Шишмәләргә бай район

“Алтын бишек” акцияһында ҡатнашыусы ауылдың иһә үҙендә генә 6 сығанаҡ сылтырап аға. Ауылды ҡайһы берҙәр Шүлгән тип тә атай, әммә тарихи сығанаҡтарҙан билдәле булыуынса ауылдың атамаһы – Шулған.  Башҡортостандың төнъяҡ өлөшөндә урынлашҡан Тәтешле районының иң ҙур ауылы – Шулған халҡы, уларҙың көнкүреше, һәләтле шәхестәре, ауылды уратып алған тәбиғәте менән беҙҙең ижади төркөм яҡындан танышты.  Хәбәрсе. Тыуған яҡ, тыуған ил – һәр кем өсөн иң яҡын төшөнсә, һәр кем өсөн үҙ тыуған яғы иң ҡәҙерлеһе һәм алтынға бәрәбәр. “Алтын бишек” акцияһының киләһе ҡатнашыусылары төнъяҡ-көнбайыш районында йәшәүсе уҙамандар – Тәтешле районының Шулған ауылы халҡы. Ауылдың барлыҡҡа килеүе 18-се быуаттар аҙағына барып тоташа. Ул ваҡытта 22 ихатала 86 аҫаба башҡорт йәшәгән, тип билдәләнә.  Хәҙер иһә Шулған Тәтешле районының иң ҙур ауылдарының береһе, бында 1 меңдән ашыу кеше татыу һәм дуҫ йәшәй. Ауылдың бер яғында Тәкмән, икенсе яғында Кәбән тауы, тирә-яғында урман, баҫыуҙарҙа иһә ҡыҙыу ураҡ эше бара, эргәлә генә Гәрәй йылғаһы аға… Урман-Гәрәй ырыуына ҡараған Шулған ауылы тарихҡа бай. Борон-борондан улар малсылыҡ, аусылыҡ, ҡортсолоҡ, ауыл хужалығы менән шөғөлләнгән.  Шулған мәктәбе уҡытыусыһы Наил Нәҡип улы тыуған ауылына ғүмере буйы тоғро һәм ауылының һәр бер урынын ҡәҙерләп һөйләй. Беҙҙе лә ул иң тәүҙә Тәкмән тауына алып менде.  тап ошо ерҙән ауыл ҡул усында кеүек күренә. Шулған тирә -яҡта шишмәләре менән дан тотҡан ауыл. Шулған яҡтарында 100-гә яҡын шишмә иҫәпләнә, ә ауылдың үҙендә генә 6 сығанаҡ, һәр береһенең үҙ атамаһы, үҙ тарихы. Ауылға яңы төшкән килендәр ҙә хәҙер нисәмә быуат ошо шишмәләрҙән һыу ала. Татлы ла, шифалы ла шишмә һыуы, тип маҡтана ауыл халҡы. Тәбиғәт байлығына һаҡсыл ҡараш тәрбиәләү йәһәтенән йыл һайын ауыл халҡы Шишмә байрамын ойоштора.  Ауылдың тағы ла бер ҡаҙанышы, ғорурлығы – ул балалар оркестры. Мәктәп балалары 6 төрлө музыка ҡоралында оҫта уйнай. Етәкселәре Рәвиз Суфьяров ошо ауыл уҙаманы, 30 йыл мәктәп балаларын тынлы музыка ҡоралдарында уйнарға өйрәтә.Өлгөлө балалар тынлы оркестры Һәр байрам сараларының бәҫен күтәрә, милли музыкаларҙы башҡарып ғорурлыҡ тойғоһон уята. Әле оркестрҙа 18 бала шөғөлләнә. Ҡасандыр тик егеттәрҙән генә торған түңәрәккә хәҙер иһә ҡыҙҙар ҙа ҙур теләк белдереп йөрөй. Шулған ауылы балалары йәй көнө лә мәшғүл, ауылдың мобиль китапханаһы йәш быуынды ылыҡтырыу йәһәтенән төрлө саралар ойоштороп тора.Шулған ауылында 172 бала уҡый. Әле мәктәптә яңы уҡыу йылына әҙерлек бара, мәктәптең тәҙрәләрен алмаштыралар һәм башҡа төҙөкләндереү эштәре башҡарыла. Ошо уҡ мәктәптә социаль приютта йәшәгән балалар ҙа уҡый. Тәтешле районының берҙән- бер приютына балаларҙы эргә- тирәләге  райондарҙан килтерәләр. Шулған ауылының балалар һәм үҫмерҙәр социаль-приютында йыл дауамында 20 –гә яҡын бала ваҡытлыса йәшәй. Приютҡа төрлө яҙмышлы балалар килә, ҡайһы берҙәре үҙ теләктәре менән бында урынлаша. Беҙҙең акция сиктәрендә “Башҡортостан” телерадиокомпанияһы һәм РТРС хеҙмәткәрҙәре дәүләт учрежденияһына бүләк тапшырҙы. РТРС хеҙмәткәре приставка менән антеннаны ҡуйҙы һәм ҡулланыу буйынса кәңәштәрен еткерҙе.  