Башҡортостан саҡыра

Республика инвестициялар күләме буйынса Рәсәйҙә алдынғы урынға сығырға тейеш. Бының өсөн Башҡортостандың мөмкинлектәре байтаҡ. Был йәһәттән быйыл төбәктә байтаҡ эштәр атҡарылды. Әммә, артабан беҙ тағы ла яҡшыраҡ күрһәткестәргә ирешергә тейешбеҙ. Ошо турала Башҡортостан саҡыра форумында республика етәкселеге белдерҙе. Хәбәрсе. Башҡортостан саҡыра форумының маҡсаты – йылға йомғаҡ яһап республикала эшләгән һәм беҙгә килергә йыйынған инвесторҙар менән уртаҡ бурыстарҙы билдәләү. Бында 500-гә ашыу ҡатнашыусы саҡырылды, уларҙың 300 эре компаниялар ине.

Республикала инвесторҙарға ҙур мөмкинлектәр булдырыла. Мәҫәлән, Рәсәй хөкүмәте менән төбәктә өс айырым иҡтисади зона асыу тураһында килешелде. Уларҙа инвестициялар йәлеп итеүселәргә уңайлы шарттар тыуҙырыла. “Башҡортостан саҡыра” форумы самолет бортын хәтерләтә. Йәғни, билдәле эшҡыуарҙар республика менән танышыу өсөн бортҡа ултырҙы. Башҡортостан башлығы Радий Хәбиров уларҙың унауһы менән шәхсән осрашты. Һәр бер залда айырым темалар буйынса түңәрәк өҫтәлдәр ойошторолдо. Форумдың үҙенсәлеге шунда — инвесторҙар аныҡ тәҡдимдәр менән килде һәм ошонда уҡ килешеүҙәргә ҡул ҡуйылды. Ҡул ҡуйылған килешеүҙәрҙең береһенә ярашлы, Салауат катализатор заводы нигеҙендә яңы ҡоролма төҙөләсәк. Ул силикагель онтағын етештереү менән шөғөлләнәсәк.

Проекттың ҡеүәте – йылына 2 мең тонна сығарыу. Тағы мөһим контракттарҙың береһе-углерод газын эшкәртеү буйынса ҡоролма төҙөү. Проект быға тиклем инвестиция сәғәтендә ҡаралғайны. Әле инвесторға аукционһыҙ ер бүлеү мәсьәләһе хәл ителә. Форумда республика һәм Рәсәй төбәктәре ведомстволары араһында ла хеҙмәттәшлек тураһында килешелде. Башҡортостандың ауыл хужалығы инвестициялар йәлеп итеү буйынса рекордттар ҡуя. Ике йыл элек республиканың көнъяғына ҙур инвестор инеп, ике малсылыҡ комплексын төҙөкләндерҙе һәм тиңе булмаған яһалма һуғарыу системаһын төҙөттө. Артабан да улар Башҡортостандың төнъяғына сығып, ҙур проекттар өҫтөндә эшләргә йыйына. Уларҙың тәҡдимдәре республика етәкселегендә яҡлау тапты.

Форумда Бизнесҡа ярҙам инфраструктураһы, индустриаль паркттар, иҡтисади зоналар, үҫеш институттары тигән йүнәлештәр билдәләнде. Уларҙа Республика эшҡыуарҙары ла ҡатнашып, үҙҙәренең фекерҙәре менән бүлеште, коллегаларының тәжрибәһен өйрәнде.Башҡортостан хөкүмәте инвесторҙар йәлеп итеү буйынса ҙур эш алып бара. Ыңғай һөҙөмтәләр бар. Быйыл республика иҡтисадына инвестициялар 15 процентҡа етте. Быға тиклем ундай күрһәткестәр теркәлмәне. Шуныһы ла мөһим – Башҡортостан беренсе тапҡыр Форбс журналына ингән алдынғы эшҡыуарҙарҙы ҡабул итте. Исемлектә иң алдынғы бизнес вәкилдәре бар. Улар ҙа хәҙер республика тураһында хәбәрҙар һәм ҙур ҡыҙыҡһыныу белдерә.Беренсе инвестиция форумына Владимир Познер саҡырылды.

