Үткән йылдың иҡтисади күрһәткестәре иғлан ителде

Сәнәғәт тауарҙары һәм ауыл хужалығы продукцияһын етештереү буйынса үткән йылда Башҡортостан ыңғай күрһәткестәргә өлгәшкән, был динамиканы киләсәктә нығытыу мөһим. Республика хөкүмәтендә үткән оператив кәңәшмәлә Радий Хәбиров беҙ тағы ла яҡшыраҡ һөҙөмтәләргә ынтылырға тейеш, тип белдерҙе. Хәбәрсебеҙ Нәфисә Кинйәбаева дауам итә. 2018 йыл менән сағыштырғанда сәнәғәттә етештереү индексы 0,8, Рәсәй буйынса уртаса күрһәткестән 1,8 процентҡа юғары. Ауыл хужалығы тауарҙарын етештереү индексы иһә үткән йылдағынан 2,6  процентҡа өҫтөн. Хөкүмәт ағзаларының Европа илдәренә эш сәфәренән һуң республитканың аграр тармағында быйыл да һөҙөмтәле үҙгәрештәр көтөлә. Башҡортостанда йәнә бер ыңғай тәжрибә – балаларҙы саф һөт ризыҡтары менән тәьмин итеү буйынса күләмле программа бойомға ашырыла. Радий Хәбиров республиканың сауҙа һәм ҡулланыусы мәнфәғәттәрен яҡлау буйынса дәүләт комитетының эшенә юғары баһа бирҙе. Төбәктә бөгөн саф һөт ризыҡтары менән 7202 бала тәьмин ителә.

“Һөт кухнялары” Стәрлетамаҡ, Нефтекама, Октябрьский, Белорет ҡалаларында асыҡ. Быйыл ошондай уҡ цех Сибайҙа асыласаҡ. 84 нөктәлә һөт ризыҡтарын таратыу ойошторолған. Өфө районында предприятие ауылдарға һөт ризыҡтарын автолавка ярҙамында тарата. Республика башлығы Башҡортостанда етештерелгән һөт ризыҡтары менән мәктәп һәм балалар баҡсаларын да тәьмин итеү мәсьәләһен хәл итергә ҡушты. Һөт кухняһын иһә республиканың Төнъяҡ-көнсығыш райондарында ла асыу мөмкинлеген күрергә тәҡдим итте. Башҡортостандың туризм төбәге булараҡ танылыуында ла былтырғы менән сағыштырғанда алға китеш күҙәтелә. Декабрь аҙағы –ғинуар башында тау саңғыһы үҙәктәрендә туристар һаны икеләтә артҡан. Өфө халҡы һәм башҡала ҡунаҡтарынан 50 меңдән ашыу кеше  TERRA ZIMA күп көнлөк фестивалендә ҡатнашҡан. Ҡышҡы күңел асыу сараларын һауа гиҙеүселәрҙең икенсе халыҡ-ара фестивале дауам итте. Самрауҙа Рәсәй төбәктәре һәм сит илдәрҙән тиҫтәләгән аэронавт Урал тауҙары аша артылды. Оператив кәңәшмәлә республика төбәктәре араһында

иғлан ителгән “Иң күркәм яңы йыл ҡаласығы” бәйгеһенә йомғаҡ яһалды. Баһалау комиссияһы боҙ һындарға ғына түгел, ҡала-ауыл майҙансыҡтарын биҙәү, йорт-урамдарҙы байрамса яҡтыртыу һәм йәштәр араһында сәләмәт тормош ҡанундарын таратыу эшмәкәрлеген дә иҫәпкә алған. Еңеүсе ҡалалар исемлегендә Туймазы, Стәрлетамаҡ, Нефтекама һәм Өфө булһа, райондар араһында Ҡариҙел, Тәтешле, Илеш алдынғы. Муниципалитеттар беренсе урын өсөн 500, икенсе урынға 200, өсөнсөгә 150 мең һумлыҡ премияға лайыҡ. Аҡсаны улар биләмә төҙөкләндереүгә йүнәлтә ала.

