Ҡунаҡбайҙа – ҙур ҡунаҡ

 Донъяла киң билдәле опера йырсыһы, Башҡортостандың халыҡ артисы Асҡар Абдразаҡов Учалы районының Ҡунаҡбай ауылында капиталь ремонттан һуң сафҡа индерелгән мәҙәниәт йортон асыу тантанаһында ҡатнашты. Урындағы халыҡты ҡотлап, Асҡар Әмир улы йыр ҙа башҡарҙы. Уның көслө һәм моңло тауышы яңыртылған мәҙәниәт йортона ғына түгел, хатта ауылға ла яңғырап торҙо. Был үҙенсәлекле сараға беҙҙең ижади төркөм дә тамаша ҡылды. Исеме бар донъяға танылған опера йырсыһы, абруйлы шәхес Асҡар Абдразаҡовты Ҡунаҡбайҙар ҙур тулҡынланыу менән ҡаршы алды. Был сара ауыл халҡы өсөн икеләтә шатлыҡлы: беренсенән, шундай мәртәбәле ҡунаҡтың килеүе, икенсенән мәҙәниәт йортоноң асылыуы. Советтар Союзы Геройы Александр Матросов — Шакирйән Мөхәмәтйәновтың тыуған ауылы булғанға күрә, Ҡунаҡбайҙың мәҙәни усағын асыу тантанаһы яҡташ-батырҙарының ҡаһарманлығын сәхнәләштереүҙән башланды. Артабан ауылдың үҙэшмәкәр йырсылары һәм ижади коллективтары яңы сәхнәне туйлап, сығыш яһаны. Тамашасылар араһында донъяла киң билдәле шәхестең, Санкт-Петербургтағы Мариин театры солисы булыуы, уның алдында сығыш яһауы урындағы артистарға яуаплылыҡ өҫтәне, әммә шул уҡ ваҡытта, ғорурлыҡ та уятты. Асҡар Абдразаҡов та, үҙ сиратында, Ҡунаҡбайҙарҙы бүләкһеҙ ҡалдырманы. Ҡурай моңона ҡушылып, башҡорт халыҡ йырын башҡарҙы. Уның моңло һәм көслө тауышы яңартылған мәҙәниәт йортона ғына түгел, хатта ауылға ла яңғырап торҙо. Бындай үҙенсәлекле сығыштан таң ҡалған тамашасы аяҡ үрә баҫып, йырсыны алҡыштарға күмде. Концерттан тыш, баш ҡаланан килгән делегация мәҙәниәт йортоноң башҡа бүлмәләрен дә ҡарап сыҡты. Улар хәҙер иркен, яҡты, йылытылған, заманса ҡорамалдар менән йыһазландырылған. Капиталь ремонттан һуң, бында уйын бүлмәһе лә булдырылған. Репетициға, йә иһә концерт ҡарарға килгән ата-әсәләрҙең балалары ваҡыттарын үҙ аллы үткәрә аласаҡ. Мәҙәниәт йорто менән бер бинала китапхана урынлашҡан. Бында ла тулыһынса ремонт эшләнгән: пластик тәҙрәләр ҡуйылған, иҙән, түбә, стеналар һәм ишектәр яңартылған. Хәҙер уҡыусылар күҙгә күренеп артты, ти Айгөл Фәхритдинова. Әйтергә кәрәк, районда беренселәрҙән булып бында китапхана зоналарға бүленеп яһалған. Өлкәндәр ҙә иғтибарҙан ситтә ҡалмаған. Өҫтәүенә, китапхана эргәһендә “Ағинәйҙәр  клубы” эшләп килә. Ҡунаҡбай ауылының мәҙәни үҙәге – “Бәләкәй тыуған ил мәҙәниәте” проектында еңеп сыҡҡан. Бындағы барлыҡ төҙөкләндереү эштәре федераль субсидияға эшләнгән. Әйткәндәй, “Бәләкәй тыуған ил мәҙәниәте” проекты Рәсәй буйынса өс йыл дауамында эшләп килә. Бүленгән аҡса күләме буйынса Башҡортостан өсөнсө урында тора. Проектта былтыр Учалылағы мәҙәниәт йорто ҡатнашһа, быйыл сират – Ҡунаҡбайҙарҙа. Төҙөкләндереү эштәре барғансы, рухи аҙыҡҡа һыуһаған Ҡунаҡбай ауылы кешеләре сәхнәне, концерттарҙы һағынып та өлгөргән. Халыҡ яңы көс-дәрт, күтәренке кәйеф менән дәррәү эшкә ҡушылды. Яңы һулыш алған мәҙәниәт усағын танырлыҡ та түгел. 1968 йылда төҙөлгән бинала, ярты быуаттан һуң ниһәйәт, тәүге тапҡыр капиталь ремонт эшләнә. Яңартылған комплекс Ҡунаҡбай ауылы халҡының мәҙәниәткә, әҙәбиткә һәм спортҡа булған һөйөүен тағы ла арттырып ебәрәсәгенә өмөт ҙур.

