Өфөлә Шорт-трек үҙәге асылды

Өфөлә “Төҙөүсе” стадионы янында тантаналы рәүештә Шорт-трек үҙәге асылды. Был спорт төрө менән мауығыусылар хәҙер яңы, иркен, матур боҙ һарайында шөғөлләнә ала. Киләсәктә халыҡ-ара һәм Рәсәй ярыштарында ҡатнашырға бурыс ҡуйған йәш спортсылар. Үҙәктә тағы ниндәй уңайлыҡтар бар? Аҙнаһына алты көн, ә көнөнә өсөшәр сәғәт…Уҡыусыларҙың  буш ваҡыты юҡ тиерлек, мәктәп программаһынан һуң, улар шорт-трек менән шөғөлләнә. Йәш спортсыларҙың күбеһе элек Шаҡша ҡасабаһында урынлашҡан спорт мәктәбенә йөрөгән.

Ә хәҙер иһә уларға йыраҡ барырға кәрәкмәй. “Төҙөүсе” стадионы янында Шорт-трек үҙәгенең асылыуын күптәр көткән. Спорт обьекты республиканың 100 йыллығына федераль һәм төбәк бюджеттары иҫәбенә төҙөлгән. Үҙәкте тантаналы асырға Башҡортостан Республикаһы Хөкүмәте Премьер-министрының беренсе урынбаҫары  Андрей Назаров, Өфө ҡалаһы ҡала округы хакимиәте башлығы Өлфәт Мостафин һәм башҡа ҡунаҡтар килде.Ҡотлау һүҙҙәренән һуң, мәктәп уҡыусылары боҙҙа бер нисә күнегеү күрһәтте. Тантана концерт номерҙары менән үрелеп барҙы. Шорт-трек үҙәген төҙөү эштәре 2012 йылда уҡ башланып, бер нисә тапҡыр туҡтатылған. Үҙәкте тергеҙеү эштәре бер йыл элек башланған.Ике ҡатлы комплекс ике меңләп тамашасы һыйҙыра.   Әле шорт-трек менән бөтәһе 239 уҡыусы шөғөлләнә.

Үҙәктә төрлө йәштәгеләр шөғөлләнә. Иркен һәм таҙа кейенеү бүлмәләре, гардероб-барыһы ла балалар өсөн. Улар ябыҡ һырғалаҡ, хореография, тренажер залдары, массажға йөрөй ала.Сәләмәт-тәндә, сәләмәт рух, тип бушҡа әйтмәгәндәр. Мәктәп уҡыусылары  өсөн бында бөтә уңайлыҡтар бар. спорт менән шөғөлләнең өсөн тәғәйенләнеп эшләнелгән залда заманса, матур, яңы ҡоролмалар урынлаштырылған. Ошо форсаттан файҙаланып, хәҙер беҙ ҙә бер нисә минут булһа ла спорт менән шөғөлләнеп алайыҡ.Республикала балаларҙы спортҡа йәлеп итеү бурысы ҡуйылған. Шорт-трек менән мауығыусылар һаны ла артҡандан-арта, тип билдәләй тренерҙар. Уларҙың күптәре киләсәктә Башҡортостандың данын яҡлаған спортсыларға тиңләшергә теләй. Өҫтәүенә, шорт-трек үҙәге алдағы йылдарҙа Рәсәй һәм халыҡ-ара ярыштарын да ҡабул итәсәк.

Подпишитесь на нас в Instagram


һУҢҒЫ ХӘБӘРҘӘР

Смотреть видео  “Башҡортостан 24” каналында “Өфө кистәре” | ГТРК «Башкортостан»

“Башҡортостан 24” каналында “Өфө кистәре”

 “Башҡортостан 24” каналында яңы проект башлайбыҙ, ул  бөгөн кис эфирға сыға.  “Өфө кистәре” тип аталған тапшырыуҙы Республика халыҡ ижады үҙәге  директоры Артур Әлибәков алып бара. Унда билдәле музыканттар  башҡорт халыҡ йырҙарының һәм көйҙәренең тарихы, башҡарыу...

2 июня 2020
Смотреть видео  Бөтә Донъя башҡорттары ҡоролтайы ойошторолоуға 25 йыл! | ГТРК «Башкортостан»

Бөтә Донъя башҡорттары ҡоролтайы ойошторолоуға 25 йыл!

Бөтә Донъя башҡорттары ҡоролтайы ойошторолоуға 25 йыл. Йәмәғәт тормошоноң нескә, әммә алыштырғыһыҙ мөһим бер даирәһенә әүерелгән ҡоролтай хәрәкәтенең сирек быуат дауамында өлгәшкән ҡаҙаныштарына, бөгөн бойомға ашырган эшмәкәрлегенә һәм киләсәккә бағлаган өмөттәренә хәбәрсебеҙ Нәфисә Кинйәбаева...

2 июня 2020
Смотреть видео 1 июндән ғәмәлгә ингән үҙгәрештәр | ГТРК «Башкортостан»

1 июндән ғәмәлгә ингән үҙгәрештәр

Рәсәйҙә эске туризм өсөн сикләүҙәр алына. Изоляцияның беренсе өлөшөндә медицина лицензияһы булған шифаханалар ҡайтанан эш башлай. Яңылыҡтарҙың береһе өс йәштән 16  йәшкә тиклемге балалар өсөн пособиелар түләүгә бәйле. Хеҙмәт кенәгәләренең дә хәҙер электрон варианты буласаҡ. Беренсе июндән үҙ...