Радий Хәбиров ҡала-райондар етәкселегенә ойошҡанлыҡ менән башҡарылған эш өсөн рәхмәт белдереп киләһе йылда еңеүселәргә тәғәйен премия күләмен күпкә арттырырға тәҡдим итте. Ә бына торлаҡ йылытҡан өсөн түләү квитанцияларындағы хаҡтар күләмен республика башлығы етди тикшереүгә алырға ҡушты. Вице-премьер- торлаҡ-коомуналь хужалыҡ министры Борис Беляев белдереүенсә, үткән ике аҙнала БашРТС һәм торлаҡ-төҙөлөш эшмәкәрлеген күҙәтеү комитеты белгестәре йылытыу хаҡының ҡапыл артыуы теркәлгән 485 йортта иҫәп приборҙары эшенә бәйле 66, күп фатирлы йорттарҙы файҙаланыу һәм техник хеҙмәтләндереү буйынса 98 тәртип боҙоу осрағын асыҡланған. Радий Хәбиров был хәлде йома һайын үткән видеоселектор кәңәшмәһе күҙәтеүенә алырға ҡушты.

2020 йылдың 1 июленән автобустарҙа ҡулаҡсаһыҙ иҫәп терминалдары мәжбүри урынлаштырыла. Ҡағиҙәне үтәмәгәндәргә штраф һалынасаҡ. Беренсе тапҡыр 30 мең һум, ҡабаттан тәртип боҙған саҡта бер миллионға тиклем. Радий Хәбиров пассажир ташыусыларҙы был хаҡта көнэлгәре иҫкәртергә саҡырҙы. Транспорт һәм юл хужалығы буйынса дәүләт комитеты рәйесе бедереүенсә, профилактика ыңғай һөҙөмтә бирә. Йәмәғәт транспорты бурысын үтәгән йүнселдәр юл хаҡына түләүҙең берҙәм республика системаһына ҡушыла. Әлегә бер миллиард һумдан артыҡ суммаға 52 миллион 600 мең транзакция теркәлгән, уның 24 проценты “Алға” картаһы ярҙамында. Республика башлығы оператив кәңәшмәлә янғын иҫкәртеү приборҙары менән тәьмин ителеүсе ғаиләләр исемлеген киңәйтеү мөмкинлегенә иғтибар итте. Был сара бәлки Ишембай районы Ғүмәр ауылындағы кеүек бәхетһеҙ осраҡтарға сик ҡуйыр ине. 

Читайте нас в Яндекс.Дзен

һУҢҒЫ ХӘБӘРҘӘР

Смотреть видео «Беҙ бергә!» концерт-марафонды | ГТРК «Башкортостан»

«Беҙ бергә!» концерт-марафонды

Мәҙәниәт хеҙмәткәрҙәре көнөн Башҡорт дәүләт филармонияһы артистары ҙур концерт менән билдәләне. «Беҙ бергә!», тип аталған концерт-марафонды тамашасы « Башҡортостан-24 » каналы аша тура эфирҙа ҡараны. Тамашасы күренмәй, алҡыштар ишетелмәй! Тәү ҡарашҡа был репетиция кеүек. Әммә сағыу костюмдарҙа,...

27 марта 2020
Смотреть видео Онлайн-дәрестәр | ГТРК «Башкортостан»

Онлайн-дәрестәр

Республикала карантин башланыу сәбәпле, хәҙер балалар менән берлектә ололарға ла өйҙәрендә ултырырға тура килә. Ваҡытты файҙалы үткәреү өсөн күптәр интернет аша онлайн-дәрестәргә яҙыла. Берәүҙәр телефон йә иһә компьютер аша  китап уҡыһа, икенселәре иһә бейеү хәрәкәттәрен үҙләштерә. Интернет...

27 марта 2020
Смотреть видео Йөрәккә хәүефһеҙ операция | ГТРК «Башкортостан»

Йөрәккә хәүефһеҙ операция

 Башҡортостанда беренсе тапҡыр аорта кәмселеге менән пациенттарға йөйһөҙ биоклапан ҡуйылды. Айырыуса өлкән йәштәгеләр өсөн бындай алым ҡулайлы. Мәскәү кардиохирургы БДМУ клиникаһы белгестәре менән тәжрибә уртаҡлашты.. Яңы клапанды пациент йөрәгенә ҡуйыр алдынан  Мәскәү хирургы Вадим...

27 марта 2020
Смотреть видео Остеопороз һәм остеортрит буйынса төбәк-ара конференция | ГТРК «Башкортостан»

Остеопороз һәм остеортрит буйынса төбәк-ара конференция

Коронавирус сәбәпле “Остеопороз һәм остеортрит буйынса төбәк-ара конференция” ла онлайн режимда үтте. Мәскәү, Санкт-Петербург, Екатеринбург ҡалаларынан һәм күрше төбәктәрҙән профессорҙар, медицина эшмәкәрҙәре видео аша республика табиптарына лекция уҡыны. Остеопороз һәм остеортрит сирҙәре өлкәндәр...

