Радий Хәбиров – Башҡортостан башлығы

Ҡулланыу иҡтисадынан үҫеш иҡтисадына. Яңы тарихи арауыҡҡа аяҡ баҫҡан республиканың башлығы вазифаһын үтәй башлаған Радий Хәбиров Башҡортостан киләһе биш йылда Рәсәйҙә алдынғы биш төбәк иҫәбендә буласаҡ, тигән етди маҡсат ҡуйҙы. Дәүләт Йыйылышы-Ҡоролтай бинаһына саҡырылғандар тантанаға бер сәғәт алдан йыйыла башланы. Төбәк парламенты һәм Дәүләт Думаһы депутаттары, сенаторҙар, ғалимдар, йәмәғәтселек, сәнғәт һәм спорт вәкилдәре. Башҡортостандың беренсе президенты Мортаза Рәхимов республика киләсәгенә бағлаған өмөттәрен журналистар менән уртаҡлаша. Тантанаға Республиканы 2010 йылдан 18-се йылға тиклем етәкләгән Рөстәм Хәмитов та хәләл ефете менән килде. Йәмәғәт ойошмалары, дини конфессия етәкселәре лә Башҡортостан халҡының күпселеге һайланған  башлыҡҡа төбәгән ышанысын белдерә. Республика етәксеһе Дәүләт йыйылышы бинаһына Президенттың Волга буйы федераль округындағы тулы хоҡуҡлы вәкиле Игорь Комаров менән бергә килә. Радий Хәбировтың күтәренке кәйефтә булыуы һәм бер аҙ тулҡынланыуы һиҙелә. Инаугурация ғәмәле, көнэлгәре иғлан ителгәнсә, үтә тантаналы түгел, әммә унда ҡатнашыусылар ваҡиғаның тәрән мәғәнәле, шуға ла иҫтәлекле икәнен таный. Тантана йола буйынса инаугурация символдарына ихтирамдан башлана. Почет ҡарауылы башҡорт һәм рус телдәрендә яҙылған Конституцияны залға индерә. Рәсәй һәм Башҡортостан гимндарын башҡарған оркестр менән Фәрит Иҙрисов дирижерлыҡ итә. 8 сентябрҙә үткән һайлау һөҙөмтәләрен иғлан иткәндән һуң Үҙәк һайлау комиссияһы рәйесе Илона Макаренко Радий Хәбировҡа Башҡортостан башлығы танытмаһын тапшыра. Республика башлығы башҡорт һәм рус телдәрендә тантаналы ант бирә.  Рәсәй президентының Волга буйы федераль округындағы тулы хоҡуҡлы вәкиле Игорь Комаров Башҡортостан башлығы алдындағы бурыстарҙы әйтеп ишеттерә. 11 ай дауамында алып барған эшмәкәрлек һөҙөмтәләре буйынса Радий Хәбиров үҙен белдекле хужа һәм лайыҡлы етәксе итеп күрһәтте, тип белдерҙе Игорь Комаров. Байтаҡ күрһәткестәр буйынса Республика Волга буйы округында алдынғылар иҫәбендә. Кеше потенциалы, тормош уңайлыҡтары иҡтисади үҫеш, инвестиция күләме һәм инфракструктура ҡоролошо буйынса Башҡортостан илдә алдынғы урындарға дәғүә итә.  Ил президенты Владимир Путин Радий Хәбировҡа Башҡортостан башлығы вазифаһын ваҡытлыса башҡарыуҙы бер йыл самаһы элек йөкмәтте. Ошо арауыҡта республика етәксеһе үҙенең командаһы менән төбәктең киләһе биш йылға үҫеш программаһын бойомға ашыра башланы. Рәсми ант биреү тантанаһынан һуң Радий Хәбиров тәүге Указын иғлан итте. Ул Башҡортостандың 2024 йылғаса үҫеш йүнәлештәрен раҫлай. Документта теүәл һандар, маҡсаттарға өлгәшеүҙең аныҡ сроктары һәм иң мөһим мәсьәләләрҙе хәл итеү юлдары билдәләнгән. Һәр кемгә ҡағылған һәм һәр кемде борсоған Указды Республика башлығы «Үҫештең беренсе биш йыллығы” тип атай. Тантанала ҡатнашыусылар Указды сәмле һәм аныҡ эштәрҙе талап итә, тип баһаланы. Инаугурация тантанаһы ҡунаҡтары оҙаҡ таралышмай торҙо. Тәьҫортаттар уртаҡлашыу, Республика башлығының белдереүҙәре тураһыда әленән-әле фекер алышыу тынмай. Республика хөкүмәте иһә ошо көндән үҙ вәкәләттәрен һала. Яңы министрҙар кабинеты тураһында мәғлүмәт һәм Премьер-министрҙың исеме яҡын арала билдәле булыр, тип көтөлә.

