1 октябрҙән бихисап үҙгәрештәр ғәмәлгә инде

Торлаҡ йорттарҙа хостелдар булмаясаҡ, һалымдар күәлме үҙгәреше, юл-транспорт  фажиғәләрен теркәүҙең яңы ҡағиҙәләре һәм тәмәкеселәргә ҡағылышлы яңы сикләүҙәр. Рәсәйҙә 1 октябрҙән ошо һәм башҡа бихисап ҡануниәттәрҙә үҙгәрештәр ғәмәлгә инде. Балконда тәмәке тартырға яраймы-юҡмы? Һуңғы көндәрҙә ҙур бәхәс тыуҙырған ошо һорау янғын хәүефһеҙлеге ҡағиҙәләрендәге үҙгәрештәргә бәйле. Уға ярашлы, 1 октябрҙән торлаҡ йорттарҙың балкон һәм лоджияларында усаҡ яғыу, асыҡ ут сығанаҡтары менән ҡулланыу тыйыла. Ысынлап та, ут менән ҡулланғанда янғын хәүефһеҙлеге ҡағиҙәләрен үтәмәү аяныслы осраҡтарға килтереүе ихтимал. Тәмәке төпсөгөнән, йә уның осҡононан  ут сыға ҡалһа, тәмәкесегә 3 меңдән алып 5 меңгә тиклем штраф һалына. Ә янғында кешенең ғүмере өҙөлһә, енәйәти яза ҡаралған. Шулай уҡ,  ай башынан Торлаҡ кодексына ла үҙгәрештәр индерелде. Хәҙер күп фатирлы йорттарҙа ҡунаҡхана йә хостел асыу өсөн торлаҡ бинаны кеше йәшәмәгән урын итеп үҙгәртергә кәрәк. Өҫтәүенә, ул беренсе ҡатта урынлашырға һәм айырым инеү урыны булырға тейеш. Октябрҙән ғәмәлгә ингән тағы ла бер нисә яңылыҡ. Европротокол буйынса ҡайтарылған аҡса күләме 400 мең һумға тиклем арттырыла. Төп шарт -  аварияла ҡатнашыусы  автомобилдәр һаны икенән артмаҫҡа, транспорт сараһы ғына зыян күрергә һәм ОСАГО полисы булырға тейеш. Әммә аварияны мобиль ҡушымта, йәки глонасс системаһы ярҙамында теркәргә кәрәк.  Бюджет өлкәһендә эшләүсе  ҡайһы бер хеҙмәткәрҙәрҙең эш хаҡы 4,3%-ҡа арта. Улар иҫәбендә тәрбиәселәр, юристар, бухгалтерҙар, кадрҙар бүлеге хеҙмәткәрҙәре. Шулай уҡ, фән һәм социаль тармаҡ, метеохеҙмәттәр, медик-социаль экспертиза, Роспотребнадзор, ҡотҡарыусылар һәм башҡа бюджет учреждениела эшләүселәр.  НДС ставкалары ла үҙгәрә. Пальма майына өҫтәмә хаҡҡа һалым күләме 10-дан 20%-ҡа тиклем арта, ә емеш-еләккә, киреһенсә, 10%-ҡаса төшә. Кредит өлкәһендә лә яңы ҡағиҙәләр ғәмәлгә инә. Бынан ары торлаҡты тик банктарға һәм профессиональ кредиторҙарға ғына залогка һалырға мөмкин буласаҡ. Ошондай уҡ талап ипотека займдарына ҡағыла. Йәғни банктар, кредит ҡулланыу кооперативтары һәм ауыл хужалығы кооперативтары ғына фатир йә йортто залог иҫәбенә теркәп үтескә аҡса бирә ала. Был тәү сиратта мутлашыусыларҙан һаҡлау өсөн эшләнә. Рәсәйҙә микрофинанс ойошмаларының кемдеңдер берҙән-бер йәшәр фатирын залогҡа алып уны алдаҡ юл менән тартып алыу осраҡтары бихисап. Яңы закон быларҙы тулыһынса иҫкәртергә тейеш. Тағы бер яңылыҡ кредит биреүгә бәйле. Хәҙер ғаризаны ҡарағанда физик шәхестәрҙең килеме иҫәпкә алынасаҡ. Телевизор ҡараусыларҙы ла октябрь айында ҙур яңылыҡ көтә. Республикала аналог телевидениеһы тулыһынса бөтөрөлә. Шуныһы ҡыуаныслы, “Рәсәй 1 Башҡортостан” һәм “Рәсәй 24 Башҡортостан” каналдары беренсе мультиплексҡа ингән. Тимәк, башҡорт телендәге тапшырыуҙарҙы һеҙ артабан да юғары сифатта, цифралы форматта ҡарай алаһығыҙ.

