Үтескә аҡса алмаһа ла, бурыслы

Башҡортостанда йыш осрай торған фамилиялы кешеләргә аҙаштарының бурыстары өсөн яуап бирергә тура килә. Уларҙың иҫәптәренән аҡса юғала, мөлкәтенә арест һалына. Республикала бындай осраҡтар артҡандан-арта ғына. Ни өсөн ошолай кешеләрҙе бутайҙар һәм ғәйеп кемдә? Рәлиә Сәхибгәрәева асыҡларға тырышты. Стәрлетамаҡ ҡалаһында йәшәүсе Александр Петровтың йыл һайын, уға хәбәр итмәй генә, банктағы аҡсаһын иҫәптән сығаралар. Асыҡланыуынса, ул Салауаттағы колонияла ултырыусы аҙашы өсөн яуап бирә икән. Ошо хеҙмәттәрҙең хатаһын төҙәтеү өсөн Александр Салауат ҡалаһына йыш ҡына йөрөһә лә, был эшкә яңы пристав тотоноуы була — хәл яңынан ҡабатлана.

Аптыраштан, ир кеше адвокат яллай. Был эштә ҙур ғына хата ебәрелгән, сөнки уларҙың исем-шәрифтәре бер үк булһа ла, тыуған көндәре һәм урындары тура килмәй, ти юрист. Арест һалынған аҡсалар ике-өс айҙан һуң ғына ҡайтарыла. Ошо ваҡыт эсендә кешегә ҡытлыҡта йәшәргә тура килә, магазиндарҙа иҫәпләшә алмай, хатта кредитын да түләмәй, пеня йыйыла. Светлананың да картаһынан йыйған аҡсалары юғала башлаған. Псков ҡалаһындағы аҙашының бурыстарын түләгәнен, ул телефонына килгән смс-хәбәр аша ғына белеп ҡала. Фатир һатып алыр өсөн йыйған аҡсаһы тәүге тапҡыр иҫәбенән юҡҡа сыҡҡас, шаҡ ҡатҡан. Тәүге тапҡыр аҡсаларҙы “Хәбәрҙәр”ҙә күрһәтелгән репортаж ярҙамында тиҙ генә ҡайтарҙыҡ, әммә хәбәрселәрҙе даими саҡырып тороп булмай бит инде, ти ҡатын. Өфө районының Ҡамышлы ауылындағы ике ғаилә лә ошондай уҡ хәл ҡабатланған.

Бында йәшәүсе Васильев Владимир Ивановичҡа Мәскәүҙә йәшәүсе аҙашының бурыстары өсөн яуап бирергә тура килә. Ир үҙенең бурыслы аҙашы бар икәнен тәүге тапҡыр “Жигули” автомобилен иҫәптән төшөрә алмағас белеп ҡала. Һөҙөмтәлә, уны металлоломға ғына тапшыра ала. ВАЗ 2110 маркалы машинаһы менән дә ошондай уҡ хәл була. Өҫтәүенә, дәүләт хеҙмәттәре порталына инеп, 94 мең һумға яҡын бурысты күреү менән Владимир Ивановичтың һаулығы ҡаҡшай. 8 миллион һумға тиклем бурысы булған аҙашы бар икәнен белгәндән бирле күңел тыныслығы юҡ, ти Васильевтар. Төрлө хәлдәр була ҡалһа тип, йорт менән ер бүлемен ҡатынының исеменә яҙҙырғандар. Әммә был алым да бер ниндәй ҙә гарантия бирмәй. Благовещен ҡалаһында йәшәүсе Сергей Никитин да бындай аҙашлыҡҡа шат түгел. Яңы автомобилгә тип банкка һалып барған уның аҡсаларынан елдәр иҫкән.