Билдәле алып барыусы сараның пленар өлөшөндә модератор булды. Унда төбәктең һөҙөмтәле инвестиция сәйәсәтен булдырыу мәсьәләһе ҡаралды. Шуға күрә, форумдың төп өлөшө “Башҡортостан – инвестициялар өсөн уңайлы төбәк” девизы менән үтте.  “Башҡортостан саҡыра” форумы юғары кимәлдә үтте тип ышаныслы әйтергә мөмкин. Быны республиканан, Рәсәй төбәктәренән һәм сит илдән килгән инвесторҙар ҙа билдәләй. Башҡортостан саҡыра форумы республикаға инвесторҙарҙың ҡыҙыҡһыныуын арттырыу, Рәсәйҙең һәм сит ил партнерҙары менән эшлекле бәйләнештәрҙе нығытыу маҡсатында ойошторолдо. Сара йыл һайын уҙғарылып, йолаға әйләнеп китәсәк, тип көтөлә.

 

Подпишитесь на нас в Instagram

һУҢҒЫ ХӘБӘРҘӘР

Смотреть видео «Беҙ бергә!» концерт-марафонды | ГТРК «Башкортостан»

«Беҙ бергә!» концерт-марафонды

Мәҙәниәт хеҙмәткәрҙәре көнөн Башҡорт дәүләт филармонияһы артистары ҙур концерт менән билдәләне. «Беҙ бергә!», тип аталған концерт-марафонды тамашасы « Башҡортостан-24 » каналы аша тура эфирҙа ҡараны. Тамашасы күренмәй, алҡыштар ишетелмәй! Тәү ҡарашҡа был репетиция кеүек. Әммә сағыу костюмдарҙа,...

27 марта 2020
Смотреть видео Онлайн-дәрестәр | ГТРК «Башкортостан»

Онлайн-дәрестәр

Республикала карантин башланыу сәбәпле, хәҙер балалар менән берлектә ололарға ла өйҙәрендә ултырырға тура килә. Ваҡытты файҙалы үткәреү өсөн күптәр интернет аша онлайн-дәрестәргә яҙыла. Берәүҙәр телефон йә иһә компьютер аша  китап уҡыһа, икенселәре иһә бейеү хәрәкәттәрен үҙләштерә. Интернет...

27 марта 2020
Смотреть видео Йөрәккә хәүефһеҙ операция | ГТРК «Башкортостан»

Йөрәккә хәүефһеҙ операция

 Башҡортостанда беренсе тапҡыр аорта кәмселеге менән пациенттарға йөйһөҙ биоклапан ҡуйылды. Айырыуса өлкән йәштәгеләр өсөн бындай алым ҡулайлы. Мәскәү кардиохирургы БДМУ клиникаһы белгестәре менән тәжрибә уртаҡлашты.. Яңы клапанды пациент йөрәгенә ҡуйыр алдынан  Мәскәү хирургы Вадим...

27 марта 2020
Смотреть видео Остеопороз һәм остеортрит буйынса төбәк-ара конференция | ГТРК «Башкортостан»

Остеопороз һәм остеортрит буйынса төбәк-ара конференция

Коронавирус сәбәпле “Остеопороз һәм остеортрит буйынса төбәк-ара конференция” ла онлайн режимда үтте. Мәскәү, Санкт-Петербург, Екатеринбург ҡалаларынан һәм күрше төбәктәрҙән профессорҙар, медицина эшмәкәрҙәре видео аша республика табиптарына лекция уҡыны. Остеопороз һәм остеортрит сирҙәре өлкәндәр...