Шулған ауылы халҡының ярҙамсыллығын тап ошо социаль приюттың миҫалында ла күрергә мөмкин. Ауыл халҡы мөмкин тиклем балаларға ярҙам итергә тырыша.  Дуҫ һәм берҙәм халыҡ һәр йома һайын иһә иман йортона йыйыла. Мәсет манараһы ла үҙенә саҡырып йыраҡтан уҡ балҡып тора. Билдәле булыуынса, Шулған ауылында дини йолалар борондан һаҡланып килгән.  Шулған ауылында яңы иман йорто 2005 йылда төҙөлгән. Мәсеттә иң ҡиммәтле ҡомартҡыларҙың береһе – 20-се быуат башында иҫке ғәрәп телендә баҫтырылған китап һаҡлана.Ниндәй генә йортҡа барып төбәлһәң дә өлөгөлө ғаилә йәшәй, тип әйтергә мөмкин. Ауылда бер нисә йыл элек эре малды бөтөрөп ҡараһалар ҙа, ғүмер буйы малсылыҡ менән көн күргән халыҡ хәҙер аҙбар-ҡураларын тултырып мал, ҡош-ҡорт аҫрай. Был уларҙың быуындан-быуынға күсеп килгән төп кәсебе. Ә “Алтын бишек” акцияһының  “алтын ҡуллы оҫта” номинацияһына Шулғандар Хажиевтар ғаиләһен тәҡдим итте. Ир – беләк, ҡатын – терәк, тигән халыҡ әйтемен ҡеүәтләп, бар эште лә бергә башҡаралар.  Ысынлап та, Йәмил Кәви улы хәләл ефетенең бар теләген дә күтәреп ала. Йорт эсен дә бергә йыһазлайҙар. Дилара Хәлитйән ҡыҙы һөнәре буйынса фармацевт, ә булмышы буйынса дизайнер, тип әйтһәк бер ҙә яңлыш булмаҫ. Матурлыҡты яратҡан ханым үҙен уратып алған мөхитте оҫта ҡулдары менән күркәмләй.  Олатайҙан ҡалған теген машинаһы ғаилә өсөн ҡиммәтле  ҡомартҡы. Хәҙер иһә Дилара Хәлитйән ҡыҙы күлдәк-костюмдарҙы  хәләл ефете бүләк иткән яңы машинала тегә. Татыу ғаилә – ил күрке, тиҙәр. “Иң өлгөлө ғаилә” номинацияһында ҡатнашыусы Карамовтар ғаиләһен дә егәрле, ярҙамсыл, шул уҡ ваҡытта тыйнаҡ ғаилә, тип ҡылыҡһырлайҙар. Ғаилә ең һыҙғанып тырышып йәшәй. Өлкән улдары Себер тарафтарында эшләй, кесе Айнур улдары мәктәптә ата-әсәһен һөйөндөрөп, тик яҡшы билдәләргә генә уҡый. Рита Карамова магазинда һатыусы, ғаилә башлығы иһә ауыл хужалығы ойошмаһының иң ҙур транспорты менән идара итә. Йәй көндәре айырыуса эш күп, тип билдәләй Өлфәт Карамов һәм йәһәт кенә касемсотына ултырып баҫыуға юлланды. Элек Шулған ауылында  бик ҙур, бай Крупская исемендәге колхоз эшләгән, бар ауыл халҡы ошо хужалыҡта хеҙмәт иткән. Ойоштороусылар хужалыҡты тарҡатмай һаҡлап ҡала һәм хәҙер ҙә ул халыҡ телендә колхоз, тип йөрөтөлә.  Ауылда ойошторолған һәр сарала ла хужалыҡ предприятиеһы оло ярҙам күрһәтә. Шулған ауылы йәнә көндән-көн матурлана, иҫкеләре төҙөкләндерелә, яңылары төҙөлә.  Тәтешле районының иң ҙур, боронғо ауылында йәшәүсе Шулған халҡы эшкә лә оҫта, йыр-бейеүгә лә маһир. Тыуған ауылында ҙур йорттар һалып, баҡса ултыртып, мал ҡарап, теттереп йәшәй. Иң мөһиме — тыуып үҫкән ауылдарында йәш-елкенсәк тә төпләнә, тимәк, ауылдың киләсәге өмөтлө. Тыуған яғым – алтын бишегем, тиҙәр. Шүлгән ауылы халҡы өсөн дә үҙ ауылы иң ҡәҙерлеһе, иң яҡыны һәм иң мөһиме улар берҙәмлектә – көс, тип бер-береһенә ярҙам итеп һәм таняныс булып йәшәй. Хөрмәтле дуҫтар, әгәр һеҙ ҙә үҙегеҙҙең ауылығыҙҙы иң яҡшы ауыл тип иҫәпләйһегеҙ икән, рәхим итеп беҙҙең акцияла ҡатнашығыҙ. Ә еңеүселәрҙе бүләктәр көтә.

