Башҡортостанда вируслы инфекция ҡотора

 Рәсәй Ҡулланыусылар хоҡуғын  күҙәтеү хеҙмәтенең төбәк идаралығынан хәбәр итеүҙәренсә, эпидемиологик сик  35  процентты үткән. Республикала балалар баҡсаһы, мәктәптәр карантинға ябыла. Кешеләр инфекцияға ҡаршы препараттар, һаҡланыу сараларын алып ҡуя.   Тулыраҡ Альбина Зәйнетдинова әҙерләгән видеояҙмала. Людмила Михаил ҡыҙы  үҙ сәләмәтлегенә уяу. Ул  грипп эпидемияһынан нисек һаҡланырға икәнен яҡшы белә. Тәү сиратта битлектәр алып ҡуям, ти ҡатын. Әммә был юлы унлаған дарыухананы урап үтеп тә,  теләгәнен алмай ҡайтҡан.

Бындай осраҡтар бихисап. Күптәр битлеккә хаҡтарҙың өс тапҡырға артыуына зарлана. Аптырайһы түгел. Һуңғы аҙнала республикала грипп һәм киҫкен респиратор ауырыуҙар менән сирләүселәр һаны  ҡырҡа артҡан.  Һуңғы мәғлүмәттәр буйынса,   әлеге көнгә тиклем утыҙ меңгә яҡын кеше вируслы инфекция йоҡторған. Эпидемиологик сик  35  процентты үткән. Өфө буйынса 7 мең  ауырыу осрағы теркәлгән, шул иҫәптән биш меңгә яҡыны 14 йәше тулмаған балалар.

Гриппҡа ҡыҫҡа инкубацион осор хас. Ауырыу йоҡҡандан алып, клиник билдәләр барлыҡҡа килгәнсе 12-48 сәғәт үтә. Грипп ҡыҫҡа ғына ваҡыт эсендә шаҡтай кешене лә аяҡтан йығыуы ихтимал. Баш ауыртһа, мускулдар, быуындар һыҙлаһа, ҡапыл температура күтәрелһә– был грипптың иң төп билдәләре ти табиптар. Киҙеү  һәм киҫкен респиратор ауырыуҙарҙы дауалауға ҡарағанда иҫкәртеү отошлораҡ икәнен барыбыҙ ҙа яҡшы беләбеҙ. Шуға ла йәмәғәт урындарына ингәндә ябай, әммә бик һөҙөмтәле  һаҡланыу саралары хаҡында онотмайыҡ.

Табиптар ҙа ауырыуҙың киҫкен осоронда күп кеше йыйылған сараларға йөрөмәҫкә, шәхси гигиена ҡәғиҙәләрен теүәл үтәргә кәңәш итә. Замандаштарыбыҙ иһә  ҡәҙимге һаҡланыу сараларына мөрәжәғәт итә.

Шулай ҙа,  инфекция эләктергән осраҡта  сирле мотлаҡ медицина ярҙамына мөрәжәғәт итергә тейеш. Юғиһә, өҙлөгөү осрағында, пневмания, отит үҫеше, йөрәк-ҡан тамырҙары һәм үҙәк нерва системалары зарарланыуы ихтимал. Табип ҡына диагноз ҡуйып, дауалау ысулдарын билдәләй ала.  Шуға ла үҙ-аллы дауаланырға ашыҡмағыҙ,тип киҫәтә медицина белгестәре.

Подпишитесь на нас в Facebook


һУҢҒЫ ХӘБӘРҘӘР

Шоколад кемгә файҙалы | ГТРК «Башкортостан»

Шоколад кемгә файҙалы

11 июлдә билдәләнгән Бөтә донъя шоколад көнө уңайынан белгестәр был татлы ризыҡтың ыңғай сифаттарына байҡау яһай. Ғилми тикшеренеүҙәр шоколадтың сәләмәтлеккә файҙалы булыуын, бигерәк тә эмоциональ көсөргәнешкә дусар уҡытыусылар, артистар, табиптар өсөн уның алыштырғыһыҙ булыуын дәлилләй. Гормональ...

10 июля 2020
Хәүефһеҙлек ҡағиҙәләре үтәлеше тикшерелә | ГТРК «Башкортостан»

Хәүефһеҙлек ҡағиҙәләре үтәлеше тикшерелә

Өфөнөң сауҙа үҙәктәрендә санитар-эпидемиологик талаптарҙың үтәлешен тикшереү дауам итә. Профилактика рейдтарында Роспотребнадзорҙың төбәк идаралығы белгестәре, полиция һәм киң мәғлүмәт саралары вәкилдәре ҡатнаша. Комсомол, Завод, Һәҙиә Дәүләтшина урамдарында урынлашҡан сауҙа нөктәләрендә...

10 июля 2020
 Эҫелә ... һыуҙан һаҡлан | ГТРК «Башкортостан»

Эҫелә ... һыуҙан һаҡлан

Республика биләмәһендә һыу ҡорбандары һаны арта. 9 июлгә уларҙың һаны 78-гә етте. Шуларҙың 14-е – балалар. Үткән бер тәүлектә генә төбәк һыу ятҡылыҡтарында 9 кеше батып үлгән. Был шарттарҙа күҙәтеү органдары һәм ҡотҡарыусылар иҫкәртеү эшенә бар тырышлығын һала – киң мәғлүмәт саралары, ҡағыҙға...

