Дәүләтов икмәге

Йыл һайын беҙҙең төбәк исеменән сығыш яһаған ауыл хужалығы тауарҙарын етештереүсе ойошма-предприятиелар баш ҡаланан  алтын миҙалдар яулап ҡайта. Быйылғы күргәҙмәлә ҡатнашыусылар араһында Шаранда урынлашҡан “Дәүләтов икмәге” икмәкханаһы ла бар. Икмәк бешереүҙең онотола барған алымдарын Надежда Дәүләтованың цехы һаҡлай. Шаран районы үҙәгендә урынлашҡан икмәкхана 16 йыл борондан ҡалған рецептты  ҡулланып, эргә-тирәләге ауылдарҙы, мәктәптәрҙе, социаль приютты ҡабарып бешкән икмәктәр менән тәъмин итә. Оҙайлы процесс булһа ла ризыҡтың файҙалы булыуына өҫтөнлөк бирә эшҡыуар.Сорғот ҡалаһында эшләп хаҡлы ялға сыҡҡан Юрий һәм Надежда Дәүләтовтар тыуған районына ҡайта. Башта  ике мейес, ҡамыр болғатҡыс, он иләгес, икмәк  ташыу өсөн ике автомобиль, ҡуртымға  бина алына.  Икмәкхана асылғандан алып эшҡыуарҙар  менән бергә булған хеҙмәткәрҙәр ҙә бар. Икмәк бешереүсе Татьяна Чешуина, мәҫәлән, 16 йыл һөнәренә лә, эш урынына тоғро. Эш күләме йылдам арта.  Тәжрибәле һәм егәрле белгестәр янына яйлап йәш көстәр эшкә килә.  Бер йылдан кондитер цехын аса хужалар. Был цехҡа  килгән ҡыҙҙар ҙа тәүге көндән  үк эштәрен яратып башҡара һәм башҡа бер ҡайҙа ла китергә йыйынмай. Хужа менән уларҙы 14 йыллыҡ хеҙмәттәшлек бәйләй. Аукцион аша бина һатып алғас йүнәлештәр ҙә киңәйә  — ярымфабрикаттар, турамалар әҙерләү  цехтары  асыла. Ғаилә кәсебен Надежда Мырҙагәрәй  ҡыҙы инде биш йыл яңғыҙы дауам итә. Уға улы ярҙамлаша. Тормош иптәше башлаған эште эшҡыуар ханым яратып,  ҡәҙерләп дауам итә һәм киңәйтә.  Шәхси эшҡыуарҙың ҡулы аҫтында 150-гә яҡын кеше эшләй. Цехтарҙа тәүлек әйләнәһенә  эш өҙөлмәй. Икмәк хатта төндә лә бешә. Таң менән машиналар уларҙы эҫе килеш кенә кибеттәргә, мәктәптәргә тарата.  Артабанғы партия Надежда Мырҙагәрәй ҡыҙының үҙ кибеттәренә оҙатыла. Шаран, Туймазы һәм башҡа  яҡын райондарҙағы һатып алыусылар Дәүләтовтарҙың цехтарында бешкән икмәкте, ҡаластар, бәлештәрҙе яратып көтөп ала.

Смотрите нас в YouTube


һУҢҒЫ ХӘБӘРҘӘР

Смотреть видео Башҡортостанда ҡаҙ өмәләре башланды | ГТРК «Башкортостан»

Башҡортостанда ҡаҙ өмәләре башланды

Ауыл халҡы ҡош-ҡортон һуйып мендәр-түшәктәр өсөн мамыҡ әҙерләй. Йүнселдәре уны һатып аҡса ла эшләй. Быйыл ҡаҙ өмәләре иртәрәк башланды. Был, тәү сиратта, ҡош киҙеүенә бәйле. Күрше Татарстанда, Силәбе өлкәһендә был ҡурҡыныс сир барлығы асыҡланды. Шуға ла республиканың ветеринария идаралығы халыҡҡа...

19 ноября 2020
Смотреть видео Республика ирекмәндәре йүнселдәрҙән хәйриә ярҙамы алды | ГТРК «Башкортостан»

Республика ирекмәндәре йүнселдәрҙән хәйриә ярҙамы алды

Алты мең битлек, һигеҙйөҙ санитайзер һәм  химик эшкәртеү шыйыҡсалары тултырылған өс тиҫтә һауыт. Республика ирекмәндәре йүнселдәрҙән хәйриә ярҙамы алды. Шәхси хәүефһеҙлек сараларын “Наша забота” берҙәм ирекмән үҙәге ағзалары үҙҙәре лә файҙалана, мохтаж кешеләргә лә таратасаҡ. Ойошма ...