Читайте нас в Яндекс.Новостях


һУҢҒЫ ХӘБӘРҘӘР

Смотреть видео Ауыл тренеры | ГТРК «Башкортостан»

Ауыл тренеры

Башҡортостанда “Ауыл тренеры” программаһы эшләй башланы. Республика етәксеһе Радий Хәбиров белдереүенсә, спорттың 11 төрө буйынса 15 кеше билдәләнгән.  Шулай итеп, спорт көрәше, бокс, көрәш, хоккей, биатлон, ауыр һәм еңел атлетика, йәйәнән атыу, каратэ, спорт ориентиры, тай боксы буйынса...

10 часов 49 минут назад
Смотреть видео Батша балығы – Башҡортостан йылғаларында | ГТРК «Башкортостан»

Батша балығы – Башҡортостан йылғаларында

 Республикала тәүгеләрҙән булып асылған бағыр фермаһы уңышлы эшләп килә. Донъяла иң ҡиммәтле балыҡтарҙың бер төрөн – бағырҙы Салауат районындағы Ләүзә йылғаһында төҙөлгән бассейндарҙа үрсетәләр. Бағырҙы йыш ҡына “батша балығы” тип йөрөтәләр. Бөтә донъяла иң ҡиммәтле балыҡтарҙың был төрөн...

10 часов 50 минут назад
Смотреть видео Альтаир һауаға күтәрелде | ГТРК «Башкортостан»

Альтаир һауаға күтәрелде

Тәүге тапҡыр. ,,Первушино,, аэродромында яңы самолет менән таныштырыу сараһы үтте. Яңы ғына файҙаланыуға тапшырылған самолетта осорға йыйынабыҙ. Ул ике кешегә иҫәпләнгән. Ерҙән 2000 метрға күтәрелә ала һәм сәғәтенә 150 км юл үтә.,,Альтаир,, тип исемләнгән самолет ғәрәп теленән тәржемә иткәндә –...

10 часов 51 минута назад
Смотреть видео Баланы мәктәпкә әҙерләү күпмегә төшә? | ГТРК «Башкортостан»

Баланы мәктәпкә әҙерләү күпмегә төшә?

