүел-енес системаһы, тире, ҡалҡан биҙе, эсәктәр яман шешен иртә асыҡлау маҡсатында скринингты Рәсәй һаулыҡ һаҡлау министрлығының танылған ғилми-тикшеренеү үҙәктәре белгестәре яһай. Акция үткән 4 төбәк менән сағыштырғанда Башҡортостанда халыҡтың сәләмәтлеген хәстәрләү сараларын табиптар ыңғай баһалай. Яман шеште башланған мәлендә асыҡлау сирлене артыҡ тырышлыҡһыҙ һауыҡтырып ҡотҡарыу мөмкинлеген бирә.

Бары өс көндә белгестәр 3 тиҫтәгә яҡын кешегә тикшереү үткәргән. Шик тыуған осраҡта пациенттар ентекләберәк тикшеренер өсөн республиканың профилле дауалау учреждениеларына юллама алған. Статистка мәғлүмәттәре буйынса, Башҡортостанда үпкә яман шеше сәбәпле үлем осраҡтары иң күбе.

Торакаль онколог Виталий Бармин мәсьәләне хәл итеү сирҙе иртә асыҡлау ғына түгел, ә тәмәке тартыуға кире ҡараш тәрбиәләүҙә лә, тигән фекерҙә. Башҡортостанда яман шеш хәүефен иртә асыҡлаған осраҡта  дауалау сараларының барыһы ла етерлек. Республика етәксеһенең сирҙе иртә асыҡлаған табиптарҙы аҡсалата бүләкләү тәҡдимен дә Мәскәү белгестәре юғары баһалай.

Онкопатруль акцияһы быйыл февраль айында старт алды. Проектҡа башланғыс һалыусылар киләһе ике йылда ошондай тикшереүҙәр Рәсәйҙең һәр төбәгендә үтәсәк, тип белдерә. Башҡортостан табиптары ла йыл башынан төбәк десанты акцияларын үткәрҙе. Республика дауахана белгестәре Сибай ҡалаһында халыҡты ҡабул итте. Әле апрель аҙағынан октябргәсә Сәләмәтлек поезы эшләй. Онкопатруль акцияһы сиктәрендә төбәк табиптары милли медицина тикшеренеү үҙәге белгестәре менән дистанцион кәңәшмәләр үткәрә, онлайн белешмәләр ала. Был бер көнлөк кенә акция түгел, ә даими хеҙмәттәшлек күҙ уңында тотола.

Сирҙе иҫкәртеү уны дауалауҙан еңелерәк, тигән хәҡиҡәтте яҡлап Салауатта табиптар халыҡты күләмле белешмә-аңлатыу йыйынына саҡырҙы.  Был  осрашыу Онкопатруль акцияһының тағы ла бер мөһим өлөшө. Был өлөшкә Бөтә Рәсәй онкология пациенттары берләшмәһе лә ҡушыла. Яман сирҙән ҡотолған кешеләр үҙ тәжрибәһен уртаҡлашып башҡаларҙы сәләмәтлегенә уяу булырға өндәй.

Донъяла һаулыҡ һаҡлау үҫешенә ҙур тырышлыҡ һалған профессор Николай Пирогов “Киләсәк иҫкәртеүсе медицинаға бәйле”,  тигән билдәле һүҙҙәрен 19-сы быуатта уҡ әйтеп ҡалдырған. Заман сирҙәре хәүефен кәметеү, кеше сәләмәтлеген һаҡлау дәүләт етәкселәре менән табиптар ғына түгел, һәр беребеҙҙең үҙенән тора. Онкопатруль акцияһының бурысы – шуны аңлатыу.

Смотрите нас в YouTube


һУҢҒЫ ХӘБӘРҘӘР

Смотреть видео Башҡорт википедияһына 15 йыл | ГТРК «Башкортостан»

Башҡорт википедияһына 15 йыл

Ошо уңайҙан Башҡорт дәүләт опера һәм балет театрының грек залына иң әүҙем телсе ирекмәндәр йыйылды. Бөгөнгәсә башҡорт викиирекмәндәре тарафынан интернет селтәренә 55 мең мәҡәлә әҙерләнгән. Викиирекмәндәр осрашыуы мәшһүр «Урал  көйө менән асылды. Башҡорт википедияһы хәрәкәтенең иң әүҙем...

1 марта 2021
Смотреть видео Боронғо дәүер юлдары | ГТРК «Башкортостан»

Боронғо дәүер юлдары

«Боронғо Өфө» республика тарихи-мәҙәни музей-ҡурсаулығында “Боронғо дәүер юлдары” тип исемләнгән күргәҙмә асылды. Үҙенсәлекле экспозицияла таш быуаттан алып ун туғыҙынсы быуатҡа тиклемге осорҙа Башҡортостанда табылған төрлө артефакттар менән танышырға мөмкин. Күргәҙмәнең нигеҙендә 2017 йылда Өфө-2...