19 ноября 2020
Смотреть видео Эре предприятиелар дауаханаларға ярҙамға килә | ГТРК «Башкортостан»

Эре предприятиелар дауаханаларға ярҙамға килә

Башҡаланың 18-се дауаханаһы ковид-госпиталендә эшләгән табиптар Полиэфф предприятиеһынан хәйриә ярҙамы булараҡ биш йөҙ махсус кейем ҡабул итте. Нефтехимия тармағының эре компанияһы составындағы предприятие ҡыҙыл зонала эшләгән табиптар өсөн махсус кейемдәрҙе пандемия башынан уҡ һатып алып әҙерләгән...

19 ноября 2020
Смотреть видео Пандемия осоронда коронавирустан 69 кеше һәләк булған | ГТРК «Башкортостан»

Пандемия осоронда коронавирустан 69 кеше һәләк булған

Башҡортостанда тағы 119 кешелә коронавирус асыҡланған.  Пандемия башланғандан алып республикала КОВИД-19 йоҡтороуҙың 12 мең 684 осрағы теркәлгән.  11 мең 219 кеше һауығып сыҡҡан. Пандемия осоронда коронавирустан 69 кеше һәләк булған.

19 ноября 2020
Смотреть видео Башҡортостанда йәшәүселәрҙең  36 проценты гриптан прививка яһатҡан | ГТРК «Башкортостан»

Башҡортостанда йәшәүселәрҙең 36 проценты гриптан прививка яһатҡан

Роспотребнадзорҙың һуңғы мәғлүмәттәренә ҡарағанда, Башҡортостанда йәшәүселәрҙең  36 проценты гриптан прививка яһатҡан. Әлеге ваҡытта республика биләмәһендә коронавирусҡа ҡушылып миҙгелгә бәйле киҫкен респиратор ауырыуҙарҙың артыуы лә теркәлә. Яҡынса 1,5 миллион кеше вакцина эшләткән, уларҙың...

18 ноября 2020
Смотреть видео Һалымыңды түлә | ГТРК «Башкортостан»

Һалымыңды түлә

1 декабрҙә физик берәмектәрҙең 2019 йыл өсөн милек һалымын түләү ваҡыты тамамлана. Федераль һалым хеҙмәтенең Башҡортостан буйынса идаралығынан хәбәр итеүҙәренсә, физик берәмектәрҙең иҫәпләп сығарылған милек һалымының һәм НДФЛ-дың дөйөм суммаһы 5 миллиард 500 миллион һумдан ашыуыраҡ. Һалымды һалым...

18 ноября 2020
Смотреть видео Өфө хаҡимиәтендә көнүҙәк мәсьәләләр тикшерелде | ГТРК «Башкортостан»

Өфө хаҡимиәтендә көнүҙәк мәсьәләләр тикшерелде

Өфөнөң Шәфиев һәм Урман техникумы урамдарын тоташтырған юл өлөшө 1 декабрҙә асыла. Әле унда төҙөкләндереү эштәре  тамамланыуға бара.   Был хаҡта ҡала хакимиәтендә үткән кәңәшмәлә хәбәр ителде.  Ултырыштың  төп мәсъәләләрҙең береһе - «Хәүефһеҙ һәм сифатлы автомобиль юлдары»...

18 ноября 2020
Смотреть видео Мәкерле сир ҡоторған мәлдә быйыл яңы йыл байрамдары нисек үтер? | ГТРК «Башкортостан»

Мәкерле сир ҡоторған мәлдә быйыл яңы йыл байрамдары нисек үтер?

 Аҙна һуңына тиклем Башҡортостан Хөкүмәте COVID-19 таралыу шарттарында республиканың Яңы йылды нисек ҡаршы аласағы тураһында ҡарар ҡабул итергә тейеш. Республика башлығы Радий Хәбиров  әйтеүенсә, ҡарар килеп тыуған хәлде иҫәпкә алып ниндәй нормалар, ниндәй тыйыуҙар буласағын билдәләргә...

18 ноября 2020
Смотреть видео Грипҡа ҡаршы вакцинация дауам итә | ГТРК «Башкортостан»

Грипҡа ҡаршы вакцинация дауам итә

 Башҡортостандың эре сәнәғәт предприятиеларында грипҡа ҡаршы вакцинация дауам итә. Әлеге көнгә республиканың эре сәнәғәт ойошмаларында 30 процент хеҙмәткәр, үҙенең сәләмәтлеген алдан хәстәрләп,  киҙеүҙән прививка эшләткән.  Ни өсөн быйыл иммунизация  үтеү айырыуса мөһим?...

18 ноября 2020
Смотреть видео Бушлай дарыуға кем хоҡуҡлы? | ГТРК «Башкортостан»

Бушлай дарыуға кем хоҡуҡлы?

Республикала коронавирус менән сирләп, өйҙә дауаланыусыларға бушлай дарыуҙар бирелә башланы. Был турала ҡарарға Рәсәй Хөкүмәте башлығы Михаил Мишустин ҡул ҡуйғайны. Өфөлә беренселәрҙән булып бушлай дарыуҙарҙы хәле уртаса һәм ауыр булған сирлеләр, вируслы пневмония менән ауырыусылар ала башланы. Ошо...

18 ноября 2020
Яндекс.Метрика