Республика етәксеһе яңы йыл каникулдарына хәҙерҙән үк етди әҙерләнә башларға саҡырҙы

Был хаҡта Радий Хәбиров хөкүмәттә үткән оператив кәңәшмәлә белдерҙе. Ошо осорҙа янғындарҙы, енәйәтселекте кәметеү, халыҡтың ялын күңелле итеп үткәреү йәһәтенән Радий Фәрит улы үҙ тәҡдимдәрен дә еткерҙе.  Йылдың 9 айын Башҡортостан яҡшы күрһәткестәр менән йомғаҡланы. Файҙаланыуға тапшырылған торлаҡ күләме былтырғынан 11 процентҡа юғары, ауыл хужалығы тотороҡло үҫешә, шул уҡ ваҡытта үлем осраҡтары 3,8 процентҡа кәмегән. Һуңғыһына аварияларҙа һәләк булыусыларҙың 8,8 процентҡа, ә алкоголдән ағыуланып донъя ҡуйыусыларҙың 11 процентҡа аҙыраҡ булыуы ыңғай тәьҫир иткән.

Радий Хәбиров был тәңгәлдә эште артабан да дауам итергә саҡырҙы.Республиканың социаль-иҡтисади күрһәткестәре ҡыуанырлыҡ булһа, законһыҙ сүплектәр менән көрәштә әлегә ғорурланыр сәбәп юҡ. 3 меңгә яҡын ҡыйлыҡта бөгөн 29 миллион кубометр сүп-сар. Экология министрлығы уларҙы юҡ итеүҙә бер нисә юл тәҡдим итә. Береһе – ҡаты ҡалдыҡтарҙы яндырыу.Шул уҡ ваҡытта ҡалдыҡтарҙы айырып йыйыуҙы ғәҙәткә индерергә кәрәк. Был тәжрибә мәктәп, башҡа белем усаҡтары, социаль учреждениеларҙан башланасаҡ.Радий Хәбиров дүшәмбеләге оператив кәңәшмәлә Красногорск ҡалаһы тәжрибәһен хәтергә төшөрҙө. Ул ҡала урамдарындағы ташландыҡ автомобилдәр менән көрәшкә бәйле. Бер йыл тирәһе элек был тәңгәлдә башланған эш әлегә иҫ китерлек һөҙөмтә бирмәй. Юридик механизм уйлап еткерелмәгән.

Яуаплы ведомстволарҙы был тәңгәлдә ҡыйыуыраҡ булырға саҡырҙы республика етәксеһе.Иҫкене тормоштан юйып ташларға тигән тәҡдим аграр тармаҡ өсөн яуаплы вице-премьер Илшат Фазрахмановтан яңғыраны. Ул ауылдарҙағы емерек фермаларҙы һүтергә, ә урынына заманса агрокомплекстар төҙөргә кәрәк тигән фекерҙә. Әле һөтсөлөк менән шөғөлләнәсәк 5 мегаферма өҫтөндә эш бара. Эшләргә әҙер ауыл йүнселдәренә хөкүмәт мини фермалар төҙөп бирергә лә әҙер. Әле был тәжрибә һынау үтә, һөҙөмтәһе булһа ул ғәмәлгә ашырыла башлаясаҡ.Әйткәндәй, был аҙнала ауыл хужалығы эшсәндәре һөнәри байрамын билдәләй. Тантаналарҙы юғары кимәлдә ойоштороу һәм алдынғыларҙы юғары наградалар менән бүләкләү бурысы ҡуйылды оператив кәңәшмәлә.Янғын хәүефһеҙлеге был аҙнала йәнә иғтибар үҙәгенә сыҡты. Көндәр һыуыта, тимәк ут сығыу осраҡтары арта.

