Иғтибар үҙәгендә Бүздәк һәм Илеш райондарының социаль-иҡтисади үҫеше

Башҡортостан ит компанияһы Бүздәктә сусҡасылыҡ тармағында селекция-генетика үҙәге эшен яйға һала. Таврос компаниялары төркөмөндә эшләгән комплекстың эшмәкәрлеге менән Радий Хәбиров танышты. Республика башлығы эш сәфәре менән Бүздәк һәм Илеш райондарында булды. Башҡортостан ит компанияһының тоҡомсолоҡ үҙәге 166 гектарҙа урынлашҡан ике ҙур комплекстан тора. Әле бында Дания тоҡомло 5400 баш инә сусҡа аҫрала. Селекция-генетика үҙәге Европала иң эреләрҙән һанала. Мал тотоу шарттары монитор аша күҙәтелә.Комплекста өс төр тоҡомло сусҡа ҡауыштырыла. Артабан мал Рәсәй тауар фермаларына оҙатыла һәм сит илгә һатыла.

Үҙәктә йылына 20 мең баш тоҡомло сусҡа малы аҫрау ҡарала. Тәүге иң ҙур партия Тамбов өлкәһенә оҙатырға әҙерләнә. Компанияның Благовар һәм Шишмә райондарында өс сусҡасылыҡ комплексы эшләй. Таврос төркөмө төбәктә сусҡа малы иҫәбен бер миллион башҡа еткерергә ниәтләй. Әлеге ваҡытта Бәләбәй районында ит эшкәртеү комплексын төҙөү проекты әҙерләнә. Мал аҙығы ҡатнашмалар етештереүҙә республика предприятелары әүҙем ҡатнаша.Тирә-яҡ мөхиткә зыян килтермәҫ, эргәлә йәшәгән халыҡты яман еҫ менән ялҡытмаҫ өсөн махсус ҡоролма урынлаштырыу мәсьәләһе хәл ителә. Ул шыйыҡ ҡалдыҡтарҙы эшкәртеп ергә ашлама итеп һалыуға  иҫәпләнгән. Башҡортостан тауары тигән танытыу билдәһенә Бүздәк теплица комплексы йәшелсәһе лә лайыҡ. Крәҫтиән-фермер хужалығының теплицалары 9 гектар майҙанды биләй. Инвестициялар күләме миллиаррд ярым һум.

Республика башлығының эш сәфәре артабан Бүздәк район дауаханаһында дауам итте. Дауалау учреждениеһының өс ҡатлы дауалау бинаһын капиталь төҙөкләндереү декабрь айында тамамланасаҡ. Баш табиб Айрат Хажиев белдереүенсә, дауаханала йәнә лифт ҡаралған йылы үткәүел төҙөлөшө талап ителә. Проект әҙер, тик финанслау мәсьәләһе асыҡ ҡала. Дауалау учреждениеһы шулай уҡ 20 миллион һум торған күсмә маммографҡа мохтаж.Район хакимиәте башлығы Азат Арыҫланов төбәктә студент-медиктарҙы маҡсатлы уҡытыуға түләү проблемаһы тураһында белдерә. Муниципалитет аҡсаһын студент уҡытыуға тотоу маҡсатҡа яраҡһыҙ, тип баһалана. Радий Хәбиров был мәсьәләне ентекле тикшерергә кәрәк, тип белдерҙе. Районға кадрҙар йәлеп итеү эше ыңғай ойошторолған. Был йәһәттән федераль һәм республика программалары бойомға ашырыла, белгестәргә фатир һәм ер участкалары бүленә.

Республика башлығы поликлиника хеҙмәткәрҙәре менән аралашты, инфомат эше менән танышты, табиптарҙа яҙылыу тәртибе менән ҡыҙыҡһынды.Бүздәк металл прокатлау заводын Радий Хәбиров Инвестиция сәғәтенең сираттағы ултырышына саҡырҙы. Ҡорос арматура етештереүсе предприятие ике йыл элек асылған.  Ул элекке район ауыл хужалығы техникаһы идаралығы биналарында урынлашҡан, ҡоролма-йыһаздар Ирандан һатып алынған. Тәү инвестиция иғәнәләре 100 миллион һум. Тауар етештереүгә 366 миллион һум инвестиция йәлеп итергә ниәтләгән консерва комбинаты ла яңыртыуҙан һуң томат соусы , паста һәм майонез етештереү күләмдәрен ике ярым процентҡа арттырырға йыйына.  Төштән һуң Республика башлығы эш сәфәрен Илеш районында дауам итте. Радий Хәбиров Ҡарабаш ауылында Спорт-мәҙәни үҙәгеэшмәкәрлеге менән танышты, урындағы халыҡ менән аралашты, Үрге Йәркәйҙә Муса Гәрәевтың музейын, райондың ауыл хужалығы предприятиелары, социаль объекттарындағы эштәр торошо менән ҡыҙыҡһынды.

Подпишитесь на нас в Instagram


һУҢҒЫ ХӘБӘРҘӘР

Смотреть видео Ауыл тренеры | ГТРК «Башкортостан»

Ауыл тренеры

Башҡортостанда “Ауыл тренеры” программаһы эшләй башланы. Республика етәксеһе Радий Хәбиров белдереүенсә, спорттың 11 төрө буйынса 15 кеше билдәләнгән.  Шулай итеп, спорт көрәше, бокс, көрәш, хоккей, биатлон, ауыр һәм еңел атлетика, йәйәнән атыу, каратэ, спорт ориентиры, тай боксы буйынса...

