Слушай Маяк! Болей за наших! - Хоккей на Маяке - 1109052913 | ГТРК «Башкортостан»

Шайморатов генералға дан йырлай халыҡ

112-се башҡорт атлылар дивизияһы командиры, генерал-майор Миңлеғәле Шайморатовтың тыуыуына 120 йыл тулыу айҡанлы Бөтә донъя башҡорттары ҡоролтайы үткәргән флешмобҡа беҙҙең телерадиокомпания хеҙмәткәрҙәре лә ҡушылды. Сараға етенсе сентябрҙә йомғаҡ яһаласаҡ. Музыка ҡоралдары урынына биҙерә, көнкүреш кәрәк-яраҡтары һәм әлбиттә, көр, рухлы тауыш. Кескәйҙәрҙең дә был йыр һүҙҙәрен яттан белеүе айырыуса ҡыуандыра. Ҡадир Даян һүҙҙәренә, Заһир Исмәғилев яҙған “Шайморатов-генерал” йырын белмәгән кеше юҡтыр. Ил, ер, халҡы өсөн ҡан түккән батырыбыҙ исемен иҫкә алыу һәм киләсәк быуынға тапшырыу өсөн быйыл интернет селтәрҙәрендә ҙур флешмоб иғлан ителде. Уны халҡыбыҙҙың бөйөк улына дан йырлап меңдән ашыу кеше күтәреп алды.  Республиканан ғына түгел, ә сит илдәрҙән дә был йырҙы башҡарыусылар бихисап ине. Кескәйҙәр, мәктәп уҡыусылары, мәҙәниәт хеҙмәткәрҙәре, билдәле артистар, республика ауыл һәм ҡала халҡы “Шайморатов-генерал” йырын башҡарғанын видеоға төшөрөп Шайморатов һәм ҡоролтай хэштэгы менән интернет киңлектәренә һалды. Ер шарын уратып алған йырҙы әле лә башҡарыусылар һаны күбәйгәндән-күбәйә. Флешмобҡа Башҡортостан дәүләт теле һәм радио компанияһы хеҙмәткәрҙәре лә әүҙем ҡушылды. Социаль селтәрҙәрҙә күп кешенең һөйөүен яулап өлгөргән флешмоб етенсе сентябрьгә тиклем дауам итә. Был көндө Өфө амфитеатрында көндөҙгә сәғәт өстә “Шайморатов-генерал” йырын күмәкләп башҡарыу күҙаллана. Сараға өс меңгә яҡын кеше килеүе көтөлә. Килгән халыҡ менән ҙур йондоҙ һыны эшләү маҡсатын да ҡуйған ойоштороусылар.

Хәбәрҙәр

26-29-сы июлдә Өфөлә ШОС һәм БРИКС илдәренең беренсе йәштәр форумы үтәсәк

Фекер алышыуҙар һөҙөмтәләре буйынса берләшмә илдәренең йәштәр ойошмалары араһында хеҙмәттәшлек  мөмкинлектәре билдәләнәсәк., тип хәбәр итә Рәсәй йәштәр берлегенең матбуғат хеҙмәте. Берлек рәйесе Павел Красноруцкий БРИКС саммитында Рәсәй рәйеслек иткән мәлдән файҙаланып, ошо илдәр менән мөмкин...

16 июня 2015

Башҡала юғары белем биреү йорттарында документтар ҡабул ителә башланы

Тәүгеләрҙән булып абитуриенттар өсөн Башҡорт Дәүләт педагогия университеты үҙ ишектәрен асты. Ҡабул итеү комиссиялары 20-се июндә рәсмиэшләй башлай, мәктәп уҡыусылары берҙәм дәүләт имтиханы һөҙөмтәләрен көтөп алғансы иһә колледж һәм башҡа уҡыу йортон тамамлаусылар документтарын бөгөндән тапшыра ала...

16 июня 2015
Смотреть видео

Бөгөн республика парламенты президиумы Дәүләт йыйылышы Ҡоролтайҙың киләһе ултырышы көн тәртибен раҫланы

1 сентябрҙән Башҡортостанда алкоголле энергетик эсемлектәрҙе ваҡлап һатыу тулыһынса тыйыласаҡ. Дүләт йыйылышы – Ҡоролтайҙың каникул алдынан һуңғы ултырышында ошо туралағы закон проекты ҡараласаҡ. Депутаттар билдәләүенсә, был эсемлектәрҙең составында  ағыулы матдәләр бар һәм спирты түбән булыуы...