Профилактик сараларҙың иң һөҙөмтәлеһе – янғын иҫкәртеү ҡоролмаларын урынлаштырыу. 3 йыл эсендә 300-гә яҡын кешенең ғүмерен ҡотҡарып ҡалған улар. Ә аяныслы статистиканы, ғәҙәттәгесә, эскән кешеләр тулыландыра. Башҡортостан алдағы йылдарҙа урам енәйәтселегенә ҡаршы көрәште лә көсәйтергә ниәтләй. Был йәһәттән Өфөләге Инорс биҫтәһе тәжрибәһе өлгө булараҡ алына. ҡыҫҡа ваҡыт эсендә бында енәйәт осраҡтары 40 процентҡа кәмегән. Бигерәк тә оҙайлы ҡышҡы каникулдар ваҡытында фажиғәләрҙе иҫкәртеү сараларын бөгөндән барларға ҡушты Радий Хәбиров. Шуларҙың береһе – алкоголь һатыуҙы тыйыу. Ғинуарҙың тәүге көндәрендә халыҡҡа ял менән бергә спорт мәҙәни сараларға йөрөү мөмкинлеген дә барларға саҡырҙы респубика етәксеһе.

Подпишитесь на нас в Google Новости

һУҢҒЫ ХӘБӘРҘӘР

Смотреть видео Башҡортостан 24 телеканалы дуҫтарын йыя | ГТРК «Башкортостан»

Башҡортостан 24 телеканалы дуҫтарын йыя

25 ғинуар “Динамо” спорт комплексында студенттар көнө уңайынан ҙур сара ойошторола. Ҡунаҡтарҙы билдәле артистар сығышы, ҡиммәтле бүләктәр, дәртле йырҙар көтә. Әле сараға әҙерлек эштәре нисек бара?  Егерме мең квадрат метр майҙанды биләгән “Динамо” спорт комплексынан бер ваҡытта ла кеше өҙөлмәй...

24 января 2020
Смотреть видео Яугирҙарҙың исемдәре эҙһеҙ юғалырға тейеш түгел | ГТРК «Башкортостан»

Яугирҙарҙың исемдәре эҙһеҙ юғалырға тейеш түгел

75 йыл үткәндән һуң Венгрияны азат итеүҙә һәләк булған старшина Исрафил Ибраһимовтың ерләнгән урыны асыҡланған. Уның менән бергә  хәбәрһеҙ юғалған тағы 19 яугирҙың исемдәре табылған. Ибраһимовтар ғаиләһе  күптән  ырыу шәжәрәһен төҙөү менән ҡыҙыҡһына. Нәҫел ағасы әҙер, быуындар ебе...

24 января 2020
Смотреть видео Һыу ҙа, канализация ла юҡ | ГТРК «Башкортостан»

Һыу ҙа, канализация ла юҡ

Башҡала үҙәгендә урынлашҡан иҫке йорт 1983-сө йылдарҙа уҡ авария хәлендә тип танылған. Әммә әлегә тиклем Миәс урамы, 42-се йортта йәшәүселәргә яңы торлаҡ бирелмәгән. Йортта бер тапҡыр ҙа капиталь ремонт башҡарылмаған. Зәбирә Хөснийәрованың атаһы Бөйөк Ватан һуғышы ветераны. Бүлмә уға ваҡытлыса...

24 января 2020
Смотреть видео Башҡортостан спиртлы эсемлектәр сауҙаһын үҙгәртә | ГТРК «Башкортостан»

Башҡортостан спиртлы эсемлектәр сауҙаһын үҙгәртә

 Тәүге яңылыҡтарҙың береһе – байрам осоронда араҡы-шарап һатыуҙы сикләү. Суррогатҡа ҡаршы көрәштең һөҙөмтәһе юҡ түгел. Республикалаяңы йыл каникулдары осоронда спиртлы эсемлектәрҙе сикләү тураһындағы ҡанун бығаса көтөлмәгән һөҙөмтәләр биргән. Эш араҡы-шарап менән сауҙа итеүҙең 27 ...

24 января 2020
Смотреть видео Йәш балаларҙың үлем осрағы һанын кәметеү күрһәткесе буйынса Башҡортостанда ыңғай һөҙөмтәләр кәрәк | ГТРК «Башкортостан»

Йәш балаларҙың үлем осрағы һанын кәметеү күрһәткесе буйынса Башҡортостанда ыңғай һөҙөмтәләр кәрәк

Был хаҡта Радий Хәбиров сәләмәтлек сәғәтенең сираттағы ултырышында белдерҙе. 2019 йылдың 11 айында республикала тыуған мең баланың һәр бишенсеһе һәләк булған. Сәләмәтлек сәғәтенең Республика клиника перинаталь үҙәгендә ойошторолған күсмә ултырышында яңы тыуған балаларҙың үлем осрағын кәметеү,...