Машина алып һөйөнөр урынға ул 90-сы йылда уҡ алған иҫке тимер атын көйләргә мәжбүр. Баҡтиһәң, аҡсалар Волгоград ҡалаһында йәшәгән аҙашының балаһына киткән. Тегеһе алиментын ваҡытында түләмәгән, ә бөтә бәлә Башҡортостандағы Сергейҙың елкәһенә төшә, хатта ғаиләһендә лә ыҙғыштар булып ала. Ҡатыны алимент һүҙе яҙылған хатты алғанын әле лә тыныс ҡына иҫкә төшөрә алмай. 3 балалы ғаилә бер көндә юҡҡа сыға яҙа. Суд ҡарарын башҡарыусылар үҙҙәрендә ғәйеп күрмәй. Беҙ банк биргән мәғлүмәттәр менән генә эш иттек, тип аҡланған. Ә Башҡортотан буйынса Федераль суд приставтары хеҙмәтендә аңлатыуҙарынса, был башҡарыу эше буйынса закондарҙың камил булмауына бәйле.

Нисек кенә булмаһын, приставтарҙың эшендә бурыслы урынына аҙаштарының ҡармаҡҡа эләгеү осрағы ғәҙәти күренеш. Әлеге мәлдә федераль кимәлдә проблеманы хәл итеү юлдарын эҙләйҙәр. Әммә әлегә бурыслыны исем-фамилияһы аша ғына эҙләйҙәр. Шуға ла күп осраҡта аҙашына барып юлығалар ҙа инде. Әлегә аҡсаларын юғалтҡандарға ҡайтарыу юлы бер: башҡарма эше ҡуҙғатылған суд приставтары хеҙмәтенә хат менән мөрәжәғәт итергә кәрәк. Ул хатҡа паспорт, ИНН, СНИЛС кеүек документтарҙың күсермәһен беркетеп ебәреү зарур. 

Читайте нас в Яндекс.Новостях


һУҢҒЫ ХӘБӘРҘӘР

Смотреть видео Сирлеләрҙе дауалауҙың яңы ысулы | ГТРК «Башкортостан»

Сирлеләрҙе дауалауҙың яңы ысулы

Республика медицинаһы яңы үрҙәр яулай. Өфөлә, хәҙер ультра тауыш ярҙамында тремор сирен, йәғни, аяҡ-ҡулдар быуындары  ҡалтырауын дауалайҙар. Паркинсон ауырыуы менән яфаланыусыларҙы хәҙер операцияһыҙ ҙа аяҡҡа баҫтырып буласаҡ. Уникаль кадрҙарҙы иһә беҙең телекомпанияға табиптар үҙҙәре тәҡдим...

22 мая 2020
Смотреть видео “Балалар” проекты республика башлығы грантын аласаҡ | ГТРК «Башкортостан»

“Балалар” проекты республика башлығы грантын аласаҡ

Башҡорт телендәге йәнһүрәттәр республика башлығының айырым грантына лайыҡ булды. “Балалар” интернет-проектын бойомға ашырыу менән Өфөлә йәшәүсе ижади ғаилә шөғөлләнә.  “Һаумыһығыҙ, минең исемем Өммөбикә”-, ти өкө. Геройҙарға исемдәрҙе автор тиҙ уйлап сығара, ә уларҙың тышҡы ҡиәфәте өҫтөндлә...

22 мая 2020
Смотреть видео Бизнесҡа ярҙам | ГТРК «Башкортостан»

Бизнесҡа ярҙам

Республиканың иҡтисади үҫеш министрлығы пандемия осоронда бизнесҡа ярҙам итеү өсөн документтар пакетының икенсе өлөшөн әҙерләй. Башҡортостан ҡаҙнаһы был тармаҡҡа йәнә 15  миллиард һум бүлергә тейеш. Әлегә ойошмалар һәм ширҡәттәргә мөлкәт һалымын түләмәү мөмкинлеге бар.  Уйын...

22 мая 2020
Смотреть видео Мосолмандар Ураҙа ғәйетенә әҙерләнә | ГТРК «Башкортостан»

Мосолмандар Ураҙа ғәйетенә әҙерләнә

Башҡортостанда 24 майҙа мосолмандарҙың изге Рамаҙан айы тамамланыу уңайынан Ураҙа байрамы билдәләнә. Был көндә мәсеттәрҙә һәр ваҡыт диндарҙар ҡатнашлығында йәмәғәт намаҙҙары уҡылды. 18 майҙа Башҡортостан башлығы Радий Хәбиров хөкүмәттәге оператив кәңәшмәлә быйыл Ураҙа байрамы онлайн режимында...

