Халыҡ ара һаңғырауҙар аҙнаһы

Сентябрҙең һуңғы тулы аҙнаһы Халыҡ ара һаңғырауҙар аҙнаһы, тип билдәләнә. Был насар ишеткән кешеләрҙең проблемаларына иғтибарҙы йәлеп итергә ярҙам итә. Өфөлә улар өсөн махсус коррекцион мәктәп-интернат бар. Унда тәрбиәләнеүселәр менән беҙҙең хәбәрселәр осрашты. Тынлыҡта йәшәгән уҡыусылар һәм уларҙың педагогтарын бөгөн нимәләр борсой? Һәр һүҙҙе ым-ишара аша ҡабул итергә өйрәнгән 2-се класс балалары өсөн бөгөнгө дәрес ғәҙәти түгел. Уларҙың алдында видеокамера, ә оператор ролендә 7-се класс уҡыусыһы Алиса. Йәш хәбәрсе дәрес барышының бер өлөшөн дә күҙҙән ысҡындырмай. Телевидение мәктәбен ойоштороуҙа был беренсе аҙым. Дәрес тамамланғас уҡыусылар үҙҙәрен видеокамеранан ҡарай. Насар ишеткән балаларҙың күреү һәләте күпкә үҫешкән. Педагогтар билдәләүенсә, бындай алым уҡыусыларға үҙҙәрен ситтән күрергә ярҙам итә һәм улар үҙҙәрен баһалап камиллашыуға ынтыласаҡ. Шулай уҡ киләсәктә мәктәп телевидениеһы яңы һөнәрҙәр үҙләштерергә мөмкинлек бирәсәк, мәҫәлән, сурдопедагог булыу улар өсөн бер ниндәй ҙә ҡыйынлыҡ тыуҙырмаясаҡ. Педагогтар уҡыусыларҙы һәр яҡлап та үҫтерергә тырыша. Шуға күрә кабинеттар төрлөләндереп йыһазланған, сөнки балалар күреп, тотоп ҡарап тирә яҡ менән таныша. Ым-ишара телен тәрбиәләнеүселәр генә түгел, шулай уҡ һәр уҡытыусы белә. 30-сы һанлы коррекцион мәктәп-интернатының тарихы 100 йылдан ашыу һәм ул Өфөлә сәләмәтлек мөмкинлектәре сикләнгән балалар өсөн  беренсе махсуслаштырылған белем усағы. Әлеге мәлдә бында республиканың төрлө райондарынан 106 бала уҡый. Мәктәптә уҡырға теләүселәр күп, әммә йәшәү урыны сикле, интернатта бары тик 30 бала йәшәй. Дәрестәрҙән һуң ваҡыттарын бушҡа уҙғармайҙар, уҡыусылар төрлө түңәрәктәрҙә шөғөлләнә. Айырыуса спорт йүнәлешенә ҙур иғтибар бирелә. Күнекмәләргә йөрөгән балаларҙың ҡайһы берҙәре бөтөнләй һөйләшмәй, әммә ҡысҡырып сығарған тауыш, күнекмә ваҡытындағы тын алыш – балаларҙың сәләмәтлеге өсөн айырыуса мөһим, ишетеү-телмәр үҫешенә ыңғай йоғонто яһай. Спорт мастеры Таһир Салихов сурдотхэквандо буйынса 3 йыл тренер булып эшләй. Спорттың әһәмиәтен ата-әсәләр ҙә аңлаһын ине, ти ул. Спорт ҡорамалдары, тренажерҙар мәктәп уҡыусылары өсөн етәрлек. 8 тапҡыр паралимпия чемпионы Оксана Савченко билдәләүенсә, интернат өсөн һатып алынған спорт ҡорамалдарын урынлаштырыр өсөн урын ғына юҡ, төкәтмә кәрәк. Шулай уҡ урамдағы спорт майҙансығы менән дә ҡатмарлыҡтар бар. Мәктәп майҙансығы менән мәсъәләне хәл итеү өсөн педагогтар ярҙам эҙләй. Заманса махсус түшәм булмағанлыҡтан былтыр ишетмәгән балалар араһында футбол буйынса республика ярыштарын ҡабул итә алмағандар. Шулай уҡ еңел атлетика менән шөғөлләнеүселәр өсөн дә шарттар юҡ. Үҙенсәлекле балалар өсөн мәктәптә шарттар тыуҙырыу заман менән бергә атларға ярҙам итәсәк, ти мәктәп директоры. Уҡыусылар иһә спорт менән шөғөлләнеүен дауам итә, улар октябрь башында уҙасаҡ еңел атлетика буйынса Бөтә Рәсәй ярыштарына әҙерләнә.