24 января 2020
Смотреть видео Өфөлә Төркиәнең почетлы консуллығын асырға планлаштыралар | ГТРК «Башкортостан»

Өфөлә Төркиәнең почетлы консуллығын асырға планлаштыралар

 Был турала Башҡортостан башлығы Радий Хәбиров Төркиәнең Рәсәйҙәге ғәҙәттән тыш һәм тулы хоҡуҡлы вәкиле Мехмет Самсар менән осрашыуҙа белдерҙе. Республикалар тығыҙ хеҙмәттәшлек итә, әммә ике яҡ та был бәйләнеште тағы ла нығытырға кәрәк, тигән фекерҙә. Әлеге мәлдә Башҡортостан менән Төркиә...

24 января 2020
Смотреть видео Төҙөп бөтөргә ярамай емерергә... | ГТРК «Башкортостан»

Төҙөп бөтөргә ярамай емерергә...

“Автомобилист” баҡса йорто ҡасабаһында йәшәүселәргә йортһоҙ тороп ҡалыу ҡурҡынысы янай. Асыҡланыуынса, милекселәрҙең ер бүлемдәре ауыл хужалығы ихтыяжы өсөн тәғәйенләнгән. Урындағы халыҡ өй һатып алғанда бөтә документтар ҙа теүәл ине, тип билдәләй.  Купцовтар ғаиләһе йәшәгән йорттоң икенсе...

23 января 2020
Смотреть видео Ауыл медицинаһы | ГТРК «Башкортостан»

Ауыл медицинаһы

Бөтә Рәсәй халыҡ фронты вәкилдәре ил Президенты ҡушыуы буйынса ауыл медицинаһы торошона етди иғтибар итәсәк. Республика был йәһәттән эҙмә-эҙлекле эш бара, быйыл 90 фельдшер-акушерлыҡ пункты төҙөләсәк. Ауыл кешеләре хәҙер ашығыс медицина ярҙамы машинаһын үҙҙәре саҡыра, ә фельдшер-акушер пункттары...

23 января 2020
Смотреть видео Башҡортостанда Милли проекттарҙы бойомға ашырыу барышы Бөтә Рәсәй халыҡ фронты активының республика башҡарма власы вәкилдәре менән осрашыуында тикшерелде | ГТРК «Башкортостан»

Башҡортостанда Милли проекттарҙы бойомға ашырыу барышы Бөтә Рәсәй халыҡ фронты активының республика башҡарма власы вәкилдәре менән осрашыуында тикшерелде

 Беренсе вице-премьер Илшат Тажитдинов белдереүенсә, 2019 йылда проекттарға йүнәлтелгән сығымдарҙың 91,6 проценты үҙләштерелгән. Башҡортостанда 50 мәжбүри, 8 инициативалы проект бойомға ашырыла. Маҡсатҡа ярашлы күрһәткестәргә өлгәшеү даими күҙәтеү аҫтында. Был эштә Бөтә Рәсәй халыҡ фронтының...

23 января 2020
Смотреть видео Көйөргәҙелә ике айҙан яңы бассейн файҙаланыуға ташырыласаҡ, мәҙәниәт йорто биләмәһе йәйгә яңы төҫ алырға тейеш, ә Бөгөлсәндә мәктәпкә капиталь ремонт хәл ителде | ГТРК «Башкортостан»

Көйөргәҙелә ике айҙан яңы бассейн файҙаланыуға ташырыласаҡ, мәҙәниәт йорто биләмәһе йәйгә яңы төҫ алырға тейеш, ә Бөгөлсәндә мәктәпкә капиталь ремонт хәл ителде

 Радий Хәбиров эш сәфәре менән Көйөргәҙе районы һәм Күмертау ҡалаһында булды. Тулыраҡ беҙҙең хәбәрселәр әҙерләгән яҙмала. 175 урынға иҫәпләнгән Бөгөлсән ауылы мәктәбе 1968 йылда төҙөлгән. 50 йыл эсендә белем усағы бер тапҡыр ҙа капиталь ремонт күрмәгән. Даими ремонтты коллектив йыл да үҙ...

23 января 2020
Яндекс.Метрика