21 мая 2020
Смотреть видео Яңы күпер | ГТРК «Башкортостан»

Яңы күпер

Өфөнөң көньяҡ өлөшөндә, Воровский урамы ҡапҡаһында, Ағиҙел йылғаһы аша яңы күпер төҙөлөшө бара. Оҙонлоғо 668, киңлеге 16,7 метрлы ҡоролма “Имен һәм сифатлы автомобиль юлдары” милли проектын бойомға ашырыу сиктәрендә һалына.  Проект документацияһына ярашлы төҙөлөш ике өлөшкә бүленгән. Тәүҙә...

21 мая 2020
Смотреть видео Яҙ ҡыбырлағандың, ҡыш ауыҙы йыбырлар | ГТРК «Башкортостан»

Яҙ ҡыбырлағандың, ҡыш ауыҙы йыбырлар

Башҡортостанда иген культураларын сәсеү тамамлана. Аграрийҙар яҙғы баҫыу эштәренең киләһе этабына күсте.  Ҡайһы бер ауыл хужалығы хеҙмәткәрҙәре йылы яртҡан культураларҙы – кукуруз, борсаҡ  сәсеүгә тотондо. Бынан тыш республикала беренсе тапҡыр баҫыуҙарға торма һәм етен ултыртыласаҡ....

21 мая 2020
Смотреть видео Күңелле, тик хәүефле | ГТРК «Башкортостан»

Күңелле, тик хәүефле

Өфө хакимиәте йәштәрҙең ирекле һәм күпләп осрашыу урындарын күҙәтеүгә алырға йыйына. Айырыуса Салауат Юлаев майҙаны алдындағы машиналар ҡуйыу урыны иғтибарҙы йәлеп итә. Әлегә тиклем бында битлек режимы үтәләшен полиция һәм йәмәғәт тәртибе һағы хеҙмәткәрҙәре контролдә тота ине.  ...

21 мая 2020
Смотреть видео Тиҙҙән ҡурай тажы асыла | ГТРК «Башкортостан»

Тиҙҙән ҡурай тажы асыла

Өфө эргәһендәге инфекцион госпиталь төҙөлөшө тамамланыуға бара. Объектты ҡулланыуға тапшырыу өсөн бер аҙналай ваҡыт ҡалды. Дауахананың корпустары төҙөлгән, әле биләмәне йәшелләндереү, ҡыйыҡ төҙөү, биҙәү эштәре башҡарыла. Яңы дауахана ниндәй була? Был хаҡта беҙҙең хәбәрселәр әҙерләгән репортажда...

21 мая 2020
Смотреть видео Ат сабыш турниры | ГТРК «Башкортостан»

Ат сабыш турниры

Башҡортостан – Рәсәйҙә коронавирусҡа ҡаршы режимды йомшартыу осоронда спорт ярыштарын уҙғара башлаған беренсе төбәк. 23 майҙа «Аҡбуҙат» ипподромында «Терра Башҡортостан» республика ат-спорт турнирының өсөнсө этабы була. Ярыштар тамашасыһыҙ үткәрелә. Өсөнсө этапта ипподром аттарында Архангел, Бөрө,...

20 мая 2020
Смотреть видео Өфөлә 50 метрлыҡ “Нефтяник” бассейнын реконструкциялау тамамланды | ГТРК «Башкортостан»

Өфөлә 50 метрлыҡ “Нефтяник” бассейнын реконструкциялау тамамланды

Ошо турала социаль селтәрҙәге сәхифәһендә Башҡортостан башлығы Радий Хәбиров хәбәр итте. Бассейн заманса итеп эшләнгән, залда ҡоролмалар һәм һикереү өсөн вышка урынлаштырылған. 1967 йылда төҙөлгән бинала быға тиклем бер тапҡыр ҙа ремонт башҡарылмаған булған һәм ул 70 процентҡа иҫкергән. Объектта...

20 мая 2020
Яндекс.Метрика