 Ата-әсәләр, әлбиттә, балаларын мәктәпкә әҙерләй башланы.Беренсе класҡа әҙерлек иң тәүҙә костюмдан башлана. Был Артемдың тәүге классик кейеме – пиджак, салбар, күлдәк, галстук – һәр береһен кейеп ҡарарға тура килә. Килешле костюмдың  еңе лә, балағы ла әҙерәк оҙонораҡ булыуы шарт, ни тиһәң...

10 часов 51 минута назад
Смотреть видео Мәктәптәрҙә санитар талаптар | ГТРК «Башкортостан»

Мәктәптәрҙә санитар талаптар

Республиканың мәғариф министрлығы 1 сентябрь-Белем көнөнә бәйле асыҡлыҡ индерҙе.Коронавирусҡа бәйле хәл тотороҡло ҡалһа, балалар мотлаҡ мәктәптәргә барасаҡ. Хәл үҙгәрә  икән, өлкәндәрҙең һәм балаларҙың һаулығын һәм именлеген һаҡлау маҡсатында башҡа ҡарар ҡабул ителәсәк, тип хәбәр иттеләр...

10 часов 52 минуты назад
Смотреть видео Башҡортостанда Ковид-19 сирен йоҡтороусылар 7 мең 127-гә етте | ГТРК «Башкортостан»

Башҡортостанда Ковид-19 сирен йоҡтороусылар 7 мең 127-гә етте

5 мең 424 кеше һауығып сыҡҡан.  Пандемия башланғандан алып коронавирустан 25 кеше һәләк булған. Белгестәр тағы ауырыуҙан һаҡланыу өсөн битлектәр кейеү кәрәклеге тураһында иҫкәртә. Башҡортостанда әле коронавирус менән симптомһыҙ һәм еңел формала ауырыу осраҡтарының артыуы күҙәтелә. Был турала...

10 часов 52 минуты назад
Смотреть видео Луиза Хәйруллина суд алдында яуап тота  | ГТРК «Башкортостан»

Луиза Хәйруллина суд алдында яуап тота

Банктан 23 миллион һум аҡса урлаусы Луиза  Хәйруллина  эше буйынса суд ултырышы башланды.  Ултырыштар залына уның ире лә килтерелде. Тап уның уйын ҡомарына бирелеп, ҡатынын аҡса урлауға этәреүе ихтимал.

10 часов 53 минуты назад
Мәктәптә коронавирусҡа ҡаршы яңы алымдар индерелә | ГТРК «Башкортостан»

Мәктәптә коронавирусҡа ҡаршы яңы алымдар индерелә

Төбәктә коронавирус менән бәйле хәл үҙгәрешһеҙ ҡалһа өс аҙнанан урта белем биреү йорттары уҡыусыларҙы ҡабул итергә әҙерләнә. Мәскәүҙә үткән “Рәсәй именлеге нигеҙе – милләт сәләмәтлеге” Бөтә Рәсәй форумында Башҡортостан Хөкүмәте рәйесенең беренсе урынбаҫары Андрей Назаров “Төбәк уҡыу йорттарында...

12 августа 2020
Көндәр һыуыта | ГТРК «Башкортостан»

Көндәр һыуыта

Башҡортостанда киләһе төндә һалҡынайта. Таулы райондарҙа һауа температураһының ике градус йылыға ҡалыуы ихтимал. Гидрометеорология һәм тирә-яҡ мөхитте күҙәтеү үҙәгенең Башҡортостан идаралығы белгестәре республика райондарында төндә һауа температураһының тик 7-12 градус йылы булырын күҙаллай. 13...

12 августа 2020
“Ауыл тренеры” старт ала | ГТРК «Башкортостан»

“Ауыл тренеры” старт ала

“Ауыл тренеры” программаһы сиктәрендә быйыл спорттың 11 төрө буйынса күнегеүҙәр биргән тәүге 15 кеше 600 мең һум күләмендәге аҡсалата ярҙам аласаҡ. Был хаҡта Республика башлығы Радий Хәбиров социаль селтәрҙәге сәхифәһендә белдерҙе. Дәүләт ярҙамына лайыҡ беренсе ауыл тренерҙары Архангел, Бәләбәй,...

12 августа 2020