Медициналағы йыл йомғаҡтары

Ә мин Башҡортостан өсөн 2019 йылды Медицина йылы тип билдәләр инем. Бөтә ил өсөн проблемалы тармаҡ төбәк реформаһын кисерҙе тип әйтергә була. Һөҙөмтә: табиптар һаны 660-ҡа артты, поликлиникаларҙа сират кәмене, тәүге тапҡыр онкология һәм ҡан тамырҙары сиренән үлем осраҡтары аҙайҙы. Санавиация – һәр минут ҡәҙерле булғанда райондарҙан сирлеләрҙе тиҙ арала Өфөгә алып килергә мөмкин хәҙер. Һаулыҡ һаҡлау өлкәһендәге йыл йомғаҡтарын барлап быға илткән сәбәптәрҙе лә атап китер инем.

Раил Шакиров бер нисә ай элек йәшәүгә өмөтөн өҙә. Яман шеш тигән ҡот осҡос диагноз хаҡында ишетеү уның ғаиләһе өсөн көтөлмәгән хәл була. Яман шеште башланғыс осорҙа асыҡлап, ваҡытында операция яһағанда, пациент сирҙе еңел үткәрә, ти табиптар.

Илнур Солтанов, БДМУ клиникаһы табип-онкологы: “Онкология медицина өлкәһе өсөн бик актуаль проблема булып тора. Башланғыс стадияла табип һәм операция яһау ул мөһим. Ни өсөн тигәндә, башланғыс стадияла операция яһап еңеп сығырға мөмкин… беҙҙең клиникала күп операциялар робот давинчи ҡоролмаһында эшләнә.”

Раил Шәкировты ла аяҡҡа баҫтырыу тап робот-хирург ярҙамында башҡарыла. Табиптар билдәләүенсә, һәр хирург өсөн был ҡоролмала эшләү оло мәртәбә. Лапароскопияның яңы алымын 3д форматта экран  аша күҙәтергә мөмкин.

Операция робот ярҙамында башҡарылһа ла, бар эш хирург командаһы менән үтәлә һәм ул ошо махсус ҡоролма аша робот менән идара итә./записан/

Хәҙер онкология сирҙәрен тәүге стадияла асыҡлаған медицина хеҙмәткәрҙәренә 5 мең һум күләмендә премия ла тапшырыла башланы. Лиана Нәғимова 44-се поликлиникала 3-сө йыл эшләй. Өҫтәмә түләү ҙур ярҙам, иң мөһиме пациенттың сәләмәтлеген хәстәрләү, ти табип-онколог.

Төбәк башлығы һаулыҡ һаҡлау өлкәһенә етди ҡараш талап итә. Юғары сифатлы дауалауҙан тыш, мөһим мәсъәләләрҙең береһе – республикаға медицина кадрҙарын әҙерләү. Радий Хәбиров ҡарары буйынса, район дауаханаларын кадрҙар менән тәъмин итеү маҡсатында, беренсе тапҡыр табип — белгестәрҙе райондарға бүлеү ойошторолдо.  Быйыл Башҡорт дәүләт медицина университетында ординатураны 668 белгес тамамланы. Ординаторҙар – үҙаллы эшләй алған әҙер табиптар, шуға ла уларға ихтыяж ҙур.

Киләһе ике йылда университет терапевт һәм педиатрҙарға ҡытлыҡ мәсъәләһен тулыһынса хәл итергә тейеш. Быйыл Башҡорт дәүләт медицина университетын 1 мең 300-ҙән ашыу белгес тамамлаһа, 2024 йылға был һан 6 меңгә етергә тейеш.

БДМУ 5 йыл эсендә төбәктең һаулыҡ һаҡлау системаһын кадрҙар менән тулыһынса тәъмин итеү йөкләмәһен алған. Әле уҡыу йортонда 8 меңгә яҡын студент уҡый. Табип дипломын алып эшкә юлланыусыларға ил һәм республика күләмендә дәүләт ярҙамы күрһәтелә. Быйыл  10 фельдшер – 500-әр мең, тағы ла тар йүнәлешле 125 белгес һәм үткән йылдарҙа  “Ауыл табибы” программаһында ҡатнашып та аҡсаһыҙ ҡалған 150 табип берәр млн һум алды.

Республикала хәҙер ауыл медицинаһына иғтибар бермә-бер артты. Халыҡтың 40 процентҡа яҡыны ауылда йәшәһә лә, медицина ярҙамының күрһәткесе түбән булып ҡала килде. Архангел районы Яңы Шишмә ауылы фельдшер-акушер пункты. Ағас йорт мейес яғып йылытыла. Республика башлығы Радий Хәбиров август айында эш сәфәре барышында 1957 йылда төҙөлгән бинаны күреп шунда уҡ яңыртырға вәғәҙәләне. Бынан ары республикала Яңы Шишмә ауылындағылай фаптар булмаясаҡ. 2020 йылда, 7 фельдшер акушер пункты яңынан төҙөләсәк, тағы ла 90-ы төҙөкләндереләсәк. Бөтәһе 31 медицина учрежденияһын сафҡа индереү күҙаллана. Уларҙың дөйөм хаҡы 5 миллиард һумға баһалана.