Читайте нас в Яндекс.Дзен

һУҢҒЫ ХӘБӘРҘӘР

Смотреть видео Өфө урамдарының береһенә Александр Книсс исемен бирергә тәҡдим итәләр | ГТРК «Башкортостан»

Өфө урамдарының береһенә Александр Книсс исемен бирергә тәҡдим итәләр

Был көндәрҙә РСФСР-ҙың атҡаҙанған тренеры тыуыуына 100 йыл. Ошо айҡанлы баш ҡаланың Йәштәр һарайында хәтер кисәһе үтте. Сараға Башҡортостанда ғына түгел, Рәсәй буйлап таралған Книсстың тәрбиәләнеүселәре, спорт мастерҙары, ветерандар һәм уның менән бер йылдарҙа эшләгән коллегалары һәм яҡындары...

5 марта 2020
Смотреть видео Ижад өсөн сиктәр ҙә, кәртәләр ҙә юҡ | ГТРК «Башкортостан»

Ижад өсөн сиктәр ҙә, кәртәләр ҙә юҡ

Ҡырмыҫҡалыла йәшәүсе  Әхәт Нурушев ойошторған ижади төркөм йәй үтәсәк фольклориадаға әҙерләнә. Бынан 15 йыл элек сувенирҙар эшләү менән мауыға башлаған Әхәт Нурышев хәҙер шөғөлөн киң йәйелдерергә ниәтләй. Ике йыл элек ҡул эштәре менән мауыҡҡан ҡатын-ҡыҙҙар менән берләшеп ижади төркөм...

5 марта 2020
Смотреть видео Фәхишәне талаған Африка студенты суд залынан иреккә сыҡты | ГТРК «Башкортостан»

Фәхишәне талаған Африка студенты суд залынан иреккә сыҡты

Судтан йырлап һәм бейеп. Өфөлә фәхишәне көсләүҙә һәм талауҙа ғәйепләнгән африка студенты 2 йыл да 4 айға хөкөм ителде. Әммә, шунда уҡ иреккә сығарылды. Был суд ултырышын һуңғыһы тип ул уйлап та бирмәй ине. Әммә, ентекләп әҙерләнеп килгән. Нигерия гражданы Осиа фәхишәне көсләүҙә, уға бәйләнеүҙә...

5 марта 2020
Смотреть видео Юл бәләһе – көн ҡаҙағында | ГТРК «Башкортостан»

Юл бәләһе – көн ҡаҙағында

Яҙҙың тәүге көндәренән үк республикала юлдарҙағы соҡорҙарҙы ямау эштәре башланды. Быйыл ҡыш һауа температураһының тотороҡһоҙ булыуы арҡаһында юлдар ныҡ боҙолған. Шуға ла башҡалала соҡорҙарҙы ямау эштәре 15 февралдән башланды. Әлегә 5 меңгә яҡын квадрат метр майҙанға асфальт-бетон иретмәһе һалынған...