Читайте нас в Яндекс.Новостях


һУҢҒЫ ХӘБӘРҘӘР

Смотреть видео Өфөлә йәнә оло йәштәгеләргә ҡарата мутлашыуҙар теркәлә | ГТРК «Башкортостан»

Өфөлә йәнә оло йәштәгеләргә ҡарата мутлашыуҙар теркәлә

 Алдау алымдары шул уҡ – тәҙрә ремонтлау йә газ ҡоролмаһын йүнәтеү хеҙмәттәре, ә бына суммалар реаль хаҡтан унар тапҡырға ҡиммәт. Хеҙмәт ветераны Валентина Прокофьева йортона саҡырылмаған ҡунаҡтың ҡыйыу аҙымдар менән инеп ярҙамын таға башлауына ханым аптырашта ҡала. Тәҙрә тотҡаларын...

7 августа 2020
Смотреть видео Артистар “Бөйрәкәй” романы менән танышты | ГТРК «Башкортостан»

Артистар “Бөйрәкәй” романы менән танышты

М.Ғафури исемендәге Башҡорт академия драма театрының баш режиссеры Айрат Абушахманов артистарҙы Таңсулпан Ғарипованың “Бөйрәкәй” романы менән таныштырҙы. 2006 йылда "Бөйрәкәй" романы өсөн Таңсулпан Ғариповаға Салауат Юлаев исемендәге дәүләт премияһы бирелде. Романда башҡорт халҡының йөҙ йыллыҡ...

7 августа 2020
Смотреть видео  “Сириус” “Аврора” балҡышына булышлыҡ итә | ГТРК «Башкортостан»

“Сириус” “Аврора” балҡышына булышлыҡ итә

Президент Путиндың Рәсәй Федерацияһының милли маҡсаттарын үҫтереү тураһындағы Указына ярашлы, Сочи белгестәре Өфөләге таланттар асыҡлау үҙәге уҡытыусылары менән һәләтле балалар тәрбиәләү тәжрибәһен уртаҡлаша.  Проект технологиялары лабораторияһы тәбиғәт фәндәренең һәр ҡайһыһын һан-программа...

7 августа 2020
Смотреть видео Башҡортостанда санитар авиация өсөн ун майҙансыҡ төҙөү ҡарала | ГТРК «Башкортостан»

Башҡортостанда санитар авиация өсөн ун майҙансыҡ төҙөү ҡарала

2024-се йылға тиклем Башҡортостанда санитар авиация өсөн ун майҙансыҡ төҙөү ҡарала. “Һаулыҡ һаҡлау” милли проекты сиктәрендә Өфөлә өс, Баймаҡ, Белорет, Нефтекама, Октябрьский, Стәрлетамаҡ, Асҡын һәм Мәсәғүттә  вертолеттар төшөү өсөн берәр майҙансыҡ төҙөләсәк. Быйыл санитар авиация ярҙамында 75...