2019 йылда Башҡортостан 20-нән ашыу  күсмә медицина комплекстарын һатып алды. Ашығыс медицина ярҙамы хеҙмәте өсөн 205 яңы машина ҡайтарылды, ә бригадалар планшет компьютерҙары менән тәьмин ителде. Яңы йылдан ашығыс ярҙам хеҙмәткәрҙәре эш хаҡына өҫтәмә ала башлаясаҡ.

Ауыр хәлдәге сирлеләрҙе йыраҡ райондарҙан тиҙ арала дауаханаларға еткереү маҡсатында Өфөлә санитар авиатранспорт өсөн тәүге вертолет майҙаны барлыҡҡа килде.  Киләһе йылдарҙа  Өфөлә 6, ә республика буйынса 8 санитар авиация туҡталышы барлыҡҡа килә.

Радий Хәбиров үҙенең йыллыҡ мөрәжәғәтнамәһендә Республика һаулыҡ һаҡлау тармағы алдынғы һәм заманса булырға тейеш, тип билдәләне. Йыл аҙағына тиклем Дүртөйлө, Туймазы ҡалаларында балалар поликлиникаһы, Благовар үҙәк район дауаханаһында яңы хирургия корпусы асыласаҡ, Бәләбәй, Ишембай бала табыу йорттарында, Октябрьский, Салауат ҡалаһы балалар поликлиникаларында, республика балалар клиник дауаханаһы стационарында капиталь ремонт тамамланасаҡ.

Башҡортостанға эш сәфәре барышында илдең һаулыҡ һаҡлау министры тармаҡтағы үҙгәрештәрҙе ыңғай баһаланы. Вероника Скворцова ауыл медицинаһын тергеҙеүҙе өлгө булараҡ билдәләне.

Һаулыҡ һаҡлау  өлкәһендә бер йыл эсендә күрелгән саралар һөҙөмтәһендә генә үлем осраҡтары онкологиянан 6, йәрәк- ҡан тамырҙары сирҙәренән 15 процентҡа кәмегән. Төбәк башлығы 1 йыл элек медицина тармағына етди ҡараш талап иткәйне.  Үүҙгәрештәр күҙгә күренерлек. Шулай ҙа һәр кеше үҙ сәләмәтлегенә үҙе яуаплы икәнен оноторға ярамай. 

Читайте нас в Яндекс.Дзен

һУҢҒЫ ХӘБӘРҘӘР

Смотреть видео Кешеләр элеккесә кредит алып ихтыяждарын ҡәнәғәтләндерергә мәжбүр | ГТРК «Башкортостан»

Кешеләр элеккесә кредит алып ихтыяждарын ҡәнәғәтләндерергә мәжбүр

Бюджет килемдәренең үҫеше халыҡ тормошона аҙ йоғонто яһай. Кешеләр элеккесә кредит алып ихтыяждарын ҡәнәғәтләндерергә мәжбүр. Хөкүмәт Президиумы ултырышында был хаҡта Андрей Назаров белдерҙе.   Финанс министры Лира Иғтисамова иһә былтыр бюджет өлкәһе хеҙмәткәрҙәренең эш хаҡын арттырыу...

26 февраля 2020
Смотреть видео Сифатһыҙ лампа өсөн вазифаңдан алыныуың ихтимал | ГТРК «Башкортостан»

Сифатһыҙ лампа өсөн вазифаңдан алыныуың ихтимал

Республика етәксеһе Хөкүмәттә үткән оператив кәңәшмәлә муниципалитеттарҙың  ауыл урамдарын яҡтыртыу өсөн сифатһыҙ лампалар алыуын ҡаты тәнҡитләне.  Радий Фәрит улы быны яуапһыҙлыҡ тип атаны һәм етди тикшереү буласаҡ, тип вәғәҙәләне. Башҡортостан башлығы Радий Хәбиров илдә Хәтер һәм дан...

26 февраля 2020
Смотреть видео Өсләтә бәхет | ГТРК «Башкортостан»

Өсләтә бәхет

Башҡортостанда 2020-се йылда тыуған тәүге өс игеҙ балалы ғаилә дәүләттән ярҙам аласаҡ. Сыңғыҙовтарҙың ошо көндәрҙә ике улы һәм ҡыҙы донъяға килде. Мираҫ, Мөхәммәт һәм Гөлли–Сыңғыҙовтар ғаиләһенең өс ҙур бәхете. Исемдәрҙе лә ата-әсә оҙаҡ уйлай, есемдәренә тап килеп, бәрәкәтле булһын тигән теләктә...