5 марта 2020
Смотреть видео Ҡатын-ҡыҙ – милләт әсәһе | ГТРК «Башкортостан»

Ҡатын-ҡыҙ – милләт әсәһе

Өфөлә “Ҡатын-ҡыҙ – милләт әсәһе” республика  бәйгеһенең еңеүселәрен тәбрикләнеләр. 2017 йылдан алып үткәрелә килгән бәйге быйыл төбәк башлығы грантын отто. Ошо залда республиканың иң алдынғы ҡатын-ҡыҙҙары йыйылған. Улар араһында 4-се тапҡыр үткәрелгән “Ҡатын-ҡыҙ - милләт әсәһе” республика...

5 марта 2020
Смотреть видео 8 март алдынан 50 әсә “Әсәслек даны” миҙалы алды | ГТРК «Башкортостан»

8 март алдынан 50 әсә “Әсәслек даны” миҙалы алды

Халыҡ-ара ҡатын-ҡыҙҙар көнө алдынан республика башлығы йәнә 50 күп балалы әсәне “Әсәлек даны” миҙалы менән бүләкләне. Башҡортостанда был дәүләт наградаһы 1998 йылдан алып тапшырыла. Бөгөн уға 8 меңдән ашыу әсә лайыҡ. Уҡытыусы, социаль хеҙмәткәр, хужабикә, тәү сиратта был гүзәл заттарҙың һәр ҡайһыһы...

5 марта 2020
Смотреть видео Ветеранға фатир | ГТРК «Башкортостан»

Ветеранға фатир

Тормошҡа ашҡан хыял. Миловка ауылында йәшәүсе Бөйөк Ватан һуғышы ветеранына Сергей Оловянниковҡа фатир бүләк иттеләр. Ул быға тиклем уңайлы шарттары булмаған шәхси йортта йәшәгән. 97 йәшен ҡыуған ветеранға хәрәкәт итеүе ауырға төшкәс, Өфө районы хакимиәтенә ярҙам һорап мөрәжәғәт иткән. Ниһәйәт, бер...

4 марта 2020
Смотреть видео Стилләштерелгән милли костюмдар | ГТРК «Башкортостан»

Стилләштерелгән милли костюмдар

 “Йәшлек” балалар, үҫмерҙәр һәм йәштәр клубы берекмәһе Бөйөк Еңеүҙең 75 йыллығына әҙерләнә. Студенттар үҙ ҡулдары менән стилләштерелгән милли кейем-һалым тегә, ошо уҡ костюмда уҡтан атырға, фехтование уйыны серҙәрен өйрәнә. Яҙғыһын улар үҙҙәре теккән кейемдә Өфө урамдарына сығасаҡ. Антон...

4 марта 2020
Смотреть видео Башҡортостан халыҡтары ассамблеяһы съезы | ГТРК «Башкортостан»

Башҡортостан халыҡтары ассамблеяһы съезы

Апрелдә Өфөлә Башҡортостан Республикаһы халыҡтары ассамблеяһының IV съезы үткәрелә.  Республика башлығы Радий Хәбиров ошо туралағы указға ҡул ҡуйҙы. Съезд Башҡортостан Республикаһы халыҡтары ассамблеяһының төбәк йәмәғәт ойошмаһы тәҡдиме буйынса Башҡортостан Республикаһында дәүләт милли...

4 марта 2020
Смотреть видео Фолькориадаға ирекмәндәр | ГТРК «Башкортостан»

Фолькориадаға ирекмәндәр

Башҡортостанда быйыл йәй үтәсәк Фолькориадала ирекмән булараҡ ҡатнашырға  теләүселәрҙән ғаризалр ҡабул ителә. Әлегә  400-гә яҡын кеше фестиваль ҡунаҡтарына ярҙам итегә теләк белдергән. Улар ошо көндәрҙә Мифтахетдин Аҡмулла исемендәге Башҡорт дәүләт педагогия университетында беренсе тапҡыр...

4 марта 2020
Яндекс.Метрика