Өфөлә транспорт академияһы барлыҡҡа килеүе ихтимал

Башҡортостан башлығы Радий Хәбиров чиновниктарҙы яңы йыл осоронда байрам итергә түгел,ә эшләргә саҡыра. Етәкселек халыҡ араһында булырға тейеш, тигән фекерҙә Радий Фәрит улы. Бынан тыш, Раштыуа кникулдары осоронда барлыҡ – музей һәм театрҙар айырым график буйынса эшләйәсәк. Башҡортостан киләһе йылға маҡсаттарын билдәләй. Республика алдында торған төп бурыстарҙың береһе – инвестициялар. Шуға ла, “Башҡортостан саҡыра” форумын һәм уның эшмәкәрлек даирәһен тағы ла киңәйтергә кәрәк. Хөкүмәттәге оператив кәңәшмәлә Радий Хәбиров ошо турала белдерҙе.

Торлаҡ – коммуналь хужалығы, республиканың төрлө тармаҡтарындағы хәл. Уларҙың барыһы ла ентекле иғтибарға мохтаж. Сүп-сар реформаһы ла көнүҙәк. Маҡсат – халыҡтан аҡса йыйыу  түгел, көнкүреш ҡалдыҡтарын бер урынға туплау, эшкәртеүҙе яйға һалыу. Тағы ла шуныһы, Башҡортостан ҡулланылған газ менән ваҡытында иҫәпләшергә тейеш. Әгәр ҙә бурыстар бар икән, улар эҙһеҙ генә үтмәй. Радий Хәбиров ошо мәсьәләне көнүҙәк тип иҫәпләй.Башҡортостандың яңы йылға әҙерлеге лә хәҙер бер-нисә ултырыш рәттән ҡаралып килә. Республиканың туғыҙ ҡалаһында, мәҫәлән, тәүге тапҡыр пикселле шыршылар ҡуйылған. Борай, Салауат, Учалы, Күгәрсендәге боҙ майҙансыҡтары әле иң матурҙары. Радий Хәбиров әйтеүенсә, әле эштең тик яртыһы үтәлгән. Миҙалдың икенсе яғы – мәҙәниәт усаҡтары. Башҡортостан башлығы музейҙар, сәнғәт үҙәктәренең Раштыуа каникулдары осоронда эшенә айырым ҡарарға саҡыра. Кәңәшмәлә ҡаралған  төп мәсьәләләрҙең береһе – Башҡортостан юлдары. Тармаҡта үҙгәрештәр юҡ түгел. Уларҙың береһе – ҡулланыуға  тапшырылған күперҙәр. Быйыл ошондай өр-яңы 12 ҡоролма уңышлы һынау уҙған.

Тынысланырға иртәрәк, ти Радий Хабиров. Башҡортостан федераль программаларҙа ҡатнашырға, бюджеттың финанс мөмкинлектәрен тейешенсә ҡулланырға тейеш. “Тыуған урам”. Башҡортостанда уҙып барған йылда ошо исем аҫтында яңы проект бойомға ашырыла башланы. Республика, мәҫәлән, ауыл урамдарына таш түшәү өсөн киләһе йыл 540 миллион һум бүләсәк.Башҡортостанда хәҙер яңы уҡыу йорто асыу мөмкинлеге барлана. Республиканың инженерҙар, төҙөүсөләргә ҡытлыҡты иҫәпкә алып Өфө автотранспорт колледжын академия итеп үҙгәртеү мөмкинлеге ҡарала. Башҡортостан юлдарында халыҡ именлеген тәьмин итеү йәһәтенән, хәҙер  видеокамералар һаны ла арта. Йыл аҙағына тиклем улар һаны 345  буласаҡ. Камералар ҡуйыу – халыҡ мәнфәғәте. Радий Хәбиров иң  беренсе водителдәрҙә уйларға ҡуша. Маҡсат -  йыйылған штрафтар суммаһын арттырыу түгел.  Водителдәр ҡайҙа һәм ниндәй камера ҡуйылғанын белергә тейеш. Шуныһын да айырым әйтер кәрәк. Уҙып барған йыл Башҡортостандың транспорт системаһы һынылышлы осор булған.  Радий Фәрит улы, тармаҡтағы үҙгәрештәрҙе ыңғай тип баһалай.