7 августа 2020
Смотреть видео Башҡортостанда Ковид-19 сирен йоҡтороусылар  7 меңгә яҡынлаша | ГТРК «Башкортостан»

Башҡортостанда Ковид-19 сирен йоҡтороусылар 7 меңгә яҡынлаша

Стопкоронавирус сайты мәғлүмәттәренә ҡарағанда, Башҡортостанда Ковид-19 сирен йоҡтороусылар 6 мең 920-гә етте. Бер  тәүлектә 34 кешенең коронавирус менән ауырыуы асыҡланған. Социаль арауыҡты һаҡлау, күпләп йыйылышмау, битлек, бирсәткә кейеү - һаҡланыуҙың ҡәҙимге саралары булып ҡала....

7 августа 2020
Смотреть видео Быйыл Көйөргәҙе аграрийҙары бығаса булмаған уңыш ала | ГТРК «Башкортостан»

Быйыл Көйөргәҙе аграрийҙары бығаса булмаған уңыш ала

   Ҡайһы бер хужалыҡтарҙа ужым культураһының гектар ҡеүәте 30-35 центнерға етә. Был үҙенә күрә рекорд тип әйтергә мөмкин. Сөнки, Көйөргәҙе – игенселек өсөн хәүефле зона булып ҡала һәм бында йыл һайын тиерлек ҡоролоҡ. Көйөргәҙе аграрийҙары беренселәрҙән булып ужым культураларын урып...

7 августа 2020
Смотреть видео Төҙөүселәр һөнәри байрамын билдәләй | ГТРК «Башкортостан»

Төҙөүселәр һөнәри байрамын билдәләй

Иң тормошсан һәм мәртәбәле һөнәр эйәләре – төҙөүселәр – һөнәри байрамын билдәләргә әҙерләнә. Ошо уңайҙан Республика йортонда тармаҡ алдынғыларына дәүләт наградаларын тапшырыу тантанаһы үтте. Башҡортостан элек-электән төҙөлөш тармағы киң үҫешкән төбәк булараҡ танылған. Республикала Социалистик...

7 августа 2020
Смотреть видео Хеҙмәт ҡаһарманлығы ҡалаһы  | ГТРК «Башкортостан»

Хеҙмәт ҡаһарманлығы ҡалаһы

Өфөлә «Хеҙмәт ҡаһарманлығы ҡалаһы» стеллаһын ҡуйыу урынын һайлау буйынса онлайн-тауыш биреү башланды. Мемориалды урынлаштырыу өсөн ике урын тәҡдим ителә. Уның беренсеһе Беренсе Май урамында Еңеү паркындағы Еңеү аллеяһы, икенсеһе – Ленин һәм Зәки Вәлиди урамдары киҫелешендә, парк алдындағы майҙансыҡ...

6 августа 2020
Смотреть видео Автомобиль ҡуйыу урындары түләүле булыуы ихтимал | ГТРК «Башкортостан»

Автомобиль ҡуйыу урындары түләүле булыуы ихтимал

Дәүләт Йыйылышы-Ҡоролтай депутаттары беренсе уҡыуҙа түләүле парковкалар тураһында законпроект ҡабул итте. Шулай итеп, халыҡ вәкилдәре баш ҡалабыҙҙың үҙәк урамдарын машиналарҙан бушатыу, дәүләт һәм муниципаль ерҙәрҙә туҡталҡа өсөн түләү индереүҙе планлаштыра. Башҡаланың тарихи үҙәгендә ...

6 августа 2020
Смотреть видео Башҡортостанда аҙна аҙағына тиклем эҫе буласаҡ | ГТРК «Башкортостан»

Башҡортостанда аҙна аҙағына тиклем эҫе буласаҡ

Һауа температураһы урыны менән 35 градусҡа етер, тип көтөлә. Урман хужалығы һәм Ғәҙәттән тыш хәлдәр министрлыҡтары ҡырға сыҡҡанда айырыуса уяу булырға саҡыра. Һуңғы тәүлектә 17 гектарҙа янғын сығыу осрағы теркәлгән. Бөрйән һәм Белорет райондарында ут һүндерелгән. Хәүефле миҙгел башланғандан алып...

6 августа 2020