16 июня 2015

Рәсәйҙең туризм буйынса федераль агентлығы илдә йәшәүселәрҙе Берләшкән ғәрәп әмирлектәре һәм Көньяҡ Кореяға барыуҙан тыйылып торорға саҡырҙы

Тап был илдәрҙә короновирустың таралыуы күҙәтелә. Ауырыу гриппҡа һәм пневмонияға оҡшаш. Әле Көньяҡ Кореяла был ҡурҡыныс ауырыуҙы 150 кеше йоҡторған. Бөтә Донъя һаулыҡ һаҡлау ойошмаһы мерс вирусының ҡурҡыныс менән янауын таныған.

16 июня 2015

Республиканың юл хәрәкәте именлеге дәүләт инспекцияһы хеҙмәткәрҙәре 30 йәшлек байкерҙың үлеменә килтергән авария сәбәптәрен асыҡланы

Асыҡланыуынса, боролор алдынан КАМАЗ водителе юлдың буш икәненә инанмаған һәм ҡаршы яҡ юлдан килеүсе ЯМАХА мотоциклына бәрелгән. Был турала бөгөн юл хәрәкәте именлеге дәүләт инспекцияһының матбуғат хеҙмәтенән хәбәр иттеләр. 

16 июня 2015
Смотреть видео

Дыуан районы Мөлкәт ауылында тыуып үҫкән Рахманғоловтар тамырҙарын барларға йыйылды

Йәмле йәй етеү менән республиканың бик күп ауылдарында халыҡ байрамына әүерелгән Шәжәрә байрамдары ойошторола башланы. Рәмилә Рахманғолова үҙенең ете быуын шәжәрәһен белә. Шәжәрә  ағасын ул атаһынан, башҡа өлкән туғандарынан һорашып төҙөй, был эшкә бер туған һеңлеһен дә йәлеп итә. Шулай итеп,...

15 июня 2015
Смотреть видео

Рәсәй көнөндә Ҡырым республикаһында тәүге тапҡыр һабантуй үтте

Башҡортостан менән хеҙмәттәшлек итеүсе Белогорск районы хеҙмәтсәндәре өсөн байрам Өфө, Стәрлетамаҡ ҡалалары һәм Ҡырмыҫҡалы районы ижади коллективтары ярҙамында ойошторолдо. Ҡырым һабантуйын беҙҙең хәбәрселәр ҙә күреп ҡайтты.,,Беҙ бергә!,, - Белогорск районында үткән байрамдың башҡаса аталыуы мөмкин...

15 июня 2015
Смотреть видео

Рәсәй һәм донъя хәбәрҙәре

Рәсәйҙең туризм буйынса федераль агентлығы илдә йәшәүселәрҙе Берләшкән ғәрәп әмирлектәре һәм көньяҡ кореяға барыуҙан тыйылып торорға саҡырҙы.Тап был илдәрҙә короновирустың таралыуы күҙәтелә. Ауырыу гриппҡа һәм пневмонияға оҡшаш. Әле Көньяҡ Кореяла был ҡурҡыныс ауырыуҙы 150 кеше йоҡторған. Бөтә...

15 июня 2015

Башҡортостанда балыҡ тотоу ҡағиҙәләрен боҙоусыларға ҡаршы үткәрелгән операцияға йомғаҡ яһалды

Республика буйынса эске эштәр министрлығынан хәбәр итеүҙәренсә, ундан ашыу енәйәт эше ҡуҙғатылған, админимтратив 500 протокол төҙөлгән.  Хоҡуҡ һаҡлау органдары 34 километр оҙонлоҡта балыҡ тотоу селтәре, ике тонна балыҡ тартып алған.

15 июня 2015

ШОС һәм БРИКС саммиттары көндәрендә Өфөгә ауыр йөк машиналары менән үтеү тыйыла

Сикләүҙәр төнъяҡ- көнбайыш, Таш кисеү һәм Дим районы аша һалынған юлдарҙа индерелә. Йөк автомобилдәрен ҡалдырыу өсөн бер нисә махсус урын билдәләнгән. Форум көндәрендә “Башавтотранс” йәмғиәте айырым эш режимына күсерелә. Компанияның 700-гә яҡын водителе саммиттар өсөн бүленгән еңел машиналар һәм...