10 июля 2020
Смотреть видео Ҡорбан байрамы уңайынан Башҡортостанда ял көнө иғлан ителә. | ГТРК «Башкортостан»

Ҡорбан байрамы уңайынан Башҡортостанда ял көнө иғлан ителә.

31 июлдә Ҡорбан байрамы уңайынан Башҡортостанда өҫтәмә ял көнө иғлан ителә. Быйыл Ҡорбан байрамы йомаға тура килә. Шуға өс көн рәттән — 31 июлдә, 1 һәм 2 августа ял итергә мөмкин. 30 июлдә эш көнө бер сәғәткә ҡыҫҡара. «Башҡортостан Республикаһында байрам һәм иҫтәлекле көндәр тураһында»ғы законға...

10 июля 2020
Смотреть видео Балаһын үлтереүсе ҡатын | ГТРК «Башкортостан»

Балаһын үлтереүсе ҡатын

15  йылға төрмәгә. Башҡортостандың Юғары суды үҙенең бер йәшлек сабыйын үлтереп, күмеп ҡуйған ҡатынға ҡарата ошондай хөкөм ҡарарын сығарҙы. Былтыр Дүртөйлөлә булған фажиғә бөтә республика халҡын тетрәндерҙе. 28 йәшлек ҡатын иртән йоҡонан уянғас, үҙенең сабыйын юғалтыуы тураһында белдерә....

10 июля 2020
Смотреть видео Ш.Хоҙайбирҙин исемендәге премияға документтар ҡабул итеү башланды. | ГТРК «Башкортостан»

Ш.Хоҙайбирҙин исемендәге премияға документтар ҡабул итеү башланды.

Башҡортостан Хөкүмәте ҡарамағындағы Шәһит Хоҙайбирҙин исемендәге премияны тапшырыу комиссияһы документтар ҡабул итә башланы.Положениеға ярашлы, премия 2019 йылдың сентябренән 2020 йылдың авгусына тиклемге иң яҡшы әҫәрҙәр өсөн журналистарға, шулай уҡ журналистар коллективына бирелә. Дәғүәселәрҙң...

10 июля 2020
Смотреть видео Ҡотҡарыусылар көсөргәнешле режимда эшләй | ГТРК «Башкортостан»

Ҡотҡарыусылар көсөргәнешле режимда эшләй

Аварияларҙы ваҡытында иҫкәртеү, халыҡты һәм биләмәләрҙе тәбиғәт афәттәре, техноген хәүефтән ҡурсалау – ҡотҡарыу хеҙмәтенең төп бурысы. Беҙҙең ижади төркөм  көнө-төнө кеше именлеге һағында тороусылар менән  бер эш көнө уҙғарҙы. Ашығыс саҡырыу – ҡала урамдарында юл-транспорт һәләкәте....

10 июля 2020
Смотреть видео Синоптиктар киләһе көндәрҙә лә эҫе һауа торошо вәғәҙәләй.  | ГТРК «Башкортостан»

Синоптиктар киләһе көндәрҙә лә эҫе һауа торошо вәғәҙәләй.

Республиканың көньяҡ райондарында 40 градусҡа тиклем эҫеткән. Төбәктә субтропик селлә хөкөм һөрә. Хроник сирҙәрҙең киҫкенәлешеүенән, ҡояш тейеүҙән нисек һаҡланырға? Көн эҫе тип, Башҡортостан халҡы яу һала. Яр буйҙары хатта эш көнөнөң иртәнге сәғәттәрендә үк кеше менән тулы. Бәләкәс балалар менән ял...

10 июля 2020
Смотреть видео Өфөлә ҙур тығындар көтөлә | ГТРК «Башкортостан»

Өфөлә ҙур тығындар көтөлә

Республиканың юл хәрәкәте именлеге дәүләт инспекцияһы бөгөн ҙур тығындар тураһында иҫкәртә. Йома күптәр ҡаланан сығып ҡалырға тырыша. Шул сәбәпле саҡырымдарға һуҙылған тығындар барлыҡҡа килә. Шуға ла маршрутты алдан һайларға, бик ҡабалан булмағанда шәмбе иртән юлға сығырға кәңәш ителә.

10 июля 2020
Смотреть видео Ғафури районында мәҙәни үҙәк ойошторола. | ГТРК «Башкортостан»

Ғафури районында мәҙәни үҙәк ойошторола.

Ғафури районында табип амбулаторияһын төҙөкләндереү, ҡошсолоҡ фабрикаһын ҡайтанан ҡороу һәм яңы юлдар һалыу көтөлә. Был хаҡта Республика башлығының төбәккә эш сәфәре барышында ҡарар ҡабул ителде. Родина ауылында эшләгән “ВосходСТ” ҡошсолоҡ фабрикаһында 70 мең тауыҡ аҫрала. Әле етештереү майҙанында...

10 июля 2020
Яндекс.Метрика