 

Подпишитесь на нас в Facebook

һУҢҒЫ ХӘБӘРҘӘР

Смотреть видео Урал батыр эпосы төрлө телдәрҙә яңғыраны | ГТРК «Башкортостан»

Урал батыр эпосы төрлө телдәрҙә яңғыраны

Үткан аҙнала Урал батыр эпосын яттан һөйләү буйынса халыҡ-ара конкурс утте. Унынсы тапҡыр уҙғарылған ижади бәйгене ЮНЕСКО эштәре буйынса комитеты һәм Социаль технологиялар институты уҙғарҙы. Конкурста ҡатнашыусылар һаны йыл һайын арта, тип билдәләй ойоштороусылар. Эпосты төрлө телдә һөйләнеләр....

27 января 2020
Смотреть видео 1 февралгә тиклем сүп-сар өсөн бурыстарҙы ҡаплау талабы ҡуйылған | ГТРК «Башкортостан»

1 февралгә тиклем сүп-сар өсөн бурыстарҙы ҡаплау талабы ҡуйылған

Быйыл яҙ төбәктә “RM: контейнер майҙансыҡтары” тигән автоматлаштырылған система эшләй башлай. Ул ҡалдыҡтарҙы йыйыу һәм сығарыу барышын даими күҙәтеүҙән ғибәрәт. Республика хөкүмәтендә үткән сираттағы видеоселектор кәңәшмәһендә төбәк операторҙары менән подрядчиктар араһында килешеү төҙөүҙе тиҙләтеү...

27 января 2020
Смотреть видео Башҡортостан 24 телеканалы дуҫтарын йыя | ГТРК «Башкортостан»

Башҡортостан 24 телеканалы дуҫтарын йыя

25 ғинуар “Динамо” спорт комплексында студенттар көнө уңайынан ҙур сара ойошторола. Ҡунаҡтарҙы билдәле артистар сығышы, ҡиммәтле бүләктәр, дәртле йырҙар көтә. Әле сараға әҙерлек эштәре нисек бара?  Егерме мең квадрат метр майҙанды биләгән “Динамо” спорт комплексынан бер ваҡытта ла кеше өҙөлмәй...

24 января 2020
Смотреть видео Яугирҙарҙың исемдәре эҙһеҙ юғалырға тейеш түгел | ГТРК «Башкортостан»

Яугирҙарҙың исемдәре эҙһеҙ юғалырға тейеш түгел

75 йыл үткәндән һуң Венгрияны азат итеүҙә һәләк булған старшина Исрафил Ибраһимовтың ерләнгән урыны асыҡланған. Уның менән бергә  хәбәрһеҙ юғалған тағы 19 яугирҙың исемдәре табылған. Ибраһимовтар ғаиләһе  күптән  ырыу шәжәрәһен төҙөү менән ҡыҙыҡһына. Нәҫел ағасы әҙер, быуындар ебе...