1 марта 2021
Смотреть видео Бөйөк Ватан һуғышына ҡағылышлы уникаль документтар табылған | ГТРК «Башкортостан»

Бөйөк Ватан һуғышына ҡағылышлы уникаль документтар табылған

Башҡорт эҙәрмәндәре Бөйөк Ватан һуғышына ҡағылышлы уникаль документтар тапҡан. Ул йылдарҙа меңәрләгән кеше комсомол һәм партия саҡырыуы буйынса хәрби хеҙмәткә алынған. Әммә улар тураһында мәғлүмәт бер ерҙә лә теркәлмәгән. Хәҙер инде был һалдаттарҙың исемен асыҡлау һәм мәңгеләштереү мөмкинлеге бар....

1 марта 2021
Смотреть видео Башҡортостанда теләгән һәр кеше коронавирусҡа ҡаршы прививка яһата ала | ГТРК «Башкортостан»

Башҡортостанда теләгән һәр кеше коронавирусҡа ҡаршы прививка яһата ала

Бының өсөн беркетелгән поликлиниканың регистратураһына мөрәжәғәт итеү ҙә етә. 65 йәшен тултырыусы Вера Александровна ковидҡа ҡаршы прививка яһатырға ,,доктор. Рб,, сайты аша яҙылған. Бындай ысул иң уңайлыһы, ти ханым. Сират та юҡ, шунда уҡ табипҡа эләгәһең. Прививка яһатыр өсөн айырым әҙерлек...

1 марта 2021
Смотреть видео Күп балалы ғаиләләр түләүле парковканы бушлай файҙалана ала | ГТРК «Башкортостан»

Күп балалы ғаиләләр түләүле парковканы бушлай файҙалана ала

Дәүләт Йыйылышы – Ҡоролтай депутаттары был ҡағиҙәне рәсми нығытырға тәҡдим итте. Төбәк парламентының сираттағы ултырышында дүрт тиҫтәнән ашыу закон проекты ҡаралды. Электр ҡеүәтендәге автомобилдәргә ихтыяжды хәстәрләү маҡсатында транспорттың был төрөндә йөрөгәндәр өсөн дә түләүле парковкаларҙы...

1 марта 2021
Смотреть видео Салауат вариҫтары еңелеү белмәй | ГТРК «Башкортостан»

Салауат вариҫтары еңелеү белмәй

Башҡорт дәүләт академия драма театры сәхнәһендә Ватан һаҡсылары көнө уңайынан “Салауат вариҫтары еңелеү белмәй” спектакле күрһәтелде. Ул совет хәрби етәксеһе, 112-се Башҡорт кавалерия девизияһы командиры Миңлеғәли Шайморатовтың тормош юлына арналған. Генерал Шайморатов иҫтәлеген мәңгеләштереү...

25 февраля 2021
Смотреть видео Муса Мортазиндың тыуыуына 130 йыл | ГТРК «Башкортостан»

Муса Мортазиндың тыуыуына 130 йыл

Ошо уңайҙан Башҡортостандың милли архивында легендар комбриг, дәүләт һәм хәрби эшмәкәр иҫтәлегенә күргәҙмә асылды. Экспозиция республиканың Йәмәғәт берләшмәләренең үҙәк дәүләт архивында һаҡланған Муса Мортазиндың шәхси фондындағы документтарынан әҙерләнгән. Экспозицияла 1927 йылда донъя күргән “...

25 февраля 2021
Смотреть видео Башлыҡ маҡсаттар билдәләй | ГТРК «Башкортостан»

Башлыҡ маҡсаттар билдәләй

Өфө ҡала советы депутаттары башланып торған йылға яңы маҡсаттар билдәләне. Ҡала халҡы йәшәйешен яҡшыртыу, төҙөлөш һәм юл ремонтлау эштәрен әүҙемләштереү-уларҙың араһында иң төптәре бына шулар.  Ни өсөн йәштәр Өфөнән ситкә китә? Был һорау сәйәсмәндәҙе генә түгел, ҡала советы депутаттарын да...

25 февраля 2021
Смотреть видео Бер юлы дүрт урында эшләргә мәжбүр | ГТРК «Башкортостан»

Бер юлы дүрт урында эшләргә мәжбүр

Өфөлә йәшәүсе ханым закон буйынса тейешле торлаҡты  бер-нисә йыл рәттән ала алмай интегә. Инвалид бала тәрбиәләгән ҡатын Өфө хәкимиәтендә яҡлау тапмағас, хоҡуҡ һаҡлау органдарына мөрәжәғәт итергә мәжбүр. Роза Сәйетғәлиева   күҙ йәшен йәшерә алмай.  Ҡатын  11 йәшлек сирле...

25 февраля 2021
Смотреть видео Өфөлә юлһыҙ ерҙәрҙе иңләргә яратыусылар осрашты | ГТРК «Башкортостан»

Өфөлә юлһыҙ ерҙәрҙе иңләргә яратыусылар осрашты

Экстрим яратыусыларҙы 30 градуслыҡ сатлама һыуыҡтар ҙа, буран да ҡурҡытмай. Өфөлә юлһыҙ ерҙәрҙе иңләргә яратыусылар осрашты. Автоһәүәҫкәрҙәр сығышын беҙҙең ижади төркөм дә күҙәтте. Был юлы ветеран УАЗ-ға ҡар аҫтындағы тыныс йоҡоһонан сығыу форсаты тәтемәй. Заманында бөтә республиканы арҡырыһын...

25 февраля 2021
Яндекс.Метрика