27 марта 2020
Смотреть видео Коронавирус сәбәпле бөтә донъяла тиерлек карантин иғлан ителгән | ГТРК «Башкортостан»

Коронавирус сәбәпле бөтә донъяла тиерлек карантин иғлан ителгән

Эпидемия киң таралған сит илдәрҙә йәшәүсе милләттәршәтеребеҙ әйтеүенсә, халыҡ үҙҙәрен тыныс тота, аҙыҡ-түлеккә ҡытлыҡ юҡ. Әммә магазиндарға бер-нисә кешене генә индерәләр, шуға сираттар барлыҡҡа килә, ти улар. Хәл киҫкен булған Италияла барыһы ла карантинда ултыра. Тышҡа аҙыҡ-түлек, йәки дарыуҙар...

27 марта 2020
Смотреть видео Коронавирусҡа бәйле һорауҙар буйынса колл-үҙәк эшләй | ГТРК «Башкортостан»

Коронавирусҡа бәйле һорауҙар буйынса колл-үҙәк эшләй

Иҫегеҙгә төшөрәбеҙ, Башҡортостанда Коронавирусҡа бәйле һорауҙар буйынса колл-үҙәккә шылтыратырға мөмкин. Бында сиргә бәйле бар мәғлүмәт туплана, республикалағы хәлде лә күҙәтеп баралар. Берҙәм диспетчер хеҙмәтенә мөрәжәғәт итеүселәр көндән көн арта. Тәүлек әйләнәһенә 12 пост бөтә шылтыратыуҙарға...

27 марта 2020
Смотреть видео Башҡортостанда карантин | ГТРК «Башкортостан»

Башҡортостанда карантин

Башҡаланың алты дауаханаһы инфекцион госпиталь ойоштороу ҡағиҙәләре буйынса дәрәжәһен үҙгәртә. Республика хөкүмәте коронавирус инфекцияһы таралыуҙы иҫкәртеүҙең өҫтәмә сараларын видео бәйләнеш кәңәшмәһендә барланы. Йоғошло сиргә юғары кимәлдәге әҙерлек тәртибе тураһындағы Указға бөгөн йәнә яңылыҡтар...

27 марта 2020
Смотреть видео Яҙ нимә сәсһәң, көҙөн шуны урырһың | ГТРК «Башкортостан»

Яҙ нимә сәсһәң, көҙөн шуны урырһың

Март айының икенсе яртыһы - баҡсасылар өсөн ҡыҙыу мәл. Ҡыяр, томат, татлы борос үҫентеләре ултыртылған да инде. Туғыҙынсы тиҫтәһен ҡыуған Анатолий Ивановичтың һәр иртәһе үҫемлектәрен тәрбиәләүҙән, улар менән һөйләшеүҙән башлана. Улар бала кеүек, кәрәкле иғтибар булмағанда, бирешеп баралар, ти...

26 марта 2020
Смотреть видео Йөрәк кәмселеген юҡ итеү | ГТРК «Башкортостан»

Йөрәк кәмселеген юҡ итеү

Республика кардиология үҙәгендә кардиохирургтар махсус ҡоролма ярҙамында йөрәккә операция эшләне. Был ҡоролманы Италия белгесе уйлап тапҡан. Эустахио  Онорато  урындағы хирургтар менән видеобәйләнешкә сығып, тәжрибәһе менән уртаҡлашты. Операция өҫтәлендә 58 йәшлек ир. Ул йөрәк кәмселеге...

26 марта 2020
Смотреть видео Короновирус инфекцияһы өлкән йәштәгеләр өсөн айырыуса ҡурҡыныс | ГТРК «Башкортостан»

Короновирус инфекцияһы өлкән йәштәгеләр өсөн айырыуса ҡурҡыныс

Шуға ла үҙҙәрен изоляциялаған пенсионерҙарға волонтерҙар ярҙамға ашыға. Аҙыҡ-түлек, дарыуҙар һәм башҡа кәрәк-яраҡты йорттарына алып килә. Кемгә аҙыҡ-түлек, кемгә дарыу йә уны алыу өсөн рецепт кәрәк. Студент-ирекмәндәр өлкән йәштәгеләрҙең һәр үтенесен иғтибар менән тыңлап ярҙам итергә тырыша. Нм...

26 марта 2020
Яндекс.Метрика