Башҡортостан башлығы Радий Хәбиров етәкселегендә уҙған кәңәшмәлә ҡаралған йәнә бер мәсьәлә – төҙөлөш өсөн рөхсәт ҡағыҙҙарын электрон вариантта биреү. Был йәһәттән етешһеҙлектәр бар. Мәҫәлән, 8 район һәм ҡалалағы хәлдәр айырым тикшереләсәк. Республиканың төҙөлөш, юл транспорт тармағында ғына түгел, мәҙәни тормошонда ла етди үҙгәрештәр буласаҡ. Биш йыл эсендә Башҡортостанда 40 клуб асырға тейештәр. Бынан тыш, төбәккә 10  автоклуб та ҡайтарыласаҡ. Әйткәндәй, Башҡортостан ауыл мәҙәниәт йорттары, китапханалар һаны буйынса Рәсәйҙә беренсе урында килә. Уларҙың дөйөм һаны 4 мең ярым самаһы. Радий Хәбиров бөгөн тап ауыл ерендә эшләгән мәҙәниәт хеҙмәткәрҙәренә ярҙам юлдарын билдәләргә ҡушты. Башҡортостан башлығы Радий Хәбиров чиновниктарҙы байрам тип хайран ҡалыуҙан баш тартырға саҡыра. Артистар саҡырып, корпоративтар үтеү ваҡыты бөгөн түгел.  Башҡортостандың уҙып барған йылдағы һөҙөмтәләре федераль кимәлдә лә билдәләнә. Республика мәҫәлән, эшҡыуарлыҡ буйынса илдә беренсе урынға сыҡты. Һәм ил кимәлендәге “Рәсәй лидерҙары” конкурсының волга буйы федераль округы өлөшө лә тап Башҡортостанда уҙасаҡ.

Подпишитесь на нас в ВКонтакте


һУҢҒЫ ХӘБӘРҘӘР

Смотреть видео Өфө ҡалаһында заманса парк буласаҡ | ГТРК «Башкортостан»

Өфө ҡалаһында заманса парк буласаҡ

 Затон биҫтәһененең Тулҡын паркында реконструкция эштәре ҡайнай.  Өс этапта башҡарылған эш аҙағына ла яҡынлаша. Әлеге ваҡытта  бөтә көстәр амфитеатр һәм яһалма күл төҙөүгә йүнәлтелгән.  Парктың төп  объекттарын  ноябрь аҙағына  тиклем файҙаланыуға тапшырыу...

29 октября 2020
Смотреть видео Ҡояш энергияһын ҡулланып | ГТРК «Башкортостан»

Ҡояш энергияһын ҡулланып

Стәрлебаш районында төбәктәге иң ҙур ҡояш электр станцияһы файҙаланыуға тапшырылды. Уның тулы ҡеүәте 25 мегаватт. Яңы станция республиканың бер нисә районын электр энергияһы менән тәьмин итеү мөмкинлеген бирә. Был рәсми ҡабыҙыу, план тәртибендә станция октябрь башынан уҡ эшләй. Электр энергияһы...

29 октября 2020
Смотреть видео Эшһеҙҙәр арта | ГТРК «Башкортостан»

Эшһеҙҙәр арта

Башҡортостанда рәсми теркәлгән эшһеҙҙәр һаны ете тапҡырға артып, 129 меңгә еткән. Был турала республиканың статистика хеҙмәтенән хәбәр итәләр.  Сентябрь аҙағына республиканың халыҡты эш менән тәьмин итеү үҙәгендә бөтәһе 135  меңдән ашыу кеше иҫәптә торған. Быйыл сентябрҙа ғына...