2 июня 2020
Смотреть видео Һыу инеү миҙгеле ҡасан башлана? | ГТРК «Башкортостан»

Һыу инеү миҙгеле ҡасан башлана?

Рәсәй Ҡулланыусылар хоҡуҡтарын күҙәтеү хеҙмәте башлығы Анна Попова пляждарҙа битлек кеймәҫкә лә ярай, тип белдерҙе. Шулай ҙа  арауыҡ һаҡларға саҡырҙы ул. Башҡортостан халҡынан  да һыу ингәндә хәүефһеҙлек сараларын күреү талап ителә. Һыу инеү миҙгеле быйыл 1-енән 10 июнгә күсерелде....

2 июня 2020
Смотреть видео Сауҙа үҙәктәрен асырға, лагерҙарҙы әҙерләргә, күнекмәләрҙе башларға | ГТРК «Башкортостан»

Сауҙа үҙәктәрен асырға, лагерҙарҙы әҙерләргә, күнекмәләрҙе башларға

Башҡортостанда COVID-19 вирусының таралыу тиҙлеге кәмеүгә бара. Был турала кисә төбәк башлығы менән үткән оператив кәңәшмәлә һаулыҡ һаҡлау министры Максим Забелин белдерҙе. Уның әйтеүенсә башлыса 50 йәшкә тиклемге граждандарҙың коронавирусҡа тестары ыңғай һөҙөмтә күрһәтә. 65 йәштән өлкәндәрҙең...

2 июня 2020
Смотреть видео Нефтекамала букмекер салоны урынына ҡомарлы уйындар залы асҡандар | ГТРК «Башкортостан»

Нефтекамала букмекер салоны урынына ҡомарлы уйындар залы асҡандар

Нефтекама ҡалаһында букмекер контораһы исемле аҫтында йәшенеп эшләгән уйын клубын тикшерҙеләр. Закон боҙоусыларҙы ҡулға алыр өсөн көс структураларына махсус операция үткәрергә тура килгән. Был компанияның букмекер контораһы исемлегендә йәшерен эшләп килеүе һәм кешеләрҙе ылыҡтырыуы күптән билдәле...

1 июня 2020
Смотреть видео Легаль булмаған такси водителдәрен яуапҡа тарттыралар | ГТРК «Башкортостан»

Легаль булмаған такси водителдәрен яуапҡа тарттыралар

Легаль булмаған такси машиналары  йәнә тикшереү органдарының иғтибар үҙәгендә.  Рәсәй Ҡулланыусылар хоҡуғын  күҙәтеү хеҙмәте Башҡортостан идаралығы юл хәүефһеҙлеге дәүләт инспекцияһы менән берлектә рейдҡа сыҡты. Хәҙер  юл ҡағыҙын тикшереүҙән тыш санитар нормаларҙың үтәлеүе...

1 июня 2020
Смотреть видео Спиртлы эсемлектәр һатыусы кибеттәр өсөн яңы ҡағиҙә | ГТРК «Башкортостан»

Спиртлы эсемлектәр һатыусы кибеттәр өсөн яңы ҡағиҙә

Торлаҡ йорттарҙа алкоголь эсемлектәр һатыу тыйыла. Өфөлә күп ҡатлы йорттарҙа һәм улар янындағы биләмәләрҙә майҙаны 25 квадрат метрҙан әҙерәк булған йәмәғәт туҡланыу урындарының эшмәкәрлеген тыйыусы закон ҡабул иттеләр. Был кафела закондағы яңы үҙгәрештәр тураһында ишетмәгәндәр. Элеккеләрен дә...

1 июня 2020
Смотреть видео  “Алға” иҡтисади зонаһы төҙөләсәк | ГТРК «Башкортостан»

“Алға” иҡтисади зонаһы төҙөләсәк

Рәсәй Хөкүмәте рәйесе Михаил Мишустин Башҡортостанда “Алға” айырым иҡтисади зона булдырыу тураһындағы Күрһәтмәне раҫланы. Был турала Башҡортостан башлығы Радий Хәбиров социаль селтәрҙәрҙә яҙып сыҡты.  Яңы проект Азиялағы иң ҙур газ һәм химия тауарҙары кластеры буласаҡ. Тап ул урындағы ҡаҙнаға...

1 июня 2020
Смотреть видео Башҡортостан райондары дауылдан зыян күрҙе | ГТРК «Башкортостан»

Башҡортостан райондары дауылдан зыян күрҙе

Уҙған кис республика райондары аша уҙған дауыл арҡаһында зыян күргән ауылдар ҙа бар. Шишмәлә, мәҫәлән, боҙборсаҡтар сейә емешенән ҙурыраҡ булған. Өфө районында яуған боҙборсаҡтың диаметры 4 сантиметрға тиклем етте. Ә Бүздәктә иһә дауыл мәлендә йорттарҙың ҡыйыҡтары емерелә. Хәлдәр Ҡаңны Төркәй...

1 июня 2020
Яндекс.Метрика