 

Подпишитесь на нас в Google Новости

һУҢҒЫ ХӘБӘРҘӘР

Смотреть видео Башҡортостан 24 телеканалы дуҫтарын йыя | ГТРК «Башкортостан»

Башҡортостан 24 телеканалы дуҫтарын йыя

25 ғинуар “Динамо” спорт комплексында студенттар көнө уңайынан ҙур сара ойошторола. Ҡунаҡтарҙы билдәле артистар сығышы, ҡиммәтле бүләктәр, дәртле йырҙар көтә. Әле сараға әҙерлек эштәре нисек бара?  Егерме мең квадрат метр майҙанды биләгән “Динамо” спорт комплексынан бер ваҡытта ла кеше өҙөлмәй...

24 января 2020
Смотреть видео Яугирҙарҙың исемдәре эҙһеҙ юғалырға тейеш түгел | ГТРК «Башкортостан»

Яугирҙарҙың исемдәре эҙһеҙ юғалырға тейеш түгел

75 йыл үткәндән һуң Венгрияны азат итеүҙә һәләк булған старшина Исрафил Ибраһимовтың ерләнгән урыны асыҡланған. Уның менән бергә  хәбәрһеҙ юғалған тағы 19 яугирҙың исемдәре табылған. Ибраһимовтар ғаиләһе  күптән  ырыу шәжәрәһен төҙөү менән ҡыҙыҡһына. Нәҫел ағасы әҙер, быуындар ебе...

24 января 2020
Смотреть видео Һыу ҙа, канализация ла юҡ | ГТРК «Башкортостан»

Һыу ҙа, канализация ла юҡ

Башҡала үҙәгендә урынлашҡан иҫке йорт 1983-сө йылдарҙа уҡ авария хәлендә тип танылған. Әммә әлегә тиклем Миәс урамы, 42-се йортта йәшәүселәргә яңы торлаҡ бирелмәгән. Йортта бер тапҡыр ҙа капиталь ремонт башҡарылмаған. Зәбирә Хөснийәрованың атаһы Бөйөк Ватан һуғышы ветераны. Бүлмә уға ваҡытлыса...

24 января 2020
Смотреть видео Башҡортостан спиртлы эсемлектәр сауҙаһын үҙгәртә | ГТРК «Башкортостан»

Башҡортостан спиртлы эсемлектәр сауҙаһын үҙгәртә

 Тәүге яңылыҡтарҙың береһе – байрам осоронда араҡы-шарап һатыуҙы сикләү. Суррогатҡа ҡаршы көрәштең һөҙөмтәһе юҡ түгел. Республикалаяңы йыл каникулдары осоронда спиртлы эсемлектәрҙе сикләү тураһындағы ҡанун бығаса көтөлмәгән һөҙөмтәләр биргән. Эш араҡы-шарап менән сауҙа итеүҙең 27 ...

24 января 2020
Смотреть видео Йәш балаларҙың үлем осрағы һанын кәметеү күрһәткесе буйынса Башҡортостанда ыңғай һөҙөмтәләр кәрәк | ГТРК «Башкортостан»

Йәш балаларҙың үлем осрағы һанын кәметеү күрһәткесе буйынса Башҡортостанда ыңғай һөҙөмтәләр кәрәк

Был хаҡта Радий Хәбиров сәләмәтлек сәғәтенең сираттағы ултырышында белдерҙе. 2019 йылдың 11 айында республикала тыуған мең баланың һәр бишенсеһе һәләк булған. Сәләмәтлек сәғәтенең Республика клиника перинаталь үҙәгендә ойошторолған күсмә ултырышында яңы тыуған балаларҙың үлем осрағын кәметеү,...