29 октября 2020
Смотреть видео Электричкалар дезинфекцияланды | ГТРК «Башкортостан»

Электричкалар дезинфекцияланды

Коронавирус менән көрәш сиктәрендә Өфөлә ҡала яны поездарында  һәм электричкаларҙа дезинфекция үткәреү йышая. Рельслы йәмәғәт транспорты вирус һәм бактерияларҙы юҡ итеүсе махсус шыйыҡсалар менән һәр маршруттан һуң эшкәртелә. Коронавирус һәм башҡа бактерияларҙы юҡ итерҙәй махсус шыйыҡсаны...

29 октября 2020
Смотреть видео Өфө халыҡ-ара аэропортынан  сит илдәргә осорға рөхсәт ителде | ГТРК «Башкортостан»

Өфө халыҡ-ара аэропортынан сит илдәргә осорға рөхсәт ителде

Росавиация хәбәр итеүенсә, Рәсәй Хөкүмәте ҡарарына ярашлы, Өфөнән халыҡ-ара авиабәйләнеш тергеҙелде. Быға тиклем тик Мәскәү, Санкт-Петербург, Дондағы Ростов, Ҡазан, Калининградтан һәм тағы ла бер-нисә ҡаланан ғына сит илдәргә осорға мөмкин ине.

29 октября 2020
Смотреть видео Битлек режимы нисек һаҡлана? | ГТРК «Башкортостан»

Битлек режимы нисек һаҡлана?

Республика дәүләт учреждениеларында һәм ойошмаларҙа короновирусҡа ҡаршы көрәш нисек ойошторола? Тап ҡағиҙәләрҙе теүәл үтәү предприятияларҙы карантинға ябыуҙан һәм иҡтисади зыяндан һаҡлай. Радий Хәбиров ҡушыуы буйынса дәүләт учреждениелары һәм ойошмаларына Республика башлығы хакимиәтенең тикшереү...

29 октября 2020
Смотреть видео Өфөлә ауыл хужалығы йәрминкәләре тергеҙелә | ГТРК «Башкортостан»

Өфөлә ауыл хужалығы йәрминкәләре тергеҙелә

Мәкерле сир таралыуға ҡарамаҫтан, Өфө  ҡала хакимиәте  ял көндәрендә ауыл хужалығы йәрминкәләренең эшен тергеҙергә ҡарар итте. Әммә уларҙа барлыҡ һаҡлыҡ саралары, санитар-эпидемиологик талаптар үтәлергә тейеш. Йәрминкәгә килеүселәргә мотлаҡ битлек кейергә, социаль арауыҡты һаҡларға кәрәк...

29 октября 2020
Смотреть видео Имеш-мимештәргә нөктә | ГТРК «Башкортостан»

Имеш-мимештәргә нөктә

Һуңғы арала Өфө ҡала хакимиәте башлығы Өлфәт Мостафинға бәйле күп кенә имеш-мимештәр йөрөй. Республика етәксеһе Радий Хәбиров уларға нөктә ҡуйып башҡала мэрының һаулығы тураһында һөйләне.

29 октября 2020
Смотреть видео Башҡортостанда тағы 86 кешелә коронавирус асыҡланған | ГТРК «Башкортостан»

Башҡортостанда тағы 86 кешелә коронавирус асыҡланған

 Был турала һаулыҡ һаҡлау министрлығынан хәбәр иттеләр.  Пандемия башланғандан алып республикала КОВИД-19 йоҡтороуҙың 10 мең 501 осрағы теркәлгән.  Ауырыуҙан 963 шул иҫәптән 195 кеше стационарҙа, 768-е амбулатор дауалана.  Пандемия осоронда коронавирустан 51 кеше һәләк...

29 октября 2020
Смотреть видео Зөһрә Фәйзуллина арабыҙҙан китте | ГТРК «Башкортостан»

Зөһрә Фәйзуллина арабыҙҙан китте

Өфөлә шағирә, драматург, журналист, үҙешмәкәр композитор Зөһрә Фәйзуллина 75-се йәшендә арабыҙҙан китте. Зөһрә Фәйзуллина 1946 йылда Әбйәлил районы Ҡаҙмаш ауылында тыуған. Башҡорт дәүләт университетының филология факультетын тамамлаған. Башҡортостан Республикаһының һәм Рәсәй Федерацияһының...

28 октября 2020
Яндекс.Метрика