9 декабрь Рәсәйҙә – Ватан Геройҙары көнө

Революцияға тиклем Георгий кавалерҙары байрамы булараҡ билдәле дата яңы тарихта яңыса атама алһа ла эстәлеге үҙгәрешһеҙ – ысын батырҙарға дан һәм хөрмәт өлгөһө. Советтар Союзы геройы исемен йөрөткән ҡаһармандар һаны буйынса беренселәр рәтендә торған Башҡортостанда тантаналы сараларҙа Рәсәй Президентының Волга буйы федераль округындағы тулы хоҡуҡлы вәкиле Игорь Комаров та ҡатнашты.

Батырҙарҙың ҡаһарманлығы байрам көндәрендә генә түгел, мәңге хәтерҙә. Башҡаланың 39-сы гимназияһы уҡыусылары был хәҡиҡәтте яҡшы аңлай. Тарих дәрестәре, мәктәп музейы һәм данлыҡлы яҡташтар менән осрашыуҙар аша.

Рәсәй геройҙары көнө уңайынан гимназия коллективы Пермь СОБР-ы командиры, полковник Сергей Яшкинды осрашыуға саҡырҙы. 2013 йылда ул ил президенты ҡулынан Рәсәй Федерацияһы геройы алтын йондоҙон алды. Хәрби бурысын үтәгәндә күрһәткән ҡыйыулығы һәм батырлығы өсөн.

Йома көн башҡала мәктәптәренең күбеһендә ошондай батырлыҡ сәғәттәре ойошторолдо. Илһөйәрлек дәрестәре Ватанға тоғролоҡ тойғоһон тәрбиәләр өсөн мөһим. Батырҙар Волга буйы федераль округы кадеттарының Башҡортостан корпусы курсанттары менән дә осрашты, Өфө буйлап сәйәхәт ҡылды, башҡаланың иҫтәлекеле урындарында„“Рәсәй – минең тарихым” паркында булды.

Башҡортостан Рәсәй геройҙары көнө уңайынан тотош Волга буйы федераль округ күләмендәге тантаналарҙы ҡабул ите. Улар Өфөләге Еңеү паркында батырҙар аллеяһынан башланды.

Рәсәй Президентының Волга буйы федераль округындағы тулы хоҡуҡлы вәкиле Игорь Комаров, Башҡортостан Республикаһы башлығы Радий Хәбиров Советтар Союзы геройҙары Александр Матросов менән Миңлеғәле Ғөбәйҙуллин һәйкәленә сәскәләр һалды. Сарала ҡатнашыусылар яу яланынан ҡайтмаған Ватан һаҡсыларын бер минут тын ҡалып иҫкә алды.

Өфөләге байрам тантаналарына Волга буйы төбәктәрендә йәшәгән 18 Советтар Союзы, Рәсәй, Социалистик хеҙмәт геройҙары, геройҙарҙың ғаилә ағзалары, балалары, барыһы йөҙгә яҡын кеше  саҡырылғайны. Владимир Косарев менән Сергей Пантелеев – Киров өлкәһенән. Башҡортостан тәбиғәте, Өфөнөң  гүзәллегенә һоҡланыуын йәшермәйҙәр. Бөйөк Ватан һуғышы яуҙарында батырлыҡ күрһәткән өсөн Дан орденына лайыҡ атайҙары иҫтәлеген тоғро һаҡлайҙар.

Байрамдың тантаналы өлөшө “Торатау” Конгресс-Холында дауам итте. Бында Бөйөк Ватан һуғышы яу яландарында табылған әйберҙәр, эҙәрмән отрядтары асыҡлаған ҡиммәтле мәғлүмәттәр күргәҙмәгә ҡуйылған. Яңыраҡ эҙәрмәндәр Луганск өлкәһенән ҡайтҡан. Тап шул яҡтарҙа барған ҡыҙыу алыштарҙа генерал Шайморатов һәләк булған.