15 июня 2015
Смотреть видео

Бөрө ҡалаһынан йыраҡ түгел Ниссан теана автомобиле Газель микроавтобусына бәрелгән

Шаһиттар әйтеүенсә, юғары тиҙлектә барыусы еңел автомобиль ҡаршы яҡ юлға сығып Газель аҫтына инеп китә һуңынан кюветҡа оса. Һәләк булыусылар юҡ. Әммә яҡынса мәғлүмәттәр буйынса, ике ҡыҙыҡай йәрәхәттәр алған. Әле авария сәбәптәрен юл хәрәкәте именлеге дәүләт инспекцияһы хеҙмәткәрҙәре тикшерә....

15 июня 2015

Хеҙмәткә саҡырыусылар теләге буйынса Башҡорт дәүләт опера һәм балет театрында альтернатив хеҙмәт үтә ала

Мәҙәни учреждение альтернатив хеҙмәт буйынса махсус исемлеккә индерелде. Тик, театрҙа ваканциялар бик аҙ буласаҡ, тип күҙаллана. Армияға саҡырыусыларҙың һирәктәре генә альтернатив хеҙмәтте һайлай. Быйыл, мәҫәлән, 4 егеттең ошондай теләге ҡәнәғәтләндерелгән. Армияға дөйөм контингенттың яртыһынан...

15 июня 2015
Смотреть видео

Бөгөн Өфөлә хеҙмәт алдынғылары тәбрикләнде

Уларға республика башлығы Рөстәм Хәмитов юғары наградалар тапшырҙы. Залда төрлө өлкәләрҙә  хеҙмәт иткән  һөнәр эйәләре йыйылған. Оҙайлы йылдар тыуған иленә хеҙмәт иткәне, егәрлелеге өсөн уларҙың һәр береһе лайыҡлы баһа алды. Рөстәм Зәки улы фиҙәҡәр хеҙмәте өсөн һәр кемгә рәхмәт һүҙҙәрен...

11 июня 2015
Смотреть видео

Тиҙҙән умартасыларҙың эшмәкәрлеген көйләүсе махсус ведомство ойошторола

Рәсәй коммунистар партияһы депутаттары төркөмө Дәүләт Думаһы ҡарамағына ,,Умартасылыҡ тураһында,, федераль закон проектын тәҡдим итте. Парламенттың түбәнге палатаһы документты быйыл яҙғы сессия тамамланғансы тикшерергә тейеш.  Риф Ғимәлетдин улы 20 йылдан ашыу тик умартасылыҡ менән шөғөлләнә....

11 июня 2015
Смотреть видео

Бөгөн Өфөнөң 102-се башҡорт гимназияһында спорт-һауыҡтырыу комплексы асылды

Унда хоккей, баскетбол, волейбол, мини-футбол уйнау өсөн бөтә уңайлыҡтар булдырылған. Бынан тыш, тренажерҙарҙа шөғөлләнергә мөмкин. Спорт комплексы бағыусылар иҫәбенә төҙөлгән. Инвестиция күләме 8 миллион һумдан ашыу.Кешеләр күберәк спорт менән шөғөлләнһен өсөн ҡала-ауылдарҙа төрлө майҙансыҡтар...

11 июня 2015

“Мин тормошто төшөрәм” республика рәсем бәйгеһенә йомғаҡ яһалды

Унда мәктәпкәсә тиклемге һәм мәктәп йәшендәге балалар үҙҙәренең һүрәт төшөрөү һәләтен һынаны. Бәйге өсөнсө йыл рәттән  Башҡортостандың архитекторҙар берлеге, Арихитекторҙар йорто хеҙмәткәрҙәре  тарафынан ойошторола. Йәш рәссамдар һәм уларҙың етәкселәре  маҡтау ҡағыҙҙары,...

