Медициналағы йыл йомғаҡтары

Ә мин Башҡортостан өсөн 2019 йылды Медицина йылы тип билдәләр инем. Бөтә ил өсөн проблемалы тармаҡ төбәк реформаһын кисерҙе тип әйтергә була. Һөҙөмтә: табиптар һаны 660-ҡа артты, поликлиникаларҙа сират кәмене, тәүге тапҡыр онкология һәм ҡан тамырҙары сиренән үлем осраҡтары аҙайҙы. Санавиация – һәр минут ҡәҙерле булғанда райондарҙан сирлеләрҙе тиҙ арала Өфөгә алып килергә мөмкин хәҙер. Һаулыҡ һаҡлау өлкәһендәге йыл йомғаҡтарын барлап быға илткән сәбәптәрҙе лә атап китер инем.

Раил Шакиров бер нисә ай элек йәшәүгә өмөтөн өҙә. Яман шеш тигән ҡот осҡос диагноз хаҡында ишетеү уның ғаиләһе өсөн көтөлмәгән хәл була. Яман шеште башланғыс осорҙа асыҡлап, ваҡытында операция яһағанда, пациент сирҙе еңел үткәрә, ти табиптар.

Илнур Солтанов, БДМУ клиникаһы табип-онкологы: “Онкология медицина өлкәһе өсөн бик актуаль проблема булып тора. Башланғыс стадияла табип һәм операция яһау ул мөһим. Ни өсөн тигәндә, башланғыс стадияла операция яһап еңеп сығырға мөмкин… беҙҙең клиникала күп операциялар робот давинчи ҡоролмаһында эшләнә.”

Раил Шәкировты ла аяҡҡа баҫтырыу тап робот-хирург ярҙамында башҡарыла. Табиптар билдәләүенсә, һәр хирург өсөн был ҡоролмала эшләү оло мәртәбә. Лапароскопияның яңы алымын 3д форматта экран  аша күҙәтергә мөмкин.

Операция робот ярҙамында башҡарылһа ла, бар эш хирург командаһы менән үтәлә һәм ул ошо махсус ҡоролма аша робот менән идара итә./записан/

Хәҙер онкология сирҙәрен тәүге стадияла асыҡлаған медицина хеҙмәткәрҙәренә 5 мең һум күләмендә премия ла тапшырыла башланы. Лиана Нәғимова 44-се поликлиникала 3-сө йыл эшләй. Өҫтәмә түләү ҙур ярҙам, иң мөһиме пациенттың сәләмәтлеген хәстәрләү, ти табип-онколог.

Төбәк башлығы һаулыҡ һаҡлау өлкәһенә етди ҡараш талап итә. Юғары сифатлы дауалауҙан тыш, мөһим мәсъәләләрҙең береһе – республикаға медицина кадрҙарын әҙерләү. Радий Хәбиров ҡарары буйынса, район дауаханаларын кадрҙар менән тәъмин итеү маҡсатында, беренсе тапҡыр табип — белгестәрҙе райондарға бүлеү ойошторолдо.  Быйыл Башҡорт дәүләт медицина университетында ординатураны 668 белгес тамамланы. Ординаторҙар – үҙаллы эшләй алған әҙер табиптар, шуға ла уларға ихтыяж ҙур.

Киләһе ике йылда университет терапевт һәм педиатрҙарға ҡытлыҡ мәсъәләһен тулыһынса хәл итергә тейеш. Быйыл Башҡорт дәүләт медицина университетын 1 мең 300-ҙән ашыу белгес тамамлаһа, 2024 йылға был һан 6 меңгә етергә тейеш.

БДМУ 5 йыл эсендә төбәктең һаулыҡ һаҡлау системаһын кадрҙар менән тулыһынса тәъмин итеү йөкләмәһен алған. Әле уҡыу йортонда 8 меңгә яҡын студент уҡый. Табип дипломын алып эшкә юлланыусыларға ил һәм республика күләмендә дәүләт ярҙамы күрһәтелә. Быйыл  10 фельдшер – 500-әр мең, тағы ла тар йүнәлешле 125 белгес һәм үткән йылдарҙа  “Ауыл табибы” программаһында ҡатнашып та аҡсаһыҙ ҡалған 150 табип берәр млн һум алды.

Республикала хәҙер ауыл медицинаһына иғтибар бермә-бер артты. Халыҡтың 40 процентҡа яҡыны ауылда йәшәһә лә, медицина ярҙамының күрһәткесе түбән булып ҡала килде. Архангел районы Яңы Шишмә ауылы фельдшер-акушер пункты. Ағас йорт мейес яғып йылытыла. Республика башлығы Радий Хәбиров август айында эш сәфәре барышында 1957 йылда төҙөлгән бинаны күреп шунда уҡ яңыртырға вәғәҙәләне. Бынан ары республикала Яңы Шишмә ауылындағылай фаптар булмаясаҡ. 2020 йылда, 7 фельдшер акушер пункты яңынан төҙөләсәк, тағы ла 90-ы төҙөкләндереләсәк. Бөтәһе 31 медицина учрежденияһын сафҡа индереү күҙаллана. Уларҙың дөйөм хаҡы 5 миллиард һумға баһалана.

2019 йылда Башҡортостан 20-нән ашыу  күсмә медицина комплекстарын һатып алды. Ашығыс медицина ярҙамы хеҙмәте өсөн 205 яңы машина ҡайтарылды, ә бригадалар планшет компьютерҙары менән тәьмин ителде. Яңы йылдан ашығыс ярҙам хеҙмәткәрҙәре эш хаҡына өҫтәмә ала башлаясаҡ.

Ауыр хәлдәге сирлеләрҙе йыраҡ райондарҙан тиҙ арала дауаханаларға еткереү маҡсатында Өфөлә санитар авиатранспорт өсөн тәүге вертолет майҙаны барлыҡҡа килде.  Киләһе йылдарҙа  Өфөлә 6, ә республика буйынса 8 санитар авиация туҡталышы барлыҡҡа килә.

Радий Хәбиров үҙенең йыллыҡ мөрәжәғәтнамәһендә Республика һаулыҡ һаҡлау тармағы алдынғы һәм заманса булырға тейеш, тип билдәләне. Йыл аҙағына тиклем Дүртөйлө, Туймазы ҡалаларында балалар поликлиникаһы, Благовар үҙәк район дауаханаһында яңы хирургия корпусы асыласаҡ, Бәләбәй, Ишембай бала табыу йорттарында, Октябрьский, Салауат ҡалаһы балалар поликлиникаларында, республика балалар клиник дауаханаһы стационарында капиталь ремонт тамамланасаҡ.

Башҡортостанға эш сәфәре барышында илдең һаулыҡ һаҡлау министры тармаҡтағы үҙгәрештәрҙе ыңғай баһаланы. Вероника Скворцова ауыл медицинаһын тергеҙеүҙе өлгө булараҡ билдәләне.

Һаулыҡ һаҡлау  өлкәһендә бер йыл эсендә күрелгән саралар һөҙөмтәһендә генә үлем осраҡтары онкологиянан 6, йәрәк- ҡан тамырҙары сирҙәренән 15 процентҡа кәмегән. Төбәк башлығы 1 йыл элек медицина тармағына етди ҡараш талап иткәйне.  Үүҙгәрештәр күҙгә күренерлек. Шулай ҙа һәр кеше үҙ сәләмәтлегенә үҙе яуаплы икәнен оноторға ярамай. 

Подпишитесь на нас в Google Новости


һУҢҒЫ ХӘБӘРҘӘР

Смотреть видео «Бәләкәй тыуған ил мәҙәниәте» проекты | ГТРК «Башкортостан»

«Бәләкәй тыуған ил мәҙәниәте» проекты

Был  проект республикабыҙҙың тиҫтәнән ашыу райондарында уҙғарылған. Уны тормошҡа ашырыу өсөн 50 миллион һум аҡса бүленгән. Ул аҡсаға ауылдың мәҙәниәт усағына төрлө йыһаздар, музыкаль инструментар, костюм, компьютер, тегеү машиналары алынған. 

29 мая 2020
Смотреть видео “Беҙ бергә” | ГТРК «Башкортостан»

“Беҙ бергә”

Ғәҙәттә, алып барыусылар залда ултырған тамашасыларҙы сәләмләһә, был юлы уларға телевизорҙар аша өндәшергә тура килде. Пандемия сәбәпле, Башҡорт дәүләт филармонияһы 81-се концерт миҙгелен ябыу айҡанлы концертын онлайн режимда уҙғарырға ҡарар итә. “Башҡортостан” дәүләт телерадиокомпанияһы менән...

29 мая 2020
Смотреть видео Һөт кухняһы | ГТРК «Башкортостан»

Һөт кухняһы

Һуңғы ике йылда республикала «Һөт кухнялары» эшен  тергеҙеү әүҙем бара. Нефтекама   ҡалаһындағы   махсуслаштырылған цех бына инде бер нисә аҙна эргә-тирәлә урынлашҡан Әмзә, Энергетик, Арлан һәм Ҡуян ауылдарын һөт продукцияһы менән тәьмин итә. Һөт,кефир, эремсек һәм йогуртты...

29 мая 2020
Смотреть видео Эшҡыуарҙар аҙнаһы үтте | ГТРК «Башкортостан»

Эшҡыуарҙар аҙнаһы үтте

Һәр смена һайын Өфөнөң лак-буяу заводында  5 тоннаға яҡын продукция етештерәләр. Эмаль, буяу, шпатлевканың сифатын лабораторияла тикшереп бар республиканы ошо продукция менән тәъмин итәләр.   Ярты быуат эшләү осоронда етештереү бер генә тапҡыр - коронавирус пандемияһы ваҡытында ике...

29 мая 2020
Смотреть видео Табиптар ҡан плазмаһын тапшырҙы | ГТРК «Башкортостан»

Табиптар ҡан плазмаһын тапшырҙы

Донор булырға теләүселәр ҡан тапшырыр алдынан мотлаҡ рәүештә махсус һорауҙарға яуап бирә. Һуңынан үҙенең ҡан төркөмөн һәм гемоглобинын тикшертә. Ҡан тапшырырға теләүселәр, әлбиттә, бындай процедураны беренсегә үтмәй, шулай ҙа ҡағиҙә иҫкә төшөрөү отошлораҡ.   Короновирус йоҡтороусы...

29 мая 2020
Смотреть видео Өфөнөң Ленин урамында урынлашҡан торлаҡ йортто реставрациялау өсөн әҙерлек эштәре башланды | ГТРК «Башкортостан»

Өфөнөң Ленин урамында урынлашҡан торлаҡ йортто реставрациялау өсөн әҙерлек эштәре башланды

Мәҙәни мираҫ объектҡа үткән быуаттың 1930-сы йылдарында “Железнодорожник” төҙөлөш компанияһы хеҙмәткәрҙәре өсөн тәғәйенләнеп нигеҙ һалынған. Тәүҙә уны йоҡлау урыны ғына булыр тип төҙөһәләр, һуңынан бәләкәй фатирҙарға бүлеп сығалар. Күренеүенсә, ике торлаҡ араһын төкәтмә (пристрой) тоташтыра. Тап...

28 мая 2020
Смотреть видео 12 мең битлек таратылған | ГТРК «Башкортостан»

12 мең битлек таратылған

Өфөлә йәмәғәт ойошма активистары 12 мең битлектәр таратҡан.Бының өсөн ирекмәндәр ҡаланың кешеләр күпләп йөрөгән райондарын һайлаған. Пандемия шарттарында ойошторолған файҙалы акция халыҡҡа оҡшаған.  Алты пакетҡа тултырылған һаҡланыу сараларын бер сәғәт эсенлдә таратып бөткәндәр. Бындай...

28 мая 2020
Смотреть видео 28 май –сик буйы һаҡсылары көнө! | ГТРК «Башкортостан»

28 май –сик буйы һаҡсылары көнө!

Бөгөн - 28 май – илебеҙҙең сик буйы һаҡсылары, пограничниктар байрамы көнө. Ул илебеҙҙә 102 йыл рәттән билдәләнә. Был патриотик көн һәр пограничнигыбыҙ өсөн иң мөһим  байрамдарының береһе булып тора. Быйыл  сик һаҡсылары һәм ветерандары үҙ байрамдарын өйҙәрендә ҡаршылаясаҡ. Бындай ҡарар...

28 мая 2020
Смотреть видео Республикала аҡсалата ярҙам аласаҡ ғаиләләр исемлеге артты | ГТРК «Башкортостан»

Республикала аҡсалата ярҙам аласаҡ ғаиләләр исемлеге артты

Республикала аҡсалата ярҙам аласаҡ ғаиләләр исемлеген арттырҙылар. Эшһеҙ ҡалған ата-әсәләрҙең өс йәштән алып ете йәшкә тиклемге балалар өсөн пособие түләнәсәк. Был турала хөкүмәт йортонда үткән оператив кәңәшмәлә һөйләштеләр. 2020 йыл башынан Башҡортостанда эшһеҙҙәр һаны өс тапҡырға артҡан. 60...

28 мая 2020
Смотреть видео Яңы музей комплексы | ГТРК «Башкортостан»

Яңы музей комплексы

Яңы төҙөлөп ятҡан Шүлгәнташ музей- комплексы 2020 йылдың аҙағына әҙер буласаҡ. Ошо хаҡта Радий Хәбиров үҙенең социаль селтәрҙәге сәхифәләрендә белдерҙе.   Бинаның тышҡы һыҙаттары тулыһынса эргәлә музейҙы уратып алған Урал тауҙарының рельефын ҡабатлай. Инеү урыны ла мәмерйә ауыҙын...

27 мая 2020
Яндекс.Метрика