24 января 2020
Смотреть видео Өфөлә Төркиәнең почетлы консуллығын асырға планлаштыралар | ГТРК «Башкортостан»

Өфөлә Төркиәнең почетлы консуллығын асырға планлаштыралар

 Был турала Башҡортостан башлығы Радий Хәбиров Төркиәнең Рәсәйҙәге ғәҙәттән тыш һәм тулы хоҡуҡлы вәкиле Мехмет Самсар менән осрашыуҙа белдерҙе. Республикалар тығыҙ хеҙмәттәшлек итә, әммә ике яҡ та был бәйләнеште тағы ла нығытырға кәрәк, тигән фекерҙә. Әлеге мәлдә Башҡортостан менән Төркиә...

24 января 2020
Смотреть видео Төҙөп бөтөргә ярамай емерергә... | ГТРК «Башкортостан»

Төҙөп бөтөргә ярамай емерергә...

“Автомобилист” баҡса йорто ҡасабаһында йәшәүселәргә йортһоҙ тороп ҡалыу ҡурҡынысы янай. Асыҡланыуынса, милекселәрҙең ер бүлемдәре ауыл хужалығы ихтыяжы өсөн тәғәйенләнгән. Урындағы халыҡ өй һатып алғанда бөтә документтар ҙа теүәл ине, тип билдәләй.  Купцовтар ғаиләһе йәшәгән йорттоң икенсе...

23 января 2020
Смотреть видео Ауыл медицинаһы | ГТРК «Башкортостан»

Ауыл медицинаһы

Бөтә Рәсәй халыҡ фронты вәкилдәре ил Президенты ҡушыуы буйынса ауыл медицинаһы торошона етди иғтибар итәсәк. Республика был йәһәттән эҙмә-эҙлекле эш бара, быйыл 90 фельдшер-акушерлыҡ пункты төҙөләсәк. Ауыл кешеләре хәҙер ашығыс медицина ярҙамы машинаһын үҙҙәре саҡыра, ә фельдшер-акушер пункттары...

23 января 2020
Смотреть видео Башҡортостанда Милли проекттарҙы бойомға ашырыу барышы Бөтә Рәсәй халыҡ фронты активының республика башҡарма власы вәкилдәре менән осрашыуында тикшерелде | ГТРК «Башкортостан»

Башҡортостанда Милли проекттарҙы бойомға ашырыу барышы Бөтә Рәсәй халыҡ фронты активының республика башҡарма власы вәкилдәре менән осрашыуында тикшерелде

 Беренсе вице-премьер Илшат Тажитдинов белдереүенсә, 2019 йылда проекттарға йүнәлтелгән сығымдарҙың 91,6 проценты үҙләштерелгән. Башҡортостанда 50 мәжбүри, 8 инициативалы проект бойомға ашырыла. Маҡсатҡа ярашлы күрһәткестәргә өлгәшеү даими күҙәтеү аҫтында. Был эштә Бөтә Рәсәй халыҡ фронтының...

23 января 2020
Смотреть видео Көйөргәҙелә ике айҙан яңы бассейн файҙаланыуға ташырыласаҡ, мәҙәниәт йорто биләмәһе йәйгә яңы төҫ алырға тейеш, ә Бөгөлсәндә мәктәпкә капиталь ремонт хәл ителде | ГТРК «Башкортостан»

Көйөргәҙелә ике айҙан яңы бассейн файҙаланыуға ташырыласаҡ, мәҙәниәт йорто биләмәһе йәйгә яңы төҫ алырға тейеш, ә Бөгөлсәндә мәктәпкә капиталь ремонт хәл ителде

 Радий Хәбиров эш сәфәре менән Көйөргәҙе районы һәм Күмертау ҡалаһында булды. Тулыраҡ беҙҙең хәбәрселәр әҙерләгән яҙмала. 175 урынға иҫәпләнгән Бөгөлсән ауылы мәктәбе 1968 йылда төҙөлгән. 50 йыл эсендә белем усағы бер тапҡыр ҙа капиталь ремонт күрмәгән. Даими ремонтты коллектив йыл да үҙ...

23 января 2020
Яндекс.Метрика