11 июня 2015

Республикала мал аҙығын әҙерләү дауам итә

Быйыл хужалыҡтар бер мал башына 30 центнер аҙыҡ берәмеге әҙерләргә планлаштыра. Башҡортостан баҫыуҙарында  тәүлек әйләнәһенә  ҡыҙыу эш бара. Төндә лә эш туҡтатмай. Дүртөйлө механизаторҙары кәзә үләнен йыйып алыуҙы тамамлай. Ҡуҙаҡлы культураны ун йыл рәттән бер үк майҙанда үҫтерә улар. Был...

11 июня 2015
Смотреть видео

Асҡын районында йәшәүселәр мобиль телефон камераһына торнадо барлыҡҡа килеү мәлен төшөрөп алған

Әммә ул  көс йыйып өлгөрә алмай  юҡҡа сыға.Быға тиклем беҙҙең яҡтарға хас булмаған был күренеште Саҡмағош районында йәшәүселәр төшөрөп интернет селтәренә һалғайны. Башҡортостанда торнадо 2014-се йылда төнъяҡ-көнбайыш райондарҙа йәшәүселәргә ҙур зыян килтерҙе. Ике кеше һәләк булды. 

11 июня 2015

Салауат ҡалаһындағы дауалау-холоҡ төҙәтеү колонияһы ғәҙәттәге эш режимына күсте

Аңлатыу эштәренән һуң  хөкөм ителеүселәр ҡаршылыҡ акцияһын туҡтатты. Яҡынса мәғлүмәттәр буйынса, унда 70-ләп кеше ҡатнашҡан. Хәҙер тәфтишселәргә уларҙың һәр береһе менән һөйләшеп ғәйебен асыҡларға тура киләсәк. Бирелгән язаларҙы үтәү федераль хеҙмәтенең Башҡортостандағы идаралығының матбуғат...

11 июня 2015

Йома көн, 12-се июндә Өфөләге Спорт һарайы эргәһендәге майҙанда ауыл хужалығы тауарҙары йәрминкәһе ойошторола

Ҡала көнөн билдәләү сиктәрендә үтәсәк был сауҙа байрамында республиканың ҡулланыусылар йәмғиәте предприятиеларының, ауыл хужалығы тауарҙарын етештереүселәрҙең, фермерҙар һәм Шишмә, Благовар, Әлшәй, Асҡын һәм башҡа райондарҙан йүнселдәрҙең ҡатнашыуы көтөлә. Йәрминкә иртәнге сәғәт 10-да асыла....

11 июня 2015

12-се июндә Рәсәй көнөн билдәләү һәм артабанғы ял көндәре сәбәпле пенсия һәм социаль түләүҙәр махсус тәртип буйынса таратыла

Түләүҙәрҙе почта элемтәһе аша алыусыларға был хаҡта май айындағы квитанцияларында уҡ хәбәр ителгән. Таратыу ваҡыты айҙың 11-нән 14-нә тиклемге осорға тура килгәндәр аҡсаларын көнэлгәре аласаҡ. Кредит ойошмаларына тейешле сумма шулай уҡ бер көн алдан, 11-се июндә күсерелергә тейеш.

11 июня 2015
Смотреть видео

ШОС һәм БРИКС саммиттары алдынан Өфөлә өр яңы ҡунаҡхана һәм ресторандар асылып халыҡ өсөн яңы эш урындары барлыҡҡа килде

Бөгөн башҡаланың халыҡты эш менән тәьмин итеү үҙәгендә эш урындары йәрминкәһе ойошторолдо. Сит илдән килгән абруйлы ҡунаҡтарҙы юғары кимәлдә ҡаршы алыу һәм хеҙмәтләндереү саммиттың эшлекле өлөшөн тейешле кимәлдә ойоштороу кеүек үк яуаплы бурыс. Был йәһәттән тәү сиратта алсаҡ администраторҙар, көләс...

11 июня 2015
Смотреть видео

Республика башлығы беҙҙең телеканалға эксклюзив интервью бирҙе

Унда һүҙ, нигеҙҙә, ШОС һәм Брикс самиттарына әҙерлек тураһында барҙы. Рөстәм Хәмитов билдәләүенсә, саммиттар ваҡытында ШОС ойошмаһына ингән илдәрҙең етәкселәре тарихи-документ- Өфө декларацияһына ҡул ҡуясаҡ. 

10 июня 2015
Яндекс.Метрика