Игорь Комаров һәм Радий Хәбиров Волга буйы округы төбәктәренең “Ватан геройҙары портреттары” күргәҙмәһен дә ҡараны.   Тантаналы концертта иһә Ватан именлеге хаҡына ғүмерен йәлләмәгән батырҙарҙың әсәләрен хөрмәтләү йолаһы атҡарылды. Һәм “Ватан геройҙары” округ йәмәғәт проекты конкурстарында еңеүселәргә бүләктәр тапшырылды. Ватан һаҡсылары иҫтәлеген мәңгеләштереү эшмәкәрлеге буйынса Башҡортостан Республикаһы беренсе урынға сыҡты.

“Ватан геройҙары” проекты һәләк булған яугиҙәрҙең исемдәрен асыҡлау һәм мәңгеләштереү буйынса әүҙем эш алып барыуға йүнәлтелгән. Бөгөнгә хәбәрһеҙ юғалғандарҙың өс меңдән ашыуының исеме билдәле.

Игорь Комаров менән Радий Хәбиров Өфөлә Межгорьеның “Пауза” студияһында шөғөлләнгән уҡыусылар менән дә осрашты.  Балалар “Театраль Волга буйы” проектында еңеүгә өлгәшкән.

“Театраль Волга буйы” бәйгеһе быйыл март айында старт алғайны. Рәсәйҙә театр йылы иғлан итеү уңайынан уға Президенттың Волга буйы федераль округындағы тулы хоҡуҡлы вәкиле башланғыс һалды. Игорь Комаров еңеүселәрҙе 16 декабрҙә Түбәнге Новгородта үтәсәк бүләкләү тантанаһына саҡырҙы.

 

 

Подпишитесь на нас в ВКонтакте


һУҢҒЫ ХӘБӘРҘӘР

Башҡортостан еләк-емеш баҡсаһы | ГТРК «Башкортостан»

Башҡортостан еләк-емеш баҡсаһы

“Столыпино” агрокомплексы биләмәһендә Рәсәйҙә иң ҙур еләк баҡсаһы барлыҡҡа килеүе ихтимал. Хужалыҡ илдең алдынғы селекция институттары һәм Рәсәй предприятиелары менән хеҙмәттәшлек тураһында лицензион килешеүҙәр төҙөүгә өлгәшкән. Был турала Республика башлығы Радий Хәбировтың Кушнаренко районына эш...

3 июля 2020
Изгелек бумерангы | ГТРК «Башкортостан»

Изгелек бумерангы

Ғаилә аҙнаһы уңайынан  Башҡортостанда “Изгелек бумерангы” акцияһы иғлан ителә. Республиканың төрлө ҡала райондарында 6 июлдән 31-нә тиклем мохтаж ғаиләләр өсөн бала кәрәк-яраҡтары, кейем-һалым, уйынсыҡ, мебель, коляска, велосипед кеүек алмаш ҡулланышлы әйберҙәр ҡабул ителә. Улар өр-яңы ла,...

3 июля 2020
Такси бушлай | ГТРК «Башкортостан»

Такси бушлай

Өфөлә социаль такси эшләй башланы.  «Deafмобиль» хеҙмәтен физик мөмкинлеге сикләнгән балалар, уларҙы оҙатып йөрөүселәр, беренсе группа инвалидтары айына биш тапҡыр бушлай файҙалана ала. Водителдәр сәғәт иртәнге етенән киске унға тиклем ял һәм тәнәфесһеҙ эшләй. Пассажирға таксиға ултырыр...

3 июля 2020
Смотреть видео Боден күле өҫтөндәге авиафажиғәгә 18 йыл | ГТРК «Башкортостан»

Боден күле өҫтөндәге авиафажиғәгә 18 йыл

2002 йылдың 2-се июленә ҡарай төндә Башҡортостандан Испанияға ялға осҡан балалар самолеты Германия биләмәһендә һәләкәткә осрай. Авиадиспетчер хатаһы арҡаһында Башҡортостан һауа юлдарының ТУ-154М самолеты һәм «Боинг 757» йөк самолеты бәрелешә. Фажиғәлә 71 кеше, шул иҫәптән 52 баланың ғүмере өҙөлә....