13 августа 2020
Смотреть видео Батша балығы – Башҡортостан йылғаларында | ГТРК «Башкортостан»

Батша балығы – Башҡортостан йылғаларында

 Республикала тәүгеләрҙән булып асылған бағыр фермаһы уңышлы эшләп килә. Донъяла иң ҡиммәтле балыҡтарҙың бер төрөн – бағырҙы Салауат районындағы Ләүзә йылғаһында төҙөлгән бассейндарҙа үрсетәләр. Бағырҙы йыш ҡына “батша балығы” тип йөрөтәләр. Бөтә донъяла иң ҡиммәтле балыҡтарҙың был төрөн...

13 августа 2020
Смотреть видео Альтаир һауаға күтәрелде | ГТРК «Башкортостан»

Альтаир һауаға күтәрелде

Тәүге тапҡыр. ,,Первушино,, аэродромында яңы самолет менән таныштырыу сараһы үтте. Яңы ғына файҙаланыуға тапшырылған самолетта осорға йыйынабыҙ. Ул ике кешегә иҫәпләнгән. Ерҙән 2000 метрға күтәрелә ала һәм сәғәтенә 150 км юл үтә.,,Альтаир,, тип исемләнгән самолет ғәрәп теленән тәржемә иткәндә –...

13 августа 2020
Смотреть видео Баланы мәктәпкә әҙерләү күпмегә төшә? | ГТРК «Башкортостан»

Баланы мәктәпкә әҙерләү күпмегә төшә?

 Ата-әсәләр, әлбиттә, балаларын мәктәпкә әҙерләй башланы.Беренсе класҡа әҙерлек иң тәүҙә костюмдан башлана. Был Артемдың тәүге классик кейеме – пиджак, салбар, күлдәк, галстук – һәр береһен кейеп ҡарарға тура килә. Килешле костюмдың  еңе лә, балағы ла әҙерәк оҙонораҡ булыуы шарт, ни тиһәң...

13 августа 2020
Смотреть видео Мәктәптәрҙә санитар талаптар | ГТРК «Башкортостан»

Мәктәптәрҙә санитар талаптар

Республиканың мәғариф министрлығы 1 сентябрь-Белем көнөнә бәйле асыҡлыҡ индерҙе.Коронавирусҡа бәйле хәл тотороҡло ҡалһа, балалар мотлаҡ мәктәптәргә барасаҡ. Хәл үҙгәрә  икән, өлкәндәрҙең һәм балаларҙың һаулығын һәм именлеген һаҡлау маҡсатында башҡа ҡарар ҡабул ителәсәк, тип хәбәр иттеләр...

13 августа 2020
Смотреть видео Башҡортостанда Ковид-19 сирен йоҡтороусылар 7 мең 127-гә етте | ГТРК «Башкортостан»

Башҡортостанда Ковид-19 сирен йоҡтороусылар 7 мең 127-гә етте

5 мең 424 кеше һауығып сыҡҡан.  Пандемия башланғандан алып коронавирустан 25 кеше һәләк булған. Белгестәр тағы ауырыуҙан һаҡланыу өсөн битлектәр кейеү кәрәклеге тураһында иҫкәртә. Башҡортостанда әле коронавирус менән симптомһыҙ һәм еңел формала ауырыу осраҡтарының артыуы күҙәтелә. Был турала...

13 августа 2020
Смотреть видео Луиза Хәйруллина суд алдында яуап тота  | ГТРК «Башкортостан»

Луиза Хәйруллина суд алдында яуап тота

Банктан 23 миллион һум аҡса урлаусы Луиза  Хәйруллина  эше буйынса суд ултырышы башланды.  Ултырыштар залына уның ире лә килтерелде. Тап уның уйын ҡомарына бирелеп, ҡатынын аҡса урлауға этәреүе ихтимал.

13 августа 2020
Мәктәптә коронавирусҡа ҡаршы яңы алымдар индерелә | ГТРК «Башкортостан»

Мәктәптә коронавирусҡа ҡаршы яңы алымдар индерелә

Төбәктә коронавирус менән бәйле хәл үҙгәрешһеҙ ҡалһа өс аҙнанан урта белем биреү йорттары уҡыусыларҙы ҡабул итергә әҙерләнә. Мәскәүҙә үткән “Рәсәй именлеге нигеҙе – милләт сәләмәтлеге” Бөтә Рәсәй форумында Башҡортостан Хөкүмәте рәйесенең беренсе урынбаҫары Андрей Назаров “Төбәк уҡыу йорттарында...

12 августа 2020
Көндәр һыуыта | ГТРК «Башкортостан»

Көндәр һыуыта

Башҡортостанда киләһе төндә һалҡынайта. Таулы райондарҙа һауа температураһының ике градус йылыға ҡалыуы ихтимал. Гидрометеорология һәм тирә-яҡ мөхитте күҙәтеү үҙәгенең Башҡортостан идаралығы белгестәре республика райондарында төндә һауа температураһының тик 7-12 градус йылы булырын күҙаллай. 13...

12 августа 2020
“Ауыл тренеры” старт ала | ГТРК «Башкортостан»

“Ауыл тренеры” старт ала

“Ауыл тренеры” программаһы сиктәрендә быйыл спорттың 11 төрө буйынса күнегеүҙәр биргән тәүге 15 кеше 600 мең һум күләмендәге аҡсалата ярҙам аласаҡ. Был хаҡта Республика башлығы Радий Хәбиров социаль селтәрҙәге сәхифәһендә белдерҙе. Дәүләт ярҙамына лайыҡ беренсе ауыл тренерҙары Архангел, Бәләбәй,...

12 августа 2020