24 января 2020
Смотреть видео Һыу ҙа, канализация ла юҡ | ГТРК «Башкортостан»

Һыу ҙа, канализация ла юҡ

Башҡала үҙәгендә урынлашҡан иҫке йорт 1983-сө йылдарҙа уҡ авария хәлендә тип танылған. Әммә әлегә тиклем Миәс урамы, 42-се йортта йәшәүселәргә яңы торлаҡ бирелмәгән. Йортта бер тапҡыр ҙа капиталь ремонт башҡарылмаған. Зәбирә Хөснийәрованың атаһы Бөйөк Ватан һуғышы ветераны. Бүлмә уға ваҡытлыса...

24 января 2020
Смотреть видео Башҡортостан спиртлы эсемлектәр сауҙаһын үҙгәртә | ГТРК «Башкортостан»

Башҡортостан спиртлы эсемлектәр сауҙаһын үҙгәртә

 Тәүге яңылыҡтарҙың береһе – байрам осоронда араҡы-шарап һатыуҙы сикләү. Суррогатҡа ҡаршы көрәштең һөҙөмтәһе юҡ түгел. Республикалаяңы йыл каникулдары осоронда спиртлы эсемлектәрҙе сикләү тураһындағы ҡанун бығаса көтөлмәгән һөҙөмтәләр биргән. Эш араҡы-шарап менән сауҙа итеүҙең 27 ...

24 января 2020
Смотреть видео Йәш балаларҙың үлем осрағы һанын кәметеү күрһәткесе буйынса Башҡортостанда ыңғай һөҙөмтәләр кәрәк | ГТРК «Башкортостан»

Йәш балаларҙың үлем осрағы һанын кәметеү күрһәткесе буйынса Башҡортостанда ыңғай һөҙөмтәләр кәрәк

Был хаҡта Радий Хәбиров сәләмәтлек сәғәтенең сираттағы ултырышында белдерҙе. 2019 йылдың 11 айында республикала тыуған мең баланың һәр бишенсеһе һәләк булған. Сәләмәтлек сәғәтенең Республика клиника перинаталь үҙәгендә ойошторолған күсмә ултырышында яңы тыуған балаларҙың үлем осрағын кәметеү,...

24 января 2020
Смотреть видео Өфөлә Төркиәнең почетлы консуллығын асырға планлаштыралар | ГТРК «Башкортостан»

Өфөлә Төркиәнең почетлы консуллығын асырға планлаштыралар

 Был турала Башҡортостан башлығы Радий Хәбиров Төркиәнең Рәсәйҙәге ғәҙәттән тыш һәм тулы хоҡуҡлы вәкиле Мехмет Самсар менән осрашыуҙа белдерҙе. Республикалар тығыҙ хеҙмәттәшлек итә, әммә ике яҡ та был бәйләнеште тағы ла нығытырға кәрәк, тигән фекерҙә. Әлеге мәлдә Башҡортостан менән Төркиә...

24 января 2020
Смотреть видео Төҙөп бөтөргә ярамай емерергә... | ГТРК «Башкортостан»

Төҙөп бөтөргә ярамай емерергә...

“Автомобилист” баҡса йорто ҡасабаһында йәшәүселәргә йортһоҙ тороп ҡалыу ҡурҡынысы янай. Асыҡланыуынса, милекселәрҙең ер бүлемдәре ауыл хужалығы ихтыяжы өсөн тәғәйенләнгән. Урындағы халыҡ өй һатып алғанда бөтә документтар ҙа теүәл ине, тип билдәләй.  Купцовтар ғаиләһе йәшәгән йорттоң икенсе...

23 января 2020
Смотреть видео Ауыл медицинаһы | ГТРК «Башкортостан»

Ауыл медицинаһы

Бөтә Рәсәй халыҡ фронты вәкилдәре ил Президенты ҡушыуы буйынса ауыл медицинаһы торошона етди иғтибар итәсәк. Республика был йәһәттән эҙмә-эҙлекле эш бара, быйыл 90 фельдшер-акушерлыҡ пункты төҙөләсәк. Ауыл кешеләре хәҙер ашығыс медицина ярҙамы машинаһын үҙҙәре саҡыра, ә фельдшер-акушер пункттары...

23 января 2020
Яндекс.Метрика