21 февраля 2020
Смотреть видео Ғаилә ҡороу өсөн матур дата | ГТРК «Башкортостан»

Ғаилә ҡороу өсөн матур дата

 2020-се йылдың 20 февралендә республика буйынса 332 пар никахтарын законлаштырған. Шулай уҡ, Өфөнөң Киров ЗАГСында 50 һәм 60 йыл бергә иң-иңгә терәп, ғүмер итеүселәрҙе лә ҡотлап үттеләр. Руслан менән Кристина иң матур даталарҙың береһе-2020-се йылдың 20 февралендә никахтарын рәсмиләштереү...

21 февраля 2020
Смотреть видео Бөйөк Ватан һуғышы ветераны Ишҡол Мәхмүтов | ГТРК «Башкортостан»

Бөйөк Ватан һуғышы ветераны Ишҡол Мәхмүтов

Йылдан йыл Бөйөк Ватан һуғышы ветерандары кәмей бара. Әммә, күптән инде 90-ды уҙған ветерандар иҫән әле һәм улар киләсәк быуынға һуғыш афәттәрен, фашистарҙың йыртҡыслығын һөйләргә әҙер. Бөйөк Ватан һуғышы ветераны Ишҡол Мәхмүтов фашистар менән алышып та, 9 ай әсирлектә булып та өлгөрә. Ҡаҙмаш...

21 февраля 2020
Смотреть видео Руслан Мирсәйәпов - Рәсәйҙең Әзербайжандағы сауҙа вәкиле | ГТРК «Башкортостан»

Руслан Мирсәйәпов - Рәсәйҙең Әзербайжандағы сауҙа вәкиле

Рәсәй Хөкүмәте ҡарары менән Руслан Мирсәйәпов Рәсәйҙең Әзербайжандағы сауҙа вәкилләгенең етәксеһе итеп тәғәйенләнде. Иҫегеҙгә төшөрәбеҙ,  Руслан Заһит улы 2017 йылдан Башҡортостандың Тышҡы иҡтисади бәйләнештәр буйынса дәүләт комитеты етәксеһе вазифаһын башҡарҙы. Руслан Мирсәйәпов  сығышы...

21 февраля 2020
Смотреть видео Бөгөн Халыҡ ара-туған телдәр көнө | ГТРК «Башкортостан»

Бөгөн Халыҡ ара-туған телдәр көнө

 Ошо айҡанлы республикабыҙҙың Мәҙәниәт министрлығы Башҡортостан Башлығы грантын тормошҡа ашырыу һөҙөмтәләре буйынса семинар уҙғарҙы. Ике йыл дауамында төрлө йүнәлештәге 42 проект ҡаралған. Шуларҙың 12-һе киң йәмәғәтселеккә сығарылды. Глобалләшеү шарттарында һәм күп милләтле мөхиттә башҡорт...

21 февраля 2020
Смотреть видео Мәктәп туҡланыуына ҡағылған бар тәртип боҙоу осраҡтары | ГТРК «Башкортостан»

Мәктәп туҡланыуына ҡағылған бар тәртип боҙоу осраҡтары

Уҡыусылар өҫтәленә күгәргән татлы эремсек оҙатҡан тәьмин итеүсе менән килешеү туҡтатыла. Мәғариф сәғәтенең сираттағы ултырышында Радий Хәбиров был күрһәтмәне үтәүҙе шәхси күҙәтеүгә алыуы хаҡында белдерҙе. Ғәҙәттән тыш хәл Әбйәлил районы ауыл мәктәптәренең береһендә теркәлгән. Балаларға сифатһыҙ...

21 февраля 2020
Смотреть видео Башҡортостанда йылға пароходсылығы тергеҙеләсәк | ГТРК «Башкортостан»

Башҡортостанда йылға пароходсылығы тергеҙеләсәк

Был турала республика башлығы Радий Хәбировтың Суднолар ремонтлау һәм төҙөү заводына эш сәфәре барышында билдәле булды. Радий Фәрит улы 2020 йылда навигацияла ҡатнашасаҡ иң ҙур судноларҙың береһе - легендар “Чайка” теплоходы менән яҡындан танышты. 150 пассажирға иҫәпләнгән транспорт Өфө тирәләй...

21 февраля 2020
Смотреть видео Йәш быуынға өлгө | ГТРК «Башкортостан»

Йәш быуынға өлгө

84 йәш булыуына ҡарамаҫтан, Өфө ҡалаһында йәшәүсе Наил Яушев әлегә тиклем саңғыла йөрөй һәм саңғы ярыштарында ҡатнаша. Үҙенең балаларында ла спортҡа һөйөү уята. Наил Яушев өсөн был кубок “Рәсәй саңғыһы” ярышынан иң ҡәҙерлеләренең береһе. Уның коллекцияһында бүләктәр, грамота-дипломдар күп. Ә...

20 февраля 2020
Яндекс.Метрика