3 июля 2020
Смотреть видео Башҡортостанда Рәсәйҙәге тәүге аграр аҙыҡ-түлек кластеры төҙөлә | ГТРК «Башкортостан»

Башҡортостанда Рәсәйҙәге тәүге аграр аҙыҡ-түлек кластеры төҙөлә

Был ҡарар республика хөкүмәтендә Радий Хәбиров онлайн-кәңәшмә тәртибендә үткәргән “Ауыл сәғәтендә”  ҡабул ителде. Беҙ аграр төбәктә йәшәйбеҙ, халыҡҡа Башҡортостанда етештерелгән тауар һатып алыу мөмкинлеге кәрәк, тине республика башлығы. Радий Хәбиров ауыл хужалығы министрлығы менән сауҙа һәм...

3 июля 2020
Смотреть видео Хаҡтар арта | ГТРК «Башкортостан»

Хаҡтар арта

1-се июлдән үҙгәрештәр ғәмәлгә инде. Бигерәк тә ул пенсионерҙар, студенттар, водителдәр, үҙмәшғүллек менән булышҡандар һәм инвалидтарға ҡағыла. Ә иң ҙур ярҙамдарҙың береһен 16 йәшкә тиклемге балаһы булған ғаиләләр көтә. Улар 10 мең һум күләмендә бер тапҡыр бирелә торған түләү ала. Бер бүлмәле...

3 июля 2020
Смотреть видео Үҙгәрештәр хупланды | ГТРК «Башкортостан»

Үҙгәрештәр хупланды

Илдә Конституцияға үҙгәрештәр индереү буйынса тауыш биреүгә яҡынса йомғаҡ яһалды. Рәсәй халҡы Президент Владимир Путин тәҡдим иткән төҙәтмәләргә ыңғай яуап бирҙе. Башҡортостанда ла электораттың 89 процентҡа яҡыны үҙгәрештәрҙе хуплаған. Ил киләсәге ил граждандары ҡулында. Рәсәй Конституцияһына...

3 июля 2020
Мәктәпкә әҙерләнергә ярҙам | ГТРК «Башкортостан»

Мәктәпкә әҙерләнергә ярҙам

Башҡортостанда “Мәктәпкә әҙерләнергә ярҙам ит” хәйриә акцияһы иғлан ителде. Республиканың ғаилә, хеҙмәт һәм халыҡты социаль яҡлау министрлығы был сараны быйыл 10-сы тапҡыр ойоштора. Ғәҙәттә акция 1 июлдән 31 августҡа тиклем дауам итә. Уның маҡсаты – киҫкен хәлдә ҡалған ғаиләләргә балаларын яңы уҡыу...

2 июля 2020
Помидор татлы булһын өсөн  | ГТРК «Башкортостан»

Помидор татлы булһын өсөн

Ҡайһы саҡта помодорҙың уңышы мул, ә емеше тәмһеҙ була. Был күренеш тик сортҡа бәйләнмәгән. Был үҫемлек калий һәм фосфорға мохтаж.  Тәжрибәле баҡсасылар томатҡа татлы тәм бирер өсөн махсус  ашлама ҡуллана. Уның нигеҙендә ... банан ҡабығы. Банан кеше генә түгел, баҡса үҫентеләре өсөн дә бай...

2 июля 2020
«Башҡорт теле йылы» проекты 3 млн һумлыҡ грант алды | ГТРК «Башкортостан»

«Башҡорт теле йылы» проекты 3 млн һумлыҡ грант алды

«Башҡорт теле йылы» проектын тормошҡа ашырыуҙа Башҡортостандың гражданлыҡ йәмғиәтенә булышлыҡ итеү фонды ярҙам итә. Иҫегеҙгә төшөрәбеҙ, проект Башҡортостан Башлығының республикабыҙ халыҡтары телдәрен һаҡлауға һәм үҫтереүгә тәғәйенләнгән грантына лайыҡ булды. Бөгөн Башҡортостандың гражданлыҡ...

2 июля 2020
Яндекс.Метрика