27 марта 2020
Смотреть видео Коронавирус сәбәпле бөтә донъяла тиерлек карантин иғлан ителгән | ГТРК «Башкортостан»

Коронавирус сәбәпле бөтә донъяла тиерлек карантин иғлан ителгән

Эпидемия киң таралған сит илдәрҙә йәшәүсе милләттәршәтеребеҙ әйтеүенсә, халыҡ үҙҙәрен тыныс тота, аҙыҡ-түлеккә ҡытлыҡ юҡ. Әммә магазиндарға бер-нисә кешене генә индерәләр, шуға сираттар барлыҡҡа килә, ти улар. Хәл киҫкен булған Италияла барыһы ла карантинда ултыра. Тышҡа аҙыҡ-түлек, йәки дарыуҙар...

27 марта 2020
Смотреть видео Коронавирусҡа бәйле һорауҙар буйынса колл-үҙәк эшләй | ГТРК «Башкортостан»

Коронавирусҡа бәйле һорауҙар буйынса колл-үҙәк эшләй

Иҫегеҙгә төшөрәбеҙ, Башҡортостанда Коронавирусҡа бәйле һорауҙар буйынса колл-үҙәккә шылтыратырға мөмкин. Бында сиргә бәйле бар мәғлүмәт туплана, республикалағы хәлде лә күҙәтеп баралар. Берҙәм диспетчер хеҙмәтенә мөрәжәғәт итеүселәр көндән көн арта. Тәүлек әйләнәһенә 12 пост бөтә шылтыратыуҙарға...

27 марта 2020
Смотреть видео Башҡортостанда карантин | ГТРК «Башкортостан»

Башҡортостанда карантин

Башҡаланың алты дауаханаһы инфекцион госпиталь ойоштороу ҡағиҙәләре буйынса дәрәжәһен үҙгәртә. Республика хөкүмәте коронавирус инфекцияһы таралыуҙы иҫкәртеүҙең өҫтәмә сараларын видео бәйләнеш кәңәшмәһендә барланы. Йоғошло сиргә юғары кимәлдәге әҙерлек тәртибе тураһындағы Указға бөгөн йәнә яңылыҡтар...

27 марта 2020
Смотреть видео Яҙ нимә сәсһәң, көҙөн шуны урырһың | ГТРК «Башкортостан»

Яҙ нимә сәсһәң, көҙөн шуны урырһың

Март айының икенсе яртыһы - баҡсасылар өсөн ҡыҙыу мәл. Ҡыяр, томат, татлы борос үҫентеләре ултыртылған да инде. Туғыҙынсы тиҫтәһен ҡыуған Анатолий Ивановичтың һәр иртәһе үҫемлектәрен тәрбиәләүҙән, улар менән һөйләшеүҙән башлана. Улар бала кеүек, кәрәкле иғтибар булмағанда, бирешеп баралар, ти...

26 марта 2020
Смотреть видео Йөрәк кәмселеген юҡ итеү | ГТРК «Башкортостан»

Йөрәк кәмселеген юҡ итеү

Республика кардиология үҙәгендә кардиохирургтар махсус ҡоролма ярҙамында йөрәккә операция эшләне. Был ҡоролманы Италия белгесе уйлап тапҡан. Эустахио  Онорато  урындағы хирургтар менән видеобәйләнешкә сығып, тәжрибәһе менән уртаҡлашты. Операция өҫтәлендә 58 йәшлек ир. Ул йөрәк кәмселеге...

26 марта 2020
Смотреть видео Короновирус инфекцияһы өлкән йәштәгеләр өсөн айырыуса ҡурҡыныс | ГТРК «Башкортостан»

Короновирус инфекцияһы өлкән йәштәгеләр өсөн айырыуса ҡурҡыныс

Шуға ла үҙҙәрен изоляциялаған пенсионерҙарға волонтерҙар ярҙамға ашыға. Аҙыҡ-түлек, дарыуҙар һәм башҡа кәрәк-яраҡты йорттарына алып килә. Кемгә аҙыҡ-түлек, кемгә дарыу йә уны алыу өсөн рецепт кәрәк. Студент-ирекмәндәр өлкән йәштәгеләрҙең һәр үтенесен иғтибар менән тыңлап ярҙам итергә тырыша. Нм...

26 марта